Lào Cai: Lênhx nênhs nhoz Bảo Yên li cêr chiê siêz, vav njôngr lok zav tsoz chos tâu gri

Hur tiz si phênhv sâu tâu tsuôk khov lok têx ntông ciêv fix, taz sik yênhx châuv shông lok no, tas nro têx lox txos trâu têx zâu thiêz mê hâur pos Phạm Thị Tịch, nhoz jok Đa Vắc, xã Xuân Hòa, huyện Bảo Yên, tỉnh Lào Cai chuôz zis puôr lênhx uô tâu hur si. Đhâu thâuv zuôr nhaz zuôr vâur, pheiz têx chuôz zênhx uz no trâu têx mê nhuôv tas, pos Tịch tuôr tsês 2 ha ntâu ntông ciêv fix, shông no chor ntông co tưz muôx 7 shông, nhiêx yiz thiêz txiêr têx chês muôs hâur niêx shông tưz txâuk trâu chuôz zis zôngv xênhz huôx. 5 shông zar tov kaz no thâuv têx ntông hloz lox tas, muôs cux zuôr tâu mê njik nhiêx chiê txoz cxơưx thiêz bax trâu ntu nênhx zar lâuk. Pos Tịch heik:

“Txix thâuv chos têx ntông ciêv fix no heik cxuô mak lok six jông. Viv iz shông cur chuôz zis, têx mê nhuôv cơưv li no tsuv zuôr trâus txos 100 mak yiz thiêz txiêr 100, zuôr trâus 50 mak txiêr 50, thâuv tưs cux zos muôx têx ntông ciêv fix xưz, tsi muôx iz zav đaz tsi zuôr uô tâu nhiêx li. Pir li têx tsoz chos txơưr đuô mak tsi muôx iz tsoz chos tưs bâuv li no thiêz tâu gri li, txiêr thiêz yiz tâu tsi tas thâux muk kror tưs, lơưr ho txơưx tuôx sâu zuôr ciês ntơưv qơư”.

Tsi tiêk pos Tịch chuôz zis, nhoz jok 31, xã Xuân Hòa chuôz zis tưs cux chos ntông ciêv fix. Nhoz cxuô nro hâur têx xã txơưr đuô hâur huyện li: Điện Quan, Thượng Hà, Tân Dương, Vĩnh Yên, txos kror tưs cux pov ntông ciêv fix. Têx ntông co tsôngv box sâu tâu txix têx chês, blôngx thiêz tơưr, tsi muôz iz zav tưs por tsês hlo, yiz thiêz txiêr tâu zuk muôz por chuôs tsi hâur vax ho muôx nênhs tuôx sâu zuôr txos ciês ntơưv qơư thâux muk muôs trâu têx tsêr meir hâur thax tsav huyện.

Ciês lơưr tsêr meir uô têx trox ntông ciêv fix nhoz Công ty tsiv uô ntông, têx kôngz nuv Sơn Hải nhoz ntơưv jok Mỏ Đá, xã Tân Dương tưz sâu zuôr tas hur si tsôngv box sđ hâur huyện têx chês, blôngx ntông ciêv fix. Iz shôngz tsêr meir no uô tâu 25-27 tênhr trox ciêv fix, muôx phênhv sâu tâu xar 30 tỷ đeiv. Zơưv Phạm Bá Tuệ, seiz car tsêr meir heik pâuz:

“Tsêr meir qir uô hâux lưv txix shông 2014, têx shông xuz thơưx huyện Bảo Yên têx ntông ciêv fix tsi tâu muôx ntâu, taz sik nhiv no mak cux xar txâuk trâu tsêr meir. Tsêr meir sâu zuôr hur si têx chês thiêz blôngx ntông ciêv fix trâu tsôngv box đros thiêz gri siêz chiê tsôngv box muôx phênhv sâu tâu, cxơưz cxiz tsôngv box sđ moz siêz huôv tsar uô nox. Tsêr meir jov, liv têx trox cux tsênhv lok six phiv liv, taz sik ho jông iz kro zos uô tâu txol tưs, muôs tal txos ntơư”.

Đros thiêz tuk gri li nhiv no, xav kror đruôz đraz 1 ha ciêv fix txix 10-15 shông ntông zuôr sâu tâu nhos 600-800 tsov đeiv. Tưz tsi tâu xav txos, chos ntông ciêv fix tsi txov li chos têx kôngz txơưr đuô thiêz txix thâuv muôx 14 shông ntông tror zar sâuv mak tưz qir jông txiêr thiêz lưs sâu têx chês, blôngx muôs. Muôx têx cux zos viv li ntơư, nhoz Bảo Yên muôx têx suôv qơư chuôz zis tưs cux chos ntông ciêv fix, kênh lênhx tsôngv box sâu tâu ntâu nhiêx đhâu thâuv muôs tas têx ntông ciêv fix.

Trơưk li zơưv Hoàng Quang Đạt, Chủ tịch Ủy ban huyện Bảo Yên, tas nro huyện nhiv no muôx nhos 15 cxênhz ha ntông ciêv fix, trơưk tsưr ziv njuôk hov txos tas shông 2020, têx têz ntông ciêv fix no zuôr tsar ndê txos 20 cxênhz ha. Đros thiêz grê truôx tuk li no, mak txos shông 2025, 20 cxênhz ha ntông ciêv fix zuôr sâu tâu nhos 800-1.000 tỷ đeiv iz shông.

