Jax sâu thưr 3, hnuz xiêz 1/9/2015:

Hmo ciêz tox siêz Mộc Châu

Tsôngv px cxuô hêir nênhs nhoz thax tsav jêx jos tox siêz, thâuv tưz tuôx car ciêz trâu ciêz đrôngl cux zos tuôx zuôr muôs hax huv thiêz tuôx njiz têx nênhs cxênhz jê chiê sik thav lok huôv tsar cêr uô nox, uô hnar hâur luz nênhx. Txos hmo xiêz 1/9, zos hmo huyện Mộc Châu, tỉnh Sơn La kriz gruôv pax gruôv đruôk lok zos nthuôr uô cêr lov jêv ntơưv cxuô hêir nênhs hâur thax tsav huyện thiêz cux chênhr zos hmo muôx chôngz lênhx tuz nxêik hluôk tsik tâu muôx pox niêv, tsik tâu muôx txir tuôx trâu ntơưv no cov njiz thiêz muôx nzir ntâu tus fôngx zưs jông. Ntơư tsik zos tsôngv px cxuô hêir nênhs nhoz cxuô huyện thax tsav tỉnh Sơn la thiêz tsênhv muôx chôngz lênhx tsôngv px nhoz iz cxiê tỉnh txơưr đuô cux tuôx car ciêz đros côngv cêr lov jêv trâu ntơưv tsênhv qơư huyện. Tus cưr Dũng x Zax nhoz huyện Mường Lát, tỉnh Thanh Hoá tuôx car ciêz trâu huyện Mộc Châu, zok nriêr tus hluz cov tâu trơưk li siêz nhiêv hêik pâuz.

Băng tiếng Mông….

Hmo ciêz tox siêz Mộc Châu, đhâu tsôngv tuz cxêik hluôk cxuô hêir nênhs nthuôr uô cêr lov jêv, đhia pax vuôs, hêik gâux, hêik cưr cxiêx…cux zos txos chêix tsôngv px thiêz tsôngv kruô siz zâuv muk trâu cxuô qơư muôs zav nox chiê nox grêix, hâuk chơưr uô lov jêv ntưk thiêz sik thav lok huôv tsar cêr uô nox uô hnar cov sđ muôx luz nênhx truôx tuk, tsâu sor.

Thâuv ntơư, ntux tưz tsâuk thiêz lis lơưv jux juk cux zos txos chêix tsôngv tuz nxêik hluôk cxuô hêir nênhs sđ muk lok sik thav uô têx txưv njêx muôs luôs nxi trâu ntơưv yar tiêx tsênhv qơư nthuôr uô cêr lov jêv. Ntơư chênhr zos tsôngv tuz nxêik hluôk têx siêz xar chiê zok nriêr cov tâu tus hluz.

Băng tiếng Mông…..

Tus cưr Nụ x Hơưx, nhoz xã Đông Sang, huyện Mộc Châu, tỉnh Sơn La jông siêz hênhr, viv nưs tưz xêir tâu tus hluz trơưk siêz nhiêv, taz sik nưs tsênhv hêik li no.

Băng tiếng Mông…

Tuôx trâu hmo ciêz tox siêz, phênhv ntâu zos tsôngv tuz nxêik hluôk cxuô hêir nênhs sđ tuôx cov tâu njiz chôngz lênhx ntâu tus fôngx zưs, zos hmôngr jông thiêz njiz tâu tus nziv siêz cux xar chiê uô fôngx zưs. Niêv tix Khánh Ly x Zax, phó chủ tịch uỷ ban huyện Mộc Châu, tỉnh Sơn La hêik pâuz nzir:

