Jax sâu thưr 2 hnuz 10/10/2016:

Đắc Lắc: Chos jôngr uô kênhz

Hâur shông 2016, Công ty Hữu hạn, zos uô luôs hâux lưv chos ntông uô jôngr Krông Bông tâu choz zok chos 285 hec ta jôngr ntơưv xã Hòa Phong thiêz xã Yang Mao, huyện krông Bông. Nhiv no tưz xar đhâu chêix ntux nas, taz viv nhiv kruôr chos tâu 50% trơưk li hâux lưv zok muôz. Zơưv Bùi Quốc Tuấn, Giám đốc công ty puz pâuz, txơưv tiêk, luôs hâux lưv chos jôngr tâu tỉnh choz zok nzor đuô chor shông uô ntêx, taz sik tiv qiv hơưv txơưr txar phiv liv, ntux kruôr truz ntêr uô phiv liv txos luôs hâux lưv chos jôngr:

 “Shông no tiv qiv hơưv phiv liv nhoz iz cxiê xã xưk li Yang Mao txos nhiv no mak ntux cux lok nas tsik ntâu. Kror phiv liv tiv zix nhiv no zos qiv hơưv phiv liv, li cxiê shông mak txos nhiv no pêz tưz chos jôngr tas, chiê ntông chiêx thiêz hloz lox jông mak tsuv chos cov tiêr uô ntêx hli 9”.

Đros qiv hơưv phiv liv, chos jôngr ntông ntơưv Đắc Lắc tâu kênhz, viv muôx ntâu qir tiv: Chor tsưr jôngr li hâux lưv sêiz shuôk jôngr thiêz ar chos jôngr tsik tâu uô jông, pêx xênhv nav ar jôngr muôx yưv tsik so; huiz tôngv pênhr jos, kinh tế yưv pênhr trâu côngz xưv huôv tsar jôngr njiz phiv liv. Tiv zix zos iz cxiê doanh nghiệp muôx tsik txâuk nhiêx txiêx trâu luôs hâux lưv chos jôngr ntông; viv li chos jôngr tsik tâu trơưk li tsưr ziv tso tơưv. Xưk li công ty Hữu hạn chos jôngr ntông Ea Wy, huyện Ea H’leo; Shông no công ty tâu choz zok chiê chos 250 hec ta jôngr. Chêix chos jôngr tưz tas, taz sik txos nhiv no cux nhiv kruôr chos tâu 90 hec ta. Zơưv Phạm Tuấn Việt, giám đốc công ty puz pâuz:

 “Hâur six hơưv chos mak njiz lok six ntâu phiv liv tiv zix zos pênhr. Đros chos jôngr lơưr cuêz tênhv 147, phênhv paz 3 triệu đêiv iz hec ta zos lok six kik tsuôk txâuk zuôr zuz nôngz. Công ty muôx tsik txâuk nhiêx viv li tsuôk chos tâu bâuv li no”.

Lơưr tsưr ziv tso tơưv, tỉnh Đắc Lắc tsuv chos 2.300  ntâu hec ta jôngr; txos nhiv no, tas nro tỉnh nhiv kruôr chos tâu 490 hec ta. Chênhr zos li hêik ntơư, Đắc Lắc tsuv sir jos đuô trâu luôs hâux lưv chos jôngr thiêx zuôr đros tâu chor tỉnh Tây Nguyên chos 150.000 hec ta jôngr lơưr Thủ tướng chính phủ hêik kriê lok chos jôngr chiê tir tar qiv hơưv txơưr txar ntu 2016-2020./.

(TTTN-Lik Thox cxêik nhênhv)

Phênhv thứ 2, hnuz xiêz 10/10/2016:

Cxiv kho đuô, cxaz nzir iz cxiê grê chei hình  sự 2015, chiê txo grêk tsơưs têx uô zuôv chei tưz tâu qênhz pov

Lơưr Chính phủ heik, cxiv kho đuô, cxaz nzir iz cxiê grê chei Hình sự shông 2015 hâur jiês no cik txos 141 grê, hâur ntơư muôx 43 grê kho đuô lok sâuv kỹ thuật, 97 grê kho đuô lok sâuv tsênhv njiêz thiêz tso tsês iz grê.

