Ntus đriv truôx tuk, ziv muôx nzir cêr sik thôngx siêz jông đuô

Đros 420 cêik cêr hâur thax tsav ntus đriv têz qơưk Lào, tỉnh Nghệ An thâuv tưs tưz uô jông lơưr Đảng thiêz Chính phủ têx chei tso tơưv, tsik so chuôz tsar tiês cxiv kho, tuôr truôx cêr fôngx zưs jông đros cxuô thax tsav qơư hâur têz qơưk Lào. Ủy ban tỉnh Nghệ An tưz tso tơưv Chỉ thị số 12 chox kriê hâu nov têx thax tsav qơư nhoz jê đriv têz tsưr tsix sik thôngx siêz đros cxuô jêx jok thiêz zênhx pênhz phax hâur thax tsav tỉnh Nghệ An đros trâu têx tỉnh Hủa-phăn, Xiêng Khoảng thiêz Bô-Ly-Khăm-Xay hâur têz qơưk Lào. Zơưv Nhiêx Txôngr Xênhv Muôk, tsar jok Tăn-Sầu, huyện Sầm Tớ, tỉnh Hủa-Phăn heik, khov sik thôngx siêz đros jok Nhôn Mai, huyện Tương Dương, tỉnh Nghệ An mak đriv têz thâuv tưs cux tâu truôx tuk; tsi trâus têx nênhs fêv liv zôngv uô ruôr hiêv, tsi muôx tuz saz tuz nhiês.... Lar heik tsôngv box nênhs Việt Nam tsênhv paz tsôngv box hâur jok Tằng-Sầu tsưr ziv huôv tsar uô nox, cxuz cêr yeiz pluôs, cxiv tsa cêr sik thôngx siêz, siz hluz siz paz nhoz tsôngv box 2 saz đriv têz:

“Thax tsav ntus đriv truôx tuk, tsi pov muôx têx tiz nênhs fêv, tsi muôx tuz saz tuz nhiês. Pêz jok Tằng Sầu tsênhv lok six txov nhêv thiêz tsênhv zos thax tsav tox siêz, nhiv no tâu tsôngv box saz Việt Nam paz tsưr ziv huôv tsar uô nox, paz txo grêk tsơưs tâu yeiz pluôs. Sik thôngx siêz, siz paz li no tsênhv sik đros tsưx phưv truôx đriv têz”.

Cêr sik thôngx siêz, siz hluz siz paz li heik sâuv nhoz têx jêx jok, têx zênhx pênhz phax jê đriv têz Việt-Lào tưz uô zôngx ziv trâu sik paz đros đơưk tu têx cuz nxor li: Uô thax tsav qơư tsi truôx tuk,  nav ar liêx têz, tsưx phưv truôx thax tsav ntus đriv. Zơưv Lô Văn Điệp, Bí thư đảng ủy xã Tri Lễ, huyện Quế Phong heik pâuz:

“Hâur hli 11 shông 2017, pêz tưz ntâuk grê 3 shông jok sik côngv jok, ntâuk grê đuô lok sâuv six hơưv, hnuz nhôngs fuô kriê....mak pov tsôngv px sđ jông siêz, thôngx ziv uô  trơưk, lar heik zos lok sâuv siz chos cir têx ntâuz ntơưr, tsôngv box sđ uô lơưr lok six jông. Hâur thường trực huyện ủy 2 huyện li chox kriê, huyện Mường Quắn thiêz huyện Quế Phong thiêz 2 Đảng ủy xã Tri Lễ thiêz thax tsav jok Phăn-thoong mak tsôngv box jông siêz thôngx ziv đros thiêz nhav tiêk tsi tror tsêz chos zax zênhz, tiv 2 zos tsi nav têx ar têz, tsi khiêr têz qơưk tsi trơưk chei”.

