Chiê tsôngv box mênhx cxưx tsơưs nênhs tâu mnôngs Đeix nta suôz Việt Nam ntâu đuô

            Hnuz tưs, tsaz yênhx nta suôz luk Tày- Nùng nhoz Đeix nta suôz VN puôr lênhx jênhv tâu têx jiês tsôngv box nhiêv mnôngs Đeix hu tênhv tuôx. Muôx têx lênhx heik lok cêr jông siêz thâuv tâu mnôngs zuk mênhx cxưx li luk heik sâuv Đeix, muôx têx lênhx mak xar thor cêr lov jêv mnôngs cưr cxiêx then, muôx têx lênhx ho gôngr côngv têx tsưr ziv heik li chas cov mnôngs tâu zôngx ziv to tâuz. Zơưv Mã Văn Chức, nênhs Tày Cao Bằng tưz ndeiv zuk têz qơưk tâu 30 shông heik, tsi taz nhiêv mnôngs têx tsaz yênhx mak zơưv tsênhv lok six jông siêz thâuv tâu đros têx lênhx nênhs uô tsaz yênhx thav:

          “Pêz lok six jông siêz thâuv tâu mnôngs zuk mênhx cxưx li luk Tày. Đeix nhiv kruôr tso nta suôz luk Tày taz sik têx tsaz yênhx puôr lênhx heik tơưv tas ntâu vênhv thix, ntâu thax tsav qơư, ntâu lênhx nênhs jông, ntâu tsưr ziv hâux lưv uô jông. Cur cux xar tơưv tâu iz cxiê jax cưr cxiêx Sli, lượn thiêz heik tsaz yênhx paz xa txos tsôngv box pox mnôngs, cur lok six shir phaz. Đros têx lênhx nênhs uô tsaz yênhx thav mak tsuôk li tâu đros zuk têx lênhx nênhs cxênhz jê thav”.

          Txơưv nta suôz ntơưv thax tsav Đông bắc, qơư muôx tsôngv box Tày, Nùng nhoz uô nênhx chôngz tiv zix, têx tsaz yênhx nta suôz Tày-Nùng nhoz Đeix nta suôz VN cux jênhv tâu côngv thôngx Tày, Nùng nhoz cxuô suôv qơư hâur pêz têz qơưk thiêz saz đrâuv têz qơưk li têx ziv chênhv gôngr côngv. Niêv lâuk Nông Thị Tuyết, nênhs Tày nhoz huyện Cư M’Ga, tỉnh Đắc Lắc puz pâuz, têx lênhx hluôk nênhs li niêv lâuk lok six nhiêv hâux lưv pheiz kênh, sik thav sâuv mạng xã hội. Khov muôx tsaz yênhx, ntâu fôngx zưs hluôk nênhs tưz sik đros thav luk Tày, nriêr pâuz têx