Sơn La: Cêr sor siêz đros thiêz nênhs muôx côngz têz qơưk

       Zơưv Đặng Ngọc Phê, nhoz jok 8, đrôngl Hát Lót, huyện Mai Sơn, zos lênhx nênhs trâul moz thiêz trâus saz hov 4 hâur ntu đros tir ntâuk trok châuz nhoz  qơư tsav trok Bắc Lào txix têx shông 1968. Zơưv lok six shir phaz thâuv tror lok uô nênhx nhoz ntơưv qơư thâuv tưs tưz txeik tâu tsôngv cưr tix nênhx tsa sơưr đơưk thiêz cxuô cấp hâu nov ntơưv qơư cêr moz siêz txos, lar heik zos hâur têx hnuz tsiêz, hnuz ntênhs lok têx lênhx nênhs trâul moz trâus saz, tâu tas siv nênhx thâuv ntu tir ntâuk trok châuz. Chênhv viv li, zos iz lênhx tuz lênhv zơưv Hloz Hôx, zơưv cux sir jos đros sơưr đơưk sik tưr huôv tsar cêr uô nox. Nhiv no, txix têx nuv chos ntông nox txir li: Txir lưk pax, txir lưv tsiz siêr lis, thiêz tu zus mur zuôr jiz, iz shông zơưv chuôz zis muôx phênhv sâu tâu 100 ntâu tsov đeiv nhiêx. Zơưv zos lênhx nênhs hnuz nhôngs siêz, uô ntêx nyuôs chiê uô tsov iêr chi cax trâu têx tuz nhuôs cơưv shâuv, uô trơưk. Zơưv Phê heik:

       "Tror lok ntơưv qơư, txix ntơưv jok txos cxuô cấp, ngênhx puôr lênhx lok six moz siêz txos chor nênhs muôx côngz têz qơưk luz nênhx nox nhoz, têz qơưk têx tsênhv chei puôr lênhx tâu uô cxix cxuô".

      Huyện Mai Sơn nhiv no muôx 8 cxênhz ntâu lênhx nênhs muôx côngz têz qơưk. Hâur niêx shông, hâu nov huyện tưz chox kriê têx cơ quan, taz viv,  xã, thị trấn fuô uô ntâu luôs hâux lưv tsênhv tsênhz paz têx nênhs muôx côngz têz qơưk chiê lơưr muôx luz nênhx truôx tuk; paz kriê txux chi, tsưr ziv uô nuv, cêr uô nênhx trâu chor nênhs trâul moz trâus saz hâur ntu tir ntâuk trok châuz đrav ntêx têx tuz nhuôs tsênhv cơưv ntơưr..... Khov li ntơư, chor nênhs muôx côngz têz qơưk luz nênhx iz hnuz tâu gra siêz jux juk. Txos nhiv no, 99% ntâu chuôz zis muôx côngz têz qơưk hâur thax tsav tưz muôx luz nênhx truôx tuk. Zơưv Vũ Tiến Đĩnh, Phưv Chủ tịch UBND huyện Mai Sơn heik pâuz:

      "Huyện chêx tsôngk yax kriê, vênhv tôngv xiz nênhs, doanh nghiệp sir jos siz chos paz cxiv tsa cuiv nhiêx ndo côngz pâux txiêx njis thiêz zôngv chor nhiêx no cov tâu trơưk tsưr ziv, côngz fênhx, tsênhz mênhx".

