Lào Cai: Têx lênhx nxeik tưz muôx jiês trâul nziêk đas muôs trâu luôs 2 chas têz qơưk tror lok li tsêr sor siêz

Sênh Xênhv vax (zos luz bê tưz tâu hlôngr đuô), lênhx nxeik Hmôngz 18 shông, lênhx tưs pov tưz nhiêv thiêz  nziv siêz viv tuk nênhs đơưz thiêz jông gâux. Seiz njiê mak tsơưs lênhx thiêx pâuz txos Sênh luz nênhx muôx têx cêr txov thiêz qiv hâur iz ntu đhâu lok, Sênh tưz muôx jiês trâul zuôv uô iz lênhx txir nênhx nhoz Trung Quốc pox niêv thâuv sông 2017. Thiêz chênhr lênhx tiz nênhs fêv, nziêk đas Sênh muk đhâu đriv têz ntơư ho zos tul hluôk tuz đros Sênh uô gâux đrâul siz sưv thav đhâu xor tôngx, txos thâuv uô kaz trâus nziêk đas, Sênh cux tsi tâu chuôs njiz njêx muôs iz jâuk hlo. Hmôngr jông tâu chơưv paz tror lok, Sênh lok six jông siêz thiêz shir phaz, taz sik têx cêr nyei trưk cux tsênhv nhoz trơưr hâur đruôz siêz tsi plox. Thiêz txox hmông chox Sênh tuôx trâu tsêr sor siêz, đros trâu têx lênhx fôngx zưs muôx luz nênhx jông xưk iz zav li zuk đros trâu têx lênhx nênhs siêz jông paz max txos, Sênh tưz jux juk muôx cêr shir phaz, pov đros sđ muôx suôz luôs. Nhiv kruôr tsi ntêr no, tâu canr bôv hâur tsêr sor siêz heik kriê muk cơưv tsưr ziv uô plâuz hâu, Sênh lok six jông siêz, Sênh sir jos cơưv cov tâu hâux lưv uô, Sênh heik:

“Cur tuôx hâur no cux tâu 3 luz hlik lơưv, nox nhoz cux tsi uô chas, lok six truôx tuk, tuôx nhoz no tsi trâus nyei. Nhoz ntơưv no đros têx niêv lâuk vir ndâuk sđ cur pov cux jông, tâu buôk ti, sik thav, heik lul đros sđ ntâu cux cơưv ntâu zav thiêz. Cơưv tas tsưr ziv uô plâuz hâu, cur xar cơưv nzir uô lưv zav hâux lưv thiêz, chiê tov kaz no zuk krêz zuk iz qơư uô plâuz hâu, uô jông jav trâu sđ”.

Nhoz uô cê hâur luz tsêr sor siêz đros Sênh nhiv no tsênhv muôx 8 lênhx pox niêv vir ndâuk txơưr đuô hnuz nhôngs cux iz zav li ntơư, hur tiz si puôr lênhx muôx jiês trâul têx nênhs fêv nziêk đas muôs trâu luôs 2 chas têz qơưk. Đhâu six hơưv, hnuz nhôngs lok nhoz uô cê hâur iz luz tsêr, lơưr tưz jux juk truôx tuk tsưr ziv, siêz xar, sir jos hâur cơưv txux chi, huôv tsar zuk tsưr ziv uô hâux lưv; muôx kênh lênhx nhiv no tsênhv nhoz tok tâu muk cơưv tsưr ziv uô hâux lưv, têx lênhx mak tsênhv cơưv ntơưr phưv thôngz, têx lênhx xeir muk cơưv tsưr zưv xơưs tsôngk tril yo, cơưv uô plâuz hâu.... Niêv lâuk Nguyễn Thị Duyên, canr bôv seiz car ntơưv tsêr sor siêz heik:

“Tuôx ntơưv no têx niêv hluôk, lơưr pov jông thiêz tso siêz, viv nhoz no tas nro puôr lênhx zos pox niêv xưz. Lar heik, lơưr pâuz tiêk nhoz no lênhx tưs cux jông xưk iz zav li zuk, puôr lênhx zos trâul têx nênhs fêv nziêk đas muôs saz têz qơưk  đrâuv khiêr điv tror lok, mak zuôr zôngx ziv nox nhoz uô cê, sik thôngx siêz đuô iz zav li têx lênhx nênhs hâur iz chuôz zis. Pêz têx canr bôv cux hluz txos lơưr xưk li  zuk têx tuz nhuôs, paz max heik kriê têx tsưr ziv uô nênhx, kriê uô hâux lưv, zos tsi uô li ntơư mak têx thâuv lơưr cux tsi xar tuôx nhoz no”.

