Phênhv thưr 7, hnuz xiêz 1/10/2016:

Kênhx đros trơưr pêz Hmôngz luz nênhx

Kênhx zos iz zav muôx liv tâu yuôz trâu pêz hmôngz luz nênhx, tưz tâu pêz Hmôngz txuôs thiaz huôv tsar chia yuôz trâu têx hnuz kriz cêr lov jêv, têx hnuz tsiaz thiaz plox tuôs. Kênhx muôx liv li chak trâu pêz Hmôngz luz nênhx thiaz cêr chai đaz kruôs, zâuv sđ mnôngs jax sâu “Kênhx hâur pêz hmôngz luz nênhx”.

Suôz kênhx đror sênhr zênhk đros njiaz lul “Suôz kênhx gâux đrâus” zos zơưs Txôngx Nhiêx x Zax nhoz jol Mai Châu, xã Mường Bằng, huyện Mai Sơn yuôz tưz uô trâu sđ pâuz txos têx cêr hluz, cêr yuô ntơưv tus hluôs tuz trâu lênhx hluôs gâux. Kror no, tưz tâu zơưs Txôngx Nhiêx yuôz uô tơưs kênhx lênhk jông seiz đros trâu suôz kênhx đror tuk zênhk tsik tu uô kho siêz khuôr, zos lênhx tưs tưz tâu pov thiêz mnôngs cux zênhx ndo njôngr nhoz trơưr siêz tsik plox. Zơưs Txôngx Nhiêx x Zax thav pâuz nzir:

Viv li, hâur têx hnuz tâu so, zơưs Txôngx Nhiêx cux muôz kênhx lol seiz thiêz yuôx chiê kriê trâu têx tuz las tuz lis pâuz lok sâuv têx tsưr ziv yuôz kênhx; kror muôx liv ntơưv traz kênhx hâur pêz Hmôngz luz nênhx cux li cơưv shâuv, txuôs tsês kuz chas txux ntơưv pêz heir Hmôngz.

Thâuv tsênhv zâu, đhâu mnôngs txir yuôz kênhx, tơưs kênhx thiêz muk uô txir kênhx, zơưs Phair Suôr x Vưx nhoz jol Caz Tỷ xã Lôngx Hêx tưz cơưv shâuv yuôz kênhx. Zơưs Phair Suôr x Vưx thav li no.

Hâur têx hnuz tsiêz, zos hnuz muôx liv kriz nthuôr uô cêr lov jêv, pêz heir nênhs Hmôngz khênhr yuôz kênhx, tưr tơưs kênhx trâu sđ seiz thiêz kruôk txos cêr nênhx cêr tsar thiêz muôx luz nênhx hlôngr yiêz.

iZ chas yuôz kênhx nthuôr uô cêr lov jêv, pêz heir nênhs Hmôngz cux tsênhv sir zôngv kênhx yuôz trâu cêr đaz kruôk; ntơư zos yuôz trâu thâuv uô nhux đaz thiêz yuôz trâu thâuv muôx iz ntênhk tuôs. Ntơư zos yuôz kênhx tơư cêr, kênhx uô luôs cov tus nênhs tâu tas siv nênhx ntơư mul njiz pox côngz zơưv côngz.

Pêz heir nênhs Hmôngz cux muôx ntâu zav kênhx; taz sik txơưv yuôz zav kênhx tưs cux muôx tâu heir nênhs txơưr đuô nhiêv mnôngs. Iz chas pêz heir Hmôngz đơưz yuôz kênhx, tơưs lênhk mak Hmôngz đuz ho yuôz kênhx đhiê kênhx, ntơư zos oz cxeik tơư siz hlông đhiê đros trâu têx hnaz sir nhiêx đror uô lov jêv lus.

Chiê yuôz cov tâu kênhx đror jông thiêz đhiê kênhx uô iz chê muôs nthak, lênhx nênhs ntơư, tsuv sir jos cơưv shâuv trâu thâuv tsênhv zâu thiêz zênhx muôx luz siêz nhiêv kênhx thiêx uô tâu. Zơưs Por Đruôk x Thox nhoz jol Suối Cáy, xã Suối Bau, huyện Phù Yên, tỉnh Sơn La hêik pâuz nzir:

Pêz heir nênhs Hmôngz têx kênhx, zos iz zav đros đreiv trâu pêz Hmôngz luz nênhx, viv kênhx tưz zênhx muôx thâuv nzor đros đreiv hâur luz nênhx, sir zôngv uô lov jêv thiêz sir zôngv uô cêr đaz kruôk.

Chênhr zos li heik ntơư, pêz heir nênhs Hmôngz têx kênhx tưz tâu khơưk tsês chiê thiêz tâu yuôz tsik tsês trâu têx hnuz kriz cêr lov jêv, yuôz trâu thâuv so khưr uô liêx têz tas nhoz tsêr, lol sik yuôz tâus cêr mul uô kruô,   mul uô liêx uô têz./.

                                     (Tsu cxeik nhênhv-Liês Vax, CTV CQTT Tây Bắc)