Lai Châu: Têx uô tâu jông tso công an huyện lok uô hâux lưv hâur xã

Jok Bút Dưới, xã Trung Đồng, huyện Tân Uyên muôx zuôr xar 100 chuôz zis tsôngv box Poz Ziz uô nênhx nhoz. Txix thâuv ntêx txos nhiv no, tsôngv box khênhr uô nênhx nhoz uô cê, siz hluz siz paz, tsêr luz nhoz tik luz, tsi muôx lax caz xor thêir, txơưv muôx lok cux lav xor mê njik têx ntông, lok sik cxiv poz jêz thêir kis, jêx jok tsi yuô truôx tuk, khênhr muôx tuz saz tuz nhiês. Txix hnuz tso canr bôv Công an huyện lok uô hâux lưv hâur xã, tuôx qênhz yuôx shuôs têx jêx jok, qơư nhoz, yênhx lix tổ côngz xưv ntơưv jok, thax tsav qơư tưz tror truôx tuk, nox nhoz njiês to. Niêv lâuk Tòng Thị Là, nhoz jok Bút Dưới, xã Trung Đồng, huyện Tân Uyên shir phaz heik:

“Muôx công an, canr bôv hâur xã moz siêz txos pêz, nhiv no tsi muôx tuz saz tuz nhiês li thâuv ntêx lơưv. Nhiv no pêz tso siêz uô nox, tu têx yuôx zêx, uô liêx têz. Tov kaz no pêz zuôr uô trơưk canr bôv công an xã”.

Zos xã tox siêz hâur huyện Tân Uyên, têx shông đrav ntêx, Trung Đồng zos thax tsav phiv liv lok sâuv tsi truôx tuk. Thax tsav xã đar, muôx 19 jok thiêz 4 heir nênhs uô nênhx nhoz uô cê thiêz hâur thax tsav qơư muôx 8 jok yêik txar lok nhoz yiêz, tsik so muôx yưv têx tsi truôx tuk. No cux zos thax tsav qơư tưz muôx jiês siz pênhr chôngz lênhx nênhs txos trâu têx hâu nov thênhv siêz.  Uô lơưr Ban Giám đốc Công an tỉnh Lai Châu chox kriê lok sâuv phênhz công an muk uô hâux lưv trâu ntơưv têx xã muôx yưv ntâu phiv liv, tsi truôx tuk, công an huyện Tân Uyên tưz qênhz shuôs, xeir tsov têx lênhx canr bôv công an muôx txux chi tsưr ziv uô nuv jông chiê hlôngr, tso mul uô hâux lưv trâu hâur xã. Đhâu zuôr xar iz shông công an huyện lok uô hâux lưv hâur têx xã, ntơưv qơư tưz tror truôx tuk, nox nhoz njiês to. Trung úy Tà Xênhv Lâux, Tsar công an xã Trung Đồng, huyện Tân Uyên heik pâuz:

“Uô ntêx thâuv pêz lok no uô hâux lưv mak thax tsav qơư no zos iz thax tsav phiv liv, tsi yuô truôx tuk. Tiv iz hâur thax tsav  muôx 8 jok yêik txar lok nhoz yiêz mak muôx têx ntơưr siz pênhr txos trâu têx hloz thênhv siêz cik txos qơư nhoz. Têx têx phiv liv, uô cxâuv chei li: Nhiês zuôr muôs, uô luôv zax zênhz, trâus tik cêr cxâuv mak cux muôx ntâu lênhx nênhs. Taz sik nhiv kruôr đhâu, pêz chêx tsôngk lol qênhz yuôx thiêz qênhz shuôs đuô têx qơư cuz nxor, têx jok phiv liv lok sâuv tsi yuô truôx tuk mak pêz cux tưz muôx têx tsưr ziv uô”.

Huyện Tân Uyên muôx 10 xã, thị trấn mak nhiv no tưz muôx 3 xã tâu phênhz canr bôv công an lok uô hâux lưv, zos xã Trung Đồng, Pắc Ta, Phúc Khoa đros trâu 11 lênhx canr bôv. Đhâu iz shông fuô uô lơưr hâux lưv tso tơưv, xuz thơưx têx canr bôv công an tưz uô tâu jông têx hâux lưv zok muôz, nhoz đros tsôngv px, sưv jê px, đơưk tu zênhx max têx txuz nuv phiv liv thiêz paz truôx tuk thax tsav qơư. Thượng tá Nguyễn Đức Trường, Phưv Tsar Công an huyện Tân Uyên, tỉnh Lai Châu heik pâuz:

“Xuz thơưx uô tâu lok six jông, no zos lưv lươngv công an tâu choz kriê txux chi, tsưr ziv uô hâux lưv jông. Thâuv hla đhâu têx tsưr ziv lês uô hâux lưv mak mul hâur thax tsav qơư uô jông hâux lưv nhênhz chơưv trâu cấp ủy đảng, hâu nov ntơưv qơư, đros têx tsưr tsix đoanx thêv đơưk uô jông têx luôs hâux lưv truôx tuk thax tsav qơư. Thâuv đơưk uô têx hâux lưv ntơưv qơư mak taz por uô tâu sei thiêz jông, trơưk chei têz qơưk, tsi chiê muôx yưv têx txuz phiv liv, yênhx cuz nxor ntêr. Chor đôngx chir pâuz lok six tsênhz mênhx txiv ngaz ntơưv qơư , car seiz truôx jông lênhx nênhs”.

