Jax sâu thưr 6 hnuz xiêz 1/4/2016

Chor hluôk nênhs Sơn La qơư txưv zênhv chiê sik phêiz kênh têx cêr siz luz

 

Nhiv kruôr cxiv tsa tâu iz shông, taz sik chor hluôk nênhs Sơn La qơư txưv zênhv tưz muôx 40 ntâu lênhx nênhs, zos chor hluôk nênhs guôs sir jos. Txix ntâu tsaz yênhx uô jông thiêz muôx tsiv grê, xưk li: paz pox nhuôs Quảng Ngãi muôs 65 tấn điz; tsưr tsix tsaz yênhx trung thu trâu chor nhuôs zâu ntơưv khoa Nhi-tsêr kho moz đa khoa tỉnh Sơn La; paz trâu pêx xênhv chor xã Bon Phặng, Mường Khiêng (huyện Thuận Châu) hâur jiês đêx ngaz cuôr; uô tsaz yênhx “muôz tsôngk trik yo sor” trâu px xã Tô Múa, huyện Vân Hồ…Qơư txưv zênhv tưz paz tâu iz phênhv tưs phêiz kênh têx phiv liv đros pox nhuôs hâur luz nênhx, cux xưk li paz trâu yênhx lênhx nênhs chiv chir pâuz ntâu đuô. Tix lâus Đặng Đức Long, thành viên câu lạc bộ hluôk nênhs uô ntêx hlo Sơn La hêik:

“Thâuv cxaz chuôz trâu câu lạc bộ zuôr paz trâu pêz cơưv shâuv tâu ntâu chênhz zênhv, thiêz paz trâu chor nênhs txov nhêv đuô zuk, paz trâu lơưr txo grêk iz phênhv tưs cêr phiv liv hâur luz nênhx”.

Chiê tsưr tsix tsaz yênhx siêz jông muôx tsiv gri, qơư txưv zênhv tsênhv sik côngv đros ntâu cơ quan, đoanx thể li: Phongx cảnh sát zoz thôngz công an tỉnh Sơn La, đoanx hluôk nênhs Hồ Chí Minh thax tsav kinh tế Hải Phòng…kriz uô chor huôx tôngv. Tsưr ziv zos kriz uô đêx đar siêz jông paz trâu ntâu lênhx nênhs, ntâu thax tâv; cux xưk li paz trâu pox nhuôs pâuz tsênhz đuô, uô jông đuô Đảng, têz qơưk li têx tsênhv chêi, pháp luật. Tix lâus Zax A Tòng, xã Mường Cơi, huyện Phù Yên, tỉnh Sơn La shir phaz hêik:

“Hnuz no cur lok six shir phaz, tâu mnôngs luật zoz thôngz, chor nhuôs tâu khơưk muôz huv, yo sor hnar muk cơưv ntơưr. Cur cux hlôngr njêx muôs trâu pox nhuôs sơưr đơưk uô tsâus đoanx côngz xưv”.

Đros tsưr tsix chor huôx tôngv siêz jông, yênhx lênhx nênhs hâur qơư txưv zênhv cux siz hêik uô truôx jông cêr sik côngv, sik paz hla đhâu têx phiv liv chiê cơưv ntơưr, uô côngz xưv jông, tiv zix zos kriêr đêz têx txiêz nanv xã hội. Niêv tix Trịnh Thị Việt Hà, phưv sêiz car câu lạc bộ hluôk nênhs uô ntêx hlo Sơn La puz pâuz:

“Zos câu lạc bộ hluôk nênhs uô têx hlo Sơn La li lênhx phưv sêiz car, cur pov tâu tiêk zuk tsuv zos nênhs chox cêr trâu chor hluôk nênhs uô tâx hâux lưv siêz jông, taz por ngaz tuk thiêz chêx cur siêz tiv zix hâur yênhx jiês muk, paz trâu chôngz pox nhuôs đuô, gra siêz chor hluôk nênhs li chênhz yênhx uô ntêx hlo’.

Hâur luz nênhx nhiv no, chor hluôk nênhs Sơn La qơư txưv zênhv li têx hâux lưv uô lok six muôx tsiv gri, zos qơư sik phêiz kênh cêr siz hluz, siz paz uô trâu yênhx lênhx nênhs thiêz côngv thôngx muôx luz nênhs shir phaz đuô./.

(Trấn Long-Lik Thox cxêik nhênhv)

 

Phênhv thưr 6, hnuz 1/4/2016

PHÊNHV TSÊNHV CHÊI TÊZ QƠƯS

( Nhênhv 2 suôz)

 

1.Jiês bo xeir đại biểu côx hội khóa 14 thiêz đại biểu hôiv đôngx cxuô cấp ntu 2016-2021 li ziz njiêz chính trị zos li chas?