Thượng tá Hoàng Văn Huy, Chính trị zênhx pênhz phax Thông Thụ, Quế Phong heik pâuz, taz viv seiz car 26 cêik cêr đriv têz, 9 tuk ndêx cxok kuôk cêv ntus đriv. Tsi cxơưx txos thax tsav qơư đar, tox trôngz hâur pêk nxaz phiv liv mul lok, canr bôv tuz lênhv tưz tsưr tsix muk heik kriê tsôngv px sđ uô jông lơưr têx chei, cui tinhv đriv têz; têx cui tinhv siz chos por hưv jôngr, tsi ntor luôx têx shôngz ntông tsi trơưk chei. Hux jos đros têx lưv lươngv saz têz qơưk Lào tsưr tsix 6 jiês yax kriê lok sâuv phax tar zax zênhz thiêz krêz lớp kriê luk Choz Tsiz trâu jok Nậm Táy, paz jok cxiv tsa tsưr ziv uô nox, muôz pênhr nhiêx paz 2 chuôz zis huôv tsar uô nox chiê sđ cơưv shâuv, uô trơưk; hâur ntơư chos 300 tsoz txir thênhx caz Vinh, khơưz pak đêx huôv tsar tu zus njêl cux uô tâu lok six jông. Tsi so siz heik kriê têx mông, tsưr ziv uô cxuô luôs hâux lưv chiê gra siêz txux chi tsưr ziv lês uô têx hâux lưv seiz car, tsưx phưv đriv têz, ndêx cxok kuôk cêv ntus đriv.

“Tsưr tsix sik côngv siêz nhoz jok Nậm-Táy têz quưk Lào đros jok Mường-Pú, xã Thông Thụ, mak nhiv no 2 jok  co tưz muôx cêr thôngx siêz jông, tsi so siz heik kriê têx mông, tsưr ziv lok sâuv uô nox, sik đros tsưx phưv truôx thax tsav ntus đriv.....chiê chuôz tsar tiês cêr fôngx zưs siz paz nhoz tsôngv box 2 têz qơưk, iz chas ntơư cux zos chiê sik đros seiz car jông, tsưx phưv truôx đriv têz”.

Txix têx hâux lưv sik thôngx siêz, siz paz ntơư, têx tuz lênhv pênhz phax Nghệ An tưz paz cxiv uô tâu têx tsêr vênhx huôv côngv thôngx trâu iz thax tsav jok, iz luz tsêr tas xar muôx 1,2 tỷ đeiv; paz  jok saz têz qơưk Lào cxiv uô tsêr niêv côngv siêz trâu 3 chuôz zis pluôs, iz luz tsêr grê nhiêx cxiv uô tas 60 tsov đeiv; lênhk nhav paz  txoz cxơưx trâu 20 lênhx shux xênhz Lào muôx luz nênhx txov nhêv “chuôz cxaz đas jos paz shux xênhz truôx siêz cơưv ntơưr”; tsưr tsix seiz njuôk shuôs moz, pheiz yuôx nox trâu yênhx puô lênhx nênhs. Têx nuv uô co ziv hnuz ziv uô trâu thax tsav ntus đriv Việt Lào muôx nzir cêr thôngx siêz jông./.

(Quốc Khánh-Riê Lâux cxeik, nhênhv)

Lênhx hluôk nênhs hmôngz sâu tâu 200 triệu đêiv txix chos jâuz hur

Zos shux xênhz cơưv ntơưr tâu chêx cur jông, ho zos đảng viên, shông 2015, lênhx hluôk nênhs mênhx cxưx Hmôngz Nzêix Xênhv Zax tâu xêir zos iz hâur 2 lênhx muk cơưv shâuv ntơưv Israel. Ntu co mak nhiêx txiêx tas muôx 30 triệu đêiv chiê Nzêix Xênhv Zax thiêz chuôz zis bax trâu Nzêix muk cơưv shâuv cux zos iz kror tsik tsơưs. Tix lâus niêv, zos pos Mo Xênhv Hơưx tưz tâu tuk tuz hêik pâuz thiêz muôs siêz paz trâu mê nhuôs siêz xar muk cơưv shâuv têx tsưr ziv uô nox, viv li txơưv chuôz zis tsênhv txov nhêv, pos cux kir txêik cưr tix nênhs tsa, fôngx zưs sơưr đơưk cov muôx txâuk nhiêx trâu tuk tuz muk nriêr pâuz cơưv shâuv.

