Lênhx nênhs paz max hội viên pox niêv jos nhoz yiêz Chiềng Yên

          Niêv lâuk Ngô Thị Nhị chuôz zis zos iz hâur têx ziv chuôzz zis bluô nux nhoz jiês yiêz Chiềng Yên, xã Chiềng Cọ, thành phố Sơn La. Niêv lâuk Nhị puz pâuz: Txơưv chuôz zis muôx 2 tul nhuôv nxeik, taz sik tâu chi hội tsar Hội pox niêv jos Phạm Thị Tuyết yax mông, chuôz zis tsi xar xênhz zus cxaz nhuôv tuz thiêz chêx chôngk uô lox tôngv xênhz yar, sir jos hla đhâu cêr pluôs.

          Txos nhiv no zuôr xar 1 hecta txir khơưz, cà phê chos lơưr tsưr ziv yiêz thiêz tu zus buô muôs, sâu tâu 100 tsov đeiv ntâu iz shôngk:

          “Tâu Chi hội pox niêv yax mông mak cêr muk lok hâur jêx jos cur chos pax thiêz uô vêv xênhz hur si; cur cux xênhz tâu 2 tul nxeik taz sik tâu yax mông mak cur cux tsi xênhz zus cxaz thiêz”.

          Hâur luz tsêr sor si, niêv lâuk Phạm Thị Tuyết, Chi hội tsar chi hội pox niêv jos Chiềng Yên pheiz kênh: Shông 2015, niêv lâuk tâu pox niêv hội viên jos Chiềng Yên bo xeir uô chi hội tsar, thâuv co, côngz xưv Hội hâur jos njiz ntâu phêv liv, viv phênhv ntâu hội viên zos nênhs lox tôngv phổ thôngz, nhoz uô nênhx phênhv ntâu khov txos hâux lưv tsêz chos thiêz phênhv sâu kis.

          Cxôngx qênhx shênhx co, niêv lâuk Tuyết tưz đros Ban chấp hành chi hội sir jos yax mông, vênhv tôngv hội viên cxaz chuôz uô têx trâur nuv tsêz chos, tu zus yiêz, zôngv KTKT yiêz lok uô chiê muôz siêz phênhv sâu:

          “Cur cux yax six đros yênhx lênhx pox niêv thav chiê pâuz tâu lơưr li têx siêz xar njôngr, muk txos yênhx ziv chuôz zis tôngv vênhx lơưr li txir paz thôngz cak. Heik cxuô txơưv nhiv no pox niêv tsi xưk li thâuv ntêx thiêz, taz sik cux tsênhv reik đros têx hâux lưv hâur tsêr thiêx muôx tâu iz chuôz zis tsâu sor, fênhx zav thiêz shir phaz”.

          Heik tâu tsuv uô tâu, niêv lâuk đros chuôz zis truôx siêz uô lơưr Đảng ủy xã, Chi bộ thiêz Hội pox niêv xã li chox kriê. Lơưr co, niêv lâuk Tuyết uô lơưr tsưr ziv zôngv KHKT yiêz lok chos chuôz zis li 2 hecta ntâu cà phê, txir khâuz. Cxôngx shông 2016 txos nhiv no, chuôz zis li kinh têr muôx phênhv sâu ngaz tul 200 tsov đeiv ntâu iz shôngk, cxôngx co niêv lâuk qir yax mông, vênhv tôngv thiêz paz pox niêv hâur jos uô lơưr.

          Txos nhiv no, chi hội pox niêv jos Chiềng Yên tưz muôx 25 lênhx nênhs, sik đros huôv tsar kinh tế, cxiv tsa chuôz zis shir phaz:

          “Cur pov zuk tôngv vênhx chi hội hâur jos mak luz nênhx ziv hnuz ziv tsâu sor, fênhx zav cur lok six jông siêz, viv li têx hâux lưv mak cur uô tâu cur lok six shir phaz zos têx kror tôngv vênhx lok six lox đros cur”.

