Jax sâu thưr 2 hnuz 1/2/2016:

Cêr côngv siêz Việt-Lào sâuv lênhx trôngz Trường Sơn

Chor hnuz jê tsiêz,  pêz đros chor hluôk nênhs Qơư tsar yêz za ntiêx têz Đà Nẵng muk trâu jok Keo, huyện Cà Lừm, tỉnh Sê Kong, têz qơưk Lào paz trâu tsongv box pluôs. Txix tsênhv qơư huyện Tây Giang, tỉnh Quảng Nam, tas xar muôx 3 six hơưv muk pêz thiêx txos tâu trâu jok Keo. Pêx xênhv nhoz no mak zos uô têz, luz nênhx tsênhv yuôr ntâu txov nhêv. Nhoz no tsik tâu muôx tênhv tênhz, tsik muôx tsêr cơưv ntơưr, tsik muôx ti vi; tsêr zos tâu uô txix shôngz ntông đaz tuôs…Zơưv Tô Ngọc Hải, phưv giám đốc qơư tsar yêz za ntiêx têz Đà Nẵng puz pâuz, taz viv gra đros ntâu zav huv paz trâu tsôngv blox pluôs nhoz ntus đriv Việt-Lào:

 “Hnuz no tuôx txos Lào mak zuk pov zuk txơưx jênhv tsênhv lox đuô. Muk li no mak pêz thiêx pauz tâu zuk li txơưx jênhv. Shông no uô tâu li no mak lưv shông thiêz chor shông lơưr co tsuv uô tâu jông đuô”.

Zơưv Bling Bla, tsưr jok Keo, huyện Cà Lừm, tỉnh Sê Kong, Lào puz pâuz, pox nhuố hâur jok uô tsâus lênhx tov huyện Tây Giang tsik so tsov cưv paz kôngz krâur, zav nox, yuôx thiêz tsênhv kriê tsưr ziv uô liêx:

 “Pêx xênhv saz Lào njiz lok six ntâu phiv liv, uô tsâus Việt Nam li têx paz lok six ntâu. Đônx pênhz phax A Xan-Tây Giang-tỉnh Quảng Nam thiêz trung ương paz 4 luz jêx jok saz Lào zos: jok Keo, Tà Vàng, Bha Lee thiêz Chr’đhơ. Pêz txov nhêv hênhr, uô tsâus Việt Nam tưz paz trâu pêz”.

Nhiv no, lok six chôngz tsôngv box Cơ Tu zos pêx xênhv têz qơưk Là sưv jê đros pox nhuôs Cơ Tu nhoz huyện Tây Giang, tỉnh Quảng Nam. Lơưr cux o tsiêx lơưr Việt Nam, tuôr chiê jông tsôngv box li têx vênhx huôv cxôngx nzor li gâus tưv, ntênhk hơưv blêx yiêz. Yênhx shông, huyện Tây Giag tsês xar muôx 500 triệu đêiv zuôr cxur, mì tôm, njêr, mì chính, trik yo…khơưk muôz trâu tsôngv box Cơ Tu huyện Cà Lừm. Huyện tox siêz Tây Giang cux yênhx lix cuiv “Cêr siêz jông ntus đriv” chiê paz trâu pox nhuôs nhoz ntus đriv. Zơưv Lê Hoàng Linh, phưv chủ tịch UBND huyện tox siêz Tây Giang, tỉnh Quảng Nam puz pâuz:

 “Hâur shông 2015, huyện tây Giang yênhx lix tâu cuiv siêz jông ntus đriv, huiz tôngv cán bộ công nhân viên chức, tsưr tsix, tiz nênhs siêz jông li gôngr côngv paz trâu chor jêx jok nhoz buôs ntus đriv huyện Tây Giang, xưk li yưv pênhr cxuô zav, đêx xênhz huôx thiêz zuôr txos no zuôr yưv pênhr cxiv uô tsêr cơưv ntơưr thiêz đêx liv chiê uô chak cov chor jok nhoz buôs ntus đriv huyện Tây Giang iz thênhv hlôngr yiêz jux juk, uô truôx đuô cêr sik côngv nhoz oz tiv phaz thiêz oz tỉnh hêik cxuô”./.

