Jax sâu hnuz xiêz 1/10/2015:

Hêik lok 600 lênhx phưv chủ tịch xã li têx hâux lưv uô

Xã Hoàng Thu Phố, huyện Bắc Hà, tỉnh Lào Cai txix thâuv muôx nzir phưv chủ tịch xã Tráng Seo Pao lok uô hâux lưv tưz muôx ntâu hlôngr yiêz. Txix ciês thâuv lok jênhv hâux lưv, phưv chủ tịch xã Tráng Seo Pao tưz chiv chir njuôk shuôk, uô ntâuz ntơưr thor nhiêx txiêx chiê cxiv uô cêr muk lok thax tsav xã. Tsuôk đhâu oz hnuz uô, pox nhuôs tưz chêix tâu yêz muk lok sâuv têx cêr bê tông đar muôx 1 yiv mak thâuv têx no zos têx cêr mê đaz tuôs nhoz sâuv têx ntar trôngz, tsuôk zos muk tơư xưz. Txix hâux lưv uô muôx liv co, tưz huiz tôngv tâu pêx xênhv đas jos uô chor cêr bê tông muk lok trâu jêx jok. Txos nhiv no, Tráng Seo Pao tưz hêik pox nhuôs hâur xã uô tâu 13 cêik cêr hâur têx jêx jok, 5 cêik cêr  txuôk muk lok trâuu cxuô luz jêx  jok, uô bê tông tâu 200 luz plas tsêr, uô tiêr 400 luz tsêr vêv xênhz thiêz 220 luz tsêr guôx tu zus tsiêx cxu trâu pêx xênhv hâur jok…Têz luk nus lok ntu tov ntêx no thâuv uô tiêr hâux lưv tsik tâu nhoz hâur cấp ủy, Tráng Seo Pao hêik, zuk xar uô hâux lưv nhoz chor xã pluôs, viv tsênhv yuôr ntâu kror hâux lưv tsuv uô:

Băng: “Vav tiêk zuôr tâu Đảng, têz qơưk tso nhoz hâur cấp ủy, chính quyền, đhâu thâuv uô tiêr hâux lưv chênhr chiê chor nênhs muôx yênhx tưv gôngr côngv cxiv tsa têz qơưk. Uô ntêx thâuv cxaz chuôz trâu dự án, cur đros iz cxiê lênhx nênhs cux uô hâux lưv nhoz iz cxiê luz công ty, hiệu trưởng, phưv hiệu trưởng chor tsêr cơưv ntơưr viv tsưr ziv zos cxiv tsa têz qơưk, đros pox nhuôs cxuôv yêiz thiv pluôs cxaz chuôz dự án. Uô tiêr dự án mak chor sơưr đơưk hêik vav tiêk zuôr tror tâu uô hâux lưv chiê gôngr côngv zuk li đas jos trâu têz qơưk”.

Phưv chủ tịch xã Nguyễn Thị Thanh Lam, xã La Pán Tẩn, huyện Mù Cang Chải, tỉnh Yên Bái, đhâu 4 shông uô hâux lưv, niêv tix tưz uô sưv hâux lưv paz trâu UBND xã bax chor ntâuz ntơưr hành chính hâur xã. Zos nênhs paz trâu phưv chủ tịch xã Nguyễn Thị Thanh Lam txix hnuz nhiv kruôr lok, kuz Bí thư Đảng ủy xã La Pán Tẩn, zơưv Zax Chí Ly Khav Tênhv: phưv chủ tịch xã Nguyễn Thị Thanh Lam zos iz lênhx lok six tsov cưv txos  cxuô luôs hâux lưv thiêz uô tiêr tâu jông cxuô luôs hâux lưv hâur 4 shông đhâu. Đros têx hlôngr yiêz txix thâuv muôx phưv chủ tịch xã zos nênhs muôx txux chi siêz, zơưv Zax Chí Ly hêik tiêk: Trung ương tror chox kriê chính quyền tiv phaz paz chiê chor hluôk cov muôx txâuk txux chi uô hâux lưv .

Băng: “Chor hluôk nênhs muôx yênhx tưv đhâu 4 shông pêz xar tiêk uô ntêx thâuv zuôr uô kror no mak chor hluôk cux muôx zuk tsưr ziv uô. Đros chêx cur tax tâu, pêz xar tiêk no zos Đảng, têz qơưk li tsưr ziv huv đros chiê chor hluôk nênhs lok paz trâu tox siêz txov nhêv. Pov tiêk tsuv tror muôx nzir tsaz yênhx li no chiê paz trâu tiv phaz uô hâux lưv cov jông đuô”.

