Jax sâu thưr 4, hnuz xiêz 8/6/2016:

Têx nênhs fêv zuôr muôs, uô luôv zax zênhz, ziv hnuz ziv muôx yưv ntâu phiv liv

PV: Cox uô tix hêik pâuz mê njik lok têx phiv liv cux li chor nênhs fêv zuôr muôs zax zênhz  hâur ntu đhâu zos li chas?

Thiếu tướng Ngô Thái Dũng: Txix hâur shôngk shông txos nhiv no, têx nênhs fêv zuôr muôs, uô luôv zax zênhz gra triêv fov đros, têx nênhs nhiês thâux gra zax zênhz txix Lào đhâu đriv têz lok Mộc Châu, Sơn La tưz txo grêk. Taz sik, lơưr têx lênhx nênhs no tsưr ziv nhiês thâux gra têx zax zênhz đros têx chuôz zênhx li: Triêv fov, hnar yo tir muôk txưr…. ziv hnuz ziv uô phiv liv txos công an luôs hâux lưv tir thêir, yơưz phươz. Kror tiv 2, têx muôx ntâu zos zax zênhz cxuô zav, zax zênhz uô njiêr….nhiês thâux gra txix luôs 2 chas têz qơưs lok hâur VN ziv hnuz ziv ntâu, lar heik zos txix Lào, Trung Quốc lok VN, ntâu đuô 5 bâus pir li shông uô ntêx.

PV: Uô li cox uô tix ho heik pâuz nzir mê njik lok têx hâux lưv zov chênhr, lực lươngv Bộ đội pênhz phax zuôr chêx tsôngk uô hâur luz hlik zov chênhr sơưr tơưv txênhz, tir thêir têx nênhs fêv  zuôr muôs, uô luôv zax zênhz 2016 zos li chas?

Thiếu tướng Ngô Thái Dũng: Bộ Tư lệnh Bộ đội pênhz phax cxiv tsa iz tsưr ziv jông sơưr tơưv txênhz, tir thêir chor nênhs fêv, nhiês zuôr muôs, thâux gra zax zênhz hâur luz hlik uô têx hâux lưv phax tir thêir têx lênhx nênhs li heik sâuv. Luôs hâux lưv uô hâur jiês no, txơưr tsi thôngx li đrav ntêx; viv jiês no pêz chêx tsôngk trâu têx thax tsav qơư muôx cuz nxor. Pêz cxaz nzir lênhx nênhs thiêz cxaz nzir chuôz zênhx zuôr trâus txos phưx vưv uô luôs hâux lưv no trâu ntơưv 3 tỉnh faz Bắc zos Cao Bằng, lạng Sơn thiêz Quảng Ninh. Tiv 2 zos sir jos uô jông luôs hâux lưv tir thêir têx nênhs fêv, zuôr muôs zax zênhz ntơưv đriv têz VN-Lào ( txix Điện Biên txos Quảng Trị). Ntơư zos têx qơư cuz nxor thiêz zov chênhr hâur luz hlik uô têx nuv phax tir thêir têx nênhs fêv, nhiês zuôr muôs, uô luôv zax zênhz. Tsưr ziv zos sir jos sơưr tơưv txênhz, tir thêir txix sik hux jos, sik paz sâuv ntiêx têz đros lưv lươngv muôx vax huôv đrâuv luôs 2 chas têz qơưs, lar heik zos lưv lươngv muôx vax huôv ntơưv têz qơưs Lào chiê pêz tir thêir tâu têx txuz nhiês zuôr muôs, thâux gra ntâu têx zax zênhz txix My-an-ma lok trâu tsênhv qơư đrôngs têz qơưs Lào, lok trâu VN. Viv zax zênhz phênhv ntâu zos thâux gra txix đrâuv luôs 2 chas têz qơưs lok trâu VN. VN cê zos thax tsav zuôr muôs, cê zos suôv qơư chiê thâux xa têx zax zênhz heik ntơư muk trâu têx têz qơưs txơưr đuô.

PV: Bộ đội pênhz phax têx hâux lưv uô tâu jông, thâuv tưs tưz tâu tsôngv px paz max txos thiêz uô trâu tsôngv px sđ muôx cêr chiê siêz, njênhs njôngr. Viv li, cox uô tix ho heik trâu sđ pâuz  tsênhz mê njik lok têx cêr paz ntơư seiz zos li chas?