Công an huyện muk uô hâux lưv hâur têx xã nhoz thax tsav huyện Tân Uyên, tỉnh Lai Châu tưz thiêz  tsênhv paz zov chênhr trâu phax tir thêir têx nênhs fêv, nênhs uô cxâuv chei têz qơưk hâur thax tsav; iz chas ntơư fuô uô tâu jông đuô têx tsưr ziv lês uô cxuô luôs hâux lưv zok muôz. Thôngz đhâu co, canr bôv, chiến sỹ cux muôx six hơưv chiê chuôs njiz, sik cơưv shâuv têx txux chi, tsưr ziv uô hâux lưv, bax tâu jông đuô têx tsưr ziv hâur lês uô têx hâux lưv choz zok, zênhx max nhênhz chơưv trâu cấp ủy, hâu nov ntơưv qơư đơưk tu tâu sei thiêz jông têx cêr cuz nxor, tsi truôx tuk, paz tsôngv px tso siêz huôv tsar uô nox uô hnar, cxuz cêr yeiz pluôs./.  

(Khắc Kiên-Riê Lâux cxeik, nhênhv)

Heik kriê tsưr ziv zôngv yuôx por vêv đrox tsuôk lơưr tsưr ziv 4 uô trơưk thiêz sâu por tsês têx hưx, hnaz tso yuôx por vêv đrox tsuôk đhâu thâuv zôngv tas sâuv thax tsav tỉnh Sơn La shông 2019

          Tsôngv cưr tix fôngx zưs hmor yuô! Cxôngx hli 3 shông no, caz hmoz hâur cheix ntux lax tưz huôv xênhz đêz đar sâuv tas nro tỉnh Sơn La. Txos nhiv no, tưz muôx 22 cxênhz hecta poz cưk, tsav 22% mênhv chêx trâus caz hmoz uô ruôr hiêv, ntâu mênhv chêx poz cưk tsuv tsuôk yuôx cxôngx 2-3 jiês yuôx por vêv đrox tsuôk chiê phax tar caz hmoz, ntâu qơư tsuv đoz tas têx poz cưk tưz chos chiê tror chos yiêz. No zos zav caz hmoz yiêz, huôv xênhz sei, ruôr hiêv sei, tsi tâu muôx ntâu yuôx por vêv đrox tsuôk tuô tâu zav caz no, uô trâu luôs hâux lưv chox kriê phax tuô caz njiz ntâu phêv liv.

          Tỉnh Sơn La tưz chox kriê nganhx kôngz nuv thiêz têx tiv phaz chêx chôngk phax tar caz uô hiêv poz cưk; tsưr tsix kriê cxaz, heik kriê tsưr ziv jênhv pâuz thiêz tsưr ziv phax tuô caz trâu têx cán bộ nganhx kôngz nuv cấp huyện, xã thiêz tsôngv box ntơưv thax tsav chos poz cưk; cxiv tsa têx trâur nuv siv têx tsưr ziv, têx zav yuôx por vêv đrox tsuôk hâur phax tuô caz. Đros co zos yax kriê, vênhv tôngv tsôngv box nôngx mênhx chos poz cưk, tsov cưv txos nôngz poz cưk muôx jos tir tar caz uô hiêv; yax six muk seiz têz poz cưk, pov nzor chiê muôx tsưr ziv phax tuô caz...Heik doanh nghiệp đăng cir yuôx phax tuô caz lơưr cui tênhv nhiv no, tsov cưv txos yuôx por vêv đrox tsuôk sinh học.

Nhạc cắt

          Heik kriê tsưr ziv sâu por tsês têx hưx, teik hnaz tso yuôx por vêv đrox tsuô thâuv zôngv tas:

          - Hnaz tso yuôx por vêv đrox tsuôk thâuv zôngv tas mak tsuv sâu lok tso hâur têx qơư cui tênhv.

          - Qơư tso tsuv taz por têx zoz qơưx li no:

          + Tso ntơưv qơư huv đros, zôngx ziv jênhv pâuz thiêz nhoz jê têx ntus cêr, ntus liêx, tsi trâus đêx ngaz, jê qơư đo yuôx uô ntêx thâuv chox muk tsuôs trâu liêx têz chiê zôngx ziv muôz por tsês; tsi uô zênhr shar txos hâur đêx xênhz huôx, qơư tsôngv box nhoz uô nênhx...

          +Tâu zôngv chuôz zênhx uô jông, truôx, tsi trâus zeis, xêz, tsi xâu yuôx trâu hâur ar, taz por tsi trâus chuô, đêx cuôr yôngz;

          + Qơư tso tsuv huv đros thiêz zôngx ziv thâux têx hnaz yuôx por vêv đrox tsuôs chox muk por tsês. Qơư co tsuv uô cov lox 0,5 txos 1 yiv đruôz, muôx hâu vor cov ntov. Thâuv muôx chuô lox, đêx nas tsi trâus cuôr lơưv; phax tar tâu đêx nas ntưs lok hâur qơư tso têx hưx, naz tso yuôx por vêv đrox tsuôk;

          + Saz đrâuv qơư tso tsuv sâu tsênhz mênhx “qơư tso têx hưx, hnaz tso yuôx por vêv đrox tsuôk đhâu thâuv zôngv tas” thiêz muôx đuôz canhv pov riêz nênhs lơưr ploz tsênhr Việt Nam TCVN 6707:2009 lok tsơưr riêz nênhs;

          + Tsov lơưr tsoz chos thiêz hâux lưv sir zôngv yuôx por vêv đrox tsuôk, têx qơư por tsês têx hưx, hnaz tso yuôx por vêv đrox tsuôk đhâu thâuv zôngv tas tsuv taz por. Taz sik tsơưs tiv zix 03 hecta ar tsêz chos tsuv muôx 1 qơư tso hâur yênhx shông lok sik 10 hecta ar tsêz chos ntông ntêr shông sir zôngv yuôx por vêv đrox tsuôk./.

(Bích Thủy- Txâur Vax cxeik nhênhv)