Thax tsav tox siêz Yên Bái bax tsưr ziv phax tir thêir đêx nas cuôr yôngz, tox xưz poz.

Xã Trạm Tấu nhoz sâuv iz ntar trôngz siêz, iz saz zos cưx ha toz, iz saz mak nxaz tox njês njênhk. Phênhv ntâu têx jok puôr lênhx nhoz pêv trôngz siêz, cưx đês cưx ha toz, phiv liv mul lok. Txix têx mông njuôk ntux yar ntux nas, zuôr muôx lok nas lox tiv coz nas chuô sôr 3 uô, hâu nov xã tưz bax uô cxuô faz tsưr ziv phax txar jav têx tsi jông lok lênhx nênhs thiêz chuôz zênhx chuôz tas, heik tsôngv px tsi tâu mul lok đhâu têx thax tsav riêz nênhs thâuv muôx ntux nas lox. Zơưv Jêz Xênhv Muôk, tsar jok Tấu Trên heik:

“Hnor tiêk zuôr muôx nas chuô lox lok mak heik ciês txos tsôngv px sđ pâuz  thiêz heik sđ tsi tâu nhoz, pư pêv têx liêx têz, tsi tâu mul lok đhâu têx đêx thâuv muôx đêx nas lox”.

Túc Đán zos xã muôx zuôr xar 100% tsôngv box Hmôngz uô nênhx nhoz thiêz uô liêx têz pêv têx ntar trôngz siêz, tsi so tsuv mul lok đhâu têx cưx đês cưx ha, thax tsav zôngx ziv muôx tox xưz poz, đêx nas cuôr yôngz. Chênhr viv li, đros trâu yax kriê gra siêz txux chi tsưr ziv jênhv pâuz trâu tsôngv px, xã tưz yênhx lix qơư txuôk đros trâu têx xã nhoz jê iz ndis chiê paz zênhx max thâuv muôx ntux nas lox, têx tsi jông. Zơưv Zax Xênhv Vax, Phưv Chủ tịch Ủy ban xã Túc Đán heik:

“Thâuv muôx yưv têx tsi jông hla đhâu zuk vax huôv, Ban seiz car phax tar ntux uô hiêv, zok nriêr chơưv paz lênhx nênhs têx xã zuôr siz hu sik đros phax tir thêir, paz  max thâuv njiz trâus phiv liv. Chor xã no thâuv tưs tưz muôx cêr sik thôngx siêz chiê thâuv xã tov zuôr trâul txos mak hu ciês tâu lênhx nênhs nhoz xã no muk paz thiêz thâuv xã no zuôr trâus paz max txos mak hu ciês tâu sđ tuôx paz”.

Cheix ntux nas shông uô ntêx, huyện tox siêz Trạm Tấu trâus uô ruôr hiêv tas xar muôx 13 tỷ đeiv, 70 chuôz zis tsôngv box tsuv yêik txar muk nhoz têx qơư truôx tuk, yênhx châuv ha kôngz lôngk trâus ar, poz jêz cxuz, yênhx puô tuk tsiêx cxu trâul tuôs, ntâu txox cêr mul lok trâus cxuz tsi jông tas, mul lok tsi tâu đhâu....

Chiê bax tsưr ziv phax tir thêir tâu zênhx max thiêz jông đros coz nas chuô lox sôr 3, huyện Trạm Tấu tưz xav tinhv têx thax tsav zov chênhr zuôr zôngx ziv trâus đêx nas uô hiêv, muôx tox xưz poz li: Pá Lau, Pá Hu, Trạm Tấu, Bản Công....chiê hâu nov ntơưv qơư thiêz tsôngv box pâuz, bax tsưr ziv phax tir thêir. Huyện cux heik cov sir zôngv jông 2 qơư njuôk shuôs ntux nas hâur thax tsav chiê pâuz tâu ntux zuôr lok nas lok tsi lol, heik trâu têx xã, thị trấn bax tsưr ziv phax tar ntux uô hiêv. Iz chas ntơư phênhz têx meir, yêz uz no nhoz ntơưv têx cêr mul lok tsi so trâus xưz poz, muôx ar, poz jêz cxuz  tiv đêx nas lox thiêz taz por hu tâu, mul lok đhâu.

