Jax thưr 6, hnuz xiêz 10/3/2017:

Hlôngr yiêz uô têx ntâuz ntơưr -Tsưr ziv jông trâu hu zâuv têx lênhx nênhs yưv pênhr uô ntơưv Điện Biên

    Ciês thâuv tỉnh têx luôs hâux lưv hlôngr yiêz uô têx ntâuz ntơưr tâu tso tơưv, hâu nov Sở nhiêx txiêx tỉnh Điện Biên tưz zênhx max fuô uô têx tsênhv njiêz txos trâu cxuô phongx hâur Sở nhiêx txiêx; iz chas ntơư, zuôr luôs hâux lưv hlôngr yiêz têx ntâuz ntơưr hành chính zos iz hâur têx hâux lưv chiê ntâuk grê tsơưr lươngv canr bôv công chức, xeir têx lênhx nênhs uô tâu hâux lưv jông hâur niêx shông chiê kruôs txos. Zơưv Nguyễn Tiến Dũng, Phưv giám đốc Sở nhiêx txiêx tỉnh  Điện Biên heik pâuz:

    “Sở nhiêx txiêx tưz chox kriê cxuô phongx car uô đreiv luôs hâux lưv no hâur Sở nhênhz chơưv, cxiv uô têx ntâuz ntơưr cui tinhv thiêz cxiv tsa tsưr ziv uô tsaz yênhx hlôngr yiêz têx ntâuz ntơưr hành chính, xưk li Sở, têx phongx car uô đreiv hâux lưv no nhoz hâur Sở thiêz têx phongx li vax huôv cui tinhv uô hâux lưv, txix ntơư gra siêz txux chi tsưr ziv uô nuv trâu chor canr bôv công chức hâur hlôngr yiêz têx ntâuz ntơưr; cxơưz tiês uô jông lơưr têx tsưr ziv yiêz hâur uô hâux lưv”.

    Nhiv no, Sở Nhiêx txiêx tưz uô 100% têx ntâuz ntơưv Sở thiêz hlôngr yiêz iz zav ntâuz ntơưr hành chính ntơưv cấp huyện. Luôs hâux lưv qênhz shuôs, uô zôngx ziv têx ntâuz ntơưr hành chính thiêz uô tsênhz mênhx, lo chiv têx ntơưr heik sâuv ntơưv qơư lênhk txeik, đơưk uô têx ntâuz ntơưr hành chính sâuv Sở li trang Website tưz paz txo grêk tsơưs lênhx nênhs uô hâux lưv, muôz jông six hơưv trâu têx tsưr tsix thiêz xiz nênhs thâuv cxaz chuôz buôk ti uô têx hâux lưv sâuv.

    Doanh nghiệp xiz nênhs muôv muôs Huy Toan nhoz TP Điện Biên Phủ tưz fuô uô luôs hâux lưv uô lax luôv hâur thax tsav tỉnh tâu 10 ntâu shông lok no. Shông uô ntêx, doanh nghiệp no krêz nzir dưv anr tu zus buô ntâu yax hâur tỉnh, muôx 200 tuk niêv buô sha mê nhuôv, iz cxênhz tuk buô grêix. Zơưv Nguyễn Hữu Huy, Giám đốc doanh nghiệp heik pâuz, pir li têx dưv anr uô ntêx tưz fuô uô, hâux lưv uô têx ntâuz ntơưr dưv anr jiês no txix qênhz shuôs, txos trâu thôngz đhâu thiêz têx ntâuz ntơưr uô ntiêr ar….puôr lênhx tâu cxuô cấp, ngênhx cik txos fuô uô sei, tsuôk hâur 20 hnuz  xưz tưz uô tâu, tsi thôngx li đrav ntêx zos uô hâur yênhx luz hlik, muôx têx 2, 3 luz hlik:

     “Cur uô dưv anr tu zus tsiêx cxu no zos dưv anr tiv 2. Dưv anr xuz thơưx zos cur uô qơư trâu yêz. Seiz cxuô cur pov tinhv thiêz têx sở, ngênhx lok six moz siêz txos, muôz jông six hơưv trâu pêz doanh nghiệp; kriê pêz uô têx ntâuz ntơưr uz no….. Nhiv no, cur doanh nghiệp tưz tâu paz mê njik lok sâuv nhiêx ntiêr qơư thiêz ntiêr ar hâur 18 shông”.

