“Ciêz jông siêz”- huôx tôngv muôx ziz njiêz đros nênhs pluôs nhoz

Sơn La

          Ntơưv jos Quỳnh Lương, xã Chiềng Chăn, huyện Mai Sơn, tỉnh Sơn La, Hội chữ thập đỏ tỉnh Sơn La sik côngv đros huyện Mai Sơn (Sơn La) thiêz Tập đoàn Bảo hiểm nhân thọ Aviva nhiv kruôr tsưr tsix tsaz yênhx “Ciêz jông siêz”.

          200 ziv chuôz zis pluôs, chuôz zis zuôr xar pluôs; trâus zênhr shar tiv ntux nas; nênhs lâuk tsi muôx qơư khov vav; nênhs muôx luz nênhx txov nhêv tiv moz Covid-19 huôv xênhz ntu đhâu nhoz xã Chiềng Chăn tưz tâu khơưk muôz ntơưr chiê pâur têx hax huv tsi pôngz nhiêx txiêx li: cxur, trox nox, súp, mix tôm, yuôx phongx, thax....Iz phênhv tsiv grê 350 cxênhz đeiv, tas nro tsiv grê tsaz yênhx zos 50 tsov đeiv.

          Hâux lưv jênhv tsi pôngz nhiêx txiêx têx hax huv zuôr trâus tưz tsênhz tsênhz uô pox nhuôs têx mênhx cxưx nhoz no lok six jông siêz. Pos Mè Thị Xe, nhoz jos Quỳnh Nam, xã Chiềng Chăn heik:

          “Hnuz no tâu tuôx jênhv huv cxôngx Hội chữ thập đỏ thiêz têx taz viv pêz lok six jông siêz, uô tsâus đảng, têz qơưk, uô tsâus têx taz viv tưz tsov cưv txos ziv chuôz zis pluôs, chuôz zis zuôr xar pluôs, chuôz zis tâu sơưv cêr chei, nênhs muôx côngz li pêz. Uô tsâus lok six ntâu”.

          “Ciêz jông siêz” ntơưv jos Quỳnh Lương cux zos huôx tôngv lơưr kaz hâur têx huôx tôngv hâur luz hlik jông siêz shông 2020 “sik côngv tês viv đas jos côngv thôngx” zos Hội chữ thập đỏ tỉnh Sơn La sik côngv tsưr tsix.

          Pos Cầm Thị Chuyên, Chủ tịch Hội chữ thập đỏ tỉnh Sơn La puz pâuz, đros qơư tsov txos pheiz kênh phênhv tưs têx phêv liv đros têx chuôz zis pluôs, chuôz zis zuôr xar pluôs, chuôz zis trâus zênhr shar tiv ntux nas, nênhs lâuk tsi muôx qơư khov vav; nênhs muôx luz nênhx txov nhêv tiv moz Covid-19 nhiv kruôr đhâu... six hơưv đhâu, đrâuv têx phênhv paz txưv cxôngx Trung ương Hội chữ thập đỏ VN, Hội chữ thập đỏ Sơn La tưz sir jos sik côngv, vênhv tôngv têx tsưr tsix, taz viv, nênhs siêz jông paz max chiê tsưr tsix têx “Ciêz jông siêz” ntơưv têx thax tsav. Chêx cuk hâur 1 luz hlik ntâu đhâu, tưz tsưr tsix tâu 3 “ciêz jông siêz” ntơưv 3 xã txov nhêv tiv zix nhoz têx huyện Sốp Cộp, Mai Sơn thiêz Phù yên tỉnh SƠn la. Lơưr co tưz muôx zuôr xar 1 cxênhz phênhv huv, tas nro tsiv grê 3 tỷ đeiv ntâu tâu khơưk muôz trâu têx lênhx nênhs heik sâuv:

          “ Pêz tror hu lơưs têx tsưr tsix, lênhx nênhs siêz jông sâuv thax tsav tỉnh Sơn La sik côngv tês đros Hội chữ thập đỏ tsưr tsix têx tsaz yênhx jông siêz. Xar njôngr hâur ntu zuôr txos muôx ntâu tsưr tsix lênhx nênhs cux xưk li tsôngv box sâuv thax tsav tỉnh Sơn La cux li đrâuv tỉnh paz max pêz, ziv hnuz ziv muôx ntâu pox nhuôs tâu sơưv phênhv paz txưv cxôngx tsaz yênhx no”.

          Tsênhz mênhx sâuv thax tsav tỉnh tsênhv yuôr ntâu ziv chuôz zis muôx luz nênhx txov nhêv zuôr trâus tâu paz txưv, viv li txơưv tưz suôv câuv luz hlik jông siêz, taz sik têx huôx tôngv jông siêz ndar txos côngv thôngx zuôr tror tâu Hội chữ thập đỏ tỉnh Sơn La sir jos krêz uô.