Têz:

Bo xêir đại biểu Côx hội thiêz đại biểu hôiv đôngx zos uô jênh tsuv, zos heik lok tsôngv box tsưr ziv, siêz xar thiêz lơưr vax huôv hâur cxiv tsa têz qơưs heik cxuô thiêz Cơ quan hlôngr njêx muôs-Cơ quan muôx vax huôv hâur têz qơưs txix T.Ư txos cxuô tsênhv qơư hâur pêz têz qơưs heik taz.

Jiês bo xeir đại biểu Côx hội khóa 14 thiêz đại biểu hộiv đôngx cxuô cấp ntu 2016-2021 tâu tsưr tsix đros iz hnuz hâur hur si têz qơưs, hâur qênhx shênhx pêz têz qơưs tror fuô uô jông hâux lưv, tsưr ziv hlôngr yiêz, cxiv tsa thiêz uô tiêr têz qơưs têx chei, cui tinhv uô hâux lưv lơưr Hiến pháp shông 2013 li cui tinhv, chêi tsưr tsix Côx hội shông 2014, chêi tsưr tsix hâu nov ntơưv qơư shông 2015, chêi bo xeir đại biểu Côx hội thiêz đại biểu hôiv đôngx shông 2015 nhiv kruôr tâu tso tơưv.

2.Đại biểu Côx hội muôx vax huôv li chas?

Têz:

Đại biểu Côx hội muôx vax huôv thôngz đhâu dưv anr chêi, pháp lệnh, thix ziv lok chêi, pháp lệnh trâu côx hội, Ủy ban thường vụ Côx hội lơưr têz qơưs chei cui tinhv. Đại biểu Côx hội tâu heik kriê, paz hâur cxiv sâu, uô tiêr têx ntâuz ntơưr lok dưv anr chêi, pháp lệnh, thix ziv lok chêi, pháp lệnh lơưr chei têz qơưs cui tinhv.

Đại biểu côx hội muôx vax huôv cxaz chuôz trâu cxuô lênhx hâur Côx hôiv, Hôiv đôngx mênhx cxưx lok zos dân tộc lok sik Ủy ban.

Đại biểu Côx hội muôx vax huôv nuk Chủ tịch têz qơưs, Chủ tịch Côx hội, Thủ tướng Chính phủ, Bộ trưởng thiêz Chính phủ têx lênhx txơưr đuô, Chánh án tòa án thênhv siêz, Viện tsar Viện kiểm sát thênhv siêz, Tổng qênhz yuôx nhiêx txiêx têz qơưs.

Đại biểu Côx hội muôx vax huôv thix ziv Côx hội uô Hiến pháp, cxiv kho đuô Hiến pháp, zuôr tsôngv box ziv chênhv, yênhx lix Côx hội Ủy ban tax, tso ntơưr bo xeir têx lênhx nênhs lês car uô têx hâux lưv lox hâur têz qơưs zos Côx hội bo lok sik thôngz đhâu, tsưr tsix cơưv Côx hội thâuv muôx nuv đaz tsi zuôr trâus txos cơưv zênhx max thiêz thix ziv lok têx hâux lưv txơưr đuô mak đại biểu Côx hội seiz zuôr trâus txos.

Thâuv qênhz pov muôx yưv têx kror uô cxâuv chei têz qơưs, uô ruôr hiêv txos têz qơưs, uô tsi jông txos tsưr tsix, xiz nênhs li vax huôv, luz côngz luz bê, đại biểu Côx hội muôx vax huôv heik Cơ quan, tsưr tsix hữu quan chiê phax tir thêir zênhx max lơưr cui tinhv, tsi  chiê uô ruôr hiêv txos chei têz qơưs.

Thâuv uô têx nuv tâu zok muôz lơưr đại biểu hâux lưv, vax huôv, đại biểu Côx hội muôx vax huôv heik Cơ quan, tsưr tsix, xiz nênhs côngz têx mông, cxeix laov cik txos cơ quan, tsưr tsix, xiz nênhs ntơư têx hâux lưv uô.

Đại biểu Côx hội muôx vax huôv cxaz chuôz dự jiês cơưv hôiv đôngx cxuô cấp ntơưv thax tsav, suôv qơư tâu bo zuk uô đại biểu Côx hội, thiêz muôx vax huôv cxaz chuôz gôngr ziv chênhv trâu têx hâux lưv têz qơưs, trâu têx nuv cik txos tsôngv box luz nênhx thiêz têx nuv txơưr đuô, đại biểu tsuv tâu moz siêz txos./.

( Thanh Thủy-Riê Lâux cxeik, nhênhv)