Chor nênhs sâu xor xưv faz Bắc paz trâu tsôngv box thax tsav tox siêz phax tar caz moz

Chor nênhs sâu xor xưv faz Bắc têx xor mông nta suôz hâur iz ntu ntêr lok no tưz sưv đros trâu tsôngv box cxuô mênhx cxưx nhoz thax tsav tox siêz faz Bắc pêz têz qơưs. Zuôr xar 2 shông no, têx xor mông hêik pâuz lok qênhx shênhx caz moz Covid-19 tâu pox nhuôs uô jông sêiz njôngr txos. Tsôngv box puôr lênhx hêik, Đêix nta suôz Việt Nam têx xor mông, hâur co muôx têx mông tsaz yênhx nta suôz luk mênhx cxưx zos Đaix nta suôz nhoz thax tsav faz Bắc tso nta suôz lok six sưv jê, tâu tso nta suôz txix ntâu zav luk mênhx cxưx li Hmôngz, Cho, Thái… viv li mnôngs cxuô xor mông cux zôngx ziv pâuz tâu to tâuz. Zơưv Lò Văn Nhất, mênhx cxưx Thái, nhoz huyện Mai Sơn, tỉnh Sơn La hêik:“Đaix li tsaz yênhx mak lok six zôngx ziv mnôngs tâu; pêx xênhv sơưr đơưk txơưv tiêk muk uô hâux lưv, khưr uô nox lok cux mnôngs tâu Đaix chor tsaz  yênhx hur si”

Nênhs sâu xor xưv hluôk Hoàng Hữu Trấn Long hêik: đros caz moz txơưr txar phiv liv, tix lâus tsik so sêiz mnôngs, nriêr pâuz jông thax tsav, sir jos paz muôx tâu têx xor mông sêi tiv zix, tsênhz mênhx tiv zix lok caz moz, tiv zix zos xor mông lok têx tsưr ziv uô jông, huv đros trâu tsênhv tsênhz ntơưv thax tsav qơư hâur côngz xưv phax tar caz moz xa trâu pêx xênhv pâuz chiê sơưr đơưk sik đros uô, chiê paz uô tâu oz tsưr ziv, cê paz taz por tâu truôx tuk luz nênhx hâur xar hôiv, cê phax tar tâu caz moz Covid-19: “Xav jênhv moz Covid-19 zuôr siz cik sêi thiêz phiv liv txos luz nênhx côngv thôngx, cur cux tsik cxơưx chiê muk uô hâux lưv trâu ntơưv têx qơư muôx caz moz huôv xênhz, đros co zos tsik so uô truôx jông trơưk têx cui tênhv lok phax, tar  caz moz, tiv zix zos thâuv muk uô hâux lưv ntơưv têx qơư cêv kuôk cov tsik zos chor nênhs nhoz jê, njiz tâu chor nênhs trâus moz uô cik moz trâu côngv thôngx. Đros co têx jax sâu hêik txos xor xưv sêi mak cux nriêr pâuz tsênhz lok têx tsưr ziv phax tar caz moz, iz zav li pox nhuôs uô têx tsêr tax, xor shôngz ntông chiê txêik tok chor nênhs nhoz jê, njiz tâu chor nênhs moz tror lok ntơưv jêx jok chiê cov paz txo grêk tsơưs chor nênhs co hâur têx qơư cêv kuôk ntơưv hâur thax tsav qơư…”

Đros sir jos uô chor mông nta suôz sâuv Đaix nta suôz li cxuô sóng nta suôz, nhiv no nênhs sâu xor xưv faz Bắc tsênhv sir jos uô txix ntâu zav xa mông, cux li hlôngr yiêz têx zav yax mông thôngz đhâu têx zav li Facebook, Zalo, Youtube…chiê paz trâu chôngz lênhx nênhs sêiz mnôngs tâu đuô. Tix lâus Đặng Hữu, mênhx cxưx Tày nhoz huyện Lục Yên, tỉnh Yên Bái puz pâuz: “Cux zôngx ziv ntâu kror, muk uô liêx têk tsuôk gra đros luz mêir điện thoại thiêz loa mnôngs ntơưv poz njês xưz zênhx cê uô têz, cê mnôngs tâu Đaix lơưv, têx kror tưs zuk tsik tâu mnôngs tâu thiêz têx kror zuk nhiêv mak cux zuôr xêir tsov kriz đuô chiê mnôngs”.

Nhiv no, chor nênhs sâu xor xưv nhoz faz Bắc tsênhv uô hâux lưv sâuv 5 luz tỉnh tâu xav zos têx thax tsav qơư muôx ntâu kror cêr txov tiv zix tas nro têz qơưk zos Sơn La, Điện Biên, Lai Châu, Lào Cai thiêz Yên Bái. Ntu đhâu chor nênhs sâu xor xưv nhoz VOV Tây Bắc tưz lok six sir jos chiê paz muôx tâu têx xor mông jông txos trâu pêx xênhv.

