Nja ar ntơưv ntus tul đêx, tsôngv box Lào Cai cxơưx thâuv txos cheix ntux lok nas

          Ngòi Đường- tul đêx ntâu shông lok no reik đros tsôngv box phường Bình Minh li luz nênhx uô kôngz nuv, 2 saz ntus đêx zos têx plas ar tiêx jông. Taz sik cxôngx thâuv dự án qơư ju lix, nhoz so Pom Hán krêz uô, iz saz ntus đêx ar, thiêz poz jêz tâu thâux tuôx lâuz trâu ntơưv co lok six ntâu, yênhx iz nja ar ciêz cxôngx 5-7 yiv, ntêr muôs nhos iz cei cêr uô 2 saz ntus đêx saz siêz, saz kis.

          Fênhx yax tsuôk zos muôx têx nja ar siêz li ntơưv tsuôk uô lênhx nênhs njiê mak tsi jông seiz xưz, taz sik txos cheix ntux lok nas mak ho uô 70 ntâu ziv chuôz zis nhoz iz saz ntus đêx lok six cxơưx. Lơưr niêv lâuk Hoàng Thị Hiên, tsôngv box nhoz tuêv 16, phường Bình Minh, thâuv ntêx 2 saz ntus đêx siêz iz zav mak đêx zuôr ntưs hâur đraz, taz sik nhiv no saz tiv uz muôx nja ar siêz li ntơưv mak zuôr tar đêx, uô đêx ntưs lok saz no, tiv zix zos cheix lok nas lox, hmo ntux chuôz zis tưs cux cxơưx.

          “Cux nyei hênhr, hmo ntux lok nas lox mak cur niêv cur txir yax six muk seiz đêx, chuôz zis muôx 8 lênhx nênhs, tsênhv muôx mê nhuôs zâu thiêz, đêx cuôr yôngz tas mak txơưv tas li”.

          Zơưv Vũ Viết Hội,tsôngv box tuêv 21 puz pâuz, nhoz uô nênhx ntơưv no zơưv pov njôngr tul đêx Ngòi Đường muôx têx shông đêx pur siêz txos 3- 4 yiv, ngaz tas 2 saz ntus đêx. Shông no zos đêx lox li ntơưv thiêz mak tsi pâuz zuôr ruôr hiêv txos li chas:

          “ Niêx shông đêx pur siêz txos nja ar, tsênhv muôz ar tso ntơuv no tar đêx thiêz mak saz tiv uz zuôr muôx ar poz”.

          Lơưr zơưv Trần Anh Tuấn, phưv Chủ tịch Ub phường Bình Minh,đhâu sâu jênhv tsôngv box li ziv chênhv thiêz qênhz yuôx tsênhv tsênhz pov têx tsi taz por, tiv zix zos hâur cheix ntux lok nas viv li phường tưz tso tsês hâux lưv zơưv ar. Thôngx cxix phường cux heik tsưr yưv pênhr dự án tsuv muôx tsưr ziv cxiv uô nja tar ar poz uô ntêx thâuv luôv ar cxiv uô dự án:

          “Pêz heik tsưr yưv pênhr tsuv nzor uô lơưr zuk li tsưr ziv thiêz tsov cưv uô ntêx txos uô nja tir their đêx hâur cheix ntux lok nas, jav tâu qênhx shênhx ar thiêz poz jêz vôngz trâu saz tiv uz uô zênhr shar txos kôngz lôngk thiêz pox nhuôs li tsêr nhoz”

          Đros thiêz nênhs sâu xor xưv VOV thav, zơưv Nguyễn Văn Long- cán bộ phưv txơưx dự án qơư ju lix đêx sor Pom Hán puz pâuz, hâux lưv luôv vôngz ar tâu tsov cưv uô iz phênhv zos tsưr ziv uô tsuv trơưk six hơưv, iz phênhv tir their tsôngv box txênhz ar thâuv tưz jênhv phênhv pâux nzir. Lơưr tsưr ziv tâu UB tỉnh Lào Cai thôngz đhâu, doanh nghiệp zuôr uô njưk tir their iz saz, zos saz xik tul đêx Ngòi Đường nhoz hâur qơư cui tênhv uô dự án.

          Zos trơưk li cán bộ phưv txơưx dự án heik,saz lâux zos qơư 70 ziv chuôz zis tsênhv nhoz uô nênhx, tsêz chos mak tsi nhoz hâur dự án, tsênhv thiêz zuôr tsi tâu tir their li ntơưv txos thâuv tưs, chiê thâuv muôx xor mông lok ntux nas, chuôz zis tưs cux lok six cxơưx. Thiêz tsi pâuz lơưr txox siê pok zuôr trâus zênhr shar thâuv muôx ntux nas lox?

