Txir mo môngk Sơn La tưz tâu muôs trâu têz qơưk Úc

Txêik tok cêr shir phaz 3 tấn ntâu txir mo môngk tơưr njuôz ntơưv  tỉnh Sơn La tưz tâu muôs trâu têz qơưk Úc, zơưv Hà Xuân Đanh thiêz chor chuôz zis chos txir mo môngk nhoz jok Văn Lùng, xã Chiềng Hặc, huyện Yên Châu lok six shir phaz.  No zos tsar tov chiê pêx xênhv nhoz tiv phaz hlôngr đuô tsưr ziv uô xênhz yar, pâuz sir zôngv công nghệ siêz hâur uô xênhz yar, txix co gra siêz txir mo môngk li tsiv gri. Tiv zix, gri txir mo môngk sâu zuôr muôs trâu saz đrâuv têz qơưk siêz đuô 20% pir li gri muôs hâur ciêz đrôngs.“Tâu muôs tơưv saz đrâuv têz qơưk mak pêz lok six shir phaz. Lơưr tsơưr lượng mak pêz taz por zuôr uô li ploz tsênhr”.

Chiê paz thơưz tsưr ziv muôs txir mo môngk tơưv saz đrâuv têz qơưk, txix shông 2016, tỉnh Sơn La tưz côngv đros cục por vêv đrox tsuôs thiêz Đại sứ quán Úc ntơưv Việt Nam sir jos kriz uô cxiv tsa, hêik pâuz têx ntâuz ntơưr thax tsav chos thiêz tưz tâu cơ quan qênhz shuôk đrox tsuôs saz Úc txêik jênhv. Hâur co, oz qơư chos txir mo môngk nhoz jok Văn Lùng, xã Chiềng Hặc, huyện Yên Châu thiêz jok Noong Xôm, xã Hát Lót, huyện Mai Sơn tưz tâu cục por vêv đrox tsuôs cungz mã số. đros co, nganhx kôngz nuv tỉnh Sơn La tưz sir jos kruôz kriê trâu pêx xênhv sâu đê, tsoz phưz, sir zôngv yuôx por vêv đrox tsuôs huv li tsưr ziv. Zơưv Dương Gia Định, chic cục trưởng chic cục por vêv đrox tsuôs thiêz chos kôngz lôngk tỉnh Sơn La puz pâuz:“Chi cục uô lok six jông hâux lưv no txix sêiz kaz, kruôz kriê yuôx por vêv đrox tsuôs. Thôngx cxix côngv đros cơ quan uô hâux lưv no chiê nriêr têx tsưr ziv kriê trâu pêx xênhv pâuz chiê lơưr uô xênhz yar taz por ngaz tuk tax tâu têz qơưk Úc li zoz qơưx tso tơưv”.

Lơưr Công ty Agricare-taz viv uô hâux lưv muôs tơưv saz đrâuv têz qơưk, chor txir mo môngk tượng tơưr njuôz nhoz Sơn La tâu nênhs sir zôngv Úc ntâuk gri siêz, txir mo môngk Sơn La kaz, tsik kâuz hênhr, gis, huv đros trâu nox txir njuôz, uô kâuz, cê jông nox thâuv siêr mak tsư kaz thiêz kaz jiz. Tiv zix, txir mo môngk Sơn La jông sâu đê txix kaz hli 6 txos hli 8 yênhx shông, no zos six hơưv chor txir mo môngk faz nam tưz tâu đê tas viv li zos chor huv chiê công ty sâu zuôr muôs tơưv saz đrâuv têz qơưk. Txơưv tiêk chiv txir mo môngk shông no, thax tsav thiêz tsơưr lươngv txir mo môngk muôs tơưv saz đrâuv têz qơưk chos ntơưv Sơn La tâu cungz mã số tsuôk zos chiê uô siv xar muôx 20 hec ta, taz sik chor txir mo môngk co tâu muôs trâu têz qơưk Úc mak lok six zov chênhr, paz trâu uô xênhz yar chos ntông nox txir nhoz tiv phaz. Zơưv Lường Trung Hiếu, phưv chủ tịch UBND huyện Yên Châu, tỉnh Sơn La hêik:“Thôngz đhâu muôs tơưv saz đrâuv têz qơưk no mak txir mo môngk li tsiv gri zuôr chuôz ndê thiêz paz trâu hlôngr đuô tsoz chos, paz thơưz tsaz yênhx hlôngr yiêz têx vaz ntông, chos ntông sâuv ar tox nxaz nhoz tiv phaz”.

