Mường La: Cêr siêz jông hâur txiêz nanv

           Co zos đuôz shav yênhx cxênhz lênhx hluôk nênhs uô ntêx hlo, lưx lươngv vũ trang, pêx xêhv txix cxuô qơư trik yênhx hnaz cxur, thungz mỳ tôm, hưx đêx muk tơư yênhx châuv cêik cêr har jôngr chiê muôz trâu pox nhuôs trâus hiêv. Lok sik chor gâux muôv vir ndâuk sik đros paz cxur, jaauz, grêix uô têx pluôs mor trâu pox nhuôs thiêz lưx lươngv chơưv paz nox. Têx chêr trik yo, poz mỳ tôm, hưx đêx hâuk tâu muôz ciês trâu pox nhuôs nhiv no zos kror tôngv vênhx lox tiv zix chiê pêx xênhv trâus đêx cuôr yôngz uô hiêv hla đhâu têx phiv liv, pôngz plox.

Hâur oz pêz hnuz đhâu niêv tix Nguyễn Thị Thúy Hà nhoz thành phố Sơn La tưz đros chôngz lênhx hluôk nênhs sâuv thax tsav sir jos sâu thiêz muôz têx hax huv zos chôngz nêhhss txix chor tỉnh, thành txơưr đuô xa lok paz trâu pox nhuôs trâus đêx cuôr yôngz ntơưv Mường La. Co zos trik yo, pav, ntâuz ntơưr, mì tôm…têx hax huv sir zôngv zov chênhr tiv zix chiê pox nhuôs tsik trâus yêiz plaz. Ciês hâur têik cik no 6/8, niêv tix Hà đros sơưr đơưk tưz muôx njêx muôs ntơưv qơư trâus đêx ngaz cuôr chiê muôz têx hax huv co paz trâu chor ziv chuôz zis trâus hiêv. Niêv tix Hà hêik:

         “Pêz lok six pôngz siêz đros pox nhuôs têx pôngz plox, trâus hiêv thiêz hêik sơưr đơưk paz tâu lok six ntâu. Chor fôngx zưs txix têx tỉnh thiêz Hà Nội tưz xa hax huv đhâu yêz kruô thâux tuôx ntơưv Sơn La thiêz pêz xa tuôx trâu Mường la chiê khơưk muôz huv trâu pox nhuôs”.

Ntơưv UBND huyện Mường La li qơư tok jênhv hax huv chơưv paz nhoz ntơưv tiểu khu 1, thị trấn Ít Ong muôx lok six ntâu đoàn chơưv paz tuôx ntơưv no, sêiz nus, khơưk muôz huv, phêiz kênh têx cêr pôngz siêz đros pox nhuôs sơưr đơưk. Pox nhuôs nhoz chor xã iz ndis huyện Mường La cux muôx njêx muôs txix ntâu hnuz no chiê “iz lênhx nênhs iz cxêik têk” sik đros xa têx hax huv co txos trâu chor thax tsav cêv kuôk muk lok tsik tâu. Niêv tix Nguyễn Thị Hương, pêx xênhv nhoz thị trấn Ít Ong hêik:

         “Thâuv txov nhêv no mak cur thiêz tas nro sơưr đơưk lok six xar tâu phêiz kênh đros pox nhuôs sơưr đơưk chiê sik paz, khưx phưx têx trâus hiêv”.

