Zav nox kaz grêix buô ndu, cxiêz hâur tos trax shôngz

Cê sêiz đrơưv muôz chor grêix buô tor shơư đros cxuô zav txux lov tưz tâu bax uô ntêx, pos Trần Thị Kim Liên, nênhs uô jâuz mor nox ntơưv qơư du lịch Ko Tam (thành phố Buôn Ma Thuột, tỉnh Đắk Lắk) puz pâuz, zav nox no muôx têx kror uô chênhr zos grêix buô têz txuôv thiêz cxuô zav txuz lov txơưr. Hâur co, tsuv muôx cuô txoz, hưx txoz njuôz… Lơưr pos Liên, zav nox no mak tsik tas uô ntâu kror taz sik tsuv uô jông uô mak thiêz kaz: “Grêix mak tsuv yiêz jông, muôx grêix tros, grêix njir, tơưr siz shơư đros hur si mak thiêx kaz. Thiêz trax shôngz lok cux tsuv zos chor shông nhôngk nhiv kruôr txiêr lok, zos muôx nênhs xar nox mak thâuv têis cik sơưr nzor zuk mav muk txiêr shôngz thâuv co shông thiêx tsư kaz thiêz thâuv muôz cxiêz mak chor grêix thiêx tsư kaz thiêz kaz jông”.

Đhâu thâuv muôz txux lov đo shơư trâu chor grêix tsês muôx 15 phênhz, chor grêix buô co tâu muôz ntiv trâu hâur tos trax shôngz, thiêz muôx blôngx tsơưs njơư pêv hâu trax thiêz muôz cxiêx sâuv chuz tơưl muôx nhos iz six hơưv.

Zos cxiêz sâuv têx kror chuz mak thâuv cxiêz, nênhs cxiêz tsuv muôz tos trax shôngz tis tsik so cov chor grêix siêr jông tas hur si taz sik tsik trâus cuz hnhiêz. Thâuv luz trax shôngz tưz đax tas thiêz muôx njil cuz hniêz, hnor grêix tsư kaz chuôs tsi mak zos chor grêix tưz siêr lơưv. Niêv tix Nguyễn Thị Hòa Bão, nhoz thị trấn Quảng Phú, huyện Cư Mgar, tỉnh Đắk Lắk, thâuv nox tâu zav nox no hêik pâuz: “Zav nox no muôx iz kror kaz txơưr nhoz Tây Nguyên, nox mak lok six kaz. Cxuô zav txux lov thơưv trâu chor grêix tas hur si, viv li thâuv nox tâu mak kaz lơưv iz zav cux tsik pâuz hêik li chak hlo”.

Lơưr pos Nguyễn Thị Ngọc Anh, Chủ tịch Hội đồng quản trị Công ty Du lịch sinh thái, vênhx huôv côngv thôngx Ko Tam, zav nox grêix buô ndu, cxiêz hâur tos trax shông no tâu uô lơưr nênhs Ê Đê ntơưv Đắk Lắk li tsưr ziv uô cxôngx nzor thiêz tâu đo shơư cxuô zav zênhx muôx ntơưv qơư, viv li nưk kaz lơưv nưk iz zav mak tsuôk nhoz ntơưv no thiêx muôx xưz. “Tỉnh cux tưz hêik pâuz Đắk Lắk têx zav nox kaz thiêz Viện Kỷ lục tưz chiê nênhs tuôx qênhz yuôx, nriêr pâuz lok six ntâu jiês thiêz đhâu co muôx hêik pâuz thiêz cuêz tênhv lok zav nox grêix buô ndu, cxiêz hâur tos trax shông. Ciês zav nox no mak cur lok six shir phaz thiêz jông siêz thiêz pêz xar tiêk thâuv uô du lịch mak tsuv muôx iz zav nox kaz ntơưv zuk thax tsav qơư thiêz tsuv tuôr chiê jông têx kror zênhx muôx ntơưv zuk qơư nho no”.

