Jax sâu thưr 3.1.11.2016:

LÀO CAI: NJÊS HỒI TUÔS NTÂU- TSÔNGV BOX LI CÊR CXƠƯX

          Tas nro têx tsưr qơư tu zus njês hồi ntơưv Sa Pa jênhv zuk li têx qơư tu zus njês hồi njuôs xav zos trâus nênhs fêv lov tuô viv li lok six cxơưx, tsi pâuz uô li chas chiê car chêx.

          Hâur 3 shôngk đhâu, cxôngx thâuv pov chiêr đêx tos đêx lol hâur têx pas zus njês trâus tho kror, nhoz buôk co tsênhv muôx 2 hưx yuôx tuô caz Ofatox đros thiêz pov njês tuôs tas, zơưv Chảo Phù Chẳn nhoz Bản Khoang, huyện Sa Pa tsênhv tos chêx cuk qênhz yuôx cxôngx chiz coaz công an chiê nriêr pâuz hâux lưv no. Zơưv Chẳn heik:

          “ Cux pov trâu công an huyện tuôx qênhz yuôx taz sik car chêx tsi tâu tul tsi. Iz, oz shông ho muôx yưv qênhx shênhx no, qênhx shênhx xưk li no mak lok six lax uô nox uô hâuk”.

          Yuôr zơưv Nguyễn Văn Lũy nhoz Bản Khoang, Sa Pa, đhâu iz hmo thâuv hli 7/2015 pov njês six fênhx đhiê sâuv pas đêx muôx ntâu buôl njiv, 6 tênhr njês tưz tuôs tas, tsuv heik lênhx nênhs chox mul phâus por tsês. Ciês thâuv co, zơưv Lũy tưz pov trâu công an xã mul sâu jênhv chiê phưx vưv qênhz yuôx, taz sik txos nhiv no tsi tâu muôx xor mông tul tsi.

          Uô ntêx co, shông 2013, zơưv Lũy cux muôx jiês trâus ruôr hiêv thiêz tror xênhv uô đuô thâuv trâus ntux nas cuôr lơưv tas njês. Zơưv Lũy heik, tưz yưv pênhr uô lơưv mak tso tsês tsi tâu, tsuôk pâuz sir jos uô, tsi car heik tul tsi:

          “ Cux pov cov lơưv, nyei tsênhv qênhz yuôx taz sik txos thâuv tưs thiêx muôx chêx cuk mak cux tsi pâuz. Công an xã tuôx zuk nus mak lơưr cux heik tiêk tsi tâu muôx chêx cuk. Zuk mak cux tsuôk pâuz nus công an xưz tsi pâuz nus kror tưs thiêz? Nhiv no tso tsês mak tsi tâu, tsuôk tror pâuz uô xưz”.

          Zơưv Chảo Duần Chiêu, nhiv no zos chủ tịch UB Bản Khoang, huyện Sa Pa, thôngx cxix cux zos iz hâur 2 tsưr qơư tu zus njês sâu jênhv qênhx shênhx njês tuôs ntâu thâuv hli 6/2016 puz pâuz, njês tuôs thiêx hu công an tuôx xav tênhv, taz sik txos nhiv no cux tsi muôx chêx cuk.

          Lênhx nênhs nhiv kruôr trâus ruôr hiêv hnhar tiv njês tuôs hnuz 14/10 zos zơưv Nguyễn Thái Bình mak jênhv, thâuv zơưv yưv pênhr tu zus njês, pox nhuôs nhoz iz buôk ndis tưz uô lok six jông, paz zơưv lok six ntâu, thâuv pov yênhx vav tul njês trâus tuôs, ntâu lênhx nênhs tsuôk pôngz cuô muôs xưz. Zơưv tsuôk pâuz tos njôngr chiz coaz công an li chêx cuk qênhz yuôx.

          Đros Phóng viên Đeix TNVN thav, zơưv Nguyễn Tiến Thành, tsar phongx kôngz nuv huyện Sa Pa puz pâuz, njês hồi trâus tuôs ntâu njuôs xav tiv trâus tsơưr tưx, uô ruôr hiêv hnhar trâu tsưr tu zus njês. Hâux lưv no tsênhv yuôr ntâu kror tsi tâu tsênhz mênhx, viv li tsuôk khov txos chiz coaz qênhz yuôx xưz.

          “ Nhiv no têx tsênhv chei kôngz nuv li paz txưv lok ntux tsiv mak muôx taz sik chiê paz txưv trâu njês trâus tuôs tiv tsơưr tưx mak tsi tâu muôx cui tênhv tưs. Đros thiêz hâux lưv no tsuôk tos njôngr txos chiz coaz qênhz yuôx nriêr pâuz lênhx nênhs uô hiêv thiêz ntês cxov, yưr lir lơưr trơưk Pháp luật li cui tênhv”.

          Têx lênhx nênhs tu zus njês hồi nhoz Sa Pa li siêz cxơưx mak lênhx tưs cux pâuz. Taz sik uô chas hâur six hơưv ntêr li ntơưv, têx hâux lưv no yax six muôx, uô têx tsưr tu zus njês njiz ntâu phêv liv? Đuô li, no zos trâur nuv kinh tế tu zus njês đêx txiêk tsênhv tâu tiv phaz cxơưz cxiz phuôv tsar, viv chox lol chêx cuk kinh tế siêz, gôngr phênhv txu yeiz cxuôv pluôs thiêz zos tiv phaz li zav xiv huv nto bê. Têx chiz coaz muôx txơưx jênhv tsuv sik côngv đros car chêx hâux lưv no zos lok six zuôr trâus.

          Đeix TNVN zuôr tror thôngz xor mông lok hâux lưv no./.