     Phuôx huiz têx uô tâu li heik no, iz chas uô ndar txos tsưr ziv uô huv tsôngv pêx xênhv siêz, doanh nghiệp, hâur shông 2017 thiêz têx shông lơưr co, tỉnh Điện Biên xav tinhv tror chuôz tsar tiês tỉnh tsưr ziv chox kriê, ban chox kriê uô hlôngr yiêz têx ntâuz ntơưr hành chính tỉnh thiêz têx cơ quan car uô đreiv luôs hâux lưv heik sâuv, cxuô thax tsav qơư li heik kriê, qênhz yuôx, qênhz shuôs hur si cxuô hâux lưv chiê uô jông têx nuv heik no; chuôz tsar lênhx nênhs sơưr thơưx cxuô ngênhx, ntơưv qơư li txơưx jênhv hâur uô lơưr luôs hâux lưv hlôngr yiêz têx ntâuz ntơưr hành chính; zuôr luôs hâux lưv  no ntơưv têx thax tsav, suôv qơư zos iz hâur têx nuv jông chiê xeir têx lênhx uô tâu hâux lưv jông muôz ntơưr kruôs, xeir zuôr thiêz ntâuk grê lơưr têx hâux lưv uô. Zơưv Lê Đình tuyên, Phưv giám đốc Sở Nội vụ tỉnh Điện Biên heik:

    “Muôx têx heik chủ tịch UBND tỉnh tưz muôx têx chox kriê lok six jông thiêz sir jos. Xưk li nhiv kruôr tas ntơư fuô uô iz cxiê tsênhv njiêz, thâuv hu têx lênhx hlôngr njêx muôs chor cơ quan, taz viv tuôx chiê fuô uô hâux lưv hlôngr yiêz têx ntâuz ntơưr hành chính, muôx têx taz viv mak tsi tuôx. Đhâu ntơư ho tror hu tuôx chiê mnôngs cov pâuz tsênhz đuô têx tsênhv njiêz tưz fuô kriê. No zos hâux lưv sir jos uô hâur hlôngr yiêz têx ntâuz ntơưr hành chính, lar heik zos uô trâu gra siêz têx canr bôv hâu nov nhoz cxuô ngênhx, cxuô cấp li txux chi tsưr ziv jênhv pâuz hâur uô lơưr tsênhv njiêz heik co”.

    Shông 2016, tưz muôx 15 dưv anr tâu tỉnh Điện Biên muôz ntơưr côngk nhav đas cir yưv pênhr uô, tsar ndê hur si têx dưv anr yưv pênhr tsênhv fuô uô hâur thax tsav tỉnh muôx 115 dưv anr, đros thiêz hur si têx pênhr đas cir zos 17 cxênhz tỷ đeiv ntâu. Txix têx sir jos hâur uô hlôngr yiêz tsưr ziv uô nuv, hlôngr yiêz têx ntâuz ntơưr hành chính, moz siêz txos hlôngr yiêz tênhx qơư yưv pênhr uô lax luôv, Điện Biên tsênhv sir jos chiê suôv têz qơưk muôx ntâu heir nênhs tsơưs têx txux chi vênhx huôv no đros ntâu cêr lịch sử đrav ntêx zos qơư jông chiê ziv hnuz ziv hu zâuv tâu ntâu lênhx nênhs tuôx yưv pênhr uô thiêz tsôngv kruô tuôx ndis shuôs./.

(Thu Thùy-Riê Lâux cxeik, nhênhv)

Phênhv thưr 6 hnuz xiêz 10/3/2017

PHÊNHV TSÊNHV CHÊI THIÊZ LUZ NÊNHX

Ntâu tsênhv chêi yiêz tsuv tâu uô lơưr txix hli 3/2017

     Muôz ntơưr sir zôngv ar tsik puz đhâu 15 hnuz

    Txix hnuz 3/3, Chính phủ li nghị định 01/2017 hêik lok cxiv kho đuô, cxaz nzir iz cxiê Nghị định cuiz tênhv tsênhz mênhx uô chêi sêiz car ar. Ntâu ntâuz ntơưr sir zôngv ar zuôr tâu txo grêk iz đraz lok sik 1/3 six hơưv pir li cuiz tênhv  hâur ntu uô ntêx.

