Tsiêz Pax-Heir nênhs Cống tỉnh Điện Biên li tsiêz thâuv nzor

  Đros thiêz tsôngv box heir nênhs Côngr, thâuv têx pax iz kêiz tơưs jov jơưk, liêz vok pêv têx trôngz, liêx têz cux zos cheix sđ tưz sâu tas têx kôngz lok tsês trâu cxaz juk, six hơưv tsưr tsix tsiêz pax, nênhs Côngr ntênhs tsiêz cxôngx nzor zov chênhr yax hâur shông cux zuôr qir nox.

Chiê nox luz tsiêz no, txix ciês thâuv tas cik sơưr nzor, têx lênhx tsưr tsêr zuôr muk pêv têx liêx têz đê pax iz kêiz tsêz cxuô nro trâu hâur têx têz, muôz đros têx kôngz sâu tâu hâur shông tso trâu sâuv trôngx jâuz mor txi pos zơưs, gra muk tov lênhx txir nênhz hâur jok tsêr. Lênhx txir nênhz jâuv ntơưv trôngx jâuz mor chênhr, hu têx đaz xênhz têz xênhz qơư, pos zơưs sđ lok đros dự ntênhs, thor tâu tsưr tsix tsiêz trâu tsôngv lax px sđ hâur jok thiêz hu txos têx đaz xênhz têz xênhz qơư, car đêx car ar, pox côngz zơưv......lok đros côngv cêr lov jêv, nox tsiêz. Đhâu têx suôz đruôl tôngx, nxêz tôngx đror nxê ntưk hâur jok mak tsiêz pax zuôr qir tâu tsưr tsix.

Đhâu ntênhs tsiêz no, nênhs Côngr vav thiêz xar njôngr thor uô tsâus ntâu txos têx đaz car đêx car ar, jax txis jax  lâus, pox côngz zơưv txưr hâur lơưr thax tsav qơư nhoz tưz paz por hưv trâu lơưr iz shông tsi muôx moz gênhs thiêz uô kôngz lôngk sâu tâu nju. Iz chas ntơư thor cov paz por hưv trâu tsôngv box sđ hâur iz shông yiêz muôx đas muôx jos, njiz cêr nox kaz nhoz jông. Zơưv Lò Văn Tha, tsar jok, zos heir nênhs Côngr nhoz Púng Bon, xã Pa Thơm, huyện Điện Biên heik:

“Tsiêz pax zos pêz nênhs Côngr luz tsiêz uô kaz ciês hâur shông, thâuv co sđ tưz sâu tas têx kôngz lôngk lok tsêr hur si, mav qir tsưr tsix nox tsiêz.  Nox tsiêz no mak sđ thiêx tror tâu por hưv hâur shông yiêz, uô đuô chiv kôngz yiêz. Zos tiêk lênhx tưs, chuôz zis tưs tsi nox luz tsiêz no mak zuôr trâus tsôngv box sđ hâur jok bluô”.

Cux xưk li iz cxiê heir nênhs tsơưs txơưr hâur thax tsav tỉnh Điện Biên, nênhs Côngr phênhv ntâu zos uô têz, uô liêx đêx, liêx tơư ntêir, iz shông uô iz chiv kôngz. Iz chas ntơư, lơưr tsênhv tsêz chos têx kôngz, jâuz tâuv uz no sâuv têx liêx têz nhoz jê ntus đêx, ntus cưx ha chiê huôv tsar tu zus tsiêx cxu. Chênhr  li ntơư cux viv lơưr xar tiêk “Xênhz txơưv lok khov trâu ntux, uô nênhx nhoz lok cux zos khov trâu ntux” mak têx lâuk heir nênhs Côngr piêr kriê tsês, zos tsi nox luz tsiêz heik co mak tsi muôx lênhx tiz nênhs tưs tâu chei muk uô liêx uô têz, uô si lov jêv.....

