Jax sâu thưr 5 hnuz 9/6/2016

Huôx tôngv vi ngaz tuk trâu nhuôs zâu

Xav txix jiês tsưr tsix xuz thơưx xiêz 1/6/1950, iz đraz thế kỷ đhâu, hnuz ntiêx têz nhuôs zâu xiêz 1/6 tưz zos yênhx nhuôs zâu iz huôv têz qơưk li hnuz hôiv, hnuz tsiêz trâu cêr siz hluz, tsoz phưz, sik paz cov sđ muôx luz nênhx tsâu sor….đros ntâu huôx tôngv tsênhv tsênhz, muôx tsiv gri, zos chuôz zis thiêz xã hôiv tsês trâu chor nhuôs. Hnuz xiêz 1/6 cux zos hnuz tsik so tâu zôngv uô hnuz kriz thơưx trâu hli huôx tôngv viv nhuôs zâu yênhx shông, uô côngz xưv tsoz phưz, por vêv thiêz zoz zux nhuôs zâu-Công ước li iz tsênhv njiêz zov chênhr lok qênhx por vêv nhuôs zâu Việt Nam zos iz hâur oz luz têz qơưk xuz thơưx uô thiêz tso tơưv.

Ntu đhâu, côngz xưv no tsik so jênhv tâu Đảng, têz qơưk, cxuô cấp, nganhx txơưx jênhv thiêz tas nro xã hôiv li tsov cưv txos thiêz tưz tã xtâu têx chêx cur jông: chor nhuôs zâu nhoz cxênhx iz, cxênhx oz muk cơưv ntơưr tsik soc huôz ndê, 90% chor tỉnh, thành phố tưz tâu ploz tsênhr phôv cập cxênhx oz. Nhuôs zâu pluôs, nhuôs zâu tsik tâu muôx 6 hli hnuz nhôngs tâu njuôk kho moz tsik tas nhiêx txiêx ntơưv chor qơư y tế công lập sâuv thôngz têz qơưk. Nhuôs zâu li chor huôx tôngv uô si cux tưz tâu cxuô cấp, cxuô nganhx thiêz chuôz zis tsov cưv txos; qơư uô si trâu nhuôs zâu tưz zos yênhx iz kror vênhx huôv hâur chor dự án huôv tsar đô thị, iz luôs hâux lưv hâur huôv tsar zoz zux thiêz cxiv tsa jêx jok yiêz.

Taz sik, cux tsênhv yuôr tsik tsơưs chor nhuôs zâu, tiv zix zos nhuôs zâu tox siêz, nhoz đêz, nhuôs njuôs, trâus sêv khiz luz chêr uô nênhx nhoz muôx tsik txâuk, nox tsik tsâu, hnar tsik tâu sor, muk cơưv đêz tsêr, tsuv nhoz hâur chor tsêr lav uô lav nhoz hâur jôngr, muôx têx nhuôs tsuv uô khưr ntâu hênhr…

Viv li, hnuz ntiêx têz nhuôs zâu xiêz 1/6 shông no, tâu kriz thơưx trâu hli huôx tôngv viv nhuôs zâu muôx tsênhv njiêz “Viv luz nênhx ngaz tuk, phax tar txiêz nanv, trâus saz trâu nhuôs zâu”. Viv kror no zos vênhv thix tas nro ntiêx têz tsuv tsov cưv txos. Iz hnuz sâuv ntiêx têz, yênhx cxênhz chuôz zis muôx nhuôs zâu trâus saz. Nhoz pêz têz qơưk, iz hnuz muôx yênhx châuv chuôz zis trâus pôngz siêz viv nhuôs zâu trâus saz, txiêz nanv, uô trâu nhuôs zâu trâu saz lok sik trâus sêv khiz luz chêr tas siv nênhx.

Xêir tsênhv njiêz no trâu hli huôx tôngv viv nhuôs zâu zos iz jiês thiez, Việt Nam khav tênhv sir jos gra siêz chor cơ quan, tsưr tsix, chuôz zis, tiz nênhs li jênhv pâuz thiêz txơưx jênhv hâur phax tar txiêz nanv, trâus saz nhoz nhuôs zâu, chiê qênhz yuôx qênhx shênhx txiêz nanv, trâus saz, tiv zix zos pôngz đêx thiêz txiêz nanv zoz thôngz, taz por trâu nhuôs zâu tâu uô nênhx nhoz hâur tênhv qơư nga ztuk chiê huôv tsar.

