Lai Châu: Pêx xênhv nhoz tok têx nhiêx muôz paz yêik qơư nhoz yiêz

Shông 2008, zơưv Nguyễn Văn Phương ziv chuôz zis đros 500 ntâu ziv chuôz zis nhoz thị xã Mường Lay, tỉnh Điện Biên uô lơưr têz qơư li tsưr ziv yêik qơư nhoz chiê uô tsêr mêir đêx tênhv Sơn La lok trâu qơư nhoz yiêz ntơưv tổ 25 thiêz 26, phường Đông Phong, thành phố Lai Châu. Tưz xar muôx 10 shông đhâu, zơưv Phương đros ntâu ziv chuôz zis cux tsênhv phiv liv zok nriêr kror nox trâu chuôz zis txix uô ntâu kror hâux lưv. Taz sik, hâux lưv paz kruôz kriê thiêz hlôngr yiêz tsưr ziv uô nox lơưr têz qơưk li tsênhv chêi cux tsênhv tsik tâu cêir chêx, txơưv tiêk lơưr tưz hêik ntâu jiês:

“Lok hlôngr yiêz hâux lưv uô lơưr chính phủ li cuêz tênhv số 02 mak nhoz tiv phaz pêx xênhv cux tsuv uô vax tsêr, nriêr hâux lưv uô lok six phiv liv. Cxuô cấp lênhx tov, chính quyền tiv phaz cux tưz tsov cưv thiêz shông tưs cux hêik trâu thênhv siêz, taz sik txos nhiv no cux tsik tâu cêir chêx. Hok chor nênhs sik đros txar qơư nhoz uô tsêr mêir đêx tênhv li pêz ntơưv Noong Pua, Điện Biên thiêz thị xã Mường Lay pox nhuôs tưz tâu cêir chêx tas lơưv”.

Ntơưv Grê 27, Thủ tướng chính phủ li cuêz tênhv số 02/2007 cuiz tênhv lok pâux nzir, paz thiêz txar qơư nhoz yiêz chiê uô tsêr mêir đêx tênhv Sơn La, tsênhv tsênhz , ntơưv mục 1 sâu mênhx lox tongv kôngz nuv đhâu txar qơư nhoz muk trâu têx qơưk tsik uô kôngz nuv tâu paz nhiêx txiêx cơưv hâux lưv uô. Thiêz ntơưv mục 2 lox tôngv kôngz nuv đhâu thâuv txar qơư nhoz hlôngr trâu tsik zos uô kôngz nuv tâu paz nhiêx txiêx zuôr chuôz zênhx uô kror hâux lưv yiêz ntâu tiv zix tsik txos 5 triệu đêiv iz lênhx nênhs thiêz tâu muôz paz iz jiês.

Lơưr pêx xênhv txar lok nhoz ntơưv no puz pâuz, chor ziv chuôz zis txar qơư nhoz ntơưv thị xã Mường Lay puôk lênhx muôx tsar tov xưk li chor chuôz zis nhoz tổ 25, 26 tưz tâu paz hlôngr đuô hâux lưv uô xưk li cuiz tênhv. Hok chor chuôz zis nhoz oz tổ 25 thiêz 26 phường Đông Phong, tsuv txar qơưk nhoz kuôk qơư nhoz kuz muôx 100 cêik cêr mak txos nhiv no cux tsik tâu cêir chêx thiêz cux tsênhv nhoz tok njôngr. Pos Phạm Thị Mùi, nhoz tổ 26, phường Đông Phong, thành phố Lai Châu hêik:

“Ntơưv Lai Châu mak pêz tưz hêik ntâu jiês lơưv, lơưr hêik tiêk saz Điện Biên tsuv thêv. Nhoz Điện Biên, pox nhuôs nhoz thi xã Mường Lay mak tưz tâu paz txix oz pêz shông uô ntêx. Hok ntơưv no pêz hêik mak tổ trưởng thiế bí thi chi bộ hêik tiêk tsuv uô bê ntơưr. Chor chuôz zis hlôngr đuô tsưr ziv uô nox mak uô bê ntơưr taz sik txos nhiv no cux tsik tâu hnor li chak hlo”.

Lơưr phóng viên nriêr pâuz ntơưv thị xã Mường Lay, tỉnh Điện Biên, pêx xênhv txar qơư nhoz thâuv hlôngr yiêz đuô tsưr ziv uô nox tưz tâu thêv tas têx nhiêx txiêx chiê hlôngr hâux lưv uô thiêz chor nhiêx co tưz phênhv tưs paz trâu pox nhuôs truôx tuk luz nênhx. Zơưv Chu Tiến Hệ, iz lênhx pêx xênhv txar qơư nhoz ntơưv thị xã Mường Lay, tỉnh Điện Biên puz pâuz:

“Đhâu thâuv txar qơư nhoz chiê uô tsêr mêir đêx tênhv Sơn La, cur chuôz zis nhoz ntơưv tổ 1, phường Sông Đà, thị xã Mường Lay. Đhâu ntâuk muôz suôk njêl hâur đêx, thâuv txar lok qơư nhoz yiêz mak cur chuôz zis uô hâux lưv txơưr. Tas nro chor nhiêx txiêx paz hlôngr đuô hâux lưv uô mak cur chuôz zis tưz tâu paz lơưv. Hâur cur chuôz zis muôx 3 lênhx nênhs, iz lênhx nênhs 8 triệu mak pêz puôr lênhx tưz tâu muôz lơưv”.

