Jax thưr 4, hnuz 10/2/2016 :

Têx lênhx cưk kriê ntơưr nhoz thax tsav tox siêz ntus đriv Lai Châu luz tsiêz

 

 

 

Xưk li ntâu ziv chuôz zis nhoz jok San Sải Hồ, xã Tủa Sin Chải, huyện ntus đriv Sìn Hồ, hnuz no cưk kriê Nguyễn Thị Hương, nhoz Tràng Định, Lạng Sơn-Kriê ntơưr hâur tsêr cơưv cxênhx iz Tủa Sin Chải cux tsi muk tsêr nox tsiêz mak nox tsiêz hâur tsêr cơưv. 8 shông kriê ntơưr trâu thax tsav tox siêz  Tủa Sin Chải huôz pok niêz, shông no zos shông tiv 5 siz lơưr liês tsuv đros tsôngv box thiêz zuk têx shux xênhz nox tsiêz, tsi tâu muk tsêr. Iz phênhv viv cêr muk lok đêz, phiv liv, taz sik phênhv ntâu zos cưk kriê Hương tưz nhoz sưv đros tsôngv box thax tsav tox siêz ntơưv no thiêz hluz txos têx shux xênhz.

Cưk kriê Hương heik: Shông 2007, tuôx uô hâux lưv kriê ntơưr ntơưv Tủa sin Chải. Hnuz ntơư, cêr muk trâu tsênhv qơư xã phênhv ntâu zos muk tơư, taz sik thâuv co zuk iz lênhs xưz tsi tâu muôx txir, mê tuz mê nhuôv, viv li thâuv tưs txos tsiêz cux lok muk tsêr đros niêv thiêz txir nox tsiêz. Shông 2010,  zuôr txir, tsi muôx nhiêx muk lok, mê nhuôv lok tsênhv zâu viv li tsuv nox tsiêz đros shux xênhz thiêz tsôngv box, tưz ntêr lơưv tsi tâu muk zuk têz qơưs nox tsiêz, taz sik jux juk cux sưv, thiêz muôx ntâu cêr lov jêv. Tsôngv box sơưr đơưk lok cux seiz cưk kriê Hương xưk li lênhx nênhs cxênhz jê hâur chuôz zis.

“ Tiv cêr đêz phiv liv muk lok thiêz têx nhuôs cux tsênhv zâu viv li cur nhoz nox tsiêz ntơưv no, têx hnuz so cur ho kriê nzir têx ntơưr trâu chor nhuôs shux xênhz chiê lơưr pâuz cxaz têx txux chi yuôr trâus. Hok têx hnuz tsiêz li no, shux xênhz tuôx seiz shuôs zuk mak lơưr gra jâuz, gra nduôr tuôx puz trâu zuk. Shux xênhz cê tuôx cơưv cê tuôx đros zuk thav pêv, gra nduôr uz no tuôx, uô trâu zuk cux shir phaz, tsi yuô ndo txos vax tsêr”.

Cux  xưk li cưk kriê Hương, shông no zos shông tiv 3, cưk kriê Nguyễn Thị Ngà, nhoz Hưng Yên cux tsuv nhoz nox tsiêz đros tsôngv box, tsi muk tsêr. 13 shông tuôx no uô hâux lưv, mak muôx 10 shông cưk kriê Ngà tsuv nox tsiêz đêz vax tsêr. Shông no cưk kriê Nguyễn Thị Ngà kriê ntơưr ntơưv tsêr cơưv Tìa Chí Lư, kuôk đêz tsênhv qơư xã, muk tơư tas muôx 5 six hơưv. Luz tsêr nhoz kriê ntơưr hâur jok Tìa Chí Lư zos tsôngv box lav muôz têx shôngz ntông cxiv uô trâu cưk kriê ntơưr nhoz tax đar tưz tsi muôx 10 xưv phaz, seiz lok six ti taz sik muôx cxix cxuô têx chuôz zênhx uz no xưk li iz ziv chuôz zis.