Zơưv Phạm Ngọc Hân, Tổng Biên tập Pov chir Điện Biên Phủ, Chủ tịch Hôiv Pov chir tỉnh Điện Biên puz pâuz: têx xor mông tâu VOV Tây Bắc kriz uô thiêz tso nta suôz txix ciês ntơưv têx qơư muôx caz moz, phiv liv, tâu tso sêi, ndar six hơưv sâuv Đaix nta suôz Việt Nam têx hệ sóng nta suôz tưz paz trâu pêx xênhv pâuz tâu sêiz txos qênhx shênhx caz moz, paz trâu pox nhuôs jênhv pâuz tâu tsênhz đuô, tiv zix zos tsôngv box cxuô mênhx cxưx tsơưs nênhs hâur sik côngv têk đros cấp ủy, chinhr quyền cxuô thax tsav qơư sir jos tir tar cov tâu moz Covid-19: “Hâur ntu yax mông txix ntau zav li nhiv no, muôx lok six ntâu zav, tsưr ziv chiê paz xa têx xor mông txos trâu pêx xênhv pâuz. Đros thiêz Điện Biên zos tỉnh tox siêz, nhoz đêz, pêx xênhv luz nênhx tsênhv lok six txov nhêv, sóng nta suôz mak pox nhuôs mnôngs tâu lok six jông, đhâu co paz trâu pêx xênhv pâuz tâu txos têx cêr chêi, têx tsưr ziv uô nox chiê sir jos hâur luz nênhx. Chor nênhs sâu xor xưv nhoz iz suôv faz Bắc tưz sir jos thiêz xa sêi têx mông hêik lok Điện Biên li qênhx shênhx, têx sir jos chiê tir tar  caz moz…”

Hâur thax tsav faz Bắc thiêz cxuô thax tsav qơư hâur tas nro têz qơưk, moz Covid-19 nhiv no cux tsênhv muôx yưv txơưr txar phiv liv. Chor nênhs sâu xor xưv nhoz iz suôv faz Bắc cux tsênhv sir jos uô hâux lưv, nzor xa tâu têx xor mông hêik txos cấp ủy, chinhr quyền thiêz chor lưx lươngv muôx vax huôv cxuô thax tsav qơư li têx sir jos tâu sâu tso trâu sâuv VOV faz Bắc, sơưr đơưk pâuz txos, chiê paz cxơưz cxiz trâu pêx xênhv hâur thax tsav thiêz cxuô qơư sâuv tas nro têz qơưk sik đros côngv siêz, côngv jos tir tar cov tâu caz moz Covid-19./.

(TTTB-Lik Thox cxêik nhênhv)

Yên Bái tso têx tổ uô jông hâux lưv phax tar moz Covid-19 hâur côngv thôngx

Nhoz buôk huyện Phù Yên, tỉnh Sơn La-thax tsav muôx moz Covid-19 tsênhv huôv xênhz phiv liv, 200 ntâu lênhx nênhs trâul moz, huyện Văn Chấn, tỉnh Yên Bái tưz chox kriê têx xã: Thượng Bằng La, Minh An, Nghĩa Tâm, Bình Thuận, Cát Thịnh, Đồng Khê, Suối Bu qênhz shuôs, uô nzir têx qơư seiz jor ndâux cêr chiê phax tir thêir, qênhz yuôx shuôs jông hur tiz si cxuô txox cêr mê, cêr lus muk lol đhâu trâu saz huyện Phù Yên.

Zơưv Hoàng Đình Mưu, Chủ tịch Ủy ban xã Thượng Bằng La, huyện Văn Chấn heik pâuz: Iz chas huyện li qơư seiz jor ndâux cêr qênhz yuôx, qênhz shuôs têx lênhx nênhs, yêz muk lol đhâu hâur thax tsav xã, ntơưv qơư tsênhv uô qơư seiz jor cêr ntơưv jok Dạ, jok Hán thiêz jok Cướp nhoz buôk xã Mường Cơi, huyện Phù Yên, tỉnh Sơn La. “Txix thâuv saz Phù Yên muôx chor nênhs trâul moz SARS-CoV-2 hâur côngv thôngx, huyện tưz uô qơư seiz jor ndâux cêr ntơưv đơưv trôngz Lũng Lô, txox cêr lox 37, hâur thax tsav xã. Đros trâu huyện têx qơư seiz jor ndâux cêr, xã tsênhv uô nzir 3 qơư chiê seiz jor, thêir têx cêr mê, cêr lus muk lol đhâu thiêz choz trâu têx tổ Covid côngv thôngx sik hlôngr njo nhoz trơưr yênhx hnuz hmo ntơưv têx qơư co seiz jor cêr chiê qênhz shuôs nênhs muk lol đhâu. Chor qơư uô luôs hâux lưv heik sâuv uô tâu jông têx hâux lưv zok muôz viv li txos nhiv no hâur xã cux truôx tuk tsi pov muôx lênhx nênhs tưs trâul moz Covid-19”.