Đros trâu zav nox mor trax shôngz grêix kêiz cxiêz tâu xav zos Việt Nam li têx zav nox kaz hâur 100 zav nox kaz (ntu 2011-2016), txos nhiv no tỉnh Đắk Lắk tưz muôx 2 zav nox kaz hâur Việt Nam li 100 zav nox kaz. Đros co, hâur têx shông jê lok no, cxuô zav nox tâu uô txix cxuô mênhx cxưx li têx zênhx muôx ntơưv qơư xưk li cuô kêiz iêz, cxuô zav nox txix krưr têx blôngx cxiêz, ndu…tâu uô nox ziv hnuz ziv ntâu hâur chor qơư uô jâuz mor nox thiêz tâu tsôngv kruô lok six nhiêv. Txix têx zênhx muôx thiêz tsưr ziv uô nox txix cxôngx nzor lok, chôngz lênhx nênhs tưz txơưx uô cov huv đros trâu tsôngv kruô li siêz nhiêv nox, paz muôx tâu ntâu zav nox sik txơưr taz sik cux tsik uô pôngz plox cxuô mênhx cxưx ntơưv thax tsav qơư li chor zav nox co têx kror kaz zênhx muôx txix ntêr lok./

(TTTN-Lik Thox cxêik nhênhv)

Điện Biên: Taz por truôx tuk phax tir thêir moz ntơưv têx thax tsav, qơư ju lix

Thôngz sâu hâur têx hnuz jê lok no, chor kruô tuôx ndis shuôs têz qơưk uô si ntơưv têx qơư di tích lịch sử qơư tsav trok Điện Biên Phủ, tỉnh Điện Biên tax 10 cxênhz lênhx nênhs. Chor qơư ju lix tâu tsôngv kruô xeir muk ndis seiz uô si phênhv ntâu cux zos trôngz A1, qơư Bảo tàng ntâuk zênhx trok châuz Điện Biên Phủ, chor tuz lênhv tâu tas siv nênhx viv tir ntâuk trol châuz tsưx phưv têz qơưk thâuv ntêx li qơư nda A1, kror tâuz Đờ-Cát-Tơ-Ri.... Niêv lâuk Trịnh Thị Hạnh-cưk kriê jax lịch sử nhoz iz tsêr cơưv ntơưv Quận Hà Đông, đrôngs Hà Nội heik pâuz: No zos iz kro lok six jông thiêz muôx liv trâu niêv lâuk, chor nênhs hâur chuôz zis; niêv lâuk cê tâu seiz pov, cê muôx six hơưv pâuz nzir lok têx cêr lịch sử tir ntâuk trol châuz đrav ntêx, đuôz shav phưx vưv trâu niêv lâuk luôs hâux lưv kriê ntơưr: “Thâuv muk ndis seiz cur tưz puôr lênhx sâu, cxeik hur si têx đuôz chiê lok tso trâu cur chor tuz nhuôs seiz, têx cur tưz muk txos, pov njôngr ntơưv kror muôs thiêz vav chiê siêz tov kaz chor mê tuz mê nhuôv cux zuôr muôx jiês tuôx txos Điện Biên chiê pâuz tsênhz lok hur si chor lâuk têx cêr tir ntâuk trol châuz thâuv ntêx”.