Thiếu tướng Ngô Thái Dũng: Hâur six hơưv lês car uô tâu jông zuk têx luôs hâux lưv zok muôz, iz chas hux jos đros têx têz qơưs đrâuv, pêz tsuv hux jos truôx jông đros têx lưv lươngv muôx vax huôv hâur têz qơưs; lar heik zos tsôngv px hâur thax tsav nhoz jê đriv têz. Viv tsôngv px lơưr khênhr muk lok uô liêx têz, uô hâux lưv cxuô zav, zôngx ziv pâuz thiêz qênhz pov tâu têx nênhs fêv zuôr muôs zax zênhz, lơưr paz heik kriê trâu pêz, pêz thiêx pâuz. Chor nênhs fêv nhiês zuôr muôs, uô luôv zax zênhz, lơưr lok six chênhr phax, sox njôngr pêz têx lưv lươngv, cê nhiês thâux gra, zuôr muôs têx zax zênhz. Chênhr viv li, pêz tsuv khov trâu tsôngv px chiê px paz pêz, viv hur si têx lênhx nênhs fêv, uô cxâuv chei têz qơưs, lar heik zos têx nênhs fêv nhiês zuôr muôs, thâux gra zax zênhz tsi trơưk chei ntơư lok six riêz nênhs, zos tsi muôx tsôngv px sđ paz max txos, pêz cux tsik zôngx ziv qênhz yuôx, tir thêir tâu chor nênhs fêv hêik ntơư.

PV: Thor uô cox tsâus ntâu!

( TTT-Riê Lâux cxeik, nhênhv)

Phênhv thứ 4,  hnuz xiêz 8.6.2016:

TÂUZ HƯZ CUX JÔNG UÔ YUÔX

          Tâuz hưz zos iz zav nox muôx tsơưr pưr siêz, kaz, tâu zôngv ntâu hâur cheix ntux sor, tiv zix tâuz hưz tsênhv paz phax kho têx zav moz thâuv qiv hơưv cuz sor, tơưv poz sâuv tơưr greix, hnôngk, uô cuz uô no, tso jik đax, chiêv kuôr... Muôz chor hlaz tâuz, pax tâuz hưz chox lok râuz nzuôr chêr trâu mê nhuôs zâu lok six jông. Nôngz txir tâuz hưz zôngv kho moz hâur pâuk hniêr, pok hniêr.

          Tâuz hưx zôngv uô yuôx kho têx zav moz:

          Moz txênhz njik: zôngv txir tâuz hưz 50g, jâuz lox vak 30g, nxuôr poz cưk 10g, chas grênhz 20g chox râuz hâuk.

          Kho moz trưx hâur cheix ntux sor trâu mê nhuôs: zôngv tâuz hưz mos chox lol hâu uô cuô đros greix nyir buô, cxôngr mê njik kriêr tso shơư li muôz trâu mê nhuôs nox.

          Qơư mos o thiêz đrux: zôngv tâuz hưz nhôngs lol uô cuô hâuk, nzuôr.

          Poz kêx tơư o: zôngv tơưr tâuz hưz ciz kruôr, jov uô môngr. Iz hnuz zôngv 8-10g râuz hâuk thâuv yeiz plaz.

          Thox plaz: Zôngv tơưr tâuz hưz ciz kruôr râuz hâuk.

          Tsav plaz: zôngv tơưr tâuz hưz kruôr ciz cov cuz nhiêz, muôz jov uô môngr, iz jiês muôx 1 điêr đo đros đêx so hâuk. Cxôngr 2,3 đeiv kriêr tso shơư ziv jông đuô.

          Tso jis thax: zôngv tơưr tâuz hưz kruôr uô nox lok sik chi thiêz jov uô hmôngr chiê hâuk.

          Hnôngk: Zôngv tâuz hưz 50g râuz hâuk hâur niêx hnuz.

          Chêr tsi hur đhâu xênhz zus nhuôs: zôngv tơưr tâuz hưz kruôr chox lok chi cuz hnhiêz cov yênhx thênh, jov uô môngr đo đêx hâuk.

          Têx zav moz tơưr greix, phax moz kruô piêk, kruô tâuv trâu mê nhuôs zâu: zôngv hlaz tâuz râuz chiê nzuôr chêr trâu mê nhuôs.

          Hlaz tâuz thiêz pax tâuz jông râuz trâu chor pox niêv muôx mê nhuôs hâur chêr hâuk.

          Kho moz đuôr: zôngv nôngz tâuz hưz uô đros trâuv buô chiê nox.

          Kho moz hâur pâuk hniêr: nôngz tâuz hưz 30g râuz buôr thiêz zâus ndâux.

          Lênhx niêv muôx tsi txâuk mis trâu mê nhuôs nox: zôngv nôngz tâuz hưz ciz đax 40g, tâuv liêz 100g, njiêz blâuv 100g, muôz uô cuô đik nox./.

( Pov tsir SKĐS- Txâur Vax cxeik nênhv)