Chiê fiv đros trâu têx hlôngr yiêz hâur luz nênhx nhiv no, ntênhs tsiêz no cux tsi tsưr tsix nox ntêr 3-4 hnuz li đrav ntêx mak lơưr tsuôk nox hâur iz hnuz iz hmo xưz. Taz sik têx shaz ntơưr, jâuz mor, tsiêx cxu...... bax trâu ntênhs tsiêz co cux tsênhv tâu tsôngv box tuôr tsês chiê jông. Zơưv Nạ Văn Phanh, zos iz lênhx txir nênhz heir nênhs Côngr, nhoz jok Púng Bon, xã Pa Thơm, huyện Điện Biên heik pâuz:

“Nênhs Côngr luz tsiêz no shông tưs cux muôx. Thâuv uô tsiêz mak tsuv muôx iz gơưv nak cxênhz, iz gơưv njêl, kok tsư ha, têx pax, txir ntông hâur têx têz đê gra lok, hur si têx li heik co thâuv tưs cux tsuv muôx. Txix ntơư thor cov iz shông huôv tsar uô tâu nox tâu hâuk, tsôngv box sđ hâur jok nox nhoz luôs nxi, tsi muôx moz gênhs, tu tsiêx cxu trơưk têk, uô kôngz lôngk lok pur cxaz. Uô, txi tas pos zơưs mak tsôngv box sđ thiêx siz zâuv hâuk 2, 3 khoz chơưr, nox mor uô cê lov jêv”.

Muôx têx cux chênhr zos viv tuôr tâu chiê zuk heir nênhs têx txux chi jông, mak thâuv tưs txos nênhs Côngr luz tsiêz no tưz hu zâuv tâu ntâu tuk chôngz lênhx tsôngv box thiêz tsôngv kruô sđ hâur thax tsav tuôx đros côngv cêr lov jêv. Txix ntơư uô trâu luôs lưv heir nênhs txơưr đuô muôx cêr thôngx siêz đros iz heir nênhs tsơưs li nênhs Côngr. Pos Lương Thị Đại, iz lênhx kruô tuôx đros tsôngv box Cống côngv cêr lov jêv hâur ntênhs tsiêz no heik:

“No zos jiês xuz thơưx cur tuôx đros nênhs Côngr nox luz tsiêz no, cur pov lok six lov jêv thiêz jông viv tsôngv box Côngr tsênhv tuôr tsês tâu zuk heir nênhs ntâu zav txux chi, hur si têx chei txi pos zơưs, tsôngk trik yo, xênhz huôx, nox nhoz mul lok tsôngv box tsênhv tuôr tâu chiê hur tiz si, mak muôx têx ntâu heir nênhs txơưr đuô cux tsuv cơưv shâuv li ntơư”.

Yuôr đros thiêz tix lâus Phạm Đức Long, iz lênhx kruô hâur thax tsav jiês xuz thơưx tuôx đros nênhs Côngr ntơưv jok Púng Bon nox tsiêz mak heik li no:

“Cur zos iz lênhx tsôngv box nhoz hâur thax tsav taz sik jâuv no zos jâuv xuz thơưx cur tuôx đros nox tsiêz, côngv cêr lov jêv, cur pov lok six jông, muôx ntâu zav txux chi yiêz tsi thôngx li têx heir nênhs txơưr đuô. Shông no nhiv kruôr zos shông tiv 2, lưv shông uô chas cux zuôr lov jêv đuô thiêz pêz zuôr tror tuôx seiz ntênhs tsiêz co”.

Tsiêz pax zos heir nênhs Côngr li ntênhs tsiêz thâuv nzor mak tsi tiêk heir nênhs tưs cux muôx, ntênhs tsiêz heik co muôx ntâu txux chi jông reik đros trâu  nênhs Côngr cêr nênhx xênhz huôx, heik lok iz heir nênhs tsơưs nhoz faz Tây pêz têz qơưk têx cêr nox nhoz, txux chi jông. Têx shông jê lok no, txơưv tsênhv njiz ntâu phiv liv taz sik tỉnh Điện Biên cux sir jos cxơưz tiês huôv tsar kinh tế-XH trâu thax tsav tsôngv box Cống, krêz nthuôr uô đar têx txux chi vênhx huôv siz chuôs njiz, sik cơưv shâuv cêr huôv tsar uô nox chiê trâu cxuô heir nênhs muôx cêr sik thôngx siêz....., viv li tsôngv box heir nênhs Cống luz nênhx nox nhoz tưz truôx tuk đuô. Luôs hâux lưv tsưr tsix tâu yênhx côngz ntênhs tsiêz pax 2017 trâu tsôngv box heir nênhs Cống tưz paz tuôr chiê, por hưv tsês iz heir nênhs tsơưs têx txux chi vênhx huôv jông thiêz uô trâu 19 heir nênhs uô nênhx nhoz uô cê hâur thax tsav siz muôx cêr thôngx siêz. Txix co paz cxơưz trâu heir nênhs no huôv tsar, tuôr truôx chính trị nhoz suôv têz qơư no./. 

(Vũ Lợi-Riê Lâux cxeik, nhênhv)