Trơưk li zơưv Nguyễn Tường Long, Chi cục tsar Chi cục Phax tar têx nênhs fêv hâur XH tỉnh Lào Cai, Tsêr sor siêz zos Chi cục hux jos đros Tsưr tsix siêz jông Thái Bình yênhx lix, lênhk nhav, tu thiêz choz kriê tsưr ziv uô nênhx, tsưr ziv uô hâux lưv thiêz chơưv kho moz tsi zuôr nhiêx trâu têx lênhx trâus nênhs fêv nziêk đas muôs đrâuv luôs 2 chas têz qơưk tror lok. Đhâu 9 shông uô hâux lưv, tsêr sor siêz tưz lênhk nhav xav hur si muôx 200 ntâu lênhx pox niêv, nhuôs zâu. Iz chas têx lênhx tsênhv buôk ti xênhz huôx, têx lênhx đhâu tơưv hâur tsêr sor siêz no muk, phênhv ntâu lơưr puôr lênhx muôx hâux lưv uô truôx, tror đros côngv thôngx sđ nhoz uô nênhx shir phaz lus ntơưv qơư. Zơưv Long heik pâuz:

“Tsêr sor siêz zos qơư muôx têx uô hlôngr yiêz têx pox niêv, chor nxeik hluôk li luz nênhx, thâuv lơưr trâus nziêk đas muôs tror lok njiz lok six ntâu phiv liv mak Tsêr sor siêz zos qơư lênhk tol thiêz txeik, chơưv paz lơưr. Tuôx no tâu cơưv ntâuz cơưv ntơưr, cơưv shâuv tsưr ziv uô nênhx jông thiêz nhoz no pêz cux bax tsưr ziv, kriê trâu lơưr lok sâuv chênhr phax, tir thêir têx nênhs fêv zuôr muôs lênhx nênhs. Tsênhv tsênhz cux muôx ntâu lênhx tưz truôx siêz tror uô luz nênhx nox nhoz luôs nxi đros sđ, muôx hâux lưv uô thiêz cxiv tsa chuôz zis tsâu sor”./.

                      (Thanh Thủy-An Kiên-Riê Lâux cxeik, nhênhv)

Heik kriê lok Chei nênhs lâuk hnuz nhôngs siêz

1. Tsoz phưz nênhx lâuk hnuz nhôngs siêz

          Grê 10: Têx luôs hâux lưv tsuv tâu uô thiêz qênhx liv tsoz phưz nênhs lâuk hnuz nhôngs siêz.

          1. tsoz phưz nênhs lâuk zos tsoz phưz luz nênhx chinhz yênhx, chuôz zênhx chuôz tas tuôv zênhv lok nox, nhoz, muk lok, tsoz phưz đas jos thiêz nênhs lâuk li têx zoz qơưx uô si, thôngz xor mông, cơưv ntơưr.

          2. Nênhs tsuv uô têx luôs hâux lưv tsoz phưz nênhs lâuk zos nênhs lâuk co li têx tuz nhuôs thiêz têx lênhx nênhs txơưr lơưr chêi têz qơưs.

          3. Lênhx nênhs tsoz phưz nênhs lâuk tsov lơưr luz nênhx tsênhv tsênhz tsuv tsoz phưz jông nênhs lâuk li đas jos; paz lok nhiêx txiêx; thêv nhiêx txiêx kho moz thiêz tsoz phưz y tế tôngv vênhx thâuv nênhs lâuk muôx moz gênhs, uô đaz uô kruô thâuv nênhs lâuk tâu tas siv nênhx.

          4. Lênhx nênhs tsoz phưz nênhs lâuk tsuv sik côngv jông đros cxuô lênhx hâur chuôz zis uô hâux lưv tsoz phưz nênhs lâuk.

          5. Cxơưz cxiz tsưr tsix, lênhx nênhs tsi zos lênhx nênhs tâu cui tênhv ntơưv ntu 2, Grê no cxaz chuôz tsoz phưz nênhs lâuk.

Nhạc cắt

          Grê 11: Choz trâu lênhx nênhs txơưr lok sik tsưr tsix tsoz phưz nênhs lâuk.

          1. Lênhx nênhs tâu vax huôv tsoz phưz nênhs lâuk zos tu zus tsi tâu nênhs lâuk mak tsuv choz trâu lênhx nênhs txơưr lok sik tsưr tsix tsoz phưz nênhs lâuk, taz sik tsuv tâu nênhs lâuk thôngx ziv. Hâux lưv choz tsuv uô ntâuz ntơưr hôx thôngx cxix cxuô hâur 2 tos.

          2. Lênhx nênhs lok sik tsưr tsix tâu choz tsoz phưz nênhs lâuk muôx txơưx jênhv uô cxix cxuô têx tưz cir hâur ntâuz ntơưr hôx thôngx đros nênhs choz zok.

          3. Nênhs lâuk muôx qênhx heik lênhx nênhs muôx vax huôv tsoz phưz zuk hlôngr lênhx nênhs lok sik tsưr tsix tsoz phưz tâu choz tsoz phưz zuk.

          4. Chinhr phuv cui tênhv tsênhz mênhx Grê no./.

(Bích Thủy- Txâur Vax cxeik nhênhv)