Jax sâu thưr 3, hnuz xiêz 10/11/2015:

Tsôngv px Khơ Me-Trà Vinh uô bluô nux txix zuk qơư nhoz

 

 

 

          Pir li ntu đrav ntêx, muk txos jos Đôn Chụm, xã Tân Sơn, huyện Trà Cú, phênhv ntâu tsuôk pov px sđ nhoz têx tsêr kâus kiz jik. Taz sik, nhiv no luz jos hêik sâu tưz pov tsôngv px ntơưv no muôx ntâu kror hlôngr yiêz thiêz uô nênhx shir phaz lul.

          Zơưv Thạch Chung shir phaz lul đros pêz thav tiêK: Hâur ntu đrav ntêx nưs ziv chuôz zis muôx 4 jêk blêx liêx, uô hâur oz chiv, têx shông sâu tâu , têx shông cux sâu tsik tâu, muôx tsik txâuk mor nox; muk uô jos cux tsik muôx lênhx tưs ntiêr zuk uô; cur tsêr nênhs tsuôk muk uô jos trâu Đắc Nông đê txir cà phê thiêz muk trâu Bình phước uoo jos đê mos, thâuv tưs txos tsiêz thiêx tror lok tsêr. Txos shông 2013, tau têz qơưs tik tênhv tênhz trâu px sir zôngv huôv tsar cêr uô nox thiêz tâu têz qơưs muôz nôngz nhux zus; txir thauv ntơư txos nhiv no cur ziv chuôz zis thiêx tsik muk uô jos.

Băng: “Hâur ntu đrav ntêx, cur tso vax tsêr tsês, cur muk uô jos đêz; taz sik nhiv no tâu têz qơưs paz uô cêr muk lok zôngx ziv thiêz tâu têz qơưs tik tênhv tênhz tơưk pov cêr lul. Li ntơư, cur oz niêv txir thiêx tsik muk uô jos; tsuôk nhoz hâur tsêr chos jâuz cxuô zav thiêz muôx luz nênhx truôx tuk jux juk”.

          Muk txos trâu jos Đa Hào, xã Phước Hảo, huyện Châu Thành, zos iz luz jos hâur ntu đrav ntêx, px ntơưv no uô nênhx pluôs hênhr; ziv chuôz zis tưs tsuôk pov muk uô jos nriêr pluôk nox hâur yênhx hnuz. Taz sik nhiv no tsôngv px nhoz luz jos hêik ntơư tưz pov muôx luz nênhx hlôngr yiêz, muôx cxuô txox cêr yêz máy muk ti gâuk cxuô jêk blêx liêx, sâu tâu 5-10 triệu iz chiv. Kim Sa Rây, zos iz ziv muk đhâu yêiz pluôs hêik pâuz:

          Băng: “Nox yôngz tas, ưz oz niêv txir muk nriêr nox uô jos trâu Bình Dương, txos shông 2011, thâuv tror lok tsêr, tâu têz qơưs muôz nhiêx uô tsêr nhoz. Txix thâuv muôx tsêr nhoz truôx, ưz oz niêv txir truôx siêz bo chaz nhux lok huôv tsar tu zus”.

Yuôr tsôngv px Khơ me nhoz jos Sơn Lang, xã Kim Hoà, huyện Cầu Ngang, ho muôx ntâu faz tsưr ziv huôv tsar cêr uô nox, tsêz chos kôngz lôngk, zênhx tsik tok têz qơưs paz txos. Chor ziv chuôz zis chos lưk; chos cuô txoz; chos điz; tu zus chưk; zus nhux…cux sau tau puô triệu nhiêx hâur iz shông.

Băng: “Hâur ntu đrav ntêx, cur muk uô jos trâu tỉnh Đồng Nai, cux tsik pov bluô nux. Cur xar tiêk: Tsuv sir jos khưr huôv tsar cêr uô nox thiêx zuôr muôx luz nênhx tsuôx tuk. Chênhr zos li hêik ntơư, cur thiêx li huôv tsar tu zus ok; iz shông cux sâu tâu 60 triệu”.