Thâuv muk trâu Israel, Nxêix tâu uô hâux lưv hâur tập đoàn uô zuz jâuz lox tiv 3 Israel li iz qơư uô zuz jâuz. Nxêix sir jos cơưv shâuv tsưr ziv uô đêx zưs đros yênhx tênhr, cxiv uô tsêr xuôk nxêik thêir vor, uô zuz jâuz tâuv:

“Nênhs Israel mak muôx siêz xar uô kôngz nuv thax tsav lox đar thiêz kôngz nuv huv đros, sir zôngv công nghệ siêz. uô li co mak lơưr tưz xar thôngz, sir zôngv tsơưs đas jos thiêz zôngv công nghệ lok six ntâu thiêz uô tâu hax huv tsơưr lươngv siêz muôx gri huv đros”.

Đhâu xar muôx 1 shông cơưv shâuv, uô hâux lưv ntơưv Israel, hli 8/2016, Nxêix Xênhv Zax tror lok zuk têz qơưk đros têx tsưr ziv cơưv shâuv tâu thiêz nhiêx txiêx cxênhx txuôs tâu muôx 120 triệu đêiv uô pênhr chox lok huôv tsar uô nox. Lok jok, Nxêix tưz kriz uô qơư kôngz nuv hur sir zôngv công nghệ Israel ciês hâur zuk vax, zos têx ar tsuôk tâu chuôz zis chos poz cưk thiêz tâuv. Sir zôngv têx zav zênhx muôx Nxêix uô vax thêir vor nxêik chiê chos jâuz. Nxêix piz uô zuz tsik xưk li sơưr đơưk fênhx six uô zos tsêz zuz mak mav ro lok chos. Nhiv no, tix lâus qơư chos jâuz đar muôx 4 ha. Cxuô zav jâuz tâu chos thiêz sir zôngv, tsoz phưz lơưr tsưr ziv zưs đros yênhx tênhr đêx, zưs đêx tsuôs zâu; viv li iz shông Nxêix chos thiêz sâu tâu 4 chiv jâuz cxuô zav, chos jâuz tưz paz trâu Nxêix muôx phênhv sâu 200 triệu đêiv iz shông:

“Siêz xar thiêz vav njôngr zos hâur 5 shông zuôr txos mak zuôr huôv tsar kriz đar tâu muôx 5 ha thiêz zuôr yênhx lix tâu hợp tác xã thiêz zuk têx hax huv zuôr muôx côngz bê ntơưr lo chiv tsênhz mênhx”.

Lơưr co, chôngz lênhx nênhs cux xar sik côngv đros tix lâus chiê chos jâuz hur, jâuz ngaz tuk hlôngr trâu chor zav tsoz chos phênhv sâu tsik truôx. Niêv tix Nzơưv Xênhv Hav nhoz jok Rừng Thông hêik:

“Thâuv tix lâus Nxêix piz chos chor jâuz no mak pêz cux xar tsik tâu viv tix lâus tsưr ziv chos thiêz têx jâuz chos co muôx ntâu kror txơưr tsik xưk li têx muôx hâur jok”.

Tix lâus Nxêix li luôs hâux lưv hlôngr yiêz tsoz chos thiêz sir zôngv khoa học kỹ thuật yiêz huôv tsar uô, công nghệ zưs đêx đros yênhx tênhr, uô tsêr xuôk nxêik thêir vor hâur uô kôngz nuv zos iz tsưr ziv uô nox yiêz lok six jông. Têx faz tsưr ziv no tưz paz sâu tâu nhiêx txiêx trâu chuôz zis thiêz zos faz tsưr ziv uô yiêz trâu pox nhuôs nhoz tox siêz cơưv shâuv uô trơưk./.

(Thanh Thủy-Lik Thox cxêik nhênhv)