Têx pox niêv công nhân tênhx qơư nhoz Sơn La li hâux lưv uô tsi tâu ntâu lênhx nênhs pâuz txos, taz sik lok sik muôx ziz njiêz

“ Pêz li hâux lưv mak tsi xav six hơưv, riêz nênhs...Cur tsuv njuôs xav cov huv đros hâux lưv hâur chuôz zis taz sik taz por hâux lưv uô. Uô li chas cov têx txox cêr mak pêz phưv txơưx thâuv tưs cux hur đu-njuôz jông”.

          Zuôr xar 20 shông uô hâux lưv qêz cêr, tuôr jông vêv xênhz tênhx qơư, niêv lâuk Tòng Thị Yên- công nhân xí nghiệp tênhx qơư đô thị nhoz Công ty cổ phần tênhx qơưx thiêz jix vuv đô thị Sơn La li têx luk heik co phênhv tưs cux heik tơưv tâu cxuô pox niêv đros uô hâux lưv no li hâux lưv uô. Uô tsi muôx six hơưv, cux muôx têx kiês nênhs, muôx tưx uô hiêv txos đas jos – lơưr têx pox niêv heik lok zuk li hâux lưv uô mak tsênhz mênhx zos li ntơưv. Viv hnuz tưs cux cxôngx 3 six 30 phênhz thâuv ntux tsi tâu pov cêr mul uô hâux lưv, 12 six 45 tar su txos 3 six 30 phênhz zar hnuz keix, 6 six tsâus ntux uô txos 11 six 30 phênhz, lơưr tsuv uô hâux lưv lơưr tsưr ziv pheiz côngz. Niêv lâuk Yên li tuêv muôx 7 lênhx pox niêv, phưv txơưx 4 cei cêr sâuv niêv cêr lox. Chiê tênhx qơư hur đu, fênhx pheiz iz hnuz, iz lênhx tsuv mul qêz suô muôx nhos 18-20 yêz têx vuôz tsuôz kiês nênhs. Lơưr niêv lâuk Phạm Thị Quyên, iz lênhx pox niêv công nhân txơưr nhoz hâur xí nghiệp: Khưr li ntơư, taz sik tưz uô mak tsuv muôx txơưx jênhv thiêz moz siêz uô zuk li hâux lưv. Xí nghiệp muôx 100 cán bộ, công nhân viên mak lox tôngv zos pox niêv tsav 80%. Taz sik pêz lênhx tưs cux tôngv vênhx sik đros sir jos uô, njuôs xav hâux lưv âhur tsêr chiê uô tiêr jông hâux lưv tâu choz:

          “ Uô hâux lưv no cur pov công ty cux lok six tsov cưv txos tsoz phưz luz nênhx trâu pêz. Pov ziv hnuz ziv nhiêv zuk hâux lưv uô đuô. Têx phêv liv, têx cêr khưr hâur côngz xưv no zuk cux sir jos hla đhâu. Pov cêr hur đu-njuôz jông cux jông siêz”.

          Giám đốc xí nghiệp tênhx qơư đô thị Sơn La, niêv lâuk Đàm Thị Thanh Thơm thâuv ntêx cux uô công nhân qêz suô cêr, suô têx vuôz tsuôz kiês nênhs, niêv lâuk puz pâuz: Côngz xưv no tsuv moz siêz uô, tsuv muôx txơưx jênhv, tsi li mak lax uô tâu. Xí nghiệp nhiv no phưv txơưx côngz xưv vêv xênhz tênhx qơư 40 ntâu cei cêr, nhoz 32 txox cêr sâuv thax tsav đrôngs Sơn La thiêz tuôr jông vêv xênhz jêx jos nhoz 7 phường, xã, tas nro ntêr 80 ntâu cei cêr, chungz fênhx sâu tâu muôx nhos 50-65 tênhr têx vuôz tsuôz kiês nênhs iz hnuz. Taz viv tưz pheiz côngz lox tôngv chiê muôz siêz txơưx jênhv, cux xưk li iz lênhx công nhân chiv chir uô zuk li hâux lưv. Zos taz viv muôx phênhv ntâu nênhs lox tôngv zos pox niêv viv li hâux lưv tsov cưv, tsoz phưz luz nênhx, chinhz yênhx, tôngv vênhx pox niêv khưx phưx têx phêv liv tâu xí nghiệp lok sik tsov cưv, đros qơư tsov txos zos chiê lơưr truôx siêz uô hâux lưv, tsuv muôx txơưx jênhv đros zuk li hâux lưv uô:

          “ Côngz xưv pheiz têx zav vuôz tsuôz kiês nênhs, pêz tsênhv cxiv tsa tsưr ziv, pox niêv zos lênhx nênhs tsênhv uô côngz xưv yax mông vênhv tôngv tsôngv box. Đros nênhs lox tôngv li luz nênhx, cux xưk li lox tôngv zos pox niêv, pêz zuôr tsov cưv ntâu đuô thiêz. Thiêz cux zuôr muôx têx tsaz yênhx chiê têx pox niêv lox tôngv tâu uô si, cux xưk li sir jos chuôz tsar uô lox tôngv xênhz yar”.