Tỉnh Yên Bái nhiv no muôx iz txox cêr muk trâu tỉnh Hà Giàng đhâu thax tsav xã Khánh Thiện, huyện Lục Yên. Txox cêr no muôx lok six ntâu px hâur 2 tỉnh muk lol đhâu zuôr muôs têx xiv huv uz no. Txix thâuv muôx moz Covid-19 huôv xênhz nhoz ntâu suôv qơư hâur tas nro têz qơưk, xã Khánh Thiện tưz uô qơư seiz jor cêr sâuv txox cêr lox no thiêz hur si 4 txox cêr mê, cêr lus muk lol trâu saz Hà Giang.

Txơưv tsi muôx têx nhiêx txiêx tưs paz max trâu uô luôs hâux lưv no, taz sik chor nênhs uô hâux lưv seiz jor ndâux cêr heik sâuv puôr lênhx xav tiêk, sđ sik đros sir jos chiê phax tir thêir moz gênhk, taz por truôx tuk trâu zuk, trâu chuôz zis thiêz côngv thôngx. Zơưv Hoàng Văn Chương, uô hâux lưv seiz jor ndâux cêr ntơưv jok Nà Bó, xã Khánh Thiện heik: “Nhoz no tsuv xav tinhv tsênhz mênhx têx hâux lưv chor hloz thênhv siêz zok muôz trâu zuk, sir jos lês uô cov tiêr, txơưv zuôr phiv liv li chas lok cux sik đros sir jos chiê tsưx phưv jông đas jos trâu tsôngv lax px, côngv thôngx”.

Ntơưv têx qơư seiz jor ndâux cêr chiê tir thêir moz gênhk sâuv têx cêr muk chênhr hâur thax tsav Yên Bái, chor lưv lươngv seiz jor cêr cux nhoz trơưr yênhx hnuz hmo ntơưv qơư, uô lơưr têx faz tsưr ziv phax tir thêir moz trơưk cui tinhv li: Krêz heik pâuz mênhx lok đas jos, seiz njuôk shuôs, chox chor nênhs muk txix thax tsav muôx moz lok mul nhoz cêv kuôk trâu iz kro qơư…cov truôx tuk trâu sđ, tsi gra tâu caz moz cik trâu luôs lưv tus hâur thax tsav.

Zơưv Tô Đình Chinh, canr bôv Tsênhv qơư Y tế huyện Trấn Yên đros iz cxiê lênhx hâur tỉnh Yên Bái uô hâux lưv seiz jor ndâux cêr tir thêir moz gênhk ntơưv qơư seiz jor cêr sôr 6, txox cêr lox 32C heik pâuz: “Pêz qơư sôr 6 nor nhiv no muôx 19 lênhx, pheiz uô 3 paz. Lưv lươngv Công an mak uô hâux lưv tir thêir têx yêz muk lol, cov lơưr đrêk yêz krêz heik pâuz lol đas jos; bôv đôiv uô hâux lưv sâu ntơưr, nus seiz muk kror tưs lok, nhoz thax tsav qơư tưs tuôx; pêz chor cưk yuôx mak njuôk shuôs đal jos, seiz njuôk moz hur si chor nênhs tsar yêz, phưv tsar yêz, tsôngv kruô cheix sâuv yêz…., pêz zuôr seiz, qênhz shuôs trơưk li Sở Y tế têx heik kriê lok qơư tưs muôx moz, qơư tưs tsi tâu tâu muôx nênhs moz hâur niêx hnuz……chiê tso nyar seiz njuôk shuôs moz sei thiêz  thâuv tưs đhâu seiz njuôk shuôs tas, zos tsi pov muôx moz li chas thiêx tâu lok hâur tỉnh”.

Chor nênhs uô hâux lưv tir thêir moz Covid-19 hâur côngv thôngx ntơưv Yên Bái li têx sir jos tưz thiêz tsênhv paz gra cêr truôx tuk trâu tsôngv px sđ, thâuv hâur thax tsav qơư hmôngr jông tsi tâu tâu pov muôx lênhx nênhs tưs trâul moz, lok sik cik tâu caz moz hâur côngv thôngx. Yên Bái nhiv no cux zos iz hâur tsơưs tỉnh tsi tâu pov muôx lênhx nênhs trâul moz Covid-19./.

(Thừa Xuân-Riê Lâux cxeik, nhênhv)