    Tsênhv tsênhz, hâux lưv uô ntơư, muôz ntơưr sir zôngv ar, ar uô tsêr nhoz thiêz têx zav txơưr đuô đros đrêiv lênhx nênhs jênhv thiêz côngz trinhx cxiv tsa tsik ntêr đuô 15 hnuz, cuiz tênhv kuz zos 30 hnuz.

   Hâur luôs hâux lưv uô ntơư, muôz ntơưr sir zôngv ar uô tsêr nhoz thiêz têx zav txơưr đuô đros đrêiv ar cxaz nzir đros thiêz têx zav muôx đros ar cux tâu txo grêk txos yuôr 15 hnuz hlôngr trâu 20 hnuz li  ntu đrav ntêx. Uô đuô ntơưr sir zôngv ar uô tsêr nhoz, ntơưr uô côngz trinhx cxiv tsa  tâu txo grêk 2/3 six hơưv, tsuôk yuôr 10 hnuz hlôngr trâu 30 hnuz.

    Đuô li, Nghị định tso chêi muôz  ntơưr sir zôngv ar uô tsêr nhoz thiêz têx zav muôx đros ar đros kriz đar nzir 5 kror li đrav kaz; Ziv chuôz zis, tiz nênhs sir zôngv ar tsik trơưk chêi sir zôngv ar uô ntêx hnuz xiêz 1/7/2014; ar tâu choz zok tsik huv qênhx; thax tsav ar ntâu đuô pir li ntơưr tâu qênhx sir zôngv ar trâu ziv chuôz zis, tiz nênhs tsênhv sir zôngv ar; ar cxiv tsa qơưciêz đrôngl, qơư pêx xênhv nhoz jêx jok, qơư uô xênhz yar kinh doanh muôx ntâu tsưr ziv sir zôngv ar sik txơưr; ar tưz tâu muôz trâu lênhx nênhs txơưr đuô sir zôngv taz sik tsik tâu hlôngr bê.

    Txưv 15 shông tâu kriz tài khoản thêv nhiêx

    No zos tsênhv njiêz nhiv kruôr tâu cuiz tênhv ntơưv Zênhx hangx têz qơưk li Thông tư 32/2016 tâu uô lơưr txix hnuz 1/3, tror cxiv kho đuô Thông tư 23/2014 hêik kriê kriz uô thiêz sir zôngv tài khoản chiê thêv nhiêx ntơưv tsưr tsix cungz dịch vụ thêv nhiêx.

   Lơưr co, Thông tư cxiv kho đuô, cxaz nzir nênhs zos tiz nênhs tâu kriz tài khoản chiê thêv nhiêx ntơưv zênhx hangx, chi nhánh zênhx hangx saz đrâuv têz qơưk li đrav kaz:

    Nênhs txưv 15 shông txos tsik tâu txưv 18 shông tsik trâus pôngz plox đas jos dân sự, tsik thav muôx cxuô zav zuk uô tsưr chiê taz por uô jênhv vưv hâur kriz tài khoản thêv nhiêx xưv li cuiz tênhv nhiv no muôx.

    Đuô li, cuiz tênhv cux cxaz nzir chor nênhs phiv liv hâur jênhv ơâuz, uô tsưr zuk têx huox tôngv lơưr pháp luật Việt Nam li cuiz tênhv kriz tài khoản thêv nhiêx thôngz đhâu nênhs sêiz jor.

     Tsôngv fôngx zưs sơưr đơưk hmor yuô! Phênhv no tsaz yênhx tov kaz, pêz tror xa txos trâu tsôngv fôngx zưs sơưr đơưk lok têx tsênhv chêi yiêz zuôr tâu uô lơưr txix hli 3/2017. Zâuv sơưr đơưk tok mnôngs./.

                              (Thanh Thủy-Lik Thox cxêik nhênhv)