Nus zơưv Sơn Xênhv Muôk, Chủ tịch UBND tỉnh Điện Biên

lok tỉnh li jênhv vưv huôv tsar kinh têr-xar hôiv

1. Nus: Thor nus cox, tâu pâuz tiêk tỉnh Điện Biên tưz tso tơưv tsưr ziv hâur hông no paz uô trâu chuôz ndê kinh têr sêi thiêz truôx đrênhk, sir jos cov chuôz ndê sâuv thax tsav tax tâu muôx nhos 7% ntâu; txo grêk tsơưs chor chuôz zis pluôs txos yuôr 33,97%. Đros zos iz luz tỉnh tox siêz tsênhv yuôr ntâu txov nhêv, Điện Biên xav jênhv têx tsưr ziv tsênhv njiêz chiê kriz uô tâu yênhx côngz têx tsưr ziv no li chak?

Têz: Tỉnh Điện Biên tso tơưv têx tsưr ziv tsênhv njiêz thiêz pêz tsov cưv txos têx tsưr ziv co zos tsuv chuôz cxaz cấp ủy đảng, chính quyền li lênhx tov, chox kriê. Tiv oz, tsuv gra siêz cán bộ, đảng viên li pưk txux hâur uô côngz xưv, uô li chak chiê cán bộ, đảng viên tsuv muôz kror hâux lưv phưx vưv pêx xênhv zos kror hâux lưv tsuv uô thiêz uô jông xuz thơưx ciês. Tiv 3, tsuv uô jông jênhv vưv hlôngr yiêz ntâuz ntơưr hành chính thiêz uô jông jênhv vưv zaz zâuv yưv pênhr trâu thax tsav tỉnh. Nzir thiêz zos tsêx trung lênhx tov, chox kriê kriz uô têx jênhv vưv tsênhv njiêz, zov chênhr mak tỉnh tưz tso tơưv, cêir chêx gra siêz luz nênhx, cêir chêx hâux lưv uô trâu pêx xênhv.

2. Nus: Điện Biên zos tỉnh muôx ntâu kror liv chiê huôv tsar du lịch, tiv zix zos du lịch lịch sử. Zos li, tỉnh tưz thiêz tsênhv tsêx trung phuôx huiv kror liv no li chak chiê du lịch muôx tâu ntâu chêx cur trâu tỉnh li hâux lưv huôv tsar kinh têr-xar hôiv?

Têz: Điện Biên zos tỉnh tâu Chính phủ xav jênhv zos tsênhv qơư huôv star du lịch thax tsav Tây Bắc. Hâur têx shông nhiv kruôr đhâu, Chính phủ tưz tso tơưv đề án huôv tsar du lịch Điện Biên Phủ-Pá Khoang. Lơưr đề án no, tỉnh tưz kriz uô iz cxiê jênhv vưv chiê taz por huôv tsar du lịch thax tsav thiêz tỉnh Điện Biên. Thiêz pêz cux tưz cxiv tsa đề án Tuôr chiê thiêz phuôx huiz tsiv gri di tích lịch sử Điện Biên Phủ thiêz đề án no tưz tâu Bôv Chính trị tso ziv chênhv kriz uô hâur ntu zuôr txos. Pêz zuôr tsuv tror sir jos sêiz car, cêv kuôk, kho đuô, tuôr chiê cov jông chiê zos iz kror muôx tsiv gri trâu ntu tov ntêx no.

3. Nus: Pir li chor tỉnh hâur thax tsav Tây Bắc, đrâuv cêr ar, Điện Biên tsênhv muôx qơư tsar đrêk yêz za, iz kror liv paz trâu huôv tsar kinh têr-du lịch. Taz sik, pêz pâuz tiêk thax tsav qơư tsar đrêk yêz za no tsênhv zâu, tax tsik tâu tâu zoz qơưx. Zos li, tỉnh Điện Biên muôx tsưr ziv li chak hâur tsov cưv txos yưv pênhr, kho đuô qơư tsar đrêk yêz za Điện Biên Phủ hâur ntu zuôr txos?