  Trơưk li cơ quan seiz car têx qơư di tích lịch sử co ntâuk grê, tsôngv kruô tuôx ndis seiz têz qơưk uô si ntơưv Điện Biên hâur six hơưv so ntênhs 30/4-01/5 shông no txo grêk tsơưs 6 jiês pir li têx shông uô ntêx, tiv muôx moz Covid-19 uô ruôr hiêv. Pos Phạm Thị Thảo, Phưv Giám đốc Ban seiz car qơư di tích tỉnh Điện Biên heik pâuz: Taz viv tưz muôx ntâu tsưr ziv uô hlôngr yiêz hâur seiz car têx qơư di tích chiê hu zâuv chôngz lênhx tsôngv kruô tuôx ndis shuôs uô si, iz zav li xa luk hu txos têx công ty lênhk tok tsôngv kruô tuôx nhoz so piêr kriê lok Điện Biên têx muôx jông; hlôngr uô têx tsưr ziv, hâux lưv lênhk tok, chox kruô muk ndis seiz qơư di tích...... Six hơưv no, tsôngv kruô tuôx ndis seiz têz qơưk uô si puôr lênhx tâu heik cov uô trơưk đreiv li têx cui tinhv lok sâuv: Muôz đêx cuô yuôx nzuôr têk, chox ntâuz bos kror ndâux chiê phax tir thêir moz: “Pêz cux tưz fuô kriê cov taz por luôs hâux lưv phax tir thêir moz thiêz heik tas nro viên chức, nênhs lox tôngv sđ cov chox ntâuz bos kror ndâux, muôz cuô đêx yuôx nzuôr têk ntơưv têx qơư di tích ndis seiz uô si co.... Tsôngv kruô thâuv muk ndis seiz têx qơư di tích cux tsuv chox ntâuz bos kror ndâux, uô lơưr Chính phủ thiêz cxuô cấp li chox kriê”.

Niêv lâuk Hoàng Thị Châm, lênhx nênhs uô hâux lưv piêr kriê têx qơư di tích, chor lâuk têx cêr tir ntâuk trol châuz đrav ntêx ntơưv qơư bảo tàng heik pâuz: Chiê taz por luôs hâux lưv phax tir thêir moz, têx paz kruô puôr lênhx tâu phênhz tok nhiêk trâu nhiêk, tsi tok uô cê, taz por iz tus nhoz kuôk đêz iz tus lơưr cui tinhv ntơưv têx qơư piêr kriê têx chuôz zênhx, đuôz shav tir ntâuk trol châuz: “Bảo tàng cux tưz muôx têx tsưr ziv uô, iz zav li lênhx nênhs piêr kriê trâu tsôngv kruô sđ mnôngs lok têx qơư di tích lịch sử sâuv, uô ntêx thâuv zuôr chox kruô muk ndis seiz uz no, lênhx nênhs no cux tsuv chox ntâuz bos kror ndâux hur si. Pêz cux tưz heik tsôngv kruô sđ cov chox ntâuz bos kror ndâux thiêz muôz têx cuô đêx yuôx nzuôr têk hur si thiêx tâu muk ndis seiz têx chuôz zênhx uz no sâuv qar qơư trâu têx chuôz zênhx uz no chor lâuk zôngv tir ntâuk trol châuz đrav ntêx”.

          Pos Vũ Thị Tuyết Nga, Phưv Giám đốc qơư Bảo tàng ntâuk zênhx trol châuz Điện Biên Phủ heik pâuz: Chiê uô tâu trơưk li px, tsôngv kruô tsưr ziv, siêz nhiêv ndis seiz, shuôs têx chuôz zênhx, qơư tsav trok, Bảo tàng tưz hu zâuv ntâu lênhx nênhs uô hâux lưv phưx vưv tsôngv kruô sđ: “Chiv nhênhv 67 shông ntâuk zênhx trok châuz Điện Biên Phủ, pêz cux muôx têx hâux lưv uô yax mông, piêr kriê. Hâur co heik mênhx txos iz côngz trênhx nhiv kruôr tâu yưv pênhr uô, zuôr txos no tâu Ủy ban tỉnh tso chei, zuôr krêz trôngx tok tsôngv kruô sđ tuôx ndis seiz, co zos đeiv đuôz shav Panorama. Đeiv đuôz no tâu ntâuk grê zos iz hâur têx qơư jông chiê hu zâuv tsôngv kruô tuôx trâu Điện Biên ndis shuôs uô si”.

  Chênhr viv li, ngênhx ju lix Điện Biên tưz sir jos uô cxuô faz tsưr ziv taz por cê huv đros, truôx tuk phax tir thêir moz, cê uô jông hâux lưv tok thiêz phưx vưv tsôngv kruô tuôx ndis shuôs têz qơưk uô si hâur thax tsav qơư./.

(Vũ Lợi-Riê Lâux cxeik, nhênhv)