Lào Cai: Phiv liv hax huv tsơưr lươngv kik muôs ntơưv têx ciêz tox siêz

Ntơưv chor xar tox siêz tsênhv yuôr ntâu txov nhêv nhoz tỉnh Lào Cai pov muôx têx qơư muôs huv thâux txix yêz mêir, ô tô muk txos têx jêx jok chiê muôs huv trâu pox nhuôs, đros txix têx hax huv li nduôr thax, têx zav uô si trâu nhuôs zâu, chuôz zênhx tênhv sir zôngv… lok six jông tâu lo chiv têx ntơưr cungz bê hax huv chênhr, taz sik gri muôs lok six kik. Têx qơư muôs huv li no zos kror zôngx ziv chiê hax huv chuôr, tsik taz por tsơưr lươngv, tas six hơưv sir zôngv tâu nhiês muôs đros. Hax zav txos zar kaz shông, hax huv tsơưr lươngv kik, pâuz tsik tsênhz qơư uô ho tâu muôs chuôs tsi ntơưv têx ciêz tox siêz. Ntơưv iz jiês ciêz nhoz xar Y Tý, huyện Bát Xát, lơưr nênhs sâu xor xưv njiê pov, lok six ntâu nduôr thax, đêx kaz jiz lo chiv têx ntâuz ntơưr jông muôx gri muôs lok six kik, tsuôk bâuv iz đraz gri pir li têx hax huv muôs đrav qơư kik, tiv zix zos qơư uô pâuz tsik tsênhz. Iz cxiê lênhx nênhs muôs huv puz pâuz:“Hêik cxuô mak pox nhuôs sơưr đơưk tsuôk xar zuôr chor hax huv gri kik xưz, kaz jiz, gri kik mak zuôr xưz”.“Hax huv zos txix Hà Nội-Hoài Đức chox tuôx muôs. Chak gri ho kik uô luôx  mak cux pâuz tsik tâu”.

Ntơưv chor qơư muôs hax huv, txix nduôr thax txos đêx kaz jiz, cuô njêl lưx, xaz phongx nxuô khâuz ndơưk… zênhx muôx bê zuôr xar jông li chor hax huv chênhr tsuôk txơưr mê njil ntơưr sâu, chiê đas chor nênhs sir zôngv. Chor cơ quan txơưx jênhv nhoz tỉnh Lào Cai tsik so sik côngv đros chính quyền tiv phaz uô truôx jông sêiz car hax huv chuôr, hax huv tsik taz por tsơưr lươngv, taz sik cux njiz tsik tsơưs têx phiv liv. Zơưv Nguyễn Kiến Quốc, Đôiv trưởng đôiv 1, Cục sêiz car ciêz đrôngs tỉnh Lào Cai puz pâuz: Tiv lưx lươngv txơưx jênhv tsênhv tsơưs viv li oz pêz hli thiêx muk tâu txos trâu iz luz ciêz nhoz tox siêz, hâux lưv sêiz kaz tsơưr lươngv, nriêr pâuz qơư uô tsênhv njiz ntâu phiv liv:“Thâuv lưx lươngv txơưx jênhv sir jos xưv lik mak lơưr gâuv, muôz jêik tas, tsuôk tso iz oz hưx chiê muôs cov nênhs zuôr pâuz tâu txos têx qơư co muôx muôs xưz. Hok chor lưx lươngv txơưx jênhv mak iz hưx li co cux tsik pov kaz xưv lik li chak, viv chêi cui tênhv cux phiv liv trâu xưv lik iz hưx li co, tsik txưr sir zôngv”.