Têz: Qơư tsar đrêk yêz za Điện Biên Phủ zos Việt Nam li qơư tsar đrêk yêz za tsuv muôx. Qơư no muôx txix thâuv ntâuk tros châuz Pháp. Txos nhiv no cux tsênhv tâu tuôr chiê. Taz sik hâur têx shông đhâu, côngz xưv yưv pênhr uô, kho đuô tax tsik tâu tâu zoz qơưx tso tơưv. Pêz tưz hêik trâu Bôv Zoz thôngz-Vận tải pâuz thiêz Bôv Zoz thôngz-Vận tải tưz thôngx ziv, cêv kuôk tiêr, tso tơưv tsưr ziv kho đuô qơư tsar đrêk yêz za Điện Biên Phủ txos shông 2020, 2025 thiêz 2030. Thiêz nhiv no tỉnh Điện Biên tsênhv đros Bôv Zoz thôngz-Vận tải muôz trâu Thủ tướng Chính phủ sêiz shuôk muôx tsưr ziv yưv pênhr, kho đuô. Pêz xar tiêk zos qơư tsar đrêk yêz za Điện Biên Phủ tâu kho jông đuô zuôr zor kror paz thơưz huôv star kinh têr-xar hôiv tỉnh Điện Biên, hâur co zuôr zos iz kror tsar tov chiê huôv tsar du lịch lok six jông.

Thor uô cox tsâus ntâu./.

(Thủy Thùy-Lik Thox cxêik nhênhv)

Phênhv chêi têz qơưs

Oz lênhx mê nhuôv muôx 36 luz hli tror hâur, thâuv siz đrâux, lênhx tưs tâu vax huôv tu zus

          Fôngx zưs Lò Thị Hương nhoz huyện Yên Châu, tỉnh Sơn la nus tiêk: nus xênhz shông 1989, nhiv kruôr zuôr txir thâuv hli 3 shông 2016 txos trâu nhiv no tưz xênhz zus tâu oz tus mê nhuôv tuz, tus tuz hloz muôx 28 luz hli, tus tuz zâu muôx 9 luz hli ntâu. Taz sik nhiv no xar đrâux tus txir, uô li thâuv siz đrâux siz tso ntơư, nưk xar txênhz tu zus oz tus mê nhuôv pok tâu.

          Lok sâuv vax huôv tu zus oz tus mê nhuôv thâuv niêv txir siz đrâux:

          Trơưk li quy tênhv ntơưv grê 81, chêi siz zuôr cxiv tsa chuôz zis shông 2014 muôx tsênhz li đrav kaz:

          Grê 81, thâuv niêv txir siz đrâux siz tso, tus niêv lok sik tus txir tâu vax huôv tu zus mê nhuôv.

          1, Đhâu siz đrâux siz tso, niêv thiêz txir muôx vax huôv tu zus, choz kriê mê nhuôv cov hloz lox yênhx nênhs trơưk li têz qơưs têx chêi tso tơưv.

          2, Oz niêv txir tsuv saz lax cov thôngz lok luôs hâux lưv tsưx phưv, tu zus, choz kriê mê nhuôv thâuv siz đrâux siz tso; zos oz niêv txir saz lax tsik thôngz, Toà án tsuv quyết tênhv choz zok trâu tus niêv lok siz tus txir tu zus, tsưx phưv, choz kriê cov hloz lox yênhx nênhs; zos tiêk, tus mê nhuôv ntơư muôx txix 7 shông tror sau, tsuv tâu nus sêz mê nhuôv zênhv đros niêv lok sik đros txir nhoz.

          3, Tus mê nhuôv muôx txix 36 luz hli tror hâur, tâu vax huôv choz zok trâu tus niêv tu zus, tsưx phưv sêiz car, choz kriê; zos tus niêv vax tsêr txov nhêv tu zus tsik tâu tu mê nhuôv ntơư; oz niêv txir tsuv saz lax cov thôngz chiê sik paz tu zus tus mê nhuôv co cov hloz lox yênhx nênhs, muôx liv trâu mê nhuôv.

          Fôngx zưs Lò Thị Hương nhoz huyện Yên Châu, tỉnh Sơn la hmor yuô! Đhâu cox chor luk cox nus mak nhiv no cox oz tus mê nhuôv tsênhv muôx 36 luz hli tror hâur; đhâu thâuv siz đrâux, cox muôx vax tsêr nhoz truôx thiêz muôx hâux lưv uô, sâu tâu nhiêx txiêx hâur yênhx luz hli txâuk zus oz tus mê nhuôv mak co tâu vax huôv tu zus, tsưx phưv, choz kriê cox oz tus mê nhuôv cov hloz lox yênhx nênhs thiêz trơưk đrêiv li ntu 3, grê 81 chêi siz zuôr uô txix gơưv, cxiv tsa chuôz zis./.

                           (Tsu cxêik nhênhv-Thanh Thuỷ)