Hâux lưv xơưk pax ntâuz paz pox niêv Cho nhoz jos Nà Chắn muôz siêz phênhv sâu

          Nền...

          Nhoz jos Nà Chắn, ntâu lênhx pox niêv mênhx cxưx Cho cxôngx thâuv tsênhv zâu tưz tâu têx lênhx pos, lênhx niêv kriê xơưk pax ntâuz chax chês. Têx lênhx nênhs xơưk pax ntâuz chax chês jos Nà Chắn tâu yênhx lix cxôngx shông 2012, txos nhiv no tưz muôx 17 lênhx nênhs. Cxôngx têx đeiv ntâuz chax chês, đros thiêz zuk li tsưr ziv xar tơưv chiê xơưk, pox niêv nênhs Cho nhoz no tưz uô tâu têx đeiv ntâuz lok six jông mak tsi muôx qơư tưs muôx. Co zos pox niêv nênhs Cho li têx chêr tsôngs yo tâu xơưk ntâu zav pax lok six jông; têx đeiv flâuz ndông, đeiv pav...Niêv lâuk Bàn Thị Xuân, lênhx nênhs nhoz hâur paz têx lênhx nênhs xơưk pax ntâuz puz pâuz cxaz: “Chiê uô tâu xiv huv jông mak tsuv uô jông xeir ntâuz đhâu co chox muk tsâus gax thiêx li xơưk pax ntâuz. Têx chêr tsôngs yo chax chês thiêz ntâu xiv huv uô chiv nhênhv li fuôv, hnaz...tsuv uô jông uô. Viv tas nro puôr lênhx zos pox niêv chiv chir uô têx xiv huv thiêx li tax tsơưr lươngv thiêz tâu tsôngv kruô nhiêv txos”.

          Niêv lâuk Bàn Thị Bích, mênhx cxưx Cho cxaz chuôz paz pox niêv xơưk pax ntâuz chax chês cxôngx thâuv nhiv kruôr yênhx lix txos nhiv no puz pâuz: Cxôngx zuk li têx xiv huv, luz hli tưs niêv lâuk Bích thiêz têx pox niêv txơưr hâur xã cux muôx phênhv sâu ngaz tul cxôngx 500 cxênhz txos 3 tsov 500 cxênhz đeiv ndê muk: “Uô ntêx thâuv cxaz chuôz paz têx pox niêv xơưk pax ntâuz, chuôz zis li phênhv sâu tsuôk tos njôngr txos kôngz lôngk. Thâuv cxaz chuôz muôx cxaz phênhv sâu mak chuôz zis luz nênhx cux hlôngr yiêz đuô, txơưx xơưk pax ntâuz thiêz uô tâu ntâu xiv huv txơưr”.

          Nhiv no đrâuv mênhx cxưx li têx chêr tsôngs yo chax chês, têx hội viên hâur tuêv xơưk pax ntâuz Nà Chắn tưz uô tâu 20 zav hax huv txơưr li: tul đei zơưv six, flâuz ndông, pav, hnaz tso điện thoại....đros iz cxiê xiv huv chiv nhênhv txơưr. Têx xiv huv puôr lênhx tâu têx pox niêv chiv chir xơưk, heik kriê sâuv mạng xã hội facebook, zalo viv li xiv huv uô tâu ziv hnuz ziv muôx ntâu lênhx nênhs pâuz txos, tâu niêv ciêz, tsôngv kruô ndis shuôk ju lix nhiêv zuôr, chox lok phênhv sâu trâu têx pox niêv nênhs Cho. Niêv lâuk Triệu Thị Nhím, chủ nhiệm paz têx pox niêv xơưk pax ntâuz Nà Chắn puz pâuz:

          “Yênhx lix paz têx pox niêv xơưk pax ntâuz Nà Chắn chiê tuôr tsês hâux lưv chax chês, muôz cxaz phênhv sâu trâu pox niêv. Xiv huv uô tâu tâu tsôngv kruô lok six nhiêv txos. Shông no tiv moz Covid-19 viv li uô zênhr shar ntâu txos hâux lưv muôs hax huv. Pêz xar njôngr chinhr quyênx tiv phaz tsov cưv paz txưv chiê pêz tror huôx tôngv tâu lêx ntêr”.

