Por hưv tsês chiê heir nênhs Nùng Dín nhoz Lào Cai li têx txux chi vênhx huôv jông

Zơưv Hoàng Sín Hòa, nhoz  xã Nấm Lư, huyện Mường Khương, tỉnh Lào Cai muôx tsưr ziv, siêz nhiêv heir nênhs Nùng Dín li têx txux chi vênhx huôv iz txưv txix thâuv tsênhv zâu. Lơưr heir nênhs têx suôz sênhr heik cưr cxiêx, hu gâux ntơư tưz uô trâu zơưv nhiêv sênhr suôz, sênhr chêr heik. Zơưv Hòa tsưr ziv zos uô li chas chiê muôx têx kriê tâu têx suôz sênhr co trâu chor tuz nhuôs cơưv shâuv thiêz sênhr heik uô si lov jêv. Txix têx siêz xar li no, zơưv tưz yênhx lix câu lạc bộ hu gâux, heik cưr cxiêx Nùng Dín, zơưv Hòa heik: “Cur niêv thiêz txir lơưr cux zos têx lênhx txơưx sênhr suôz, heik tâu cưr cxiêx lok six jông, jux juk cux mnôngs tâu thiêz sênhr suôz, cơưv shâuv heik trơưk. Tov kaz no cur ho muôz sâu tsês hâur ntơưr, thâuv tưs tsi yuô ndo ho tror muôz krêz seiz, shâuv heik, jux juk cur chiê pâuz sênhr suôz xưz”.

Nênhs Nùng Dín lơưr cux muôx lơưr iz luz tsiêz. Luz tsiêz no tâu nox lok hnuz xiêz 01 luz 7 hli hli ntux, cik txos têx li: Khiêr đreiv têx tiz nênhs fêv, zok nriêr qơư nhoz, cxiv jêx kho jok. Thiêz luz bê Nùng Dín cux muôx txix thâuv co lok. Zơưv Nùng Chản Phìn, kuz Phưv Giám đốc Sở vênhx huôv-thêv thao thiêz ju lix tỉnh Lao Cai heik pâuz: “Hâur ntu têz qơưs Suôr đrav ntêx, lơưr ntiêz châuv hêir nênhs Nùng khiêr tơưv, đhâu ntơư hêir nênhs Nùng khiêr muk trơưk tus đêx Chảy. Muk txos ntus đêx Chảy, nênhs Nùng Dín thiêx txiêr tsơưz chiê gak muk nhoz gâuv trâu hâur kror tsuô. Hêir nênhs Nùng thiêx tik bê hu uô nênhs Nùng Dín. Nùng Dín tsênhz tiês zos hla đhâu têx phiv liv, cêr txov thiêz cux tsik yuôr chôngz lênhx”.

Nênhs Nùng Dín zos heir nênhs Nùng Lào Cai li iz hâur têx zav nênhs. Hâur côngv thôngx heir nênhs Nùng  lơưr muôx lok six ntâu txux chi vênhx huôv jông tâu por hưv tsês chiê, iz zav li: Txux chi hu gâux, heik cưr cxiêx; txux chi piêr đaz nênhs; uô ntơưr; xơưs tsôngk yo hnar; têx txux chi uô si lov jêv; têx chei cxênhx cxênhv đaz kruô uz no….. Zơưv Dương Tuấn Nghĩa, Tsar phongx seiz car Di sản, Sở vênhx huôv-Thêv thao thiêz ju lix Lào Cai heik pâuz: “Hâur têx shông đhâu, pêz cux tưz fuô uô ntâu tsaz yênhx, iz zav li por hưv tsês chiê nênhs Nùng têx tsôngk tril yo hnar thâuv nzor, por hưv thiêz tuôr chiê têx zav nox kaz, suôz sênhr heik cưr cxiêx; yax kriê, vênhv tôngv têx lênhx txơưx sênhr suôz, tsênhv pâuz txos thiêz uô zuk heir nênhs têx txux chi vênhx huôv kriê cxênhx hluôk cơưv shâuv, uô trơưk chiê sik đros por hưv, tuôr tsês tsi chiê pôngz plox”.

Côngv thôngx hêir nênhs Nùng Dín li têx txux chi vênhx huôv thâuv nzor lok six ntâu zav thiêz muôx liv trâu luz nênhx, paz uô muôx nzir cxuô heir nênhs nhoz Lào Cai ntâu têx txux chi vênhx huôv jông./.