          Đros chinhz yênhx sik đros pheiz kênh, sik đros paz max...Hội chữ thập đỏ Sơn La xar njôngr ntu zuôr txos tror muôx ntâu lênhx nênhs, taz viv siêz jông sik côngv tês paz chiê muôx cxaz ntâu ziv chuôz zis pluôs, chuôz zis zuôr xar pluôs, nênhs txov nhêv sâuv thax tsav tâu paz txưv, paz lơưr muôx cxaz đas jos hla đhâu têx phêv liv, muôx luz nênhx ngaz tul./.

(Đắc Thanh- Txâur Vax cxeik nhênhv)

Phax tar moz thox plaz chêix ntux sor

* Trâus moz thiêz têx pov muôx yưv:

Tơưv trôngx  ntâu jiês hâur iz hnuz tso qir uô cuô đros uô cuz lok sik moz plaz thiêz ntâu kror phiv liv txơưr.

Trâus moz thox plaz thâuv tơưv trôngx 3 jiês iz hnuz, tso qir uô cuô. No zos iz zav moz tsik so njiz trâus nhoz nhuôs zâu, phênhv ntâu mak jông moz sêi zos tâu tsoz phưz jông, tsik uô li mak moz zuôr muôx ntâuz txơưr txar phiv liv li pôngz plox đêx, tsik txâuk tsơưr pưr têx thâuv tsênhv trâus tuôs thiêz.

Thox plaz muôx oz zav: moz thox plaz sêi, taz sik tsuôk truz ntêr oz pêz hnuz têx thâuv txos iz ciêz, taz sik tsik ntêr đuô oz ciêz. Moz thox plaz tsik sêi, zos zav moz truz ntêr đuô oz ciêz, 1 hli, têx thâuv tsênhv ntêr đuô thiez, muôx hnuz mak trâus moz thox plaz zâu, muôx hnuz mak trâus moz lox, muôx hnuz mak xưk li tưz jông moz taz sik ho tror trâus moz. Zav moz kênhz mak tsơưs trâus moz đuô zav moz sêi.

* Qir tiv:

Zos nox tâu têx zav nox tsik hur vêv xênhz, zav nox tsư kâuz, tsư pok, zav nox uô tsik tâu siêr jông, hâuk đêx râuz tsik tâu bâu…)chor caz moz phiv liv gas tâu trâu hâur plaz hnhur, huôv tsar lok six sêi tso tơưv têx tưx uô trâu trâus moz thox plaz.

Moz thox plaz sêi mak phiv liv thiêz zôngx ziv trâus tuôs, taz sik zuôr phax tar tâu. Chiê phax tar moz thiêz tsik chiê moz siz cik, sơưr đơưk tsuv uô jông têx tsưr ziv đrav kaz:

Iz chuôz zis tsuv muôx iz kror qơư vêv xênhz jông, tsik tơưv trôngx trâu cxiê qơư. Đros chuôz zis muôx nênhs trâus moz thox plaz mak tsuv mfông hmôngr jêz siz lok sik Cloramin B đhâu iz jiês muk tơưv trôngx tas. Nzuôr têk txix xà phòng uô ntêx thâuv zuôr nox thiêz muk tơưv trôngx lok.

Cxuô lênhx nênhs, cxuô chuôz zis tsuv nox siêr, hâuk bâu, tsik nox jâuz nhôngk, tsik hâuk đêx txiêk, tsik nox têx zav nox tsik jông tiv zix zos mắm tôm tsik tâu uô siêr, têx zav tsiêx đêx tsik tâu uô siêr, grêix njêl kâuz, nyar chiêx…sir zôngv têx hax huv zav nox pâuz tsênhz qơư, yuôr six hơưv sir zôngv.

Tiv zix zos chor đêx chiê uô jâuz mor nox hâuk tsuv tâu por vêv hur jông. Txưr nquôr têx cuô vuôz tsuôz, đêx nzuô khâuz ndơưk, nzuôr thiêz nênhs muôx moz li cxuô zav trâu hâur pak đêx, cưx đêx, kror đêx. Tsik muôz chor tsiêx cxu trâus tuôs por tsês trâu hâur têx đêx.

Thâuv chuôz zis muôx nênhs trâus moz thox plaz mak tsik chiv chir zuôr yuôx lok nox, tsuv chox ciês tuôx trâu qơư y têr jê tiv zix chiê tâu njuôk shuôk moz thiêz chơưv kho cov sêi./.

(Thanh Thủy-Lik Thox cxêik nhênhv)