          Zơưv Hoàng Tòn Sao, Chủ tịch UB xã Hoa Thám puz pâuz: Paz pox niêv xơưk pax ntâuz Nà Chắn li huôx tôngv tưz paz ntâu lênhx pox niêv muôx cxaz phênhv sâu thiêz coaz tsôngv tiv zix zos uô trâu pox nhuôs muôz siêz siêz xar tuôr tsês hâux lưv chax chês. Viv li, xã tưz thiêz tsênhv tror tsov cưv, paz max chiê lơưr tso siêz uô hâux lưv xơưk pax ntâuz: “Xã tưz sik côngv đros iz cxiê tsênhv qơư chox pox niêv muk heik kriê xiv huv nhoz ntâu qơư. Đrâuv co, UB xã cux paz max, cxiv tsa tsưr ziv huôx tôngv trâu lơưr thiêz nriêr qơư sâu zuôr xiv huv. Dự án CFP huôv tsar nông hội tỉnh Cao Bằng tưz krêz lớp kriê cxaz hâux lưv, paz nhiêx txiêx trâu paz pox niêv xơưk pax ntâuz Nà Chắn huôv tsar. Đhâu tsênhv tsênhz, xiv huv uô tâu muôx ntâu qơư sâu zuôr, phênhv sâu tâu muôz siêz”.

          Nền....

          Cxôngx têx pox niêv txơưx xơưk pax ntâuz, hâux lưv tuôr xơưk pax ntâuz chax chês nhoz jos Nà Chắn, xã Hoa Thám, huyện Nguyên Bình, tỉnh Cao Bằng tsi taz tror tâu têx pox niêv tuôr tsês, phuôx huiz mak tsênhv muôz cxaz phênhv sâu trâu têx pox niêv, muôz siêz luz nênhx trâu chuôz zis thâuv uô kôngz lôngk tas./.

(Chẻo Thu-Txâur Vax cxeik nhênhv)

Ntênhk  hội “5 luz chêix” Sa Pa kriz uô tâu yênhx côngz hâur shôngk shông yiêz

Trơưk li thôngz sâu tưz pov tâu tiêk, hâur luz hli 1 xiêz shông 2021, thax tsav qơư du lix huyện Sa Pa, tỉnh Laox Cai tưz tok tâu muôx 65 cxênhz lênhx kruô tuôx ndis uô si, sêiz shuôk têz qơưs, taz sik zos pir li têx shông uô ntêx tsuôk bâuv li 95%, viv muôx moz Covid-19 uô ruôr hiêv txos thiêz zos xav kror đruôz đraz, ntơư cux zos iz luôs hâux lưv uô tâu yênhx côngz hâur shôngk shông yiêz 2021.

Tsôngv kruô tuôx ndis uô si, sêiz shuôk têz qơưs txos Sa Pa hâur têx hnuz no cux pov muôx ntux no njiv, pok huôz niêz thiêz tâu đros côngv ntênhk hội đâuk tê Sa Pa, ntênhk hội chêix ntux no Fansipan…Pos  Nguyễn Thị Thùy Trang iz lênhx kruô nhoz tỉnh Sơn La tuôx ndis shuôk têz qơưs txos Sa Pa shir phaz lul hêik: “Ntơưv no zos jiês tiv 3, cur tuôx uô si trâu Sa Pa, viv Sa Pa muôx ntâu thax tsav qơư jông jav thiêz cur tsênhv zuôr tror tuôx uô si ntâu jiês trâu Sa Pa”

Pir li luz hli uô ntêx, hur si tsôngv px đros trâu hâu nov sđ cux tsênhv siz chos côngv têk uô luôs hâux lưv tir thêir moz Covid-19, taz sik hâur luz hli iz shông no, hur si cxuô txox cêr muk lok thiêz têx vax tsêr, tsêr tok kruô hâur đrôngl Sa Pa cux cxiv kho tâu jông jav, muôx chôngz lênhx kruô tuôx ndis uô si sêiz shuôk têz qơưs txos. Hâu nov huyện Sa Pa thiêz têx cơ quan muôx vax huôv cux tsênhv siz chos côngv đas jos tsưr ziv cxiv kho têx cêr muk lok hâur đrôngl huyện jông jav cov muôx chôngz lênhx kruô tuôx ndis uô si. Trơưk li pos Hoàng Thị Vượng, Tsar  Phôngx vênhx huôv thị xã Sa Pa hêik pâuz tiêk: Iz chas uô jông luôs hâux lưv tir thêir moz Covid-19, cux tso tơưv luôs hâux lưv huôv tsar du lix hâur shông 2021, cov Sa Pa tok tâu 3 triệu lênhx kruô tuôx ndis uô si sêiz shuôk têz qơưs txos Sa Pa. Sa Pa txơưr đuô cxuô thax tsav, viv iz chas Sa Pa muôx 4 thax tsav qơư uô si hâur 4 luz chêix thiêz Sa Pa cux tsênhv muôx iz luz chêix uô si zos “hluôk đrâus hêik cưr cxiêx qiz hluôk gâux”, pêz tik bê ntênhk hội gâux đrâus. Chênhr zos li hêik ntơư, hâur shông 2021, thị xã tưz kriz uô ntênhk hội 5 luz chêix đros trâu kriz nthuôr uô ntâu cêr lov jêv, muôx chôngz lênhx kruô tuôx sêiz shuôk./.

                                                                         Tsu Vưx cxêik nhênhv-An Kiên - CQTT Tây Bắc