Truz ntêr nzir six hơưv thêv nux gri trâu thax tsav trâus đêx ngaz cuôr Yên Bái tok tsiêz shông 2018

Đhâu ciês trâus đêx ngaz cuôr ruôr hiêv, chor cán bộ tín dụng tưz muk tiv phaz, sik côngv truôx đros lênhx tov xã, tsưr jok, tổ cxênhx txuôs thiêz txêik pênhr uô côngz xưv qênhz shuôk, thôngz sâu têx trâus hiêv txix nhiêx txêik trơưk li cxuô tsaz yênhx nhiêx liv kik, mnôngs pox nhuôs têx ziv chênhv thiêz kruôz kriê pox nhuôs uô ntâuz ntơưr thor tâu xưv lik têx nux gri njiz phiv liv lơưr cui tênhv.

Tix lâus Đồng Văn Hoàn nhoz jok Thón, xã Phúc Sơn, huyện Văn Chấn txêik 40 triệu đêiv nhiêx txix tsaz yênhx txêik nhiêx liv kik trâu chuôz zis pluôs chiê zuôr tưv zus sha mê nhuôs. Taz sik, thâuv muôx đêx ngaz cuôr uô ruôr hiêv, tix lâus chuôz zis trâus hiêv lok vax tsêr cxuô zav, xav tas tuk tưv zuôr txix chor nhiêx txêik co. Nhiv no tix lâus chuôz zis tsuôk sir jos uô cov tiêr luz tsêr tâu têz qơưk muôz nhiêx paz đros trâu chor nênhs siêz jông paz cxiv uô chiê tok tsiêz têz qơưs. Tix lâus Đồng Văn Hoàn, jok Thón, xã Phúc Sơn, huyện Văn Chấn, tỉnh Yên Bái hêik:

“Cur tsêr tsik muôx đaz tsi, tuk tưv cux trâus đêx cuôr tas. Cur vav tiêk têz qơưk zuôr paz trâu cur thâuv njiz cêr txov nhêv, uô ntêx zos truz ntêr six hơưv txêik nhiêx trâu cur”.

Xã Phúc Sơn, huyện Văn Chấn zos xã trâus hiêv hnhar tiv zix đhâu jiês đêx ngaz cuôr lịch sử. Ntơưv no muôx 7 ziv chuôz zis txêik zênhx hangx tsênhv chêi xã hôiv li chor pênhr nhiêx liv kik trâus uô ruôr hiêv tas nro chor nhiêx zos 162 triệu đêiv. Zơưv  Hà Đức Bẩy, chủ tịch UBND xã Phúc Sơn puz pâuz:

“Chính quyền tiv phaz cux chiê qênhz shuôk đuô chor chuôz zis, tiv zix zos chor chuôz zis tưz txêik nhiêx hâur zênhx hangx tsênhv chêi xã hôiv trâus hiêv, chiê paz trâu chor chuôz zis, li truz ntêr six hơưv txêik nhiêx trâu chor chuôz zis pir li tsưr ziv tso txêik tsuv thêv nhiêx txêik”.

Iz chas pêx xênhv xã Phúc Sơn mak pêx xênhv chor xã Phù Nham, Hạnh Sơn, huyện Văn Chấn cux trâus đêx ngaz cuôr yôngz uô ruôr hiêv hnhar. Ntâu chuôz zis tsik tâu thêv tas têx nhiêx txêik, nhiêx liv txix chor tsaz yênhx txêik nhiêx trâu chor chuôz zis pluôs, chuôz zis zuôr xar pluôs chiê yưv pênhr huôv tsar uô xênhz yar ho tror trâus pôngz khôngz, hâur chuôz zis tsik muôx têx zav tưs muôx gri. Pêx xênhv li siêz xar njôngr thâuv no zos tâu truz ntêr nzir six hơưv txêik nhiêx thiêz muôz nhiêx txêik nzir nriêr tsưr ziv uô nox yiêz chiê hla đhâu têx phiv liv. Zơưv Đỗ Long Thảo, Giám đốc Phòng giao dịch zênhx hangx tsênhv chêi xã hôiv huyện Văn Chấn, tỉnh Yên  Bái puz pâuz:

“Zênhx hangx tsênhv chêi xã hôiv sik côngv đros chor xã, thị trấn qênhz shuôk chor chuôz zis txêik pênhr trâus hiêv hnhar chiê truz ntêr six hơưv txêik, paz pêx xênhv truôx tuk luz nênhx, tso siêz nox iz luz tsiêz shir phaz, đhâu co zos sir jos khưx phưx uô xênhz yar. Hâur chor shông zuôr txos zênhx hangx tsênhv chêi xã hội tror hêik trâu huyện phêiz muôz chor pênhr txêik yưv pênhr trâu chor ziv chuôz zis muôx zoz qơưx txêik pênhr nzir chiê uô xênhz yar”.