Cưk kriê Ngà heik: Tưz muôx txir thiêz 2 tuk mê nhuôv. Tuk txir zos canr bôv y tế xã, nhiv kruôr tâu yeik muk uô hâux lưv trâu tsênhv qơư y tế huyện, kuôk thax tsav qơư cưk kriê Ngà uô hâux lưv muôx 30 ntâu cêik. Viv nhiêk nhoz nhiêk iz kro thiêz txov nhêv viv li cưk kriê Ngà tưz tso 2 tuk nhuôs muk cơưv ntơưr đrav niêv têik thiêz zơưv txir. Tsiêz shông no, tuk txir muk đros 2 tuk nhuôs thiêz pos zơưs, niêv têik zơưv txir lơưr nox tsiêz xưz, cưk kriê Ngà tưz tsi muk:

“ Seiz têx fôngx zưs đros zuk uô hâux lưv muk nox tsiêz tas, thâuv hmo lok six no, kror tưs cux njiês to, lar heik zos hmo 30 mak ndo tsêr cơưk. Têx hâux lưv uô cux li hâur luz nênhx, tưz nox nhoz đros tsôngv box jêx jok mak jux juk cux tưz sưv, nhiv no cux iz zav li tsôngv box sơưr đơưk ntơưv no. Nhoz co tsôngv box pluôs, txov nhêv taz sik muôx cêr thôngx siêz, siz paz siz hluz. Lơưr seiz pov zuk nhoz iz lênhs, shux xênhz cux muk txiêr têx chês txir đuô, gra nduôr tuôx puz trâu zuk, iz chas ntơư tsôngv box jêx jok cux tuôx đros nhoz uô si, thav pêv, jux juk tưz nhoz sưv”.

Cux xưk li ntâu lênhx cưk kriê ntơưr nhoz tsêr cơưv cxênhx iz Tủa Sin Chải, luz tsiêz no hâur thax tsav huyện ntus đriv Sìn Hồ muôx yênhx puô lênhx cưk kriê ntơưr txơưr đuô tsuv nhoz nox tsiêz đêz vax tsêr đros tsôngv box. Zơưv Ngô Hoàng Thái, tsar phòng zoz zux thiêz thox cxov huyện Sìn Hồ heik pâuz, Tas nro huyện Sìn Hồ muôx zuôr xar 2.300 lênhx canr bôv, cưk kriê ntơưr mak tsiêz shông no cux zuôr muôx yênhx puô lênhx cưk kriê tsuv nox tsiêz đêz vax tsêr đros tsôngv box thax tsav tox siêz đêz đrôngs. Nhoz đros tsôngv box nox tsiêz, têx cưk kriê ntơưr tsênhv uô luôs hâux lưv vênhv tôngv, tror hu têx shux xênhz tuôx tsêr cơưv chiê cơưv ntơưr thâuv đhâu tsiêz. Taz sik ngênhx cux tsi muôx nhiêx paz lơưr têx cưk kriê hâur six hơưv tsiêz, mak tsuôk zos têx luk heik uô lơưr jông siêz, thiêz vav chiê siêz njôngr cov têx cưk kriê trorr sir jos hla đhâu têx phiv liv, uô tiêr luôs hâux lưv zok muôz xưz:

“ Têx lênhx cưk kriê pox niêv li têx cêr txov zos thax tsav muk lok phiv liv, lar heik zos cưk kriê cxênhx nhuôs zâu thiêz cxênhx iz, tsuv nhoz đêz pok pêv têx jok tox siêz. Tiv 2 zos têx cưk kriê no luz nênhx xênhz huôx, tsoz phưz đas jos tsênhv njiz trâus ntâu phiv liv, lar heik zos têx lênhx muk kriê ntơưr trâu têx jêx jok tsi muôx cêr yêz muk, tsuv muk tơư. Ngênhx zoz zux tsi muôx phênhv tưs sâu nzir viv li tưz tsi muôx nhiêx paz, chênhr viv li hâur six hơưv tsiêz no, chor cưk kriê ntơưr cux txov thiêz phiv liv. Vav chiê siêz tiêk, chor cưk kriê sir jos khưx phưx têx phiv liv chiê uô jông luôs hâux lưv zok muôz, tuôr jông đas jos chiê iz shông yiêz muôx ntâu cêr shir phaz, lov jêv”.