Băng tiếng Mông…

Tsôngv px cxuô hêir nênhs nhoz thax tsav jêx jos tox siêz, đêz đrôngl; phênhv ntâu khưr uô liêx uô têz, tsêz chos kôngz lôngk hâur yênhx shông, tsik muôx six hơưv hnuz nhôngl muk car ciêz uô si, tsik muôx six hơưv hnuz nhôngl muk ndis ntux shuôk têz qơưs, tsik muôx six hơưv muk sêiz shuôk têx nênhs cxênhz jê. Chênhr zos li hêik ntơư, txos hmo xiêz 1/9 hâur niêx shông nhoz tox siêz huyện Mộc Châu, tỉnh Sơn La, zos chiê tsôngv tuz nxêik hluôk cux li tsôngv lâuk sđ hâur thax tsav tỉnh thiêz iz cxiê tỉnh txơưr đuô tuôx trâu ntơưv no chiê sik njiz. Txix hmo kriz ciêz tox siêz Mộc Châu, cux pov muôx iz cxiê lênhx tuz nxêik hluôk tưz yênhx txix gơưv, uô luz nênhx yar ntux đris./.

                                          (Tsu cxêik -nhênhv-Và Lia, CTV CQTT Tây Bắc)

Phênhv “Nôngx mênhx zuôr tsuv pâuz” hnuz xiêz 1/9/2015

Tsôngv box….! Qir txix têx muôx tsênhz ntơưv qơư, ntâu ziv chuôz zis nhoz huyện Yên Minh, tỉnh Hà Giang tưz xeir trâu zuk tsưr ziv huôv tsar tu tu zus chiê uô bluô nux. Tix lâus Shôngx Mí Tỏa nhoz xã Đường Thượng tsưr ziv tu zus tsiêx cxu zos iz tsưr ziv uô tâu jông.

Hla đhâu yeiz pluôs khov tu zus tsiêx cxu

Njiê seiz tuk hmôngz tsi lox, taz sik sei đrơưv, gruôs khưr, huôv tsar uô nox, thâuv ntêx tix lâus chuôz zis cux zos iz ziv chuôz zis txov nhêv hâur thax tsav xã, taz sik đros tsưr ziv, siêz xar sir jos uô bluô nux, tix lâus chuôz zis tưz xeir tsưr ziv huôv tsar tu zus tsiêx xu.

Seiz zuk suôv qơư nhoz, liêx têz tsơưs, phênhv ntâu zos tox trôngz hâur pêk nxaz, zôngx ziv chos tâux chiê huôv tsar tu zus nhux tưv; viv li tix lâus tưz muôz hur si têx nhiêx txuôs tâu hâur ziv chuôz zis chiê zuôr nhux tưv lok zus. Tix lâus luôs hâux lưv tu zus nhux tưv, xuz thơưx cux  njiz phiv liv, taz sik jux juk, tix lâus cux uô tâu trươk tsưr ziv xar, nhiv no tix lâus chor nhux tưv thâuv tưs cux muôx txos 10 ntâu tuk.

Uô tâu trơưk tsưr ziv, siêz xar txix tu zus nhux tưv, tix lâus tror yưv pênhr tu zus yik, nhiv no hur tiz si tix lâus chor yik xar muôx 40 tuk. Viv zos thax tsav tox siêz, luz cheix ntux no, no njiv hênhr viv li tix lâus têx tsiêx khênhr trâus tuôs. Chênhr zos li ntơư, tix lâus Tỏa lok six moz siêz tu, bax tsês têx jâuz, krâur nox cov txâuk trâu tsiêx thiêz cxax yuôx phax moz cxix cxuô, viv li tix lâus chuôz zis chor tsiêx thâuv tưs cux huôv vav ntâu. Hla đhâu têx phiv liv xuz thơưx thâuv qir tu zus tsiêx, txos trâu nhiv no, tix lâus Tỏa chuôz zis tsưr ziv huôv tsar uô nox tưz uô tâu trươk siêz xar thiêz zos iz hâur têx tsưr ziv uô tâu jông nhoz xã Đường Thượng thiêz zos qơư jông trâu ntâu ziv chuôz zis hâur xã cơưv shâuv, uô trơưk.

Phênhv “Nôngx mênhx zuôr tsuv pâuz” hnuz no zos Đeix nta suôz VN sik côngv đros tsênhv qơư cxiz kôngz têz qơưk uô./.

                                                  ( VOV4-Riê Lâux cxeik, nhênhv)