Ntâuk gri 600 lênhx phưv chủ tịch xã zos hluôk nênhs li đas jos, zơưv Nguyễn Tiến Dĩnh-zos kuz thứ trưởng Bộ nội vụ, kuz trưởng ban chox kriê Dự án xav tiêk: Kror tsuv hêik zos 94% chor nênhs hâur đề án tâu ntâuk gri uô tiêr cxuô luôs hâux lưv zok muôz. Tas nro chor hluôk nênhs lok uô phưv chủ tịch xã lok six sir jos uô hâux lưv ntơưv chor qơư nhoz đêz, tox siêz yuôr ntâu txov nhêv. Taz sik, iz kror tsênhz tsênhv muôx yưv zos, ntâu tiv phaz cux sêiz chor phưv chủ tịch xã no zos nênhs hâur Đề án. Đhâu thâuv uô zuôr suôx câuv, lơưr zuôr chiê so hâux lưv, viv uô tsik jông cxuô luôs hâux lưv zok muôz. Đros ntơư, cux muôx têx tiv phaz xưk li Sơn La tsênhv xav tiêk zuôr tsik cêv kuôk hâux lưv uô trâu chor cán bộ hluôk no hâur ntu zuôr txos. Zơưv Nguyễn Tiến Dĩnhxav tiêk: Iz hâur đề án li chor tsưr ziv zos paz muôx cán bộ nhoz ntơưv qơư. Viv li, đhâu thâuv chor nênhs no li chêx cur tâu khav tênhv, ntâuk gri mak cấp ủy, chính quyền tiv phaz chor tỉnh, huyện, xã tsuv cêv kuôk, kruôz kriê thiêz sir zôngv hâur ntu zuôr txos.

Băng: “Muôx ntâu qir tiv, cur xar tiêk kror tsênhz mak zos sir zôngv chor nênhs no li chak, zos tsov cưv txos mak tsuv cêv kuôk thiêz zôngv chor nênhs no uô hâux lưv. Tsik zos biên chế mak zos txơưx cêv kuôk chiê uô hâux lưv hâur 5 shông cux zuôr zôngv tâu chor nênhs no uô hâux lưv jông”.

Zơưv Vũ Đăng Minh, Vụ trưởng vụ côngz xưv hluôk nênhs, Bộ nội vụ khav tênhv: Phưv chủ tịch xã tsik tâu tso trâu hâur cấp ủyhâur ntu zuôr txos, no zos kror tsênhz ntơưv 64 luz huyện pluôs. Nhiv no Bộ nội vụ tsênhv thor thủ tướng chính phủ ziv chênhv lok têx luôs hâux lưv uô ntơư. zuôr tso tơưv luôs hâux lưv tsênhz trâu chor phưv chủ tịch xã. Lơưr co, Bộ nội vụ zuôr sik côngv đros chor tỉnh qênhz yuôx, ntâuk gri tsơưr lươngv chor phưv chủ tịch xã hluôk đhâu 5 shông uô côngz xưv. Zos chor phưv chủ tịch xã tâu ntâuk gri jông, uô tiêr jông cxuô luôs hâux lưv zok muôz, tiv phaz tsuv chiê chor nênhs co uô nưk kror hâux lưv lok sik uô siêz đuô. Bộ nội vụ cux hêik trâu thủ tướng chính phủ phêiz chor hluôk nênhs muôx yênhx tưv no trâu chor tỉnh. Chor hluôk co tưz tâu xêir zuôr đhâu đề án uô lơưr chuôz cxaz cán bộ trâu cấp xã ntơưv têx huyện pluôs, lơưr tưz zos nênhs tâu têz qơưk xêir zuôr, viv li tsik nhoz hâur cán bộ công chưc cấp xã trơưk li cuiz tênhv. Zơưv Vũ Đăng Minh hêik:

Băng: “Thâuv kriz uô dự án xav jênhv chor nênhs no zos pênhr jos zov chênhr nhoz tiv phaz. Viv li, cấp ủy, chính quyền tiv phaz li txơưx jênhv zos sir zôngv muôx chêx cur phênhv pênhr jos no. Thôngx cxix hâur qênhx shênhx uô hâux lưv mak sêiz shuôk, thox cxov nzir chiê tso uô hâux lưv cov huv đros yênhx tưv, đas jos yênhx lênhx nênhs”.