Trà vinh xav truôx luôs hâux lưv txo grêk yêiz pluôs zos iz luôs hâux lưv zov chênhr hâur huôv tsar cêr uô nox trâu tsênhv qơư. Hâur 10 shông đhâu lok no; muôx yênhx puô tsênhv qơư tâu têz qơưs muôz 600-800 tỷ nhiêx chiê uô luôs hâux lưv txo grêk yêiz pluôs. Xav txix hâur shôngk shông txos trau nhiv no,  Trung ương tsaz yênhx 135 tưz muôz 47 tỷ chiê cxiv kho đuô 71 côngz trênhx; muôz pênhr nhiêx paz trâu 1.300 ziv chuôz zis huôv tsar uô kôngz lôngk. Txix ntơư, chor ziv chuôz zis pluôs tưz txo grêk tsơưs 5% iz shông. Zơưv Nguyên Thanh Hùng, phó trưởng ban mênhx cxưx tỉnh Trà Vinh hêik pâuz:

Băng: “Hâur têx shông đhâu, Đảng têz qơưs tưz tso tơưv ntâu tsênhv chêi muôz nhiêx paz trâu px thax tsav tox siêz đêz đrôngl huôv tsar cêr uô nox. Lar hêik zos tỉnh uỷ Trà Vinh tưz tưz tso tơưv Nghị quyết trâu px huôv tsar kinh tế xã hội cov tâu truôx đrênhk, px thiêx muôx luz nênhx tsâu sor”

Tâu Đảng têz qơưs moz siêz txos thiêz đros trâu tsôngv px sđ truôx siêz bo khưr huôv tsar cêr uô nox; txơưv li chas, tsôngv px khơ me nhoz tỉnh Trà Vinh cux zuôr nzor muôx luz bluô nux jux juk./.

                                                                                ( TTĐBSCL)

 

 

 

 

Phênhv “Đas jos thiêz siv nênhx uô kôngz” hnuz xiêz 10/11/2015

Tsưr ziv phax tar njêl pok nêiz trâus tuôs

 

 

Nus: Cur chuôz zis tu zus njêl pok nêiz tâu muôx 4-5 hli, nhoz nhoz ho tuôs oz pêz tul, muôx têx tuk mak pux lir liêz, lok nyar hâur oz saz poz njês. Cur tưz sir zôngv yuôx kho taz sik tsik jông. Thor nus sêz zos tiv li chak ho moz thiêz tir tar, kho moz li chak?

Têz:

Muôx 2 qir tiv li đrav kaz:

- Tiv qiv hơưv phiv liv, jêx tưv hnuz thiêz hmo siz kuôk lox.

- Kaz pak njêl muôx hữu cơ.

- Njêl trâus moz zos tiv chor az moz nhoz hâur kaz pak njêl huôv tsar.

* Phax moz:

+ Hlôngr đêx tsik so txix tsưr ziv: gruk por tsês têx đêx thiêz têx hmôngr ar hâur kaz pak njêl, thôngx cxix cxaz nzir đêx yiêz. Đros zuôv hmôngr jez siz 2 jiês iz hli, iz jiês txix 3-4 cir 100 yiv ndis đêx.

+ Mfông hmongr jêz siz iz ndis ntus pak njêl thiêz tas nro luz pak njê txix 30-40 cir iz yiv ndis pak đêx.

+ Sir zôngv mêir gruk đêx lok sik mêir nzuôx chuô uô trâu chor đêx lêiv cov hâur đêx muôx txâuk ôxy.

+ Muôz njêl nox nzir yuôx tiên đắc kix, Vitamin C đros khoangr chất chiê paz trâu njêl muôx jos.

* Chơưv kho moz: Muôz trâu nox iz hâur chor zav yuôx li đrav kaz:

+ Yuôx tiên đắc kix đros zav nox trâu njêl thiêz muôx nox li tsưr ziv zos 1 cir yuôx trâu 100 cir njêl, muôz trâu nox tsik txix 5-7 hnuz.

+ Oxytetracyline đa lok sik tsuôs trâu hâur pak njêl txix 2-5 g iz yiv ndis đêx pak njêl;

+ KN-04-12 tor đros zav nox trâu njêl nox txix 2-4 g iz cir njêl iz hnuz (3 hnuz muôz trâu ox iz jiês, muôz trâu nox tsik so hâur iz hli)./.

 

                                                         “Thanh Thủy-Lik thox cxêik nhênhv)