Jax sâu thưr 5, hnuz xiêz 10/11/2016:

Thax tsav tox siêz Pá Hu tsi yuôr qênhx shênhx siz zuôr cxênhz jê

Đrav ntêx, cux  xưk li ntâu thax tsav, suôv qơư tox siêz txơưr đuô, hâur xã Pá Hu khênhr muôx chor tuz cxêik hluôk Hmôngz siz zuôr cxênhz, uô muôx yưv têx tsi jông hâur luz nênhx tov kaz. Xưk li tix lâus Sử Xênhv Shôngx nhoz ntơưv luz jok ntu cêr 16 chuôz zis. Đhâu thâuv siz zuôr tas, tix lâus 2 niêv txir xênhz zus tâu iz tuk nhuôv, tuk nhuôv ntơư tsi jông xưk luôs, 2 saz flu iz saz lox iz saz mê, tix lâus 2 niêv txir tsuv chox muk fêis  kho trâu Hà Nội, taz sik kho tas lok cux jông tsi bâuv chor mê nhuôv xênhz zus tâu jông nênhx. Lok sik xưk tix lâus Hơưx Xênhv Muôk, nhoz ntơưv luz jok ntu cêr 16, xã Pá Hu chuôz zis. Shông 2007, tix lâus Hơưx zuôr tâu niêv lâus Trưv Xênhv Hơưx, zos 2 tuk muôx têx lâuk siz cxênhz jê, taz  sik viv tsi pâuz cxuô lok Đảng, têz qơưs têx chei siz zuôr thiêz chuôz zis, gơưr tưz siz kơưk tâu lok uô txix gơưv. Tix lâus Hơưx heik:

“ Thâuv ntêx zuk zuôr pox niêv lok six cxênhz jê taz sik tsi pâuz, tov kaz no siz zuôr tâu lơưv thiêx pâuz tiêk, li ntơư zos uô cxâuv chei. Cur 2 niêv txir tưz siz zuôr tâu ntêr lok taz sik cux tsi muôx mê nhuôv. Nhiv no mak tsi pov kaz uô chas”.

Uô li chas chiê tso tsês tâu qênhx shênhx siz zuôr cxênhz jê hâur tsôngv box tox siêz luz nênhx zos luôs hâux lưv mak cấp ủy đảng thiêz hâu nov ntơưv qơư thâuv tưs tưz xar njôngr thiêz moz siêz txos. Đhâu ntâu jiês cơưv fuô yax kriê, hâu nov xã Pá Hu tưz quyết tinhv chox kriê cxuô jêx jok muôz tsênhv njiêz tsi siz zuôr cxênhz jê uô yênhx têx chei, cui tinhv hâur jok chiê tsôngv px sđ uô trơưk….Zơưv Lôngx Xênhv Zax, Chủ tịch UBND xã Pá Hu heik:

“ Xã cux tưz sir jos chox kriê, phênhz côngz têx đôngx chir hâur ban chox kriê muk têx jok fuô kriê hâur jok cơưv têx chei, cui tinhv li heik sâuv chiê tsôngv box sđ uô trơưk, mak tâu sđ jông siêz, thôngx ziv”.

Iz chas têx chei, cui tinhv, Pá Hu cux hlôngr yiêz tsưr ziv yax kriê, txix fuô uô chêx tsôngk trâu hâur têx jiês cơưv txos trâu buôk ti kriê  trơưk tsưr ziv jux juk, sđ zuôr pâuz to tâuz. Tsi tiêk muk yênhx ziv chuôz zis mak canr bôv xã thiêz jok tsênhv đros đreiv tsôngv box têx thâuv muk uô liêx têz, yax kriê hur si trâu sđ thâuv muk nox yôngz ntơưv têx jok… Ntâu lênhx lâuk jok, tsar jok cux sik đros hâu nov ntơưv qơư uô luôs hâux lưv no, lar heik li: Lâuk jok Giao xênhv Zax nhoz jok Pá Hu lok sik lâuk jok Tsaz Thox Xênhv Shôngx nhoz ntơưv jok ntu cêr 16…. Têx lênhx nênhs no tsênhv đros kriê hur si trâu zuk têx tuz nhuôs hâur chuôz zis uô jông trơưk têx chei, cui tinhv ntơư chiê luôs lưv tuk cơưv shâuv, uô lơưr.