Yuôr 1 shông ntâu tưz zuôr suôv câuv dự án 5 shông chox chor hluôk muôx yênhx tưv lok uô hâux lưv ntơưv têx xã pluôs. Kror tsuv uô zos ntâuk gri sêiz shuôk sêz 600 lênhx hluôk nênhs no gôngr côngv li chak trâu tiv phaz. Đề án zuôr chiê chor nênhs no uô hâux lưv li chak, puôk tso nhoz hâur cấp ủy, đề án li yênhx côngz zos chiê chox chor hluôk nênhs no lok paz trâu 20 luz tỉnh li cấp ủy, chính quyền thiêz pêx xênhv chor huyện pluôs huôv tsar kinh tế-xã hội, cxuôv yêiz thiv pluôs, cxiv tsa jêx jok yiêz. Đhâu co mav li xav txos hâux lưv uô trâu chor hluôk nênhs cxaz nzir cán bộ sêiz car uô hâur têx cơ quan Đảng, têz qơưk./.

                                         (TTT-Ly cxêik-nhênhv)

Phênhv “Nênhs gruôs uô tâu hâux lưv jông” hnuz xiêz 1/10/2015:

Lênhx nênhs khơưk tsês chiê cxuô chuôz zênhx tir ntâuk tros châu đrav ntêx

Shông 1999, zơưv Hà Văn Tích qir zok nriêr khơưk tsês chiê cxuô chuôz zênhx tir ntâuk tros châuz hâur ntu đrav ntêx ntơưv thax tsav xã Đại Lịch, zos suôv qơư xênhz zus tâu zơưv Tích hloz lox. Nhiv no, zơưv Tích qar tsêr tsês chiê  cxuô chuôz zênhx tir ntâuk tros châuz đrav ntêx tưz muôx zuôr xar 600 zav. Ntơư zos têx chuôz zênhx, xiv huv uô trâu lênhx tiz nênhs seiz pov tror ndo txos hâur ntu đrav ntêx, thax tsav qơư tưs cux hnor tros châuz suôz fov thiêz yêz ntux tso bôngk tuô tuz lênhv VN pêz: Ntơư zos têx triêv fov lâuk, cxeik bôngk, plar muôs txưr….lok sik têx luz hưx hâuk đêx, tưx têik uô jâuz uô mor nox zus têx tuz lênhv, têx tơưz thiêz hnaz chor pox niêv thâuv ntơư zôngv chiê muk đê yuôx lok chơưv kho moz trâu têx tuz lênhv trâus saz, kho moz uô no trâu canr bôv uô hâux lưv tir ntâuk trok châuz…..Zơưv Tích khơưk tsês chiê cxuô zav chuôz zênhx đrav ntêx tir ntâuk tros châuz chiê trâu sơưr đơưk tâu seiz, pâuz txos chor lâuk đrav ntêx têx cêr txov, sir tas đas jos tsưr ziv cxiv kho têz qơưs. Zơưv Hà Văn Tích heik:

Băng: “Uô đaz tsi tưz tsuv phiv liv, hmôngr jông cur muôx ntâu lênhx tuz nxeik, nhuôs xênhz nzưr uô hâux lưv pur ntiê trâu cxuô qơư, cxuô tỉnh. Thâuv muk zok nriêr têx huv lâuk mak khov lok lơưr têx nhuôs ntơưv thax qơư ntơư, txix co thiêx pâuz, thiêx thor tâu lok khơưk tsês chiê li no. Tsuv zok nriêr cêr muk seiz shuôs têx tuz lênhv lâuk, tir ntâuk trok châuz zar đrav ntêx… Uô hâux lưv no cux tas lok six ntâu hnuz nhôngs, six hơưv”.

Qir uô hâux lưv zok nriêr khơưk tsês chiê cxuô chuôz zênhx tir ntâuk tros châuz  đrav ntêx, zơưv Tích tưz muôz tas hur si têx nhiêx txiêx txuôs tâu đros trâu chor nhiêx hli so lâuk, nhiêx muôs 20 ntâu tuk nhux tưv chiê uô hâux lưv por hưv tsês chiê cxuô chuôz zênhx, xiv huv lâuk trâu têx tuz nhuôs tov kaz pâuz txos chor lâuk đrav ntêx têx cêr txov tir ntâuk trok châuz thiêz ntơư cux chênhr zos chiê cxươz cxiz têx nhuôs đros por hưv, cxiv tsa zuk têz qơưs cov ziv hnuz ziv huôv tsar truôx. Tsi shênhx cêr đêz muk lok, txơưv nhoz Phú Thọ, Lào Cai, Sơn La lok sik têx huyện đêz hâur tỉnh Yên Bái, zos hnor mông kror tưs muôx têx chuôz zênhx lâuk li heik sâu, zơưv tưz zok nriêr cêr muk zuôr. Txơưv lênhx nênhs khơưk tâu tsês ntơư zuôr muôs civ bâuv tưs, zơưv cux sir jos zuôr cov tâu. Taz sik phênhv ntâu, thâuv lơưr tưz pâuz zơưv tsưr ziv uô zos muôx liv trâu XH, têx tuz nhuôs, lơưr puôr lênhx gra têx huv co tuôx puz trâu zơưv  tsi zuôr nhiêx. Muôx ntâu lênhx tưz zok nriêr cêr, gra têx xiv huv lâuk ntơư tuôx ciês ntơưv qơư puz trâu zơưv Tích tsês chiê.