Tưz tror txos cheix ntux yiêz, thax tsav tox siêz pax txir đuôx, txir khơưz tơưs đơưz vok cxiê qơư. Moz siêz trâu ntuô trâu luz luôs hâux lưv, sir jos hla đhâu cxuô phiv liv, hluz txos chor shux xênhz nhoz thax tsav ntus đriv Sìn Hồ, têx hnuz no cưk kriê Hương thiêz Ngà cux xưk li yênhx puô lênhx cưk kriê txơưr đuô tsênhv shir phaz lus đros tsôngv box uô si, lov jêv hâur têx hnuz hâur shôngk shông yiêz. Chor cưk kriê ntơưr têx sir jos hla đhâu phiv liv no cux zos vav chiê siêz tiêk, cov têx nhuôs shux xênhz nhoz thax tsav tox siêz no puôr lênhx tâu muk cơưv ntâuz cơưv ntơưr, chiê muôx tâu iz luz nênhx chi cax thiêz tsâu sor xưk luôs lưv tuk./.

                                              (Khắc Kiên-Riê Lâux cxeik, nhênhv) 

 

 

 

Jax sâu thưr 4 hnuz 10/2/2016:

Lov jêv pêz tsôngv box Hmôngz li ntâuk tu luz

 

 

Nhạc nền Mông…

Ntâuk tu luz zos pêz tsôngv box Hmôngz li iz zav uô si lov jêv hâur hnuz tsiêz. No zos chiê trâu txir nênhx, chor nhuôs zâu txos nênhs lâul cux zuôr ntâuk tâu hur si.

( Tiếng động chơi quay….)

Khanhr Xênhv Lâux nhoz Nặm Tròn, Chiềng Ngần, thành phố Sơn La li luz tux luz ntâuz trâus luz tso za đêz oz pêz thiêr tuôs ciês cir tsik tâuk hlo. Khánh Xênhv Lâux shir phaz hêik:

Băng tiếng Mông

Nhạc nền Mông……..

Chor tuz hluôk Hmôngz zênhx pâuz ntâuk thiêx luz txix thâuv zâu, tsênhv zâu mak chor nhuôs tâu txir thiêz tix lâus uô trâu ntâuk. Txos thâuv lox tưz pâuz uô lơưv mak lơưr tưz sưv đros ntâuk tux luz lơưv. Xar muôx tâu iz luz tux luz khor, tsik tơưs thâuv ntâuk mak lơử rtsuv muk hâur har jôngr zok chor ntông khor  thiêz tơưr lok txuô. Tix lâus Vax Xênhv Vưx, nhoz jok Hay Phiêng, phường Chiềng Sinh, thành phố Sơn La, tỉnh Sơn La hêik tiêk: đrâuv luz tux luz khor kho mak txox hluô cux lok six zov chênhr:

Băng tiếng Mông

Nhạc nền Mông….

Kror lov jêv hâur ntâuk tux luz zos tsưr ziv ntâuk, nhoz yênhx qơư, thax tsav mak muôx tsưr ziv ntâuk sik txơưr, co zos chiv chir nhiêk ntâuk nhiêk thiêz phêiz uô đội ntâuk. Phêiz uô đội ntâuk mak zos ntâuk nox fax, khuôr, tuôv mok, tuôv lâul…zos tiêk ntâuk trâus tas hur si mak zuôr tror tâu ntâuk nzir, zos txos thênhv đêz tiv zix ntâuk tsik trâus mak zuk tos zuôr tsuv muk tso trâu tos tso ho lok ntâuk. Tsik zos tiêk oz lênhx muôz tux luz tso cir hâur ar sêz lênhx tưs luz tuôx uô ntêx chêk têik, mak ntâuk cux tsuv muôx tsưr ziv ntâuk thiêx jông sêiz thiêz lov jêv. Tix lâus Nar Xênhv Lâux, nhoz Nặm Tròn, chiềng Ngần, thành phố Sơn La hêik tiêk, hnuz tsiêz ntâuk tux lux lov jêv li no tsik pâuz đhuôr, lênhx tưs gênhk mak muk so, lênhx tưs tuôx mak tso lok ntâuk, viv li mak chor nênhs ntâuk cux tsuv muôx đas jos thiêz txơưx ntâuk.

Băng tiếng Mông

Nhạc nền mông…

Tsôngv box Hmôngz ntâuk tux luz tưz tsik zos paz trâu nênhs ntâuk txơưx ntâuk cov trâus xưz mak tsênhv paz muôx cêr lov jêv, shir phaz thiêz sik côngv siêz nhoz tsôngv box Hmôngz sơưr đơưk./.

                                        (Thào Ly-Lik Thox cxêik nhênhv)