( An Kiên- Txâur Vax cxeik nhênhv)

Phênhv thưr 3, hnuz xiêz 1/11/2016:

PHÊNHV NÔNGX MÊNHX ZUÔR TSUV PÂUZ

Luk Hmôngz: ( số 26)

                  Hnuz tso: Thưr 3 hnuz xiêz 1 hli 11shông 2016

Nhạc hiệu chuyên mục “ Nhà nông cần biết”

( Hlôngr suôz)

Hlôngr yiêz siêz xar, tsưr ziv uô txix trâur nuv siz paz

Trâur nuv siz paz huôv tsar uô nox,  txix ciês thâuv uô lơưr, tưz cxơưz cxiz têx ziv chuôz zis tsôngv box bax tsưr ziv kêr txeik pênhr thiêz huôv tsar uô nuv, tu zus tsiêx cxu txos trâu thâuv thêv têx nux grik. Trâur nuv yiêz, muôx têx tsưr ziv yiêz , no zos tsưr ziv huôv tsar uô nox, zuk uô zuk thiêz sir zôngv li chas cov têx pênhr txeik ntơư uô tâu trơưk têk, trơưk tsưr ziv.

Huyện Quản Bạ tâu xeir uô siv uô ntêx trơưk faz tsưr ziv uô no ntơưv Hà Giang. Shông 2014, tix lâus Sân Sài Hùng chuôz zis zos iz hâur 10 ziv chuôz zis nhoz xã Quản Bạ tâu kêr txeik pênhr tsi trâus thêv têx nhiêx nju chiê huôv tsar tu zus buô. “ Txix hli 5/2014, cur chuôz zis tưz kêr txeik 45 tsov đeiv yưv pênhr tu zus buô. Jiês iz tâu liv muôx 15 tsov đeiv, muôs tas tror yưv pênhr tu zus nzir. Jiês tiv 2 zuôr tâu nzir meir jov cxur, yưv pênhr tu zus ntâu đuô”. 10 ntâu tuk buô, 2 tuk tưv, 3 tuk nhux đas zos zơưv Nguyễn Đình Huyên, nhoz jok Lùng Dìn, xã Quản Bạ chuôz zis li, đhâu 2 shông uô trơưk tsưr ziv yiêz li heik sâuv chiê khưr, uô muôx tâu têx li heik no. Zơưv chuôz zis nhiv no tưz muôx nox muôx tsês. Txix 45 tsov đeiv têx pênhr txeik, zơưv Huyên tưz kho, krêz đar nzir iz qơư tu zus, cxiv uô qơư trâu têx qir tsiêx cxu thiêz zuôr nzir buô nôngz lok zus. Jiês xuz thơưx zơưv chuôz zis zus 20 tuk buô, sâu tâu liv muôx 15 tsov đeiv. Hli 6 nhiv kruôr đhâu, zơưv Huyên chuôz zis tưz thêv tas têx nux grik kêr txeik ntơưv zênhx hax.

Ntâu ziv chuôz zis tsôngv box nhoz Quản Bạ tưz kêr txeik pênhr txix trâur nuv siz paz huôv tsar uô nox chiê tu zus tsiêx cxu thiêz uô qơư trâu têx qir tsiêx cxu  trơưk li huyện zoz qơưx. Xuz thơưx, tưz uô tâu trơưk tsưr ziv tso tơưv, tu zus tsiêx cxu tsi uô vuôz tsuôz, kiêk nênhs tênhx qơư, muôx qir zuôv trâu têx kôngz lôngk, txo grêk tsơưs nhiêx txiêx zuôr têx qir….Lơưr njuôk xav, iz  qơư trâu têx qir tsiêx cxu muôx 5 yiv đruôz li ntơư, zuôr zôngv chênhr têx pa qir co trâur uô jâuz uô mor, txo grêk zôngv ntâu txos têx tơưk hâur uô jâuz mor nox thiêz tênhv tênhz xênhz huôx hâur chuôz zis muôx 600 cxênhz đeiv iz hlik.

Đhâu 2 shông uô, txix nhiv no, huyện Quản Bạ muôx zuôr xar 40 ziv chuôz zis cxaz chuôz, phênhv ntâu nhoz hâur  10 xã tu zus ntâu têx tsiêx cxu. Đros hur si pênhr nhiêx uô zos 2,4 tỷ đeiv, iz ziv chuôz zis zuôr tâu kêr txeik tsi trâus thêv nhiêx nju txix 25-45 tsov đeiv. Six hơưv sâu tâu liv zos 12 luz hlik đros thiêz têx chuôz zis tu zus nhux đas trok maz chiê muôs thiêz 2 shông trâu têx chuôz zis tu zus nênhk, yis, buô, nhux đas sha mê nhuôv. Txix 40 chuôz zis no, ntâu tsôngv box txơưr đuô cux tsênhv cuz siêz lus, xar kêr txeik pênhr nhiêx chiê huôv tsar tu zus tsiêx cxu, uô nox. Iz ntu tso tsôngv box sđ kêr txeik têx pênhr nhiêx huôv tsar uô nox, UBND huyện Quản Bạ ho xar thiêz cxiv uô têx tsưr ziv paz cxuz cêr yeiz pluôs tsênhv tsênhz, chiê trâu têx ziv chuôz zis xeir tsov li: tu zus buô đros trâu cxiv uô qơư trâu têx qir tsiêx cxu, lok sik muôz nôngz yis trâu tsôngv box siz hlôngr tu zus, lok sik tu zus niêv nhux sha mê nhuôv…..

  Tsôngv box…..! Phênhv nôngx mênhx zuôr tsuv pâuz hnuz no tsuôk xâuk li no xưz. Phênhv no zos Đeix TNVN đros tsênhv qơư cxiz kôngz têz qơưs uô./.

                        (VOV4-Riê Lâux cxeik, nhênhv)