Nhiv no, hâur niêx hnuz, zơưv Tích tok txêik lok six chôngz lênhx kruô thiêz têx đoàn shux xênhz tuôx seiz shuôk zơưv Tích kror qơư tsês cxuô chuôz zênhx tir ntâuk tros châuz đrav ntêx thiêz zơưv Tích tsênhv hêik kriê  cxuô chuôz zênhx hêik sau trâu tsôngv kruô, shux xênhz pâuz lok têx xiv huv lâuk. Hoàng Thị Thảo, shux xênhz tsêr cơưv cấp 2; Hoàng Văn Thọ, xã Đại Lịch heik pâuz:

Băng: “ Iz chas six hơưv cơưv ntơưr hâur lớp, chor cưk kriê ntơưr khênhr chox pêz tuôx no ndis seiz, cơưv cxaz nzir têx yuôr trâus. Têx ntơưr cơưv pêv lớp zênhx pâuz tsi tas, tsi cxuô lok chor lâuk đrav ntêx têx cêr tir ntâuk trok châuz, thâuv tuôx no ndis seiz mak pêz tưz pâuz cxaz nzir tâu ntâu têx cêr lịch sử lok zuk thax tsav, qơư nhoz”.

Hâur têx shông tir ntâuk trok châuz Pháp, zơưv Hà Văn Tích tâu choz zok hâux lưv xa mông, xa têx ntâuz ntơưr trâu chor tuz lênhv hâur xã, hâur huyện ntơưv tsênhv qơư. Shông 1958, zơưv tâu đros dự Đại hội hluôk nênhs sir jos uô lox tôngv XH chủ nghĩa thiêz tâu njiz zơưv Hloz Hôx. Txix thâuv tâu njiz Lâuk Hôx, zơưv ziv moz siêz sir jos uô tâu ntâu hâux lưv jông, muôx liv. Zơưv tưz muôx jiês tâu uô xã đội trưởng, chính trị viên trưởng xã Đại Lịch hâur ntu tir ntâuk trok châuz, uô bí thư Đảng ủy xã txos shông 1987, li lok so lâuk. Thâuv so lâuk zơưv muôx ntâu six hơưv, hnuz nhôngs đuô chiê zok nriêr cxuô chuôz zênhx, xiv huv lâuk đrav ntêx. Đros ntơư, zơưv Tích tsênhv krêz nzir qơư tok tsôngv kruô thiêz piêr kriê têx xiv huv, chuôz zênhx lâuk đrav ntêx, têx jax pêv piêr lok zơưv Hloz Hôx luz nênhx….chiê tsôngv box sơưr pâuz txos thiêz cơưv shâuv Lâuk Hôx têx cêr uô nênhx jông. Zơưv Lò Kim Hạnh, Phưv Chủ tịch UBND xã Đại Lịch, huyện Văn Chấn, tỉnh Yên Bái heik pâuz:

Băng: “ Txir hloz Tích tưz nhênhz chơưv, por hưv tsês tâu ntâu zav chuôz zênhx, xiv huv lâuk thâuv ntu tir ntâuk trok châuz. Khov muôx têx chuôz zênhx, xiv huv lâuk no mak muôx têx tâu muôz kriê trâu têx tuz nhuôs shux xênhz chiê chor nhuôv cơưv, pâuz cxaz nzir lok têx lâuk đrav ntêx cêr txov thiêz phiv liv tir ntâuk trok châuz chiê cxiv tsa, tsưx phưv têz qơưs”.

“Zơưv Tích qơư tsês chiê cxuô chuôz zênhx, xiv huv lâuk” nhiv no tưz yênhx iz kror qơư sưv jông đros tsôngv box hâur thax tsav thiêz đrâuv luôs 2 chas xã tuôx sêiz shuôs. zơưv Hà Văn Tích zos iz lênhx por hưv, tuôr tsês chiê jông têx cêr lịch sử têz qơưs đrav ntêx./.

                                                 ( Đinh Tuấn-Riê Lâux cxeik, nhênhv)