          Cxôngx shông 2018, xí nghiệp tênhx qơư đô thị Sơn La tưz krêz đar thax tsav qêz suô têx vuôz tsuôz kiês nênhs. Hâux lưv chuôz ndê, taz sik viv lơưr seiz shuôk têx txox cêr, lênhx nênhs huv đros tưz chox lok chêx cuk tsênhv tsênhz hâur lox tôngv tsiv uô thiêz muôx ziz njiêz xã hội lox. Côngz xưv qêz suô, thâux têx vuôz tsuôz kiês nênhs thâuv tưs cux uô tâu jông, tsi chiê tênhx qơư trâus kiês nênhs; tsôngv box li siêz xar por têx vuôz tsuôz kiês nênhs trơưk qơư cui tênhv, tuôr jông vêv xênhz tênhx qơư cux tâu muôz siêz. Pos Tạ Thị An, tsôngv box nhoz tuêv 9, phường Quyết Thắng, đrôngs Sơn La heik:

          “Muôx yêz sâu têx vuôz tsuôz kiês nênhs, muôx lênhx nênhs tuôx sâu ciês hâur cxuô ziv, pêz pov lơưr lok six jông siêz gra têx vuôz tsuôz kiês nênhs por trâu sâuv yêz, pêz lok six jông siêz”.

          Sir jos tuôr jông vêv xênhz tênhx qơư hur đu- njuôz jông, têx pox niêv công nhân tênhx qơư li hâux lưv uô txơưv tsi tâu ntâu lênhx nênhs tsov cưv ntâu txos taz sik lok six muôx ziz njiêz./.

(Bích Thủy- Txâur Vax cxeik nhênhv)

PHÊNHV TSÊNHV CHÊI PHÁP LUẬT NHIÊX SÊ

CUIZ TÊNHV YIÊZ

Lok yưx xav nhiêx sê sir zôngv tiv zix

Iz hâur Nghị định số 14/2019 li tsênhv njiêz chênhr zos chính phủ tưz kho đuô, cxaz nzir cuiz tênhv lok hâux lưv yưx xav nhiêx sê, tsênhv tsênhz:

Nênhs thêv nhiêx sê uô xênhz yar hax huv zos nênhs tsuv thêv nhiêx sê sir zôngv tiv zix txix têx zav tsuv thêv nhiêx sê sir zôngv tiv zix tâu yưx chor nhiêx sê sir zôngv tưz thêv đros thiêz têx zav zuôr saz đrâuv têz qơưk lok, lok sik tưz thêv đros têx têx zav zuôr ciês txix qơư uô hâur têz qơưk thâuv xav jênhv chor nhiêx sê sir zôngv tiv zix tsuv thêv.

Chor nhiêx sê sir zôngv tâu yưx xav bâuv li chor nhiêx sê sir zôngv tiv zix txix têx xzav tưz sir zôngv chiê uô xênhz yar hax huv tsuv thêv nhiêx sê sir zôngv tiv zix tâu muôs.

Đros thiêz trox yêz sinh học, chor nhiêx sê sir zôngv tiv zix tâu yưx hâur jiês hêik pâuz nhiêx sê tâu khov lơưr chor nhiêx sê sir zôngv tiv zix tưz thêv lơưr iz taz viv zuôr lok nhoz six hơưv hêik pâuz nhiêx sê uô ntêx ciês co chor trox yêz chiê uô trox yêz sinh học.

Đros thiêz chor doanh nghiệp tâu chêi uô xênhz yar, tor uô trox yêz sinh học, hâux lưv hêik pâuz thêv nhiêx sê, yưx nhiêx sê sir zôngv tiv zix tâu uô ntơưv cơ quan nhiêx sê tiv phaz qơư doanh nghiệp muôx qơư uô hâux lưv chênhr. Chor nhiêx sê sir zôngv tiv zix tsik tâu yưx tas nhoz chor trox yêz chiê sir zôngv uô xênhz yar, tor trox yêz sinh học tâu pâux nzir trâu chor nhiêx sê sir zôngv tiv zix tsuv thêv trâu têx hax huv, dịch vụ txơưr phuôv xênhz hâur ntu uô.

Zos tiêk đhâu thâuv pâux nzir, yuôr chiê nhiêx sê sir zôngv tiv zix tsik tâu yưx tas nhoz chor trox yêz sir zôngv chiê uô xênhz yar, tor tror yêz sinh học mak tâu yưx trâu jiês tov kaz lok sik tror muôz lok cov txâuk.

Nênhs thêv nhiêx sê sir zôngv tiv zix đros thiêz hax huv tsuv thêv nhiêx sê sir zôngv tiv zix zuôr saz đrâuv têz qơưk lok tâu yưx chor nhiêx sê sir zôngv tiv zix tưz thêv nhoz ntu zuôr saz đrâuv lok muôx tas nro chor nhiêx sê sir zôngv tiv zix tưz thêv lơưr cuiz tênhv nhoz nhiêx sê cơ quan hải quan, yưx zos trâus cơ quan hải quan xưv bluô lok uô cxâuv, tsik thêv nhiêx sê thâuv xav jênhv chor nhiêx sê sir zôngv tiv zix tsuv thêv muôs hâur têz qơưk.

Chor nhiêx sê sir zôngv tiv zix tâu yưx bâuv li chor nhiêx sê sir zôngv tiv zix têx hax huv zuôr saz đrâuv têz qơưk lok tsuv tâu thêv nhiêx sê tiv zix muôs tơưv thiêz tsuôk tâu yưx ntâu tiv zix bâuv li chor nhiêx sê sir zôngv tiv zix njuôk xav tâu nhoz phênhv muôs hâur têz qơưk.

Phênhv ntâu tsơưs tsik tâu yưx nhoz nhiêx sê sir zôngv tiv zix tưz thêv nhoz ntu zuôr saz đrâuv têz qơưk lok đros chor nhiêx sê sir zôngv tiv zix muôs hâur têz qơưk, nênhs thêv nhiêx sê tâu njuôk xav chiê xav trâu nhiêx sê doanh nghiệp li phênhv sâu tâu.

Đuô li, Nghị định no tsênhv cuiz tênhv iz cxiê tsar tov yưx nhiêx sê sir zôngv tiv zix. Nghị định no tâu uô trơưk txix hnuz 20/3/2019./.

(Thanh Thủy-Lik Thox cxêik nhênhv)