Tix lâus Shôngx Xênhv Zax, canr bôv vênhx huôv-XH xã Pá Hu heik pâuz:  Tsênhv njiêz yax kriê zos heik mênhx txos sâuv siz zuôr cxênhz jê chiê trâu tsôngv box sđ pâuz to tâuz txix ciês jiês xuz thơưx fuô kriê trâu sđ:

“ Pêz tsi so muk yax kriê, phênhv ntâu zos fuô kriê txix ndâux luk, kriê chiê trâu sđ pâuz tsênhz, pâuz mênhx lok sâuv têx tsi jông thâuv siz zuôr cxênhz jê, uô trâu têx nhuôs trâus muôx moz gênhs, trâus sêv khiz luz chêr….. Pêz phênhv ntâu zos fuô kriê trâu chor lâuk chiê lơưr kriê trâu têx mê tuz mê nhuôv”.

Xav txix thâuv lênhx nênhs siz zuôr cxênhz jê uô kaz ciês lok shông 2007, txos nhiv no Pá Hu tưz tsi muôx nzir gơưv niêv txir tưs siz zuôr cxênhz jê. Pá Hu luôs hâux lưv uô co, zos iz luôs hâux lưv jông chiê trâu cxuô thax tsav tox siêz txơưr đuô cơưv shâuv, uô trơưk./.

                                 (Đinh Tuấn-Riê Lâux cxêik, nhênhv-In đĩa, văn bản)

Phênhv thưr 5.10.11.2016:

THƯỢNG TÁ PÊNHZ PHAX MOZ SIÊZ TXOS THAX TSAV NTUS ĐRIV

Đraz shông 2013, lok uô hâux lưv trâu ntơưv xã ntus đriv Ea Bung, huyện Ea Súp thiêz tâu chor hloz choz zok uô hâux lưv sêiz car thax tsav jos 9, hâux lưv xuz thơưx Thượng tá Nguyễn Hữu Phúc tsov cưv uô zos huôv tsar đảng viên, hlôngr yiêz têx tsưr tsix đoanx thêv. Thâuv co, jos 9 nhiv kruôr muôx 2 lênhx đảng viên; taz sik txix thượng tá Phúc lok uô hâux lưv sêiz car thax tsav jos ntơư, thiêx li yênhx lix chi bộ. Zuôr têx tsưr tsix đoanx thêv zos tsênhv hâur têx huôx tôngv phongz yaox, đhâu co pov, kriê cxaz trâu têx lênhx tsôngv box uô tâu cxuô luôs hâux lưv jông chiê tsa nhoz đảng viên, txos nhiv no chị bộ jos 9 tưz muôx txos 5 lênhx đảng viên.

          Lênhx bộ đội lâus Trần Xuân Cầm- chi hội trưởng Hội nênhs muôx hnuz nhôngs siêz jos 9 puz pâuz, cxôngx thâuv thượng tá Nguyễn Hữu Phúc chuôz tsar lol uô hâux lưv hâur thax tsav no tưz pov muôx ntâu hlôngr yiêz jông. Thâuv ntêx, iz ndis ntơưv tsêr cơưv hâur jos, đrox tuôx phaz hnho, tsơưs tsơưs thiêx tsưr tsix cơưv iz jiês. Txix thượng tá Phúc lok uô hâux lưv trâu ntơưv jos no, zơưv tưz paz txưv nhiêx txiêx, huiz tôngv đoàn viên hluôk nênhs uô vêv xênhz, uô trôngx vas, đei qir, chos ntông... Nhiv no hội trường tưz yênhx chi bộ li qơư cơưv tsik so thiêz tsưr tsix têx huôx tôngv vênhx huôv uô lov jêv. Zơưv Trần Xuân Cầm heik:

          “ Cxôngx thâuv tix lâuk Phúc lol uô côngz xưv ntơưv no, cur pov phongz yaox muôx ntâu hlôngr yiêz; heik cxuô mak tâu muôz siêz tsênhz mênhx. Tsôngv box lok six njênhs njôngr tix lâuk Phúc... Tix lâuk tsov cưv tiv zix zos côngz xưv cxiv tsa Đảng. Đros thiêz têx chuôz zis pluôs tix lâuk tsov cưv ntâu txos; cxôngx têx luz yo nas txos luz yêz trâu têx mê nhuôs shux xênhz mul cơưv ntơưr...”