          Zơưv Bùi Văn Nê, Tsar jos Chiềng Yên puz pâuz cxaz: Jos yiêz Chiềng Yên thâuv ntêx nhoz xã Pắc Ma, huyện Quỳnh Nhai, tỉnh Sơn La, shông 2005 tas nro jos txar lok nhoz qơư yiêz njiz lok six ntâu phêv liv, taz sik cxôngx Chi hội pox niêv jos li têx paz txưv, txos nhiv no tas nro jos muôx zuôr xar 70 ziv chuôz zis mak tsuôk yuôr 2 ziv zos chuôz zis pluôs, 1 ziv zos chuôz zis zuôr xar pluôs, pox nhuôs hâur jos luz nênhx chinhz yênhx ziv hnuz ziv muôx têx hlôngr yiêz jông:

          “Đồng chí Phạm Thị Tuyết tưz yax mông, vênhv tôngv têx pox niêv hâur Chi hội huôv tsar kinh têr, uô bluô nux cxôngx co txos nhiv no, ntâu ziv chuôz zis tưz huôv tsar jông thiêz iz cxiê ziv tưz hla đhâu cêr pluôs viv muôx đồng chí Tuyết yax mông, vênhv tôngv thiêz paz lơưr sâuv têz qơưk nhoz yiêz no”.

          Đros pưs txux zos Chi hội tsar Hội pox niêv nhoz jos yiêz- zuôr qơư kuz uô tsêr meir đêx tênhv Sơn La, đros niêv lâuk Phạm Thị Tuyết, cêr shir phaz lox tiv zix zos tưz gôngr côngv đas jos chox hội viên hâur jos luz nênhx ziv hnuz ziv hlôngr yiêz jông, tsâu sor, shir phaz đuô./.

(Trấn Long-Txâur Vax cxeik nhênhv)

Nênhs lâuk hnuz nhôngs siêz tsuv por hưv jông đas jos hâur ntu muôx moz Covid-19

Tsi so muôz xaz phôngx nzuôr têk, lar heik zos uô ntêx thâuv zuôr nox mor, đhâu tơưv trôngx tas, đhâu thâuv tơưv muk đrâuv têx jôngr chuôs njiz, đros chôngz lênhx nênhs;

Tsi muk trâu têx qơư chôngz nênhs. Zos tsuv muk saz đrâuv têx uô hâux lưv tsuv chox ntâuz bos kror ndâux thiêz zôngv têx đêx cuô yuôx nzuôr têk;

Qêz suô têx qơư nox nhoz đu lus, hur si, zôngv meir nzuôx chuô, tsi zôngv meir nzuôx chuô txiêk;

Tsi so muk uô têx hâux lưv siz uz no, đhiê uô si cov iz chêr nxênh. Lar heik tsuv nox cxix cxuô têx jâuz mor chiê gra siêz đas jos phax tir têx moz gênhs (nênhs lâuk hnuz nhôngs siêz tsuv nox ntâu têx jâuz njuôz, txir ntông; cxaz nzir vitamin C paz đas jos, vitamin D paz trâu têx sâur nyar, hâuk ntâu đêx......).

Iz chas ntơư, nênhs lâuk hnuz nhôngs siêz cux tsuv pư txâuk đaz ntuz, iz hmo pư txix 7-8 luz six hơưv. Nênhs lâuk hnuz nhôngs siêz tsuv uô têx hâux lưv siz, tsi xar ntâu chiê cov muôx đaz ntuz, pư tsâus jos jông.

Chor nênhs trâul moz iz cxiê zav moz li: Moz têx sâur plơưr, nyar ndê siêz, moz tso jik kaz jiz, moz trâuv, moz njưk....tsênhv kho moz hâur tsêr, tsi tâu tơưv muk đrâuv jôngr. Thâuv iz chêr pov muôx têx txơưr txar li chas, tsuv heik trâu cưk yuôx kho moz lok sik muk têx qơư y tế chiê tâu seiz njuôk shuôs, chơưv kho zênhx max, tsi chiê moz hnhar.

Nênhs lâuk hnuz nhôngs siêz tsuv nox nhoz luôs nxi, shir phaz lus, tsi tâu xar ntâu. Thâuv luz nênhx muôx cêr shir phaz li ntơư, luz chêr zuôr muôx jos đuô, phax tir thêir tâu têx moz gênhs, tsi yuô trâul muôx vix xiz, moz li uz li no./.

(Trung tâm KSBT Lạng Sơn-Riê Lâux cxeik, nhênhv)