Lok sâuv qơư muôs têx ntông heik co, đhâu nhênhz chơưv têx ciêz đrôngs, siz chos seiz lax, chos luk tsês đros têx tuz luôv, chor nênhs sâu zuôr saz đrâuv luôs 2 chas têz qơưk, Bảo Yên xav tinhv têx ntông ciêv fix muôx têx zos qơư khov truôx jông trâu tas nro tsôngv box hâur huyện hâur nhos 20-30 shông zuôr txos. Uô ntêx, huyện cux tsênhv fuô uô thiêz muôx luk hu lơưk nzir iz cxiê lênhx nênhs yưv pênhr lok sâuv tsiv uô têx xiv huv txix ntông ciêv fix, iz chas ntơư muôz jông six hơưv trâu tsôngv box chos thiêz huôv tsar zav tsoz chos co. Zơưv Hoàng Quang Đạt heik:

“Pêz cux heik trâu tỉnh cov paz têx lênhx nênhs chos ntông ciêv fix iz ha 5 tsov đeiv. Lar heik, pêz huiz tôngv têx lênhx nênhs yuôx jôngr đros phongx kôngz nuv heik kriê tsôngv box tsưr ziv chos. Iz chas ntơư, têx chuôz zis muôx liêx têz taz sik chos tsi tâu mak pêz cux huiz tôngv sđ tuôx đros paz chos ntông. Pêz cux vav chiê siêz tiêk, zuôr chox Bảo Yên yênhx iz qơư zov chênhr chos ntâu ntông ciêv  fix nhoz Lào Cai, bâuv iz zav li Văn Yên, tỉnh Yên Bái”. 

Bảo Yên đrav ntêx thiêz nhiv no iz txưv zos ar chos jôngr ntông, taz sik thâuv ntêx têx ntông muôs tsi tâu nhiêx ntâu; taz nhiv no ntông ciêv fix tưz hloz lox jông, co tsi tiêk zos têx ntông paz njuôz vor tox trôngz câuv har, mak tsênhv gra cêr chiê siêz trâu yênhx cxênhz lênhx tsôngv box hla đhâu yeiz pluôs, sir jos uô bluô nux trơưk tsưr ziv, siêz xar./.

                                                    (An Kiên-Riê Lâux cxeik, nhênhv)

Quảng Trị: Yuôr ntâu cán bộ tsik muôx txơưx jênhv hâur uô hâux lưv

Dự án pêx xênhv chấm điểm M-Score zos Hôiv đôngx tỉnh Quảng Trị sik côngv đros tsưr tsix Oxfam thiêz Công ty njuôk xav six hơưv RTA uô txix shông 2014. Dự án tâu uô ntơưv văn phongx Một cửa nhoz 9 huyện, thị xã, thành phố sâuv thax tsav tỉnh Quảng Trị. Đhâu 3 shông kriz uô, txix shông 2014 txos 2017, muôx 35.000 ntâu lênhx nênhs tâu njiz trâus têx hâux lưv co. Tix lâus Nguyễn Văn Thắng, nhoz ntơưv phường 5, thành phố Đông Hà, tỉnh Quảng Trị puz pâuz, sir zôngv ntâuk gri hâur dự án pêx xênhv chấm điểm sêi thiêz zôngx ziv đuô pir li hêik pâuz txix ntơưr sâu thiêz tâu tsês chiê jông:

“Thâuv tuôx trâu chor qơư co uô ntâuz ntơưr khov muôx dự án pêx xênhv chấm điểm mak pêz zuôr hêik tâu txos chor cán bộ li hâux lưv uô. Vav tiêk cxuô cấp, nganhx zuôr khov trâu pêx xênhv li hêik pâuz co chiê muôx tsưr ziv xưv lik chor cán bộ tsik muôx txơưx jênhv, txux chi kik”.

Đhâu qênhz yuôx puz pov, tsơưr lươngv dịch vụ hành chính công nhoz Quảng Trị tưz hlôngr yiêz ntâu. Shông 2014, điểm số pêx xênhv chấm hêik tơưv huv đros zos 7,5 điểm; chor nênhs uô hâu lưv li sir jos zos 7,7 điểm. Txos shông 2017, tưz ndê txix 8 txos 8,3 điểm. Vênhv thix đêx ar tâu pêx xênhv tsov cưv txos ntâu tiv zix, tsav muôx 89% chor jiês tênhv hu tuôx, taz sik pêx xênhv thôngx siêz mak ho kik tiv zix hâur chor hâux lưv hành chính công.

Lơưr zơưv Nguyễn Văn Hùng, Bí thư Tỉnh ủy Quảng Trị, kror ndax ndênhk hâur sêiz kaz thôngz đhâu têx kror paz co, tưz paz trâu tsav txênhz cấp tỉnh (PCI) thiêz hành chính công (PAPI) ntơưv tỉnh Quảng Trị. Kror kriz đar tsưr ziv uô M-Score trâu hâux lưv y tế puz pov tiv phaz li têx sir jos hlôngr yiêz hành chính. Taz sik, chor nênhs pâuz tâu txos tsaz yênhx no tsik tâu chôngz. Zơưv Nguyễn Văn Hùng puz pâuz, đhâu pêx xênhv hêik pâuz, iz cxiê qơư cán bộ tsênhv tsik tâu muôx txơưx jênhv jông hâur cêir chêx têx ntâuz ntơưr trâu pêx xênhv.

“Txix hêik pâuz, chấm điểm li chak, Thường trực HĐND muôx ntâuz ntơưr hêik chor huyện tsuv khưx phưx, sêiz shuôk đuô chor cán bộ uô têx hâux lưv co. tsuv hêik tiêk đros têx kror uô tâu jông mak iz cxiê lênhx cán bộ txux chi kik, đros uô hâux lưv ntơưv têx cơ quan tsik tâu uô truôx jông lơưr têx chêi thiêz zoz qơưx hâur qơư uô hâux lưv. Muôx yưv li co taz sik pêz ho tsik tâu muôx chêix chiê xưv lik cov truôx jông”./.

(TTMT-Lik Thox cxêik nhênhv)