       Tsi tiêk nhoz Mai Sơn, luôs hâux lưv sơưr đơưk sik đros tsoz phưz nênhs muôx côngz têz qơưk tưz huôv tsar uô ntâu nhoz hur si 12 huyện, TP hâur tỉnh Sơn La. Iz shông, tỉnh puôr lênhx cxiv tsa cuiv nhiêx ndo côngz pâux txiêx njis tâu 4 tỷ đeiv ntâu chiê tsoz phưz trâu nênhs  muôx côngz têz qơưk, chuôz zis tâu sơưv têz qơưk têx chei paz. Lar heik, fuô kriê Thủ tướng Chính phủ Quyết tinhv số 22 lok paz tsêr nhoz trâu nênhs muôx côngz têz qơưk, tỉnh tưz muôx 2 cxênhz ntâu chuôz zis tâu paz, xav hur si têx nhiêx tas xar muôx 90 tỷ đeiv. Ciês hâur six hơưv tsiêz têz qơưk nhiv kruôr đhâu, iz chas xã muôz Chủ tịch têz qơưk 5 cxênhz ntâu  poz huv puz trâu têx lênhx nênhs heik sâuv, tỉnh Sơn La tsênhv tsưr tsix muk shuôs, muôz 6 cxênhz poz huv puz trâu têx nênhs muôx côngz têz qơưk, xav nhiêx tas muôx 2 tỷ đeiv ntâu. Hâur six hơưv chiv nhênhv 70 shông hnuz têx lênhx nênhs trâul moz trâus saz, tâu tas siv nênhx hâur ntu tir ntâuk trok châuz  đrav ntêx, cxuô thax tsav qơư, cơ quan, taz viv, têx jêx jok puôr lênhx uô têx hâux lưv li: Njiz njêx muôs, muk sêiz shuôs, muôz huv puz trâu têx lênhx nênhs muôx côngz têz qơưk hâur thax tsav.... Zơưv Lê Viết Trực, Giám đốc Sở lox tôngv xaz thik xênhz thiêz Xh tỉnh Sơn La heik:

        "Tỉnh li chox kriê zos cxuô thax tsav, ban ngênhx seiz lok sâuv têx tsênhv tsênhz chiê tsưr tsix uô têx hâux lưv ndo côngz pâux txiêx njis tâu trơưk tsưr ziv, siêz. Tsưr ziv uô kaz zos gra siêz luz nênhx nox nhoz trâu têx nênhs muôx côngz têz qơưk".

        Cxơưz tiês uô têx hâux lưv "ndo côngz pâux txiêx njis", tỉnh Sơn La tưz uô cxix cxuô têx tsênhv chei paz trâu chor nênhs muôx côngz têz qơưs, heik lok pêz tsôngv box nênhs Việt Nam tsưr ziv, chei uô nênhx jông thâuv nzor "hâuk đêx ndo njôngr txos hâur đêx"./.

                                     (Hồng Việt-Riê Lâux cxeik, nhênhv)

87 tsưr tsix Đảng thiêz 6.000 ntâu lênhx đảng viên trâus qênhz yuôx xưv lik

       Hâur 6 luz hli đhâu, tas nro têz qơưk muôx 87 tsưr tsix Đảng thiêz 6.000 ntâu lênhx đảng viên trâus qênhz yuôx kỷ luật, hâur co muôx chor cán bộ nhoz Bộ chính trị, ban bí thư sêiz car. Qir tiv zos uô zuôv hâur lênhx tov, chox kriê, sêiz car nhiêx txiêx, yưv pênhr côngz, tuôr xuôv, pôngz plox ntâu nhiêx txiêx, truz ntêr, uô zuôv hâur côngz xưv sêiz car cán bộ, côngz chức, sik tưr khơưk kruôk thiêz uô zuôv Ban cán sự Đảng li chêi uô hâux lưv, uô zuôv chêi tsik huv đros. Pir li txuz cik txos luôs hâux lưv tso zơưv Trịnh Xuân Thanh uô phưv chủ tịch UBND tỉnh Hậu Giang; txuz thứ trưởng Bộ công thương Hồ Thị Kim Thoa thiêz chuôz zis muôx ntâu zav nhiêx txiêx; tso cán bộ uô hâux lưv nhoz Ban chox kriê Tây Nam Bộ…