          Hâur tsưr ziv taz por trâu thax tsav qơư tsôngv box nhoz uô nênhx, tỉnh Lào Cai tsuv tsov cưv qênhz yuôx, seiz car ntâus grê têx dự án nhoz buôk têx tul đêx tsênhv tâu krêz uô sâuv thax tsav li têx uô zênhr shar txos tsôngv box. Têx dự án uô cxâuv mak tsuv yưr lir txos qơư, viv taz por tsôngv box li txox siê, chuôz zênhx chuôz tas zos hâux lưv zuôr trâus tiv zix./.

(T.Thủy- A.Kiên- Txâur Vax cxeik nhênhv)

Chei têz qơưk têx cui tinhv chêix tsar yêz

Nus: Têx trâus txưr chêix tsar yêz mul lok tâus cêr  muôx têx trâus txưr li chas?

Têz: Chei cheix tsar yêz mul lok tâus cêr li Grê 8 cui tinhv têx trâus txưr li đrav kaz:

1. Uô ruôr hiêv, puôk tsuôx têx cêr, qox, qơư tsav fuôx gox, tênhz tơưk, ndêx, fiêx, tsov iêr cêr, qơư trâu đêx ntưk, têx côngz trênhx uz no..... sâuv têx cêr yêz mul lok.

2. Khơưz, yâu uô tsi jông têx cêr tsi trơưk chei; muôz têx chuôz zênhx uz no lox, ntêr tso trâu sâuv cêr tsi trơưk chei; muôz têx tuk tsi njê por sâuv cêr, nquôr hâur cêr têx tsơưr, trox uô bluô cêr; muôz têx vuôz tsuôz, kiêk nênhs por hâur cêr; krêz cêr, khơưz cêr muk trâu têx cêr lox tsi trơưk chei; nav cêr lok sik sir zôngv tsi trơưk chei têx ar cêr, ntus cêr ar truôx tuk; chiv chir muôz têx hâu vor têx cưx đês đơưx, krêz, hlê, njêik yêv muk tso trâu lưv kror qơư tsi trơưk chei lok sik uô tsi trơưk li cui tinhv côngz trênhx cêr ar.

3. Sir zôngv cêr, têx ntus cêr uô lưv zav hâux lưv tsi trơưk chei.

4. Muôz têx yêz, yêz meir khênhr zôngv cheix mul lok tsi taz por truôx tuk kỹ thuật thiêz por hưv tênhx qơư cheix mul lok sâuv cêr ar.

          5. Hlôngr, kho têx yêz iz kro mê njik chiê tax yêz truôx tuk kỹ thuật thâuv cheix muk qênhz yuôx shuôs.

6. Siz tưr cheix yêz, cxơưz sik tưr cheix yêz, tsưr tsix siz tưr cheix yêz tsi trơưk chei, tsar yêz muk đaz muk tuôs tâus cêr.

7. Tsar yêz mul lok tâus cêr mak hâur đros chêr muôx tsơưr zax zênhz.

8. Tsar yêz lox, yêz meir...mul lok tâus cêr mak hâur nyar lok sik pa muôx cồn.

Tsar yêz meir, yêz muôx meir mak hâur nyar muôx cồn ntaua đuô 50miligam hâur 100 mili lir nyar lok sik 0,25 miligam hâur iz lir pa.

9. Tsar yêz tsi muôx ntâuz ntơưr tso chei tsar yêz trơưk cui tinhv.

Tsar yêz meir mul lok tâus cêr sâuv cêr ar tsi muôx txâuk têx ntâuz ntơưr tso chei tsar.

10. Choz yêz, yêz meir trâu lênhx nênhs tsi txâuk đas jos, hnuz nhôngs chiê tsar mul lok tâus cêr sâuv cêr ar.

11. Tsar yêz muk chênhr tsi trơưk cui tinhv, txênhz cêr, huôk luôs lưv tuk ntêx tsi trơưk chei, tsar muk đaz muk tuôs.

12. Nhêv tsưz yêz, tso yêz đror lox tsi so; nhêv tsưz yêz đror txix 10 six tsâuk ntux tax txos 5 six sơưr nzor, sir zôngv tênhz tơưs pov cêr tsov đêz thâuv muk hâur têx ciêz đrôngs thiêz thax tsav muôx chôngz tsôngv box nhoz, yưx têx yêz tâu vax huôv tso chei muk uô hâux lưv trơưk li chei no cui tinhv.

13. Đhok, sir zôngv tsưz yêz, tênhz yêz tsi trơưk li lênhx nênhs tsiv uô cui tinhv đros thiêz têx yêz; sir zôngv chuôz zênhx uz no uô tsi truôx tuk zoz thôngz, txiv ngaz côngz côngv.

14. Uô lax luôv, zuôr muôs têx yêz lox txix yêz lox thâuv muôx tsi txâuk têx  uz no uô lax luôv zuôr muôs trơưk cui tinhv.

15. Tso têk khiêr gâuv đhâu thâuv uô yêz yar trâus luôs lưv tuk, tsi paz, tsi shuôs.

16. Thâuv muôx yêz mak cxoz txưv tsi chơưv paz lênhx nênhs trâul ntos yêz, trâus moz trâus saz.

(Bích Thủy-Riê Lâux cxeik, nhênhv)