Pos Lê Thị Thu Hà, Phưv Chủ tịch Ủy ban huyện Trạm Tấu, tỉnh Yên Bi heik pâuz:

“Huyện cux tưz pâuz tâu ntux têx txơưr txar, huyện tưz muôx txâuk  lênhx nênhs muk yax kriê, nênhs bax tsês chiê đros yêik txar têx chuôz zis nhoz têx qơư riêz nênhs  muk nhoz qơư truôx tuk. Txos iz jiês no têx chuôz zis nhoz thax tsav zôngx ziv muôx tox xưz poz tưz tâu qênhz shuôs jông; huyện cux tưz heik zênhx max txos trâu têx chuôz zis tsôngv box nhoz pêv têx liêx têz, nhoz jê ntus cưx đês cưx ha lok nhoz trâu têx qơư truôx tuk”.

Nhiv kruôr đhâu tsi ntêr no, Chủ tịch Ủy ban tỉnh Yên Bái tưz muôx côngz tênhv heik têx sở, ngênhx thành viên ban seiz car phax tar ntux uô hiêv thiêz zok nriêr chơưv paz lênhx nênhs tỉnh đros cxuô thax tsav qơư sox seiz njôngr ntux têx txơưr txar, heik zênhx max txos hâu nov thiêz tsôngv px sđ pâuz chiê bax tsưr ziv phax txar jav, lar heik zos đros thiêz đêx nas cuôr yôngz, tox xưz poz. Qênhz yuôx, qênhz shuôs, bax tsưr ziv taz por truôx tuk têx njưs tar đêx, pak đêx tênhr, tiv zix zos hâur six hơưv tso đêx zênhx max thâuv muôx ntux nas lox huôv hloz.  Iz chas ntơư bax tsưr ziv yêik txar tsôngv box thax tsav riêz nênhs muk nhoz têx qơư truôx tuk...../.

(Thừa Xuân-Riê Lâux cxeik, nhênhv)

Tiền Giang: Lênhx tuz lênhv trâus moz trâus saz thâuv ntu tir ntâul trok châuz trâul đis 2 cxeik kror muôs, tu iz cxeik têl sir jos hla đhâu têx phiv liv hâur luz nênhx

Nhoz xã Đạo Thạnh lok six ntâu lênhx nênhs pâuz txos zơưv Lê Cao Thạnh, lênhx tuz lênhv trâus moz trâus saz thâuv ntu tir ntâul trok châuz tsưx phưv têz qơưk; viv zơưv zos lênhx nênhs sir jos hla đhâu têx cêr txov thiêz phiv liv hâur luz nênhx. Zơưv Thạnh heik pâuz, shông 1987, thâuv uô tuz lênhv nhoz saz Campuhia, trâul đis 2 cxeik kror muôs , tu iz cxeik têl. Tâu chuôz zis, têx fôngx zưs tôngx zênhx thiêz hâu nov, đoanx thêv ntơưv qơư moz siêz paz max txos, zơưv Lê Cao Thạnh tsuv max mav shâuv uô cov sưv jux juk hâur luz nênhx xênhz huôx, paz chuôz zis uô iz kro mê njik têx nuv uz no hâur niêx hnuz thâuv kror muôs tưz tsi pov cêr. Têx  phiv liv li heik sâuv viv tsi muôx jông têk jông tơưk, kror muôs li luôs lưv tuk, zơưv tsuv hla đhâu tsi pâuz pêk tsơưs têx cêr txov chiê sir jos huôv tsar uô nox xưk iz zav li têx lênhx nênhs muôx jông têk tơư, jông nênhs txơưr đuô.

Shông 1993, cxênhx txuôs iz kro mê njik txix têz qơưk têx nhiêx muôz paz trâu lênhx nênhs trâus moz trâus saz thâuv ntu tir ntâul trok châuz thiêz kêr txeik mê njik txix têx cưr tix nênhx tsa cxênhz jê, zơưv tưz cxuz tâu xar muôx 2 cxênhz xưv phaz ar tiêx chiê uô kruô tsêr nhoz jok 5, xã Đạo Thạnh chiê uô tsêr nhoz thiêz muôx têx uô vax jâuz. Tâu Hội têx lênhx nênhs đil muôs tỉnh Tiền Giang paz pênhr, zơưv tưz yưv pênhr uô ntâu trâur nuv huôv tsar uô nox chiê muôx nzir phênhv sâu tâu. Ntâu trâur nuv zơưv tưz uô lơưr chiê txoz cxơưx trâu luz nênhx li: Chos txir lưv tsiz, tu zus yis, zus njêl, zus buô.... Nhiv no, zơưv tsênhv tâu ntơưv qơư paz max thiêz têx pênhr nhiêx cxênhx txuôs tâu lok đros, zơưv tưz cxiv uô tâu luz tsêr khor jông lok nhoz, tas muôx nhos 200 tsov đeiv. Zơưv Lê cao Thạnh heik:

