Suôz Đeix thiêz luz nênhx nhoz tox siêz

                   Pos Lò Thị Yên, nhoz xã Nghĩa Lợi, thị xã Nghĩa Lộ, tỉnh Yên Bái zos tsơưs tsơưs têx pox niêv mênhx cxưx Thái tâu chuôz zis tso muk cơưv ntơưr tas têx cấp ntu kuôk nor 50, 60 shông. Tsôngv box jêx jos li lênhx y tá siêz jông tưz so lâuk, nhoz uô nênhx ntơưv niêv đrôngs taz sik cxuô cêr cor cav tsuôk li tsi muôx tul tsi hlôngr yiêz, tiv zix zos mnôngs Đeix nta suôz Việt Nam hâur niêx hnuz.

          Trơưk li pos Yên ndo, têx shông 2000 tror lok no, jos tsôngv box Thái nhoz Mường Lò lok six pluôs, tsôngv box jêx jos tsi khênhr muk đêz. Hnuz tưs thâuv hnor tsaz yênhx Đeix nta suôz VN tso thâuv 5 six sơưr nzor pox nhuôs lok six nhiêv mnôngs. Thâuv co huyện li luz loa lox tâu txuôk ntêr 2,3 cei cêr, tsuôk krêz muôx nhos 2 six ntâu thâuv sơưr nzor, iz six tso thâuv 12 six tar su, xar mnôngs ntâu mak tos txos 4 six 30 phênhz zar hnuz keix txos 9 six tsâus ntux. Đrâuv tos mnôngs têx tsaz yênhx pos Yên li cxuô hâux lưv cux puôr lênhx khov txos suôz Đeix chiê uô. Cxôngx muk uô têz, lor njuôs, muk uô liêx, uô su thiêz muk pư cux trơưk six hơưv chiê tas cik hu mê nhuôs sơưr muk cơưv ntơưr...

          Nhiv no niêv đrôngs muôx chôngz lênhx nênhs đuô, suôz loa tsuôk li zâu đuô, mnôngs tsi tsênhz thiêz, pâuz pos Yên nhiêv mnôngs Đeix, iz tul nhuôs xênhz nzưr tưz muôz trâu pos iz luz Đeix mê ntês tâu ntâu sóng Đeix nta suôz Việt Nam. Muôx Đeix radio, pos Yên mnôngs tâu phênhv ntâu têx tsaz yênhx. Thâuv nox hmo, pos Yên zos lênhx nênhs heik kriê cxaz têx xor mông txos têx tuz nhuôs viv lơưr khưr uô hâux lưv yênhx hnuz, tsi muôx six chênhz mnôngs Đeix. Tiv zix zos ntu nhiv no, thâuv moz Covid-19 tsênhv huôv xênhz txơưr txar. “Đeix heik ntâu txos moz Covid-19. Mnôngs thiêz pâuz tâu mak cur ho heik kriê tuz nhuôs, tsuv uô trơưk têx tsưr ziv phax tar moz, tiv zix zos muôx lênhx nênhs txơưr tuôx hâur jos tsuv pov trâu thênhv siêz. Ntu no cux tsuv nhoz tsêr uô nox, tsi muk đêz uô thiêz”.

          Đros thiêz tsôngv box Hmôngz nhoz têx xã tox siêz nhoz Yên Bái, Đeix nta suôz VN li têx tsaz yênhx jông li iz lênhx fôngx zưs hâur luz nênhx. Uô ntêx zos mnôngs zuk mênhx cxưx heik cưr cxiêx, tov kaz zos mnôngs njuôs pov ntux nas chiê muk uô têz jav tâu têx jiês ntux lok nas lox, tsi muk lok thâuv muôx đêx cuôr yôngz, tox poz; lơưr tsiêx cxu lok cơư thâuv ntux xoz, cơưv shâuv tsưr ziv uô nox uô hâuk, cxiv tsa luz nênhx tsâu sor shir phaz... Tix lâuk Lù Xênhv Zax, tsôngv box nhoz xã Chế Tạo, huyện Mù Cang Chải puz pâiz, thâuv ntêx khênhr pov têx lâus gra têx luz Đeix lox, muôx hluô khi đrâuv poz tư chiê mnôngs thâuv muk uô têz. Têx luz Đeix co tsuv muk tsênhv qơư huyện thiêx li zuôr tâu, grê muôs mak bâuv yênhx tul tưv. Nhiv no mak zôngx ziv đuô, chiê mnôngs Đeix nta suôz VN, pox nhuôs tsuôk krêz ciês điện thoại txơưv mnôngs tâu Đeix. Tix lâuk Lù cux puz pâuz, tsôngv box Hmôngz khênhr muk uô hâux lưv cxôngx thâuv tas cik sơưr nzor txos tsâus ntux thiêx li lok tsêr, viv li Đeix zos chuôz zênhx lok six jông chiê muk tưs, uô hâux lưv tưs cux tso tâu mnôngs. Đeix jông li iz lênhx fôngx zưs, uô zuk pov tsi ndo txos têx phêv liv hâur luz nênhx thiêz, sir jos uô lox tôngv xênhz yar...

            Tox siêz Yên Bái nhiv no, luz nênhx jux jus tâu hlôngr yiêz, tsâu sor đuô. Đeix nta suôz VN tưz thiêz tsênhv tsês ntâu six hơưv tso têx thôngz yax lok têx hlôngr yiêz, tôngv vênhx cxơưz cxiz pox nhuôs têx mênhx cxưx tsơưs nênhs sir jos chiê chox tox siêz huôv tsar chuôk thax tsav tiêx đras./.