Cêr hluz tsês trâu nhuôs zâu mak tsik pâuz tas. Chuôz zis, tsêr cơưv, đoanx thể, chor tsưr tsix tiz nênhs siêz jông hâur xã hôiv li sik côngv têk zuôs zos kror chiê ziv hnuz ziv muôx ntâu côngz trinhx pak đêx, qơư uô si trâu nhuôs zâu; cxiv tsa chor vax tsêr ngaz tuk, tsêr cơưv ntơưr ngaz tuk, côngv thôngx ngaz tuk; hlôngr đuô tênhv qơư uô nênhx nhoz taz por ngaz tuk phax tar txiêz nanv, trâus saz nhoz nhuôs zâu; chuôr yuô thiêz khơưk muôz têx huv tsiv gri li mov por vêv tâuz hâu, yo phao, khơưk muôz học bổng, jênhv paz trâu nhuôs zâu pluôs, nhuôs zâu trâus phiv liv tiv txiêz nanv, trâus saz; paz fêik kho trâu chor nhuôs trâus sêv khiz luz chêr….Tiv zix, txix hâux lưv tsưr tsix uô sik thav lok nhuôs zâu ASEAN jiês tiv 4 đros tsênhv njiêz “Iz ASEAN, iz kror tsưr ziv yiêz lok nhuôs zâu” txix hnuz 19/6 txos hnuz 24/6 ntơưv Hà Nội, pêz hax zav khav tênhv tâu txơưx jênhv ntiêx têz đros uô lơưr côngz ước lok qênhx nhuôs zâu.

Tsuv tsês chiê trâu nhuôs zâu têx cêr hluz jông tiv zix, chiê trâu chor nhuôs muôx iz tênhv qơư uô nênhx nhoz, cơưv shâuv, uô si ngaz tuk tiv zix chiê txo grêk tsơưs qênhx shênhx nhuôs zâu trâus saz thiêz trâus tuôs tiv txiêz nanv./.

(TTT-Lik Thox cxêik nhênhv)

Phênhv thưr 5, hnuz  xiêz 9/6/2016:

Tsêr kho moz Quân y 6 uô tâu hâux lưv jông

Muôx 90 luz txax trâu nênhs moz pư, zuôr xar 100 lênhx canr bôv cưk yuôx bác sỹ, hâur têx shông đhâu, hâux lưv “cơưv shâuv uô trơưk Lâuk Hôx têx cêr uô nênhx jông” tưz yênhx chor canr bôv, cưk yuôx bác sỹ nhoz tsêr kho moz Quân y 6 tỉnh Sơn La têx luôs hâux lưv uô hâur niêx hnuz. Ban Giám đốc tsêr kho moz tsi so muôz têx hâux lưv uô trơưk Lâuk Hôx uô đros taz viv têx luôs hâux lưv; hâur ntơư tsưv ziv  txos cxiv tsa têx chei, cui tinhv uô trơưk Lâuk Hôx cêr uô nênhx trâu canr bôv, đảng viên. Iz chas ntơư, heik têx lênhx cưk yuôx,  txơưv nhoz kror tưs, uô zav hâux lưv tưs cux sir jos uô cov tâu truôx cxuô luôs hâux lưv zok muôz, thâuv tưs cux seiz nênhs moz zos hâux lưv zov chênhr đuô hur si, moz siêz phưx vưv chơưv kho moz trâu nênhs moz. Chênhr viv li, têx cưk yuôx, bác sỹ ziv hnuz ziv moz siêz thiêz uô tâu jông hâux lưv seiz njuôk shuôs, kho moz trâu lênhx nênhs moz. Thạc sỹ, bác sỹ Trần Huy Ngọc, seiz car khoa ngoại, tsêr kho moz Quân y 6 heik:

“ Pêz tưz uô jông hâux lưv tâu zok muôz thiêz jông siêz, shir phaz lul lênhk tok têx lênhx nênhs moz tuôx seiz njuôk shuôs, kho moz. Chor nênhs moz tuôx nhoz ntơưv no phênhv ntâu zos nênhs tox siêz đêz đrôngs thiêz tsôngv box heir nênhs tsơưs. Nênhs moz tuôx mak tâu chor cưk yuôx jông siêz, shir phaz lul tok, lơưr nhoz kho moz, tâu chor cưk yuôx tsoz phưz, phưx vưv jông, hok kho jông moz muk tsêr mak tâu heik cov uô lơưr cưk yuôx têx luk kriê, nox yuôx cxix cxuô. Viv li muôx têx heik, pêz tsêr kho moz Quân y 6 zos qơư trâu têx tuz lênhv thiêz tsôngv box sđ hâur thax tsav njênhs njôngr”.

