Bản Công huôv tsar đảng viên pox niêv

Niêv lâuk Nzông Xênhv Hav, Chủ tịch Hội pox niêv vir ndâuk xã Bản Công heik pâuz, Đảng viên pox niêv Hmôngz li pưs txux lok six zov chênhr. Lơưr cê zos têx lênhx uô ntêx nyuôs hâur huôv tsar uô nox, cxiv tsa chuôz zis tsâu sor chiê têx vir ndâuk sđ cơưv shâuv, uô trơưk, cê buôk ti vênhv tôngv têx pox niêv vir ndâuk uô lơưr jông tsưr ziv xênhz zus nhuôs, tsi siz zuôr nzor thiêz siz zuôr cxênhz jê, sir jos huôv tsar kinh tế chuôz zis, tsi tror tsêz chos têx zênhz, tsi mnôngs trơưk têx nênhs fêv hâuz nziêk, lar heik zos uô lơưr cêr uô nênhx yiêz hâur nox yôngz cok, ntênhs moz ntênhs tuôs.... Zov chênhr thiêz zuôr trâus txos zos li ntơư, taz sik trơưk niêv lâuk Nzông, chiê xeir zuôr tâu lênhx nênhs tso nhoz hâur đảng thiêz kriê cxaz tâu txux chi yuôr trâus trâu iz lênhx đảng viên pox niêv ho zos iz kro phiv liv ntơưv qơư:

“Phênhv ntâu têx chuôz zis tsi xar chiê chor pox niêv muk xênhz huôx hội lok sik têx xênhz huôx txơưr đuô. Têx pox niêv vir ndâuk ho tsi pâuz ntơưr, tsi muôx txux chi tsưr ziv viv li  tsơưs cxaz chuôz uô têx nuv li heik co. Xar xeir zuôr tâu pox niêv nhoz hâur đảng mak tsuv pâuz tsênhz lok lơưr luz nênhx txix thâuv tsênhv cơưv ntơưr hâur têx tsêr cơưv, hloz tiêr nênhs mak zuk uô hâux lưv vênhv tôngv chuôz zis tso cxaz chuôz têx xênhz huôx chiê jux juk hloz tiêr siêz, pâuz tâu têx li heik co xưz”.

Phiv liv tsi tiêk tsi uô, iz shông Hội pox niêv xã Bản Công puôr lênhx tso tơưv tsưr ziv xeir zuôr cov tâu txix iz lênhx pox niêv Hmôngz tror zar sâuv tso nhoz hâur Đảng. Tiv têx pox niêv vir ndâuk sđ txux chi tsưr ziv kis, viv li chiê kriê cxaz têx txux chi, xeir zuôr tâu iz lênhx pox niêv Hmôngz nhoz hâur Đảng mak tsuv uô iz kro jux juk, têx nuv tsênhv tsênhz. Hâur co, muôx hur si hâux lưv “Tuôr têk tơư kriê uô nuv” chiê têx pox niêv vir ndâuk muôx têx uô tâu lơưr cui tinhv. Đảng viên Nu Xênhv Zax, 22 shông, zos iz tuk li heik ntơư, co zos tập thể chi bộ thiêz chor pox niêv đảng viên uô ntêx ntơư li hur si iz six hơưv, hnuz nhôngs ntêr sik đros paz, kriê cxaz têx txux chi tsưr ziv yuôr trâus. Niêv lâuk Nu Xênhv Zax heik pâuz:

“Xuz thơưx  zuk pov lok six phiv liv, viv zuk tsi pâuz lok Đảng, chuôz zis cux ntâu hâux lưv, sđ tsi xar chiê zuk đros cxaz chuôz têx hâux lưv ntơư chiê lês uô têx nuv hâur tsêr. Têx tix thiêz niêv lâuk hâur chi bộ tưz tsuv tôngv zênhx chuôz zis lok six ntâu jiês, chuôz zis thiêx jông siêz, thôngx ziv. Đhâu co 2, 3 shông, zuk tâu chi bộ kriê cxaz nzir têx txux chi tsưr ziv yuôr trâus, chox kriê uô iz kro jux juk”.