Lơưr hlôngr njêx muôs phường Đông Phong, thành phố Lai Châu, paz hlôngr đuô hâux lưv uô nox trâu pêx xênhv txar qơư nhoz uô tsêr mêir đêx tênhv Sơn La lok thã xtsav zos kror huv đros. Đhâu jênhv tâu pêx xênhv li ziv chênhv, chính quyền phường tưz xa trâu thênhv siêz. Taz sik tas nro têx ziv chênhv mak txos nhiv no puôr lênhx tsik tâu cêir chêx, uô trâu pox nhuôs tsik jông siêz. Zơưv Hồ Thanh Sơn, chủ tịch HĐND phường Đông Phong, thành phố Lai Châu hêik:

“Đhâu xa trâu thênhv siêz sêiz shuôk cêir chêx têx ziv chênhv trâu cử tri mak nhiv kruôr đhâu cxuô cấp cux tưz muôx ntơưr têz. Taz sik, cux tsuôk zos cêir chêx cxuô xưz tsik tâu uô tsênhz mênhx cov tas ciês trâu pox nhuôs. Pêx xênhv thâuv txar lok ntơưv no mak uô ntâu kror hâux lưv chiê nriêr nox, taz sik phênhv ntâu zos kinh doanh têx hax huv muôx sâuv thax tsav”.

Kror uô lơử rpâux nzir thêv nhiêx paz kriê hâux lưv uô thiêz hlôngr đuô hâux lưv uô trâu pêx xênhv zos huv đros Đảng, têz qơưk li têx tsênhv chêi, taz sik thâuv muôz vênhv thix no thav đros chor cơ quan txơưx jênhv tỉnh Lai Châu mak jênhv tâu luk têz tiêk hâux lưv pâux nzir, paz nhiêx co zos saz tỉnh Điện Biên. Hok pêx xênhv nhiv no mak nhoz ntơưv tỉnh Lai Châu, ntâu ziv chuôz zis cux tưz muk muôx 200 ntâuk cêik cêr lok Điện Biên chiê hêik muôz nhiêx taz sik ho tâu hêik pâuz tiêk tror lok hêik Lai Châu. Kror txơưx jênhv no tâu tiv phaz no choz trâu tiv phaz tor, tiv phaz tor ho choz trâu tiv phaz no thiêz 500 ntâu ziv chuôz zis li têx nhiêx tâu paz co tsik pâuz zuôr tok khov trâu lênhx tưs?./.

                                                                                                        (Khắc Kiên-Lik Thox cxêik nhênhv)

Têx nhiêx txiêx tsoz phưz đas jos đhâu xênhz zus mê nhuôs

          Trơưk chêi têz qơưs:

          - Chei BHXH số 58/2014/QH 13 hnuz 20/11/2014.

          - Chính phuv li Nghị định số 115/2015/NĐ-CP hnuz 11/11/2015 cui tênhv tsênhz mênhx Chei BHXH li iz cxiê grê lok BHXH zuôr trâus.

          - Bộ lox tôngv saz pênhz thiêz xã hội li Thông tư 59/TT-BLĐTBXH hnuz 29/12/2015 cui tênhv tsênhz mênhx thiêz heik kriê uô Chei BHXH li iz cxiê grê lok BHXH zuôr trâus.

          1. Chor tâu sir zôngv têx nhiêx txiêx ntơư zos:

          Lox tôngv pox niêv đhâu thâuv so xênhz zus mê nhuôs, hâur six hơưv 30 hnuz xuz thơưx mul uô hâux lưv mak đas jos tsi tâu jông tror tâu so chiê tsưx phưv đas jos. Six hơưv so tâu xav ciês têx hnuz so ntênhs, so tsiêz, so hâur yênhx ciêz.

          2. Six hơưv tâu sir zôngv têx nhiêx txiêx:

          - 10 hnuz đros lox tôngv pox niêv xênhz mê nhuôv nzeiz ndê tror sau;

          - 7 hnuz đros lox tôngv pox niêv tâu fêik muôz mê nhuôs hâur niêv chêr lol;

          - 5 hnuz đros têx lênhx txơưr.

          Đros taz viv sir zôngv lox tôngv tsi yênhx lix BCH Công đoàn mak zos tsưr sir zôngv lox tôngv cuiz tênhv chor hnuz tâu so lơưr cui tênhv.

          3. Phênhv nhiêx tâu sir zôngv:

          Phênhv nhiêx tâu sir zôngv tsoz phưz đas jos đhâu thâuv xênhz zus mê nhuôs 1 hnuz bâuv 30% phênhv nhiêx hli./.

(Thanh Thủy- Txâur Vax cxeik nhênhv)