Sơn La nhiv no zos tỉnh muôx thax tsav chos txir mo môngk ntâu, muôx 4.300 ntâu hec ta, sâu yênhx shông tâu xar muôx 10.000 tấn. Chor txir mo môngk tượng tơưr njuôz tâu chos ntâu ntơưv Yên Châu thiêz Mai Sơn xar muôx 2.000 tấn. 3 tấn ntâu txir mo môngk tưz tâu muôs trâu têz qơưk Úc zos tsar tov trâu tỉnh Sơn La, taz sik cux hêik tơưv ntâuz kror phiv liv chiê uô tâu kror no muk ntêr. Tỉnh tsênhv muôx tsưr ziv huôv tsar ntông nox txir, hâur co muôx txir mo môngk, uô truôx txix uô xênhz yar thiêz tsês chiê, uô đros qơư sâu zuôr cov tsêx trung đros trâu muôx yênhx chor hợp tác xã ntông nox txir; chiê uô yênhx qơư chos, tsêr mêir tsês chiê, txix co nriêr qơư muôx truôx trâu têx hax huv kôngz nuv. Pos Cầm Thị Phong, phưv giám đốc sở kôngz nuv thiêz huôv tsar jêx jok tỉnh Sơn La puz pâuz:“Zuôr txos no khov lơưr têz qơưk Úc nganhx zuôr sik côngv đros Cục por vêv đros tsuôs, công ty Agricare tsưr tsix kruôz kriê kỹ thuật trâu chor hợp tác xã, nênhs chos txir mo môngk uô lơưr ploz tsênhr ngaz tuk. Sở cux zuôr hêik trâu tỉnh cxaz nzir tsưr ziv paz li cxiv uô tsêr paz uô, tsês uô ntêx…”

  Vav tiêk đhâu txir mo môngk tượng tơưr njuôz, hâur ntu zuôr txos chor hax huv kôngz nuv nhoz Sơn La cux xưk li txir lưv tsiz zuôr tror tuôs muôs tơưv saz đrâuv têz qơưk, paz truôx tus qơư muôs thiêz pêx xênhv Sơn La uô bluô nux tâu txix chos kôngz lôngk./.

                                                                                                                               (Hồng Việt-Lik Thox cxêik nhênhv)

kriz chuôz zênhx chuôz tav tsik zos, Đảng viên trâus kỷ luật

          Bộ công Thương hêik pâuz,  Pos thứ trưởng Hồ Thị Kim Thoa, kriz chuôz zênhx chuôz tav hâur niêx shông thiêz thâuv zuôr uô luôs hâux lưv ntơư, iz cxiê lênhx cux hêik, pos Thứ trưởng Kim Thoa thiêz ntâu lênhx txơưr đuô hâur chuôz zis, yuôr ntâu chuôz zênhx chuôz tav ntơưv công ty uô tênhv tênhz Điện Quang. Đhâu uỷ ban qênhz yuôx Trung ương yơưz phơưz cux hêik tsênhz mênhx lok pos Thứ trưởng Hồ Thị Kim Thoa têx luôs hâux lưv uô zuôv cêr hâur doanh nghiệp, uô cxâuv chêi sêiz car ar, uô cxâuv chêi sir zôngv nhiêx txiêx hâur công ty….Yuôr pos Phan Thị Mỹ Thanh, thâuv uô hâu nov tỉnh Đồng Nai, cux tsênhv đros uô hâux lưv sêiz car iz luz công ty hâur chuôz zis, zos uô cxâuv sir zôngv nhiêx tsik trơưk chêi thiêz thâuv uô phó chủ tịch uỷ ban tỉnh, pos Thanh tsênhv ký ntâu ntơưr sir zôngv nhiêx txiêx hâur công ty tsik trơưk chêi tso tơưv thiêz uô cxâuv chêi Đảng viên.Tiến sĩ Phan Minh Tân, phó chỉ tịch Liên hiệp cxuô hội khoa học đrôngl HCM hêik pâuz: “Cur xav uô muôx yưv têx luôs hâux lưv tsik jông hêik sâu zos muôx oz qir tiv. Kror tiv iz zos kriz tsik tas têx chuôz zênhx chuôz tav; kror tiv oz zos uô tsik truôx luôs hâux lưv sêiz kaz, qênhz yuôx hâur cxuô tsử tsix sêiz car”.