Uô tâu zôngx ziv nhoz Bản Công cux xưk li têx xã hâur thax tsav huyện Trạm Tấu zos thâuv tưs tưz tâu Hội pox niêv huyện Trạm Tấu moz siêz txos; iz chas ntơư hâux lưv siz paz kriê cxaz têx txux chi yuôr trâus, gra siêz tsưr ziv jênhv pâuz trâu têx pox niêv vir ndâuk, mak tsênhv muôx hur si têx cêr paz lok sâuv chuôz zênhx, tsưr ziv chiê têx pox niêv vir ndâuk muôx six hơưv cơưv tiêr têx ntâuz ntơưr. Pos Lưu Thị Quế, Chủ tịch Hội Liên hiệp pox niêv huyện Trạm Tấu heik pâuz:

“Pêz chêx tsôngk thiêz têx pênhr chiê kriê cxaz txux chi tsưr ziv yuôr trâus trâu têx pox niêv vir ndâuk sđ. Têx lênhx tưz muôx txir lok sik chuôz zis tsi thôngx ziv, jông siêz mak pêz đros cxuô ngênhx chiê yax kriê trâu chuôz zis to tâuz, pâuz thôngz, pâuz mênhx lok têx chei no. Đros thiêz chor pox niêv vir ndâuk tsi tâu pâuz ntơưr mak pêz đros Phongx Zoz zux tsưr tsix têx lớp cơưv kriê hâur pâuk ntơưr ntơưv têx jêx jok trâu lơưr”.

Zơưv Thox Xênhv Zax, Bí thư huyện ủy Trạm Tấu, tỉnh Yên Bái cux heik pâuz: Xeir zuôr pox niêv nhoz hâur Đảng tsi tiêk zos têx chi bộ, Hội pox niêv têx xã li hâux lưv, mak zos Đảng bộ txix cấp xã txos cấp huyện li tsưr ziv:

“Pêz tiz jông chox kriê cxuô cấp ủy đảng nhoz hâur Đảng bộ huyện niêx shông, niêx hli tsuv  xeir zuôr tâu lênhx nênhs chiê huôv tsar đảng. Uô li chas chiê huôv tsar Đảng tâu mak pêz tsuv yax kriê, heik têx nhuôs cov cơưv tas ntơưr, zuôr txir txưv hnuz nhôngs, xênhz zus nhuôs trơưk cui tinhv mak thiêx tso tâu nhoz hâur Đảng”.

Nhiv no, Đảng bộ xã Bản Công, huyện Trạm Tấu tưz muôx 30 ntâu lênhx đảng viên pox niêv, hâur co muôx 7 lênhx đảng viên pox niêv zos nênhs Hmôngz. Têx lênhx pox niêv đảng viên no chênhr zos qơư chiê txuôk têx pox niêv vir ndâuk đros thiêz Đảng, têz qơưk tsưr ziv, tsênhv chei thiêz hur si têx txux chi, tsưr ziv huôv tsar uô nox uô hnar, cxiv tsa luz nênhx vênhx huôv. Têx heik txos nhoz Bản Công, huyện Trạm Tấu muôx têx seiz zos iz tsưr ziv jông trâu cxuô thax tsav qơư tox siêz đêz đrôngs txơưr đuô cơưv shâuv, uô trơưk./.

(Đinh Tuấn-Riê Lâux cxeik, nhênhv)

Têx lênhx nênhs por vêv ndêx đriv têz têz qơưk

          Tưz 20 shông ntâu lok no, lâuk jos Lục Văn Quý, mênhx cxưx Thái nhoz jos Táo, xã Trung Lý, huyện Mường Lát yax six đros zuk têx tuz nhuôs thiêz cán bộ chiến sĩ Zênhx pênhz phax Trung Lý mul đhâu trôngz đhâu đêx luôx cêr đriv têz, por vêv ndêx đriv têz. Txơưv shông no tưz xar muôx 80 shông hnuz nhôngs, taz sik zơưv li chinhz yênhx, txơưx jênhv por vêv ntus đriv thâuv tưs cux nhoz đreiv hâur siêz plơưr:

          “ Uô lơưr cur txir, cur tưz chiv chir đăng cir cxaz chuôz por vêv cêr đriv têz, ndêx đriv têz tâu 20 shông no, yax mông trâu tsôngv box sik đros por vêv ntus đriv têz qơưk”.