“Heik cxuô, têz qơưk tsênhv chei paz zos zuk tưz tâu sơưv, zuk lav đros chor nênhs hâur tsêr uô cov tsi yuôx lax nhoz, iz chêr nxênh, cux muôx phênhv sâu tâu thâuv muôx zoz qơưx txos mak zul uô. Zuk uô li no cux zos uô trâu zuk tul nênhs cê muôx đas jos cux li zuk uô thể dục thể thao cov iz chêr nxênh, tsi gênhs xưz. Heik cxuô, zos tsênhv muôx đas jos jông mak zuôr sir jos đuô, xuz thơưx zos phưx vưv trâu chênhr tuk khênhx, đhâu ntơư zos muôx côngz đas jos paz trâu XH”.

Zơưv Nguyễn Thành Phương, tsar jok 5, xã Đạo Thành heik pâuz, zơưv Lê Cao Thạnh txơưv tiêk trâus moz trâus saz hnhar, taz sik cxuô phôngz yaox, hâux lưv uz no thâuv hâur jok phuôx tôngv puôr lênhx đros cxaz chuôz hur si. Têx jiês cơưv hội hmo ntux, zơưv cux cov lưv tuk chox tuôx cơưv thiêz gôngr ziv cxiv tsa, kho jêx jok cov nox nhoz njiês to, truôx tuk:

“Lê Cao Thạnh, nhoz no lơưr hu uô tix lâus nzơưs đil muôs no, zos lênhx tuz lênhv trâus moz trâus saz taz sik luz siêz, txux chi tsưr ziv tsi mak tsi đis. Tix lâus nzơưs đil muôs, lok sâuv  têx vax txir ntông mak tu nyis, nthuô luôx đu lus, muôx cêr thôngx siêz đros têx cưr tix nênhx tsa sđ hâur jok lol six jông. Uô cêr mul lok mak tix lâus gôngr nhiêx txiêx, hnuz côngz đros uô hur si. Txơưv tiêk kror muôs tsi pov cêr taz sik cơưv hmo ntux tix lâus cux tuôx đros tsôngv cưr tix nênhx tsa cơưv hur si, paz tsưr ziv cxiv kho jêx jok cov truôx jông, zos lênhx tuz lênhv trâus moz trâus saz-Lênhx tsôngv box uô ntêx nyuôs hâur cxuô hâur luôs hâux lưv”.

Txix shông 2011-2016, zơưv Lê Cao Thạnh zos Ủy viên BCH Hội têx lênhx nênhs đil muôs tỉnh Tiền Giang, uô Chủ tịch Hội têx lênhx nênhs đil muôs TP Mỹ Tho. Zơưv thâuv tưs tưz moz siêz, paz max têx lênhx nênhs muôx luz nênhx txov nhêv đuô zuk. Zơưv tsi so pheiz kênh, muôz têx nhiêx tâu paz lok sik têx huv zos têx tsưr tsix XH muôz puz chiê paz têx lênhx fôngx zưs đros zuk uô hâux lưv uô cê thiêz ntâu lênhx nênhs muôx luz nênhx jông xưk iz zav zuk muôx luz nênhx txov nhêv.

Txơưv tiêk tsênhv yuôr ntâu txov nhêv, lar heik zos têx kuz moz thâuv ntu tir ntâul trok châuz khênhr huôv uô moz tuôx thâuv ntux txơưr txar, taz sik zơưv Lê Cao Thạnh thâuv tưs cux nhoz luôs nxi. Zơưv uô nênhx shir phaz viv tưz uô ntâu tâu luôs hâux lưv trơưk li tsưr ziv, siêz xar, sir jos hla đhâu têx phiv liv thiêz cêr txov, txơưv trâus moz trâus saz lok tưz muôx txux chi, tsưr ziv./.

(VOVĐBSCL-Riê Lâux cxeik, nhênhv)