          Hâur ntu đhâu, têx luôs hâux lưv uô tsik jông ntơư tưz muôx yưv trâu cxuô tỉnh li: Yên Bái, Laox Cai, thành phố Đà Nẵng…Đhâu ntơư, cxuô lênhx uô nov lox têx mê nhuôv muk cơưv trâu luôs oz chas têz qơưs, grê nhiêx cơưv tas yênhx tỷ đêiv hâur iz shông cơưv. Viv li, Đảng pêz têz qơưs tưz tso tơưv chêi sêiz kaz, qênhz yuôx ntơưv iz cxênhz ntâu lênhx hâu nov lox thiêz qênhz yuôx cxuô lênhx hâu nov cov têx ntâuz ntơưr kriz chuôz zênhx chuôz tav đros trâu luôs hâux lưv cxiv kho Đảng, tir thêir têx nênhs fêv nox nhiêx têz qơưs.  Zơưv Phạm Văn Hễ, phó chủ tịch cựu chiến binh, đrôngl HCM hêik pâuz: “Tsuv njuôk xav sêz chor uô nov lox ntơư, nhiêx hli hâur iz luz tâu pês tsơưs, tsuôk zos tâu 3-4 triệu xưz; uô tsêr yênhx tỷ nhiêx, uô li muôz nhiêx kror tưs lok. Chênhr zos li hêik ntơư, kriz sâu chuôz zênhx chuôz tav mak tsênhz mênhx đuô hur tiz si, taz sik tsuv qênhz yuôx uô cov tâu truôx”.

          Chôngz lênhx ntâu tus cux xav tiêk; luôs hâux lưv kriz chuôz zênhx chuôz tav tsuv kriz tiês tiês trâu hâur ntơưr thiêz tsik so qênhz yuôx sêiz kaz. Viv đhâu ntêr lok no, Đảng viên pêz têz qơưs cux zênhx kriz chuôz zênhx chuôz tav sâu trâu hâur ntơư; taz sik, tsuôk muôx kênhx thiêx kriz tsik zos. Tiến sĩ Nguyễn Thị Hồng Minh, kuz thứ trưởng Bộ Thuỷ Sản huôv tsar tox siêz hêik pâuz:  “Trơưk li cur, luôs hâux lưv hlôngr uô tsuv kriz cov tsênhz mênhx thiêz uô cov tâu truôx đuô. Tưz kriz chuôz zênhx chuôz tav trâu hâur ntơưr, tsuv kriz cov tsênhz mênhx sđ đros pâuz”.

          Muôx chuôz zênhx chuôz tav ntâu, ho tsik kiz sâu trâu hâur ntơưr. Taz sik, zos xav nhiêx hli cux tsik txâuk cxiv uô vax tsêr jông, grê nhiêx yênhx châuv tỷ đêiv, uô li ntơư tsik zos, tsik tsênhz mênhx. Têx kror hêik ntơư, uô ruôr hiêv txos Đảng têz qơưs luz côngz luz bê, uô ruôr hiêv txos luôs hâux lưv tir thêir nox nhiêx têz qơưs./.

                                                                                                                                              (Tsu cxêik nhênhv-TTTPHCM)