      Co zos têx kror uô cxâuv muôx yưv hâur iz ntu ntêr, ntâu six cxiv, muôx têx kror uô zuôv lok six zov chênhr, uô ruôr hiêv ntâu txos têz qơưs têx nhiêx txiêx thiêz xã hội. Hâux lưv hêik cov kỷ luật chor đảng viên, tsưr tsix đảng uô cxâuv chêi tâu pêx xênhv thôngx ziv siêz. Kror co puz pov, xưv lik huv lênhx nênhs, huv đros têx luôs hâux lưv uô cxâuv, taz por tsênhz mênhx, ndax ndênhk, ndar six hơưv, truôx jông. Zơưv Tô Quang Thu, phưv chủ nhiệm Ủy ban qênhz yuôx Trung ương puz pâuz:

      “Ủy ban qênhz yuôx Trung ương tưz sir jos uô, ndar six hơưv xav jênhv têx vênhv thix, pov tâu kror uô zuôv thiêz xav jênhv tâu lênhx nênhs, tsênhv njiêz, six hơưv qênhz yuôx. Ủy ban qênhz yuôx Trung ương li kriz uô ndar six hơưv, sir jos co đros ndaz ndênhk, tsênhz mênhx hâur nriêr pov têx uô zuôv thiêz sir jos qênhz yuôx, xưv lik tâu Tổng bí thư ntâuk gri siêz zos kror yiêz hâur shông 2016 thuêz hâur shôngk shông 2017”.

       Ntơưv jiês cơưv tiv 12 Ban chox kriê Trung ương lok phax tar nox nhiêx têz qơưk têik cik 31/7, Tổng bí thư Nguyễn Phú Trọng, đros  tsar ban chox kriê, tưz ntâuk gri tiêk, “ntu đhâu, tsav txênhz phax tar nox nhiêx têz qơưk tưz zos yênhx xã hội li luôs hâux lưv tsuv uô cov tâu truôx”. Tổng bí thư hêik mênhx: “Ndax ndênhk, tsênhz mênhx” zos kror paz kho têx phiv liv tsik jông. Thiêz hâur ntu zuôr txos no, côngz xưv tsav txênhz phax tar nox nhiêx têz qơưk tsuv tror sir jos uô cov tâu truôx đuô. Phưv giáo sự, tiến sỹ Nguyễn Quốc Bảo, giảng viên thênhv siêz Học viện pov chir thiêz yax kriê hêik tiêk:

      “Cur thôngx ziv đros Tổng bí thư li ziv chênhv hâur cơưv Ban chox kriê Trung ương lok phax tar nox nhiêx têz qơưk. Pêz tsuv sir jos uô đuô thiêz thiêz sâu chênhz zênhv qênhz yuôx tsik so, tsênhz mênhx. Iz zav hloz Hôx hêik mak tsik chiê muôx têx uô zuôv tưs zuk tsik pov.           Tưz tsik zos Đảng qênhz yuôx, Thanh tra chính phủ qênhz yuôx, tsưr tsix qênhz yuôx, mak qênhz yuôx sêiz kaz tsuv khov trâu pêx xênhv, phuox huiz pêx xênhv li ziv chênhv thiêz pêx xênhv zos chor nênhs paz pov tâu tsênhz tiv zix têx txuz hâur lưv muôx yưv hâur ntu đhâu”.

        Chôngz cán bộ, đảng viên thiêz pêx xênhv hêik tiêk, Ủy ban qênhz yuôx trung ương li têx ntâuk gri nhiv kruôr đhâu đros têx tập thể, tiz nênhs li luôs hâux lưv uô cxâuv chêi, tưz tâu uô tsênhz mênhx, ndar six hơưv, huv đros. Taz sik, Sơưr đơưk cux tsênhv tok njôngr txos Đảng têx xưv lik trâu chor nênhs uô zuôv chêi; lar hêik zos chor uô zuôv, uô cxâuv chêi lox, uô ruôr hiêv tsik jông txos Đảng têz qơưs./.

(TTT-Lik Thox cxêik nhênhv)