          Lơưr thôngz sâu, txos nhiv no tsuôk zos Ban chơưv paz huyện Mường La tưz txêik jênhv 6 tiv đêiv ntâu; 2,4 tấn cxur, zuôr xar 1.000 thungz mì tôm, 100 ntâu poz khâuz ndơưk thiêz ntâu zav chuôz zênhx txơưr đuô zos chor tsưr tsix, tiz nênhs paz trâu tsôngv box. Tổng công ty Hàng hải Việt Nam tưz cuêz tênhv paz 3 tiv đêiv chiê cxiv uô đuô trạm y tế xã Nặm Păm, huyện Mường La thiêz khơưk muôz 150 triệu đêiv trâu chor ziv chuôz zis tsik muôx vax tsêr nhoz. Ủy ban trung ương mặt trận têz qơưk Việt Nam cux paz pêx xênhv Mường La 300 triệu đêiv. Đoàn côngz xưv xã hội-siêz jông pov chir Công an thiêz Công ty cổ phần tập doàn Hoa Sen tưz chuôr yuô, paz 50 triệu đêiv trâu chor ziv chuôz zis trâus hiêv lok lênhx nênhs, paz trâu cưk kriê ntơưr shux xênhz tsêr cơưv Pá Piệng. Zar hnuz kêix 5/8, Mặt trận têz qơưk Việt Nam tỉnh Lào Cai tưz muôz chor nhiêx 500 triệu đêiv trâu mặt trận têz qơưk tỉnh Sơn La chiê paz trâu pêx xênhv thax tsav trâus hiêv…Nhiv no, huyện đoàn Mường La tsênhv huiz tôngv zuôr xar 1.000 lênhx hluôk nênhs txix chor xã lok trâu kror qơư trâus hiêv no đros lưx lươngv txơưx jênhv uô côngz xưv chơưv paz, thiêz paz trâu pox nhuôs. Niêv tix Đoàn Thị Thảo, Bí thư huyện đoàn Mường La puz pâuz:

          “Pêz tưz chox kriê chor sở đoàn yênhx lix chor đội hluôk nênhs, huiz tôngv chor hluôk nênhs nhoz chor xã iz ndis lok paz trâu pox nhuôs thiêz thâux xa hax huv paz trâu pox nhuôs”.

          Đoàn côngz xưv Bộ tài nguyê thiêz tênhv qơư, Bộ zoz thôngz vận tải tưz tuôx qênhz yuôx, chox kriê khưx phưx têx phiv liv tiv ntux têz uô hiêv ntơưv huyện Mường La. Thứ trưởng Bộ tài nguyê thiêz tênhv qơư tưz khơưk muôz trâu huyện Mường La 500 triệu đêiv paz trâu tiv phaz khưx phưx tênhv qơư đhâu trâus đêx ngaz cuôr ruôr hiêv; muôz zuôr xar 90 triệu đêiv zos cán bộ, viên chức ngành tài nguyên thiêz tênhv qơư sik côngv paz trâu pêx xênhv nhoz jok Hua Nặm, xã Nặm Păm./.

(Hồng Việt-Lik Thox cxêik nhênhv)

                 PHÊNHV NÔNGX MÊNHX ZUÔR TSUV PÂUZ

         Shôngx Bá Dênh nhiv no zos lênhx tsưr paz nhux tưv muôx 17 tuk tros maz, lok six jông gâux. Xav kror đruôz đraz iz tuk tưv mê txix 20-25 tsov đeiv, têx tuk hloz tiêr tưv mak 45-50 tsov đeiv, xav lênhx hluôk Hmôngz no têx chuôz zênhx, tsiêx cxu mak cux xar iz tỷ đeiv.

Shông 2012, Shôngx Bá Dênh quyết tinhv xeir uô nox trơưk tsưr ziv tu zus siv têx nhux tưv. Đros thiêz 100 ntâu tsov đeiv têx nhiêx txeik txix cuiv nhiêx paz têx hluôk nênhs huôv tsar uô nox thiêz kêr txeik tsêr nhiêx tsênhv chei xã hội, Dênh zok nriêr zuôr têx nôngz tưv ntơưv qơư lok zus. Shôngx Bá Dênh heik pâuz: "Nhoz no tsi thôngx li luôs 2 chas thax tsav đrâuv, iz hnuz muôx 4 cheix, ntux nas, ntux yar, ntux no...., jêx tưv tsi so grêk kis viv li tsuôk zos têx nôngz tsiêx cxu ntơưv qơư thiêx muôx têx zus tâu. Ntâu tiêv lok no, tsôngv box tsuôk zos tu zus têx tsiêx tso lak yar xưz, thâuv cheix ntux no, tsi txâuk jâuz trâu nox, tsi txâuk sor, phax tar tsi tâu mor trâu têx tsiêx viv li muôx kênh jiês nhux tưv trâul tuôs hâur têx har jâuz lok cux tsi pâuz. Zuk tsi tu zus li ntơư, xor vax tso têx nhux tưv nox jâuz uô cê iz thax tsav qơư, ntiêr nênhs chos tâux, lêis jâuz chiê bax tsês trâu nhux tưv nox. Têx hnuz fênhx yax tsuv ntiêr hur si nênhs pư jor têx tsiêx, yuôr 2 hnuz kaz ciêz mak zuk chiv chir muk seiz shuôs thiêz jor chiê txuôs iz phênhv tưs têx nhiêx txiêx".