(TTMT-Ly cxêik, nhênhv-TTT)

Phênhv thưr 2, hnuz 1/2/2016:

Njênhs njôngr BCH T.Ư khóa 12 zuôr lês car uô tâu jông têx luôs hâux lưv mak Đảng, têz qơưs thiêz tsôngv pêx xênhv zok muôz

Hâur bê 200 lênhx Ủy viên T.Ư muôx 19 lênhx tsi tâu muôx 45 shông, zơưv Lê Quốc Phong, 37 shông, Bí thư T.Ư Đoàn zos lênhx hhluôk yax hur si. 2 lênhx ủy viên t.Ư Đảng chính thức hluôk yax zos zos zơưv Nguyễn Thanh Nghị thiêz zơưv Nguyễn Xuân Anh puôr lênhx zos tiến sĩ, cơưv tas ntơưr siêz. Jông siêz thiêz shir phaz đros têx lênhx nênhs nhoz hâur BCH T.Ư khóa 12, zơưv Nguyễn Văn Tuyên, canr bôv so lâuk nhoz quận Đống Đa, Hà Nội heik:

“Xeir zuôr lênhx nênhs nhoz hâur BCH tâu trơưk tsưr ziv, siêz xar, têx đôngx chir tưz moz siêz têx canr bôv pox niêv chiê xeir zuôr nhoz hâur co. Thiêz lar heik zos moz siêz txos chor hluôk, têx đôngx chir muôx txux chi, tsưr ziv jông, moz siêz uô hâux lưv, lês car, uô jông Đảng, têz qơưs têx hâux lưv lox”.

Lơưr PGS.TS. Nguyễn Trọng Phúc, kuz Viện tsar Viện lịch sử Đảng, Học viện chiính trị quốc gia HCM: Xeir zuôr têx lênhx pox niêv thiêz canr bôv hluôk nhoz hâur BCH T.Ư khóa 12 muôx ntâu hlôngr yiêz pir li têx khóa uô ntêx. Hnuz nhôngs taz por uô tâu trơưk tsưr ziv, siêz xar, siz paz, sik cơưv shâuv txux ci tsưr ziv uô nuv chiê muôx tâu cêr thôngx siêz jông hâur BCH T.Ư. Iz chas ntơư, chor ủy viên BCH cux zos têx lênhx car uô têx nuv lox, cơưv tas ntơưr siêz đuô. Đros thiêz tsưr ziv xeir zuôr tâu têx lênhx li heik ntơư, BCH T.Ư khóa 12 muôx têx zênhx zuôr lês car uô tâu têx luôs hâux lưv mak Đảng,  tsôngv pêx xênhv zok muôz. PGS.TS Nguyễn Trọng Phúc heik:

“ Phênhv ntâu têx đôngx chir cơưv tas ntơưr Đại học mak tso siêz, muôx txâuk  txux chi tsưr ziv uô nuv, viv tưz cơưv đhâu têx ntâuz ntơưr, tsưr ziv lês car uô têx nuv zov chênhr, cur seiz mak xeir zuôr tâu têx lênhx li heik sâuv zos lok six jông. Txơưv li ntơư, taz sik siêz vav xar njôngr mak muôx têx lok six ntâu taz cur seiz li co zos fiv đros thiêz zuk muôx têx uô hlôngr yiêz iz kro jux juk thiêx truôx tâu”.

Tâu seiz têx lênhx nênhs xeir zuôr nhoz hâur BCH T.Ư jiês no tưz tâu BCH T.Ư khóa 11 thiêz 1.500 ntâu lênhx đại biểu ntơưv Đại hội 12 xeir tsov lok six jông, zơưv Đỗ Quang Tuấn, kuz phưv Tsar ban jênh vênhv T.Ư heik: Lok sâuv BCH T.Ư khóa yiêz li txux chi, tsưr ziv, siêz xar, pênhr xưv lês car têx hâux lưv mak tas nro Đảng, tsôngv lax pêx xênhv zok muôz muôx têx puôr lênhxtso siêz tâu. Viv têx lênhx nhoz hâur BCH puôr lênhx zos chor nênhs muôx txux chi tsưr ziv siêz, tâu tsôngv box sơưr đơưk njênhs njôngr zok muôz hâux lưv. Zơưv Đỗ Quang Tuấn heik:

“ Cur seiz ntơư zos cêr tso siêz, shir phaz thiêz njênhs njôngr trâu têx đôngx chir tsưr ziv, pênhr xưv lês car uô têx nuv lox, txơưv tiêk muôx ntâu kror jông, taz sik cux muôx tsi tsơưs têx cêr txov thiêz phiv liv. Zos iz lênhx thơưx chox car têz qơưs hâur ntu nhiv no tsuv muôx txux chi, tsưr ziv jông, moz siêz viv tsôngv pêx xênhv, mnôngs tsôngv pêx xênhv heik, uô huv pêx xênhv siêz, sir tas đas jos, tsưr ziv chox car têz qơưs, uô tâu têx nuv trơưk tsôngv box sơưr đơưk siêz vav xar njôngr”.

1.510 lênhx đại biểu, hlôngr njêx muôs trâu 4,5 tsov lênhx đảng viên thiêz tsôngv box sơưr đơưk tưz bo tâu BCH T.Ư khóa 12. Luôs hâux lưv lox, zov chênhr tưz tâu choz trâu têx lênhx muôx txux chi tsưr ziv, pênhr xưv car lês uô chiê tror chox car têz qơưs huôv tsar./.

                                           (TTT-Riê Lâux cxeik, nhênhv)