          Thượng tá Nguyễn Hữu Phúc tsov cưv tiv zix txos têx ziv chuôz zis pluôs, nênhs lâus tsi muôx qơư khov vav thiêz shux xênhz njuôs nos. Ntâu jiês pov shux xênhz gra hnaz ntơưr max đhiê mul cơưv ntơưr đhâu têx đras liêx viv yei lis cơưv tsi chuôs ntơưr. Muôx têx jiês oz cưr tix zôngv uô cê iz luz yêz tuôv tưz kuz thiêz puôk tas ntâu thâux tsi tâu oz lênhx mul cơưv ntơưr; cxôngx co zơưv xar txos hâux lưv paz têx shux xênhz cov muôx yêz mul cơưv ntơưr cxôngx tsưr ziv thâuv txos kaz ciêz, zơưv mul thành phố Buôn Ma Thuột kuôk 100 cei cêr nriêr zuôr têx luz yêz tuôv kuz, xênhv kho đuô chiê chox mul khơưk muôz trâu shux xênhz pluôs.

          Zơưv Bùi Đức Hạnh- chủ tịch UB xã Ea Bung- huyện Ea súp puz pâuz, 3 shôngk ntâu lol uô côngz xưv, thượng tá Nguyễn Hữu Phúc thâuv tưs cux đros cán bộ xã heik trâu cấp ủy, chính quyênx tiv phaz uô jênhv vưv taz por txiv ngaz- côx phax, phuôv tsar kinh têr xã hôiv.

          “ Đồng chí Nguyễn Hữu Phúc zos iz cán bộ sĩ quân pênhz phax jông. Thâuv jênhv jênhv vưv lol heik kriê paz max trâu tiv phaz têx jênhv vưv ngaz tul tsôngv box; phuôv tsar kinh têr xã hội, đ/c tsov cưv txos têx tsênhv chei xã hội; txiv ngaz xã hội, tiv zix zos têx vênhv thix y tế, vênhx huôv, zaoz zux, côx phax; paz tiv phaz cxiv tsa tsưr ziv phuôv tsar kinh tế xã hội, por vêv txiv ngaz ntus đriv têz qơưk”.

          Pheiz kênh zuk li siêz xar thâuv lol uô côngz xưv ntơưv xã ntus đriv Ea Bung, huyện Ea Súp, thượng tá Nguyễn Hữu Phúc heik zuôr trâus phuôx huiz đuô thiêz yênhx cán bộ, đảng viên nhoz yênhx chi bộ li pưs txux uô ntêx nyuôk; hâur co, tiv zix zos têx chi hội đoanx thêv. Tsôngv box nhoz thax tsav ntus đriv no li luz nênhx tsênhv txov nhêv, zuôr trâus ntâu đuô thiêz muôx têx lênhx nênhs jông siêz paz txưv.

          “ Đros tsưr ziv zos tas nro têx jos tsuv muôx chi bộ, cxôngx co cur tsov cưv tiv zix zos têx chi hội đoanx thể, thôngz đhâu têx huôx tôngv chiê nriêr têx lênhx nênhs jông kriê cxaz thiêz cêr nav lol hâur Đảng. Đhâu côngz xưv thax tsav mak cur pov shux xênhz mul cơưv ntơưr lok six phêv liv, 3 shôngk đhâu cur tưz vênhv tôngv thiêz khơưk muôz 34 luz yêz tuôv trâu shux xênhz, six hơưv zuôr txos cur zuôr tror vênhv tôngv”.

          30 shông ntâu uô côngz xưv trâu thax tsav ntus đriv, nhiv no txơưv tiêk zos iz lênhx cán bộ tâu chuôz tsar lok xã uô côngz xưv iz ntu, taz sik thượng tá pênhz phax Nguyễn Hữu Phúc tsênhv ndaz ndơưv uô ntâu hâux lưv jông trâu thax tsav ntus đriv Ea Bung, huyện Ea Súp, tỉnh Đắc Lắc thâuv tưs cux tâu ngaz tul thiêz phuôv tsar jông./.

                               (TTTN- Txâur Vax cxeik nhênhv)