Moz ơưk buô Châu Phi ntơưv Tiền Giang muôx ntâu txơưr txar

          Txos nhiv no, sâuv thax tsav tỉnh Tiền Giang tưz pov 6 qơư muôx moz ơưk buô Châu Phi huôv xênhz. Hâur co, huyện Cái Bè tưz muôx 5 xã muôx moz huôv xênhz zos têx xã li: Mỹ Trung, Hậu Mỹ Trinh, Thiện Trí, Thiện Trung. Qir tiv qir thơưx tâu xav tênhv zos cik cxôngx têx tiv phaz buôk co zos tỉnh Đồng Tháp thiêz Vĩnh Long. Ntơưv thị xã Cai Lậy, tỉnh Tiền Giang tưz pov buô trâus moz nhoz xã Long Khánh. Chính quyênx thiêz nganhx thú y tiv phaz tưz tsưr tsix muôz chor buô trâus moz hlơưr thiêz phâus por tsês 300 ntâu tul. Zơưv Lê Ngọc Tài, chuôz zis tu zus buô nhoz jos Phú THuận, xã Long Khánh, thị xã Cai Lậy nhiv kruôr muôx paz buô muôx 340 tul trâus moz ơưk buô châu Phi puz pâuz, đhâu 20 shông tu zus buô, no zos jiês xuz thơưx buô trâus moz. Txos nhiv no, zơưv thiêz nganhx muôx txơưx jênhv tsi tâu xav tênhv tâu moz cik kror tưs lok paz buô no:“Cur tsi pâuz cik moz li chas viv buô mak cur cxax yuôx phax moz cxix cxuô, lok vêv xênhz sinh học, đêx hâuk cux jông. Chi cục 6 thú y ntơưv TPHCM cux tuôx chiê njuôs siv 33 tul buô. Muôx têx tul mak tsi muôx jos, huôv moz thiêz tsi nox jâuz krâur. 2,3 hnuz no cur pov tsi muôx vênhv thix tưs muôx yưv, cur xar njôngr têz qơưk muôx phênhv paz txưv chiê cur tror huôv tsar tu zus buô”

          Ntơưv xã Long Khánh moz ơưk buô Châu Phi tsênhv huôv xênhz muôx ntâu txơưr txar. Zơưv Ngô Văn Thương nhoz jos Phu Hiệp thiêz zơưv Nguyễn Văn Sạn nhoz (jos Phú Hưng) li paz buô cux tưz trâus moz ơưk buô châu phi. Chi cục tu zus thú y tỉnh Tiền Giang tưz njuôs siv chiê qênhz yuôx. Zơưv NGuyễn Ngọc Kính, Chủ tịch UB xã Long Khánh puz pâuz, côngz xưv phax tar moz sâuv paz buô tsênhv tâu krêz uô txos qơư:“Nhoz xã Long Khánh đros thiêz moz ơưk buô Châu Phi mak tsi tâu xav tênhv tsênhz mênhx qir tiv cik moz. Thâuv pov mak tưz muôx moz huôv xênhz. Nhiv no xã Long Khánh tsênhv chêx chôngk tir thêir tuô caz moz ơưk ntơưv zơưv Lê Ngọc Tài chuôz zis têx guôx tu zus tsiêx. Pêz cux muôz buô trâus moz hlơưr thiêz phâus por tsês”

          Nhiv no, têx cấp chinhr quyênx, nganhx muôx txơưx jênhv thiêz ziv chuôz zis tu zus ntơư tỉnh Tiền Giang tsênhv ciêr chênhr phax tar moz ơưk buô châu phi. Tiền Giang tưz yênhx lix 10 qơư jor, seiz car qênhz yuôx moz sâuv têx cêr mul lok, cêr đêx; pheiz côngz trâu yênhx lênhx nênhs Ban chox kriê nhoz têx cấp uô jênhv vưv tsênhz mênhx. Đros thiêz têx thax tsav muôx moz huôv xênhz, têx chiz coaz muôx txơưx jênhv tsênhv ciêr chênhr tsuôk yuôx tuô caz moz tsi chiê moz cik đêz đar mul têx thax tsav txơưr, tsưr tsix ntâu đoanx qênhz yuôx têx qơư njuôs xav muôx moz huôv xênhz, qênhz yuôx jông hâux lưv thâux buô lok hâur thax tsav. Têx tiv phaz chuôz tsar côngz xưv tsuôk yuôx tuô caz moz, tiv zix zos têx qơư muôx moz huôv xênhz, tsi chiê cik đêz đar. Txos nhiv no nganhx thú y tưz tsuôk yuôx trâu 8 cxênhz ziv chuôz zis tu zus thiêz 16 ciêz muôs tsiêx cxu, keiz ok; yax mông cungz 1.500 đeiv ntơưr yax mông lok moz ơưk buô châu Phi trâu tsôngv box; thôngx cxix bax chuôz zênhx, qơư chiê yưr lir moz. Zơưv NGuyễn Văn Mười, chủ tịch UB xã Xuân Đông, huyện Chợ Gạo- qơư muôx paz buô chiê muôx muôs lox tiv zix tỉnh Tiền Giang puz pâuz, UB xã zuôr heik têx ziv chuôz zis tu zus tuôx chiê yax mông phax tar moz ơưk buô châu Phi, cir ntơưr tsi nhiês muôs buô trâus moz. UB xã thix ziv nganhx muôx txơưx jênhv tar jông têx cưx đêx tso đêx chiê tir tar tsi chiê moz cuk trâu đêx xênhz huôx. “Nhiv no, xã yênhx lix Ban chox kriê phax tar moz, yax mông trâu têx chuôz zis tu zus pâuz lok moz ơưk buô, njuôs xav qơư phâus têx buô trâus moz. Zos môngr tsi jông muôx buô trâus moz mak thiêx li muôx qơư phâus por tsês”

          Hâux lưv tsuv tsov cưv hâur côngz xưv phax tar moz ơưk buô châu phi nhiv no zos muôx iz cxiê nganhx, đoanx thêv thiêz chuôz zis tu zus buô sâuv thax tsav tỉnh Tiền Giang tsênhv tsi tsưv ziv; tsov cưv txos hâux lưv phax tar; tsênhv muôx qênhx shênhx jeik tsês thiêz nriêr qơư ciêr chênhr muôs buô trâus moz. Lênhs tov UB tỉnh Tiền Giang puz pâuz, thax tsav tưs chiê muôx yưv qênhx shênhx co mak zuôr kỷ luật Chủ tịch UB xã./.