          (TTTB-Txâur Vax cxeik nhênhv)

Lênhx tuz hluôk Hmôngz tuôr tsês chiê hâux lưv hiêz tơưz, lêr cxôngx nzor

Cơưv tiêr Cao đẳng Dược ntơưv Thái Nguyên, thor tsik tâu hâux lưv uô, Hành Xênhv Zax tror lok zuk qơư nhoz jok Hồ Nhì Pá, xar Lao Chải đros cêr cxơưx txos luz nênhx cxuô zav. Đhâu ntu xuz thơưx tsik pâuz uô li chak, Hành cuêz tênhv tsik muk uô jos, uô nox ntơưv têx thành phố lox xưk li chôngz lênhx hluôk nênhs txơưr đuô, đros co, hành sir jos cơưv shâuv uô zuk mênhx cxưx kror hâux lưv hiêz tơưz, lêr cxôngx nzor, chiê paz muôx nzir thiêz muôx tâu têx hax huv uô txix têx shôngz ntông sưv jê đros tênhv qơư co chiê muôs thiêz piêr trâu têx fôngx zưs thiêz tsôngv kruô sơưr đơưk nhoz đêz jê pâuz txos thiêz zuôr muk zôngv: Hành hêik pâuz: “cur xar tiêk zuk zos cxênhx hluôk nênhs mak tsuv cơưv shâuv thiêz uô trơưk cxênhx nênhs uô ntêx, chiê tuôr tsês chiê tâu zuk mênhx cxưx têx hâux lưv uô cxôngx nzor co”.

Nhạc cắt

Chiê muôx tâu têx hax huv li tơưz, vaz, cơưv…khor jông, Hành tsês ntâu six hơưv chiê xêir tsov chor shôngz cov jông, đhâu co mak max mav fuô, joz cov jông. Hành puz pâuz nzir: kror kriz uô, tuôr chiê thiêz huôv tsar hâux lưv hiêz tơưz li no zos iz kror lax uô, taz sik hax zav lax uô mak tsuv hax zav sir jos đuô hâur ntu zuôr txos, Hành vav tiêk zuôr uô tâu ntâu zav hax huv đuô thiêz, iz zav li uô cov tâu têx zav hax huv jông chiê tsôngv kruô zuôr muk uô huv khơưz muôz puz trâu sơưr đơưk lok sik tsês chiê tâu sêiz chiê phưx vưv trâu du lịch….

Hành Xênhv Zax li kror zôngx ziv zos cxuô kror zuk uô puôr lênhx muôx txir zos zơưv Là Xênhv Zax-iz lênhx nênhs txơưx hiêz thiêz hiêz tâu têx tơưz, vaz jông gâux tiv zix hâur jok kruôz kriê trơưr. Zos lênhx nênhs lâul, hnuz nhôngs tưz siêz, zơưv Là tưz tsik zos xar cov zuk tuk tuz xưz mak tsênhv vav tiêk muôx nzir chor hluôk nênhs hâur jok, hâur xar moz siêz, sir jos cơưv shâuv kror hâux lưv uô no chiê paz tuôr chiê thiêz huôv tsar, paz trâu zuk mênhx cxưx têx hax huv cxôngx nzor no tâu têx fôngx zưs sơưr đơưk nhoz đêz, jê pâuz txos thiêz zos yênhx têx hax huv phưx vưv trâu tsôngv kruô du lịch: Zơưv Là Xênhv Zax puz pâuz: “Hâux lưv hiêz têx tơưz, vaz li no tsênhv trâus pôngz plox jux juk, cur xar cov chor nhuôs paz tuôr tsês chiê, tror uô kror hâux lưv no. Tưz tsik zos tuôr tsês chiê tâu cxênhx nênhs uô têx kror hâux lưv uô xưz mak tsênhv paz muôx nzir tâu phênhv sâu truôx thiêz”.

Nhạc cắt

Tsuôk đhâu 2 shông, Hành yênhx puô kror hax huv tưz tâu uô tiêr, tâu muôs sâuv ciêz đrôngs thiêz hâur têx hnuz hôiv vênhx huôv ntơưv huyện, tâu ntau luz tsêr kruôz nhoz so, nox hâuk, chôngz tsôngv kruô nhiêv txos, xêir zuôr. Tix lâus Dê Xênhv Hav, Tsưr Homestay Thu Dê nhoz thị trấn Mù Cang Chải puz pâuz: “Hâur ntu sir zôngv mak cur pov chor hax huv no lok six jông. Têx hax huv no zuôr lok tsêr mak zuk sir zôngv tâu ntâu kror, iz zav li chox lok đêi hâur tsêr cov vax tsêr jông jav”.

Yênhx hnuz Hành Xênhv Zax ho tuôr xav tsưr ziv uô, kho têx hax huv cov jông đuô, đros siêz xar tiêk thâuv tsôngv kruô tuôx txos trâu thax tsav qơư muôx ntâu liêx ntêir no mak zuôr nhiêv txos thiêz nriêr pâuz nzir lok tsôngv box nhoz ntơưv thax tsav qơư têx hax huv uô tâu txix kror hâux lưv cxôngx nzor no.

Nhạc cắt

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô thiêz muôx Tsênhv qơư cxơưz cxiz uô kôngz Têz qơưk đros paz uô./.

(Vừ Chu BT-Lik Thox cxêik nhênhv)