(VOVTB-Riê Lâux cxeik, nhênhv)

Kon Tum: Têx hnuz hâur shôngk shông yiêz, tsôngv px thiêz tsôngv kruô muk ndis uô si trâu thax tsav qơư Ma đen chiê sêiz shuôk têx pax txir đuôx tơưs yiêz jông jav

Hâur têx hnuz shôngk shông yiêz 2022, ntux no nziês, têx jiês ntux tsênhv lok nas huôz jis thiêz ndax trâu ntu caz moz Covid-19 tsênhv taz tov huôv xênhz uô phiv liv, taz sik cux muôx chôngz lênhx kruô shir phaz luk tuôx muk ndis uô si, sêiz shuôk thax tsav qơư du lix trôngz ntông Măng Đen, đrôngl Măng Đen, huyện Kon Plông, tỉnh Kon Tum chiê sêiz shuôk têx pax txir đuôx tsênhv taz tov tơưs yiêz jông jav. Shông no, têx pax txir đuôx co tơưs ndax trâu hâur shôngk shông yiêz, uô trâu thax tsav qơư ndis uô si co chuôs li têx tox trôngz câuv har tưz pov muôx ntâu hlôngr yiêz uô trâu tsôngv kruô sđ, txơưv lênhx tưs cux nhiêv txos. Pos Đồng Thị Hồng Oanh, nhoz đrôngl Kon Tum đros nưs chor fôngx zưs tuôx ndis uô si trâu thax tsav qơư du lix no shir phaz lul hêik pâuz: “Txos trâu thâuv luz chêix pax txir đuôx tơưs yiêz, shông tưs cur cux tuôx ndis uô si trâu thax tsav qơư co. Shông no, muôx ntux no nziês, têx pax txir đuô tơưs siz luôs, jông jav đuô têx shông uô ntêx. Cur zos iz lênhx nhiêv sêiz têx pax txir đuôx tơưs yiêz jông jav co hênhr”

          Thax tsav qơư pax txir đuôx tơưs yiêz jông jav, tâu tsôngk kruô sêiz shuôk zos thax tsav qơư Quảng Trường huyện Kon Plông, zos qơư chos ntâu tsoz chos pax txir đuôx tơưs jông siz luôs, zôngx ziv trâu cxuô lênhx kruô cxêik đuôz. Ntơư cux zos qơư uô cxuô luôs hâux lưv kriz cơưv chiv nhênhv shông 20 cxiv tsa tâu huyện Kon Plông. Chiê tsưx phưv jông đas jos trâu tsôngv kruô muk lok ndis uô si, sêiz shuôk têx pax txir đuôx hâur thax tsav, hâu nov ntơưv qơư thiêz cán bộ y tế huyện Kon Plông cux fuô yax kriê tsôngv kruô sđ uô jông trơưk cxuô faz tsưr ziv tir thêir caz moz Covid-19. Zơưv Đặng Đình Toán, tsar phôngx vênhx huôv huyện Kon Plông hêik pâuz: “Hâur iz ciêz đhâu lok no, txix thâuv têx pax txir đuôx tơưs nja iêz, tưz pov muôx chôngz lênhx kruô tuôx ndis uô si hâur thax tsav huyện Kon Plông; Lar hêik zos hâur têx hnuz ntux tsik lok nas, tsik muôx chuô txiêk, cux muôx chôngz lênhx kruô tuôx ndis uô si trâu thax tsav no thiêz tsôngv kruô tuôx ndis uô si puôr lênhx chox ntâuz bos kror ndâux, uô trơưk cxuô faz tsưr ziv tir thêir caz moz Covid-19”

        Txos trâu nhiv no, sâuv thax tsav trôngz Măng Đen, tsôngv pêx xênhv thiêz hâu nov ntơưv qơư tưz chos tâu yênhx châuv tsoz  txir đuôx; hâur ntơư muôx iz đraz tsoz txir đuôx tưz tơưs pax hâur yênhx shông, uô trâu thax tsav qơư co ziv jông jav đuô.

          Truôx siêz bo cxiv tsa thiêz huôv tsar thax tsav qơư du lix nhoz đrôngl Măng Đen, huyện Kon Plông yênhx thax tsav qơư tsôngv kruô tuôx ndis uô si, sêiz shuôk têz qơưs, tỉnh Kon Tum tưz xav tâu tiêk, huyện Kon Plông zos iz hâur oz thax tsav qơư huôv tsar kinh tế hâur tỉnh Kon Tum./.

                               Tsu cxêik nhênhv-Khoa Điềm-Tây Nguyên