        Shôngx Bá Dênh heik: Tu zus tưv yênhx paz li no, phiv liv yax zos thâuv têx tsiêx trâus muôx moz. Thâuv trâus moz mak têx tsiêx tsi muôx jos, lok six cxơưx. Zik tsuv uô trơưk đreiv li cui tinhv cxax yuôx phax moz, cơưv shâuv têx canr bôv kho moz tsiêx cxu tsưr ziv qênhz pov têx moz gênhs, zuôr yuôx lok tsês, chiv chir kho trâu iz tuk jux juk. Nhiv no mak zuk muôx têx pâuz tâu tsiêx têx moz gênhs li chas lơưv, muôz trâu nhux tưv nox nzir njêr chiê muôx đas jos tir moz, Shôngx Bá Dênh heik kriê li ntơư.

       Chiê muôx txâuk jâuz tâux trâu têx tsiêx nox, tsi khov lok têx jâuz nưk muôx nưk, Shôngx Bá Dênh chos 3 ha têz tâux, ntiêr txix 10-15 lênhx lox tôngv ntơưv qơư tu, lêis jâuz trâu nox hâur niêx hnuz. Iz chas ntơư, nzaz nzơưv têx ar har jôngr, xuz tsuôs muôx tâu, Dênh 2 niêv txir chos 2 ha kriêr chiê muôs trâu ciêz đrôngs hâur tỉnh. Kriêr Hmôngz zênhx iz txưv tâu sơưr đơưk kruôl txos, zos njiv jông, kaz thiêz mê taz sik lox siz luôs, viv li khơưz sâu txos tưs, têx tuz luôv tuôx sâu zuôr txos ntơư.

Nhạc cắt

       Đhâu 6 shông qir têk cxiv uô trâur nuv huôv tsar uô nox li heik sâuv, tsi tiêk thêv tas têx nux grik hâur tsêr nhiêx têz qơưs, mak đros thiêz phênhv sâu tâu, xav kror đruôz đraz tâu nhos 200 tsov đeiv iz shông, Bí thư đoanx Shôngx Bá Dênh tưz yênhx iz lênhx nênhs uô tâu bluô nux hâur xã Na Ngoi.

        "Nênhs Hmôngz nhoz Na Ngoi nhiv no tưz tsi thôngx li đrav ntêx, lênhx tưs cux xar cov zuk zuô tâu bluô nux trâu chênhr zuk chuôz zis, tsi xar khov lok ntux paz. Na Ngoi muôx kror jông chiê trâu huôv tsar tu zus tsiêx cxu, chos kriêr, chos kok kriêr taz sik phiv liv đuô hur si cux zos têx pênhr thiêz tsưr ziv uô. Nhiv no muôx tsêr nhiêx tsênhv chei Xã hội lok sik têx tsưr tsix xã hội li civ nhiêx paz pênhr, tsưr ziv uô nox mak zuôr uô tâu xưz, zov chênhr zos tsuv cơưv shâuv, tsuv truôx siêz uô thiêx uô tâu", Shôngx Bá Dênh heik kriê têx tsưr ziv uô li ntơư.

        Tsôngv box....! Phênhv " Nôngx mênhx zuôr tsuv pâuz" hnuz no tsuôk xâuk li no xưz, phênhv no zos Đeix TNVN đros tsênhv qơư cxiz kôngz têz qơưk uô./.

(VOV4-Riê Lâux cxeik, nhênhv)