(Nhật Trường-Txâur Vax cxeik nhênhv)

Uô cxâuv thik tưr nhoz Sơn La: Pêx xênhv xar li chak lok

cảnh cáo PCT tỉnh, hêik cov kỷ luật GĐ Sở

Zos iz hâur 59 lênhx cán bộ Trung tâu txar uô hâux lưv hâur six cxiv 2011-2016, hli 4/2014 txix uô Cục trưởng Cục Vênhx huôv cơ sở, Bôv vênhx huôv-Thể thao thiêz du lịch, zơưv Phạm Văn Thủy tâu chiê lok uô Tỉnh ủy viên, Phưv chủ tịch UBND tỉnh Sơn La. Thâuv co pêx xênhv Sơn La lok six khov vav zơưv Thủy zuôr muôx ntâu gôngr côngv trâu huôv tsar vênhx huôv, zoz zux nhoz tỉnh tox siêz no.

Taz sik, hâur jiês thik tưr cơưv tiêr ntơưr cxênhz pêz têz qơưk shông 2018, zơưv Thủy tâu xav jênhv zos muôx txơưx jênhv chênhr đros Giám đốc Sở GD-ĐT Hoàng Tiến Đức hâur txuz án uô zuôv thik tưr ntơưv Sơn La. Kror no uô trâu chôngz lênhx nênhs pôngz siêz hlo:“Khiển trách đros thiêz zơưv phưv Chủ tịch tỉnh mak zos siz hênhr viv zos muôx yưv sâuv thax tsav tỉnh li co thiêz Trung ương li ntâuk gri zos lok six phiv liv mak cur pov khiển trách li no tsênhv siz hênhr. Pêz vav tiêk cxuô cấp lênhx tov txix Trung ương txos tiv phaz tsuv xưv lik truôx jông kror hâux lưv no chiê uô trâu pêx xênhv njênhs đuô, tiv zix zos nênhs sơưr thơưx li txơưx jênhv”.

Đros têx uô cxâuv hâur jis thik tưr cơưv tiêr ntơưr cxênhx pêz têz qơưk shông 2018, zơưv Hoàng Tiến Đức-Giám đốc Sở Zoz zux, Thox cxov, Phưv Trưởng ban Thường trực Ban chox kriê sêiz car thik tỉnh Sơn La zos nênhs uô trâu chor nênhs nhoz SƠn La tsik jông siêz tiv zix, tiv zix zos kror mak uô ntêx co zơưv tưz khav tênhv tiêk jiế thik zuôr tâu uô ngaz tuk, truôx jông, huv cêr chêi. Hok li co hok chox kriê zuk chor nênhs zos Trần Xuân Yến cxaz điểm trâu 8 lênhx shux xênhz. Đhâu co ho hêik tiêk tsik muôx têx kror yưv siv phiv liv no:“Cơ quan txơưx jênhv tsuv uô tsênhz mênhx zos đrâuv txơưx jênhv đros zos lênhx nênhs tsưr tsix uô jênhv vưv tưz muôx têx uô cxâuv co mak tsênhv muôx txơưx jênhv trâu ndê điểm trâu shux xênhz lok tsik muôx. Đhâu thâuv muôx chêx cur tsênhz mênhx mak lơưr cur tsuv xưv lik cov ntov jông tas nro lok saz đảng thiêz chính quyền thiêz tsuv truy tố mak thiêx tâu. Viv no zos iz txuz uô cxâuv lok six zov chênhr thiêz cur njênhs tiêk hâux lưv qênhz yuôx, Đảng, chính quyền thiêz têx cơ quan por vêv pháp luật li xưv lik zuôr uô jông, zos lênhx nênhs, huv têx kror cxâuv chiê tror uô cov ngaz tuk jông hâur nganhx zoz zux”.

Cơưv tiêr chuyên nganhx Hóa học, Đại học sư phạm Vinh shông 1981, txix Đồng Hới, Quảng Bình, zơưv Hoàng Tiến Đức tuôx uô côngz xưv ntơưv tsêr cơưv cxênhzz pêz chuyên huyện tox siêz Mai Sơn, tỉnh Sơn La. Ntu uô hâux lưv tâu ntâu gri zos lênhx cưk kriê ntơưr muôx txux chi, tsưr ziv thiêz tưz uô đhâu ntâu kror hâux lưv: Phưv hiệu trưởng; Phưv trưởng phongx zoz zux; Trươgr phongx zoz zux; phưv bí thư thiêz bí thư huyện ủy Mai Sơn.

Txix hli 6/2006 txos nhiv no zos Ủy viên Ban chấp hành Đảng bộ tỉnh, Chánh văn phòng Tỉnh ủy đhâu co zos Giám đốc Sở zoz zux thiêz thox cxov tỉnh Sơn La./.

Txix 1/7 zuôr txos no, zơưv Hoàng Tiến Đức zuôr so lâul lơưr chêi têz qơưk./.

                                     (TTTB-Lik Thox cxêik nhênhv)