Chiê phêiz kênh têx phiv liv đros pêx xênhv, zênhx hangx tsênhv chêi xã hội tiv phaz tso tơưv zos zuôr cêv kuôk truz ntêr nzir six hơưv hnuz nhôngs txêik txix 3 shông lok sik 5 shông đros chor nênhs txêik pênhr trâus ruôr hiêv txix 40% txos 100%. Đuô li, zuôr tror sêiz shuôk nzir pox nhuôs li zoz qơưx chiê muôz txêik nzir, txêik yiêz, paz pox nhuôs muôx pênhr chiê tror uô xênhz yar, truôx tuk luz nênhx, tâu txêik pênhr trâu hâur shôngk shông 2018, paz trâu pox nhuôs trâus đêx ngaz cuôr ruôr hiêv muk cov đhâu cêr pluôs sêi, muôx luz nênhx truôx tuk./.

              (Tuấn Xuân-Lik thox cxêik nhênhv)

Lào Cai: Uô truôx luôs hâux lưv phax tar thiêz sêiz njuôk moz gênhk ntơưv têx qơư kho njuôs moz

          Ntơưv tsêr kho moz trâu mê nhuôv mok tỉnh Lào Cai, côngz xưv phax tar caz moz gênhk tâu krêz uô jông ntơưv tas nro 18 khoa, qar tsêr kho moz. Zos tsêr kho moz trâu mê nhuôs mos, mê nhuôs zâu, viv li tsưr ziv phax tar caz moz gênhk ntơưv khoa ziv tâu uô jông đuô, viv mê nhuôs tsi tâu muôx đas jos tir tar moz thâuv nhiv kruôr xênhz zus tâu lol. Viv li, tênhx qơư ntơưv thax tsav no thâuv tưs cux hur si, zôngv meir liv R.O liv hur si khôngz qiv. Bác sĩ Hồ Thị Kim Hoa, Phưv giám đốc tsêr kho moz sản nhi tỉnh Lào Cai heik:

          “ Vênhv thix seiz car caz moz nhoz khoa mê nhuôs mos uô ntêx zos tsuv cêv kuôk têx lênhx nênhs njuôs xav zuôr trâus moz. Tas nro chuôz zênhx zôngv trâu mê nhuôs tsuv hur si. Canr bộ y tế iz jiês mul tsoz phưz mê nhuôs tsuv uô trơưk 5 tsưr ziv, canr bộ tưs njuôs xav trâus moz mak tsuv so hâur tsêr tsi mul uô hâux lưv chiê jav cik moz trâu mê nhuôs”.

          Yuôr ntơưv tsêr kho moz đa khoa tỉnh Lào cai, iz chas hâux lưv bax cxix cxuô lênhx nênhs, chuôz zênhx, phaz pênhv taz por zoz qơưx seiz car cux xưk li hâux lưv vêv xênhz, tuô caz moz, yưr lir têx vuôz tsuôz kiês nênhs...tsêr kho moz tsênhv yênhx lix iz Khoa seiz car qênhz yuôx caz moz tsik chiê caz moz gênhk cik đêz đar trâu cxuô qơư. Đros 500 luz txax trâu nênhs moz thiêz zos tsêr kho moz tỉnh, viv li nênhs moz tuôx nhoz thiêz kho moz khênhr chôngz đuô cui tênhv, viv li côngz xưv phax tar moz thâuv tưs cux tâu tsêr kho moz tsov cưv uô ntêx. Bác sĩ Phạm An Hùng, giám đốc Tsêr kho moz đa khoa tỉnh Lào Cai puz pâuz:

          “ Pêz tưz chox kriê tsêr kho moz li khoa nhiễm khuẩn uô trơưk Bộ y tế li cui tênhv lok côngz xưv seiz car qênhz yuôx caz moz. Têx canr bộ y tế hâur khoa tâu thox cxov jông đros têx chuôz zênhx muôx cxix cxuô mak cux tuôv zênhv tâu zoz qơưx lok seiz car qênhz yuôx caz moz, gôngr phênhv muôz siêz chêx cuk seiz njuôs thiêz kho moz”.

          Tỉnh Lào Cai nhiv no muôx 14 tsêr kho moz công lập, 1 tsêr kho moz tưx cxiv uô, 32 qar seiz njuôs thiêz kho moz sâuv thax tsav thiêz 164 qơư y tế. Txos nhiv no, txix luôs hâux lưv seiz car caz moz gênhk tưz tâu nganhx y tế tỉnh krêz uô jông txos tas nro cxuô qơư kho njuôk moz. Têx lớp kriê cxaz, phêv ziv lok phax tar caz moz gênhk cux tâu krêz uô yax six chiê muôz siêz sêiz car, pênhr xưv trâu canr bộ y tế hâur tas nro tỉnh. Iz chas co, Sở cux heik têx qơư y tế chuv tôngv yax mông txos nênhs moz thiêz lênhx nênhs moz li têx nênhs cxênhz jê chiê phax tar caz moz gênhk hâur six hơưv seiz njuôs thiêz kho moz./.