Nhoz thiêz uô hâux lưv hâur thax tsav tox siêz, têx cưk yuôx tuz lênhv hâur tsêr kho moz no tsi tiêk moz siêz uô hâux lưv chơưv kho moz trâu tsôngv box txix têx njiêr yuôx jông siêz, mak lơưr tsênhv uô trâu tsôngv box njênhs njôngr txos têx luôs hâux lưv uô li: Paz tsôngv box uô cêr muk lok jêx jok, đros tsôngv box đoz, luôx têx đrox, kriê tsôngv box sđ nox nhoz tsik uô vuôz tsuôz kiêk nênhs….Chênhr zos li hêik ntơư, chor nênhs moz tuôx kho moz ntơưv tsêr kho moz ziv hnuz ziv chôngz. Hâur 5 luz hlik hâur shôngk shông no, tsêr kho moz tưz seiz njuôk shuôs, kho moz trâu zuôr xar 10 cxênhz lênhx nênhs moz. Nguyễn Hoàng Lâm, nhoz huyện Mai Sơn, tỉnh Sơn La tuôx nhoz no kho moz heik pâuz:

“ Cur trâus tos yêz tuôx nhoz no kho moz, tâu chor cưk yuôx y bác sỹ ntơưv no moz siêz chơưv kho moz trâu cur, nhiv no tưz jông 70%. Cur uô tsâus ntâu txos chor cưk yuôx y bác sỹ hâur tsêr kho moz”.

Lơưr cưk yuôx bác sỹ chuyên khoa I, phưv giám đốc tsêr kho moz Quân y 6 Vũ Đình Khiêm, chiê cxơưz tiês têx hâux lưv uô hâur tsêr kho moz cov ziv hnuz ziv uô tâu jông, tsêr kho moz tsênhv tror cxơưz tiês phôngz yaox “cơưv shâuv thiêz uô trơưk Lâuk Hôx têx cêr uô nênhx jông”, cxiv vênhv tôngv “ Phuôx huiz cêr chax chês, sir tas zuk txux chi, tsưr ziv, đas jos uô hâux lưv, tsiv nhos zos lênhx tuz lênhv zơưv Hloz Hôx”. Đros trâu têx uô tâu ntơư, Đảng ủy tsêr kho moz tưz tso tơưv Nghị quyết “ cxiv tsa, gra siêz txux chi, tsưr ziv, moz siêz uô nuv viv têx lênhx nênhs moz”, khưx phưx, cxiv kho jux juk têx tsi jông, uô tsi tâu tsi tiêr, muôz cêr thôngx siêz truôx nhoz têx cưk yuôx thiêz nênhs moz. Tsêr kho moz Quân y 6 tsênhv sir jos uô hlôngr yiêz têx luôs hâux lưv, tsi so hux jos truôx chiê muôx cêr thôngx siêz hâur seiz njuôk shuôs, kho moz trâu lênhx nênhs moz. Bác sỹ Chuyên khoa I, Vũ Đình Khiêm, phưv giám đốc tsêr kho moz Quân y 6, Sơn La heik:

“ Pêz lok six shir phaz tâu đros cxix luôs y tế ntơưv qơư thiêz têx tsêr kho moz lox hâur thax tsav chiê uô jông thiêz fuô jông tsaz yênhx bộ đội, px sik côngv, hâur ntơư lar heik zos têx tsaz yênhx phax tar moz, seiz njuôk shuôs, kho moz trâu tsôngv box thax tsav tox siêz đêz đrôngs, tưz đros paz têx qơư y tế ntơưv qơư tsoz phưz đas jos trâu têx tuz lênhv thiêz tsôngv px hâur thax tsav”.

Phôngz yaox “cơưv shâuv thiêz uô trơưk Lâuk Hôx cêr uô nênhx” ntơưv tsêr kho moz Quân y 6 tsi tiêk gra siêz luôs hâux lưv seiz njuôk shuôs, kho moz mak tsênhv cxiz sđ sik thôngx siêz, siz paz uô tiêr jông têx hâux lưv zok muôz. Canr bôv, cưk yuôx tuz lênhv nhoz tsêr kho moz Quân y 6 tsênhv sir jos cơưv shâuv txux chi, tsưr ziv uô cxuô luôs hâux lưv chiê tsiv nhos đros 2 luz côngz bê: “ Tuz lênhv zơưv Hloz Hôx thiêz cưk yuôx VN./.

( Hồng Việt-Riê Lâux cxeik, nhênhv)