Tiv chor ciêz nhoz tox siêz đêz đrôngs, kuôk đêz tsênhv qơư, cêr muk lok phiv liv, nênhs sir zôngv li jênhv pâuz tsênhv kik, viv li hâux lưv sêiz car, tsav txênhz phax tar zuôr muôx hax huv chuôr, hax huv tsơưr lươngv kik zênhx zos kror phiv liv trâu chor cơ quan txơưx jênhv. Hâur shông đhâu, lưx lươngv sêiz car ciêz đrôngs tỉnh Lào Cai tưz tsưr tsix muôx 400 ntâu jiês qênhz yuôx ntơưv têx ciêz tox siêz, pov muôx ntâu lênhx nênhs kinh doanh hax huv tas six hơưv sir zôngv, nduôr thax, đêx ntiv hâur hưx, cuô mik, mỳ tôm, nduôr trung thu… Pov xưv lik yênhx châuv tấn yuôx por vêv đrox tsuôs pâuz tsik tsênhz qơư uô. Zơưv Đỗ Du Bắc, Phưv Cục trưởng Cục sêiz car ciêz đrôngs tỉnh Lào Cai, puz pâuz: “Đros chính quyền tiv phaz cux sir jos chox kriê uô ntơưv chor huyện Mường Khương, Si Ma Cai…lưx lươngv sêiz car ciêz đrôngs yênhx shông cux xưk li yênhx tấn hax huv, thâuv lưx lươngv qênhz yuôx pox nhuôs cux jêik tsês tas, zok nriêr cux lax uô taz sik qênhx shênhx cux tưz tâu txo grêk tsơưs ntâu”.

Chiê tir tar hax huv chuôr, hax huv tsik taz por tsơưr lươngv muôl muôs ntơưv têx ciêz tox siêz, nhoz đêz, mak chính quyền tiv phaz li txơưx jênhv cux lok six zov chênhr hâur hâux lưv sêiz car, sik côngv đros chor ban, nganhx txơưx jênhv. Hâux lưv gra siêz jênhv pâuz sir zôngv trâu tsôngv box cxuô mênhx cxưx tox siêz zuôr uô trâu hax huv tsik taz por tsơưr lươngv, hax huv pâuz tsik tsênhz qơư uô ntơưv têx ciêz tox siêz zuôr tâu tir tar jông đuô./.

(VOV1-Lik Thox cxêik nhênhv)

Zus thiêz têz lok têz qơưs têx chêi Bảo hiểm xã hôiv

             Zơưv Lò Văn Xanh nhoz huyện Than Uyên, tỉnh Lai Châu nus:

          Cur shông no 60 shông, tsi tâu cxaz chuôz BHXH. Cur xar cxaz chuôz BHXH txưv zênhv chiê tov kaz no tâu jênhv nhiêx shar so lâus mak tsuv cxaz chuôz li chas?

          Grê 73 Chei BHXH 2014 lok BHXH txưv zênhv cui tênhv: Grê 73 theox chênhv chiê sơưv nhiêx shar so lâus:

          1. Nênhs lox tôngv sơưv nhiêx shar so lâus thâuv muôx txâuk têx theox chênhv li đrav kaz:

          a) Txir nênhx txưv 60 shông, pox niêv txưv 55 shông;

          b)Txâuk 20 shông gôngr BHXH ndê mul.

          2. Nênhs lox tôngv tưz txâuk theox chênhv lok hnuz nhôngs lơưr cui tênhv ntơưv điểm a khoản 1 Grê no taz sik six hơưv gôngr BHXH tsi tâu txâuk 20 shông mak tâu gôngr txos thâuv txâuk 20 shông chiê sơưv nhiêx shar so lâus.

          Zos cox tsi tâu cxaz chuôz BHXH jiês tưs hlo mak tsuv muôx tsơưs tiv zix 20 shông gôngr BHXH.

          Lơưr cêr chei lok BHXH nhiv no li cui tênhv, zos nênhs lox tôngv tưz txưv hnuz nhôngs so lâus mak tsênhv yuôr tsi nto 10 shông gôngr BHXH thiêz mak tâu gôngr BHXH txưv zênhv iz jiês cov txâuk têx shông tsênhv yuôr chiê txâuk 20 shông gôngr BHXH, chiê sơưv nhiêx shar so lâus yênhx hli.

          Li ntơư, đros thiêz Hloz mak Hloz tsuv gôngr cxôngx tsơưs tiv zix 10 shông BHXH (thâuv Hloz txưv 70 shông), đhâu co tror gôngr iz jiês thiêz cov txâuk 20 shông gôngr BHXH, chiê tâu sơưv nhiêx shar so lâus.

          Hloz tsuv seiz shuôk jông zuk li hnuz nhôngs, đas jos, kinh têr uô ntêx thâuv cxaz chuôz BHXH txưv zênhv./.

(Thanh Thủy- Txâur Vax cxeik nhênhv)