Đhâu seiz lax, ntâu ziv chênhv heik, đros trâu bax uô sei, iz chas ntơư nduô six hơưv, hnuz nhôngs uô lơưr chei Hình sự mak tsênhv muôx 3 chei txơưr đuô cux tsuv nduô six hơưv, hnuz nhôngs uô lơưr. Viv li, dưv anr chei tsuôk kho đuô têx grê zuôr trâus txos xưz, tsênhv tsênhz zos kho têx cui tinhv uô tsi zos, tsi huv lok kỹ thuật, đros trâu kho têx cui tinhv tsi tâu tâu fiv đros lok sik têx ntu lax uô tâu lơưr chei, cui tinhv ntơư. Chủ tịch Côx hội Nguyễn Thị Kim Ngân heik, tsi tâu krêz kho ntâu dưv anr chei mak kror tưs zuôv, kho kror ntơư, iz chas co hâux lưv kho đuô cux tsuv taz por tâu jông têx kror uô zuôv, uô tsi zos tưz tâu qênhz pov:

“ Cur heik sđ tsuv uô trơưk đreiv li Nghị quyết 144 viv pêz tsuv nduô six hơưv, hnuz nhôngs uô lơưr Bộ luật no, đros trâu 3 luật txơưr đuô cik txos. Cxiv kho jiês no tsuv taz por uô tâu jông, fiv đros têx chei, cui tinhv lok sâuv tsênhv njiêz, six hơưv, hnuz nhôngs uô trơưk, tsi tiêk kho kror no tsuv kho kror tov thiêz. Zuôv kror tưs mak kho kror ntơư, hok têx tsênhv chei mak nưk tsi uô hiêv li chas txos”.

Lok sâuv hnuz nhôngs tsuv taz txơưx jênhv tik cêr cxâuv, phênhv ntâu sđ puôr lênhx jông siêz, thôngx ziv đros Chính  phủ li luk heik lok kho đuô, cxaz nzir têx lênhx txâuk hnuz nhôngs tik cêr cxâuv txix 14 shông txos 15 shông, tsuôk tsuv taz txơưx jênhv lok têx cêr cxâuv lok six lox tiv cxoz txưv lok sik têx trâus cxâuv lox tâu heik txos ntơưv grêix 2, grê 12 hâur chei Hình sự shông 2015. Cik txos hâux lưv cxaz nzir tsơưr zax zênhz, têx tsoz chos uô muôx zênhk zênhz nhiv kruôr muôx hâur chei Hình sự, muôx kênh lênhx heik, tsênhz tiês hâux lưv sơưr tơưv txênhz, phax tar zax zênhz hâur  pêz têz qơưs nhiv kruôr đhâu tso pov, têx lênhx nênhs uô cxâuv lok zax zênhz ziv hnuz ziv phiv liv….. Chủ tịch Hội đồng mênhx cxưx lok zos Dân tộc Hà Ngọc Chiến heik:

“ Lok sâuv têx tsơưr zax zênhz chiê xav tâu muôx pêk tsơưs mak trơưk li cur, hur si têx lênhx nênhs tưs zuôr trâus qênhz yuôx shuôs têx zax zênhz mak tsuv qênhz yuôx hur si thiêx côngz fênhx. Pêz têx chei, cui tinhv tsuv taz por huv, tsênhz mênhx thiêz fiv đros, viv ntơư nưk cik txos tsôngv px, cik txos vax huôv, mak nhiv no pêz tsuôk cui tinhv, uô lơưr trâu têx lênhx tik cêr cxâuv nhoz tux 20 shông, yuôr têx lênhx txơưr đuô mak tsi uô trơưk. Li ntơư tsi fiv, tsi huv sđ”.

Iz hâux lưv tâu côngv thôngx doanh nghiệp, lar heik zos têx doanh nghiệp yiêz lok six moz siêz txos, zos grê 292 cui tinhv têx uô cxâuv côngz têx mông tsi trơưk chei sâuv mạng máy tính, Viễn thông…., Chei hình sự tưz tsi heik txos têx uô cxâuv ntơư, taz sik grê 292 ho cui tinhv, co zos tsi fiv đros. Iz chas ntơư, têx ngênhx, hâux lưv uô lax luôv muôx txos 267 ngênhx, zav nuv uô taz  sik grê 292 tsuôk cui tinhv tik cêr cxâuv trâu iz cxiê ngênhx, nuv uô, li ntơư tsi huv sđ. Thiêz uô li co zuôr uô tsi jông txos têx chei cxơưz cxiz thiêz huôv tsar luôs hâux lưv thôngz xor mông hâur pêz têz qơưs. Viv li, Chính phủ thix ziv tso tsês grê 292  cui tinhv lok têx  uô cxâuv  côngz  xor mông tsi trơưk chei sâuv mạng máy tính, mạng viễn thông. Ủy ban Thường vụ Côx hội phênhv ntâu sđ jông siêz, thôngx ziv trơưk li heik ntơư./.

( TTT-Riê Lâux cxeik, nhênhv)