          Tsi taz sir jos đros Bộ đội pênhz phax por vêv ntus đriv, zơưv Quý tsênhv yax six yax mông kruôz kriê tuz nhuôs thiêz tsôngv box hâur jos muôz siêz txơưx jênhv por vêv ntus đriv, tsi mnôngs lơưr nênhs fêv hâuz nziês thiêz thâuv tưs cux tsưv ziv đros cxuô zav nênhs phamv cxâuv. Đrâuv lâus jos Quý, sâuv ntus đriv tỉnh Thanh Hóa tsênhv muôx lok six ntâu têx lênhx lâus jos sir jos cxaz chuôz por vêv ntus đriv, ndêx đriv têz, zos têx đeiv iêr chi cax luk hâur jos thiêz tuz nhuôs tsuv cơưv shâuv uô lơưr li: lâus jos Phan Văn Xiết, lâus jos Vi Văn Dong; tsar jos Lò văn Thọ... Txos nhiv no, 16/16 xã ntus đriv nhoz hâur tỉnh muôx 151 lênhx lâus jos, tsar jos đros tsưr tsix đoanx thể li: đoanx hluôk nênhs, Hội pox niêv, Hội bộ đội lâus thiêz yênhx puôk ziv chuôz zis nhoz buôk ntus đriv đăng cir por vêv ntus đriv, ndêx đriv têz. Zuôr xar 3 shôngk no, iz luz hlik 2 jiês, tix lâuk Lâu Văn Lâu, tsôngv box Hmôngz nhoz jos Pù Đứa, xã Quang Chiểu, huyện Mường Lát ho mul đhâu trôngz đhâu jôngr chiê ndê mul sâuv trôngz Đá Đỏ (siêz zuôr xar 2000 yiv pir đros ntus đêx hiêr) chiê uô jênhv vưv seiz car, por vêv ndêx đriv têz 304.

          “ Cur cux sir jos uô jông jênhv vưv, 1 shông cur sir jos mul seiz car 12 jiês, iz luz hlik iz jiês, seiz qênhx shênhx jông li chas, cur sâu trâu hâur fâu ntơưr chiê pov cov trâu chinhr quyênx”.

          Iz hâur têx hâux lưv coaz tsôngv zos uô li chas chiê tsôngv box njênhs njôngr sik côngv por vêv truôx tul ntus đriv hâur ntâu shông đhâu. Yax six pâuz tsênhz qênhx shênhx, thôngz xor mông, cxôngx co uô jông côngz xưv coar lik têz qơưk, cxiv tsa ntus đriv truôx vênhs, tơưv txênhz muôx chêx cuk đros têx zav nênhs phamv cxâuv, yax mông tsôngv box têx mênhx cxưx sâuv ntus đriv uô jông Đảng, têz qơưk li chủ trương, cêr chei, sir jos cxaz chuôz por vêv tsưr qênhx têz qơưk. Lơưr Trung tá Nguyễn Xuân Tuyên, Zênhx tsar zênhx pênhz phax Trung Lý, đros tsưr ziv “ tsôngv box têx mênhx cxưx zos cưr tix cxênhz jê”, têx shôngk đhâu lưx lươngv pênhz phax thâuv tưs cux seiz tsôngv box zos qơư khov txos truôx tul.

          “ Pêz tưz chuôz tsar muôz siêz jênhv pâuz trâu pox nhuôs hâur huôv tsar kinh têr, krêz uô đêz đar trâur nuv tu zus, chos blêx cxôngx têx tsưr ziv tsênhv tsênhz. Cán bộ đros tsôngv box nox mor, đros tsôngv box nhoz thiêz heik luk mênhx cxưx, đros tsôngv box uô hâux lưv. Đhâu co pêz muôz siêz tâu yênhx tưv huôv tsar kinh têr xã hội, cxuôv por tsês têx cêr uô nênhx pôngz kaz thiêz yênhx trus cxiv tsa jêx jos vênhx huôv, tsâu sor”.

          Khov li ntơư, ntâu shông đhâu Bộ đội pênhz phax Thanh Hóa đros tsôngv box sâuv ntus đriv tsưr tsix yênhx cxênhz jiês mul seiz car, luôx đrox cêr ntus đriv, por vêv ndêx đriv têz. Cxôngx co yênhx cxênhz xor mông tsiv grii mak tsôngv box pov trâu bộ đội pênhz phax cux tưz paz ruôr yênhx côngz ntâu txuz anr, ntês tâu 2 cxênhz ntâu lênhx nênhs phamv cxâuv, sâu tâu 6 cxênhz ntâu traz fov cxuô zav.../.

(Sỹ Đức- Txâur Vax cxeik nhênhv)