Lai Châu tsik chiê têx hax huv chuôr, hax huv tsik jông muôs ntơưv têx ciêz tox siêz

Ciêz tox siêz Sang Thàng, thành phố Lai Châu zo pêx xênhv chor xar, phường nhoz thành phố thiêz huyện Tam Đường li tsênhv qơư zuôr muôs hax huv. Txos  trâu hnuz uô ciêz thưr 5 thiêz hnuz ciêz yênhx ciêz muôx yênhx cxênhx lênhx nênhs tuôx trâu ntơưv ciêz chiê zuôr muôs têx hax huv. Ntơưv no mak muôs cxuô zav li khâu, trik yo, zav nox... Hax zav jêz tsiêz mak ciêz Sang Thàng hax zav muôx chôngz nênhs zuôr muôs hax huv đuô thiêz têx hax huv cux muôx ntâu đuô. Chiê pêx xênhv tsik zuôr tâu têx hax huv chuôr, hax huv tsik jông, đrâuv tuôr truôx ngaz tuk, tôv sêiz car ciêz tsik so hêik pâuz sâuv loa nta suôz chiê hêik sơưr đơưk pâuz nzir txos têx hax huv chuôr, hax huv tsik jông. Niêv tix Vũ Thị Kim Ngân, iz lênhx nênhs zuôr huv ntơưv ciêz Sang Thàng, thành phố Lai Châu puz pâuz: “Pêz zos chor nênhs tuôx zuôr huv ntơưv ciêz viv li tsuv sêiz sêz chor hax huv co puôk  jông. Thâuv sêiz shuôk  zos pov chor hax huv co tsik jông, zos hax huv chuôr mak pêz hêik trâu ban sêiz car ciêz thiêz chính quyền ntơưv qơư pâuz chiê xưv lik trơưk cui tênhv. Viv zos têx hax huv co tâu muôs ntơưv ciêz mak zuôr uô phiv liv txos đas jos, hok trik yo mak tsơưr lươngv zuôr tsik jông…”

Đrâuv uô têx hnuz ciêz, nhiv no ciêz Sang Thàng tsênhv tsưr tsix uô ciêz muôs thâuv hmo ntux thưr 7 yênhx ciêz, đros muôx têx hâux lưv vênhx huôv thiêz zav nox chiê phưx vưv trâu pêx xênhv hâur thax tsav qơư thiêz chor kruô du lịch. Chiê qênhz yuôx thiêz tir tar tâu jông chor hax huv chuôr, tsik jông thiêz uô jông ngaz tuk vêv xênhz zav nox, UBND thành phố Lai Châu tưz chox kriê chính quyền xar sir jos qênhz yuôx, xưv lik truôx chor nênhs uô cxâuv. Zơưv Hoàng Văn Sinh, Chủ tịch UBND xar Sang Thàng, thành phố Lai Châu puz pâuz: xar tưz tso nênhs sik côngv đros lưx lươngv sêiz car ciêz đrôngs, công an, y têr… tsik so qênhz yuôx txix uô txos zuôr muôs hax huv ntơưv ciêz. Tiv zix, chor đoanx thêv thiêz công an xar tsênhv sir jos uô côngz xưv qênhz yuôx, yax kriê thiêz hêik pêx xênhv uô jông lơưr têx cui tênhv lok zuôr muôs têx hax huv, tiv zix zos chor hax huv zav nox: “UBND xar chox kriê chor nganhx, đoanx thêv sir jos yax kriê trâu pêx xênhv pâuz, chiê paz trâu sơưr đơưk jênhv pâuz tsênhz đuô têx hax huv chuôr, hax huv tsik jông. Đros têx qơư kinh doanh, UBND xar tsik so sik côngv đros cơ quan muôx vax huôv muk qênhz yuôx cov truôx jông”.

Đrâuv têx tsênhv qơư zuôr muôs hax huv nhoz thành phố thiêz thị trấn chor huyện, nhiv no sâuv thax tsav tỉnh Lai Châu muôx 23 xar ntus đriv, đros muôx 4 ciêz muôs hax huv lơưr thax tsav zos San Thàng (thành phố Lai Châu), pa Tần (huyện Sìn Hồ), Dào San, Sì Lở Lầu (huyện Phong Thổ). Đrâuv chor ciêz no mak ntơưv thax tsav qơư tsênhv muôx ntâu kror qơư muôs hax huv zâu ntơưv têx tsênhv qơư chor xar tox siêz, ntus đriv. No tâu sêiz zos têx qơư mak chor nênhs fêv tsik so muôs têx hax huv chuôr, hax huv tsik jông trâu pêx xênhv.

Chiê sơưr đơưk tsik zuôr tâu têx hax huv chuôr, tsik jông, Cục sêiz car ciêz đrôngs tỉnh Lai Châu tưz chox kriê tas nro 5 đôiv sêiz car ciêz đrôngs sir jos uô hâux lưv. Tsênhv njiêz qênhz yuôx mak tâu uô trâu têx hax huv zov chênhr tâu sir zôngv ntâu hâur jiês tsiêz li: hax huv điện tử, điện lạnh, trik yo, khâu, nduôr thax, đêx kaz jiz, chơưr, bia. Zơưv Đỗ Văn Tính, Qênhx Cục trưởng Cục sêiz car ciêz đrôngs tỉnh Lai Châu puz pâuz: “Cục sêiz car ciêz đrôngs tỉnh Lai Châu tưz tso tơưv tsưr ziv qênhz yuôx thâuv uô ntêx, hâur thiêz đhâu tsiêz; 100% chor nênhs uô hâux lưv tưz muk trâu têx thax tsav qơư chiê uô côngz xưv nriêr pâuz thax tsav. Ciês chor ciêz tox siêz mak pêz qênhz yuôx tsik so thiêz muôx tsưr ziv qênhz yuôx chor xar ntus đriv. Pêz zuôr tsêx trung trâu chor ciêz, tso cán bộ muk trâu cxuô thax tsav qơư chiê qênhz pov thiêz xưv lik, sâu tsês têx hax huv tsik jông”.

Shông 2020, Cục sêiz car ciêz đrôngs tỉnh Lai Châu tưz qênhz yuôx 1.000 ntâu qơư uô nox, kinh doanh sâuv thax tsav, xưv lik 500 ntâu txuz uô cxâuv, hâur co xar muôx 200 txuz uô cxâuv lok hax huv chuôr, hax huv tsik jông, tsik zos chêi thiêz tsik ngaz tuk zav nox…Ciês txix thâuv hâur hlik hli 12 txos nhiv no, taz viv tưz qênhz yuôx 50 ntâu qơư, xưv lik 20 ntâu txuz uô cxâuv, đros chor nhiêx xưv bluô thiêz têx hax huv sâu tsês tâu muôx 110 triệu đêiv ntâu./.

                                                                                                         (Khắc Kiên-Lik Thox cxêik nhênhv)

Cxuôv cêr yeiz pluôs khov tu zus keiz

Zos iz hâur 42 ziv chuôz zis cxaz chuôz dự án, niêv lâuk Zênhz Xênhv Thox, mênhx cxưx Hmôngz nhoz jos Pá Lau, xã Pá Lau tâu muôz 70 tul keiz txuôv thiêz 13 poz krâur, txâuk chiê zus keiz txos thâuv keiz lox.

          Nôngz keix niêv lâuk Zênhz tâu cungz li têx jông zos khênhr nox, muôx đas jos tir tar qiv hơưv txơưr txar thiêz moz siêz, txơưx tsoz phưz nhuôv keiz, greix nox kaz, tiv zix zos pox keiz. Keiz txuôv ntês kê nzor, iz tul pox keiz iz shôngk ntês cxôngx 80 txos 120 luz kê.

          Zos chuôz zis pluôs hâur jos, tsi tâu muôx jiês tưs niêv lâuk zus ntâu keiz li ntơưv, ho tâu cungz krâur chiê zus, niêv lâuk Zênhz lok six jông siêz thiêz heik: “Cur lok six jông siêz viv nôngz keiz no zôngx ziv tsoz phưz. Thâuv jênhv keiz, cur tâu cán bộ cxiz kôngz tuôx ciês ntơưv tsêr heik kriê tsưr ziv tu zus, viv li keiz huôv tsar jông, tul lox mak cux tâu 1 cir ntâu”.

          Niêv lâuk Ly Xênhv Thox, cux zos chuôz zis tâu jênhv phênhv paz txưv keiz ntês kê cxôngx dự án. Niêv lâuk Ly puz pâuz, txơưv tsi zos nôngz keiz tiv phaz, taz sik niêv lâuk li paz keiz sưv sei đros qiv hơưv thiêz tsưr ziv tu zus ntơưv tiv phaz. Keiz hloz lox sei thiêz tas nro puôr lênhx chiêx. Đros niêv lâuk Ly paz keiz no tsi taz paz niêv lâuk muôx cxaz phênhv sâu mak tsênhv paz niêv lâuk 2 tul mê nhuôv chuôz cxaz tsơưr pưr viv muôx greix keiz nox:

          Tiếng Mông:

          Hli 7/2020, Cục kinh tế sik hux jos thiêz huôv tsar nôngx cxênhz (Bộ kôngz nuv thiêz huôv tsar nôngx cxênhz) đros têx taz viv muôx lênhx coaz krêz uô “Dự án cxiv tsa trâur nuv huôv tsar tu zus keiz ntês kê reik đros tsaz yênhx cxuôv cêr yeiz pluôs ntơưv tỉnh Yên Bái” đros jos Pá Lau, xã Pá Lau, huyện Trạm Tấu. 42 ziv chuôz zis nhoz no tâu sơưv liv. Iz chuôz zis tâu jênhv 70 tul keiz txuôv thiêz 300 cir krâur, taz por txâuk tu zus keiz txos thâuv hloz lox. Tas nro pênhr uô zos zuôr xar 600 tsov đeiv, hâur co nhiêx txiêx Trung ương paz zos 400 tsov đeiv, tsôngv box yưv 190 tsov đeiv.

          Zos xã txov nhêv tiv zix huyện Trạm Tấu đros chor chuôz zis pluôs zos 50% ntâu, qênhx shênhx mê nhuôs muôx tsi txâuk tsơưr pưr tsav siêz, ziv li hâux lưv krêz uô Dự án paz pox nhuôs nhoz Pá Lau chuôz cxaz phênhv sâu huôv tsar kinh têr, cxuôv yeiz thiv pluôs; thôngx cxix txu grês qênhx shênhx mê nhuôs ruôr trâus tsơưr pưr nhoz sâuv thax tsav. Zơưv Vax Xênhv Hơưx, Chủ tịch UB xã Pá Lau, huyện Trạm Tấu, tỉnh Yên Bái puz pâuz: “Xar njôngr dự án no huôv tsar, pêz zuôr krêz uô đêz đar txos têx jêx jos txơưr chiê tsôngv box muôx phênhv sâu”.

          Đros yênhx côngz xuz thơưx nhoz Pá Lau, tsôngv box xar njôngr “Dự án cxiv tsa trâur nuv huôv tsar tu zus keiz ntês kê reik đros tsaz yênhx cxuôv cêr yeiz pluôs ntơưv tỉnh Yên Bái” zuôr tâu krêz uô đêz đar hâur ntu zuôr txos./.

(Đinh Tuấn-Txâur Vax cxeik nhênhv)