Công an Sơn La paz trâu pêx xênhv nhoz thax tsav qơư muôx caz moz

Kuôk Tsênhv qơư xar Huy Thượng tsuôk muôx 7 cêik cêr, taz sik chiê muk txos tâu trâu jok Núi Hồng tsuv tas lok six ntâu six hơưv ndê trôngz, hla đêx. No zos xar Huy Thượng li luz jêx jok tsôngv box Hmôngz, pêx xênhv luz nênhx tsênhv yuôr ntâu txov nhêv. Pâuz tâu txos têx cêr txov co, tiv zix zos hâur têx hnuz pêx xênhv uô lơưr cêv kuôk xar hôiv, Công an Phù Yên tưz tsik cxơưx txos cêr đêz, muk txos ntuô trâu yênhx chuôz zis chiê muôz hax huv cxuô zav paz trâu pox nhuôs. Txêik tâu têx hax huv paz txix Công an huyện Phù Yên, tix lâus Pao Xênhv Thox, nhoz jok Núi Hồng puz pâuz, oz pêz hnuz uô ntêx mê nhuôs muôx moz cux tâu canr bôv paz zuôr yuôx tuôx trâu nox, 3 hnuz iz jiês ho tâu canr bôv gra hax huv zav nox tuôx paz ti gâuk ntơưv tsêr, tix lâus thiêz pox nhuôs hâur jêx jok lok six shir phaz:

Băng tiếng Mông

Nhiv no, sâuv thax tsav huyện Phù Yên muôx 5 thax tsav qơư phiv liv lok caz moz zos chor xar: Huy Thượng, Huy Tân, Huy Bắc, Quang Huy thiêz đrôngl huyện Phù Yên. Pâuz tâu txos pêx xênhv têx phiv liv hâur jiês huôv xênhz caz moz no, Công an huyện Phù Yên tưz chox kriê lưx lươngv Công an ntơưv cxuô thax tsav qơư sir jos chuôz cxaz uô têx tsưr ziv chiê paz thiêz txoz cxơưx trâu pêx xênhv luz nênhx. Thâuv tưs muôx hax huv chơưv paz, cán bộ, chiến sĩ tsuv txêik nhav hax huv, đhâu co muôz phêiz uô yênhx   hnaz, thâux xa muk txos trâu têx xar, jêx jok sâuv thax tsav. Têx hâux lưv txơưv tiêk zâu, taz sik muôx tsiv gri tsênhv tsênhz, paz phêiz kênh đros chor nênhs muôx luz nênhx txov nhêv, njiz trâus phiv liv hâur jiês cêv kuôk no, đhâu co paz trâu pêx xênhv truôx tuk luz nênhx, tso siêz sik côngv têk phax, tar caz moz Covid-19. Thiếu tá Dương Thế Mạnh, Trưởng Công an xar Huy Thượng, huyện Phù Yên hêik: “Pêz tưz tso nênhs muk ti gâuk pêx xênhv chiê muôz têx hax huv, zav nox thiêz chuôz zênhx y têr paz trâu pox nhuôs muôx luz nênhx truôx tuk hâur ntu muôx caz moz phiv liv no”.

Chiê paz huyện Phù Yên nzor cêv kuôk thax tsav, tir tar caz moz, thâuv chor nênhs trâus cik caz moz tsênhv chuôz ndê, Công an tỉnh Sơn La tưz tso xar muôx 100 lênhx cán bôv, chiến sỹ muk paz trâu huyện Phù Yên. Txơưv njiz trâus ntâu kror phiv liv, tiv zix zos zôngx ziv cik tâu caz moz siêz tiv muôx ntâu lênhx nênhs trâus cik moz đrâuv côngv thôngx. Tsênhv tsênhz, tưz muôx công an viên ntơưv xar Huy Thượng cik caz moz hâur ntu uô hâux lưv. Txơưv tiêk li, yênhx lênhx canr bôv, chiến sỹ puôr lênhx pâuz tâu tiêk, công an cux zos txix pêx xênhv xưz, viv li, txơưv phiv liv luôx tưs cux tsuv sir jos, viv Đảng, têz qơưk thiêz pêx xênhv. Trung sỹ Lò Văn Phong, chiến sỹ Phòng Cảnh sát cơ động, Công an tỉnh Sơn La muk paz trâu huyện Phù yên puz pâuz: “Tâu paz ciês trâu pox nhuôs li no, txơưv tiêk pêz njiz ntâu kror phiv liv, taz sik no zos lênhx chiến sỹ công an têx siêz xar paz trâu pêx xênhv, tâu sơưr đơưk cxơưz cxiz mak pêz cux lok six shir phaz zuôr sir jos đuô thiêz cov uô tiêr tâu jông têx hâux lưv tâu choz zok”.

Tiv moz Covid-19 sâuv thax tsav tsênhv txơưr txar phiv liv, huyện Phù Yên tsênhv tror hêik pêx xênhv tsuv nhoz truôx jông ntơưv zuk qơư nhoz. Iz chas đros lưx lươngv muôx vax huôv kriz uô jông têx tsưr ziv phax tar caz moz, lưx lươngv Công an Sơn La xav jênhv zuôr nzor kriz uô ndar six hơưv têx hâux lưv paz trâu pêx xênhv, chiê cxuô lênhx pêx xênhv muôx cov txâuk nox hâur têx hnuz cêv kuôk xar hôiv thiêz sik đros côngv đas jos tsưr ziv tir tar cov tâu caz moz Covidi-19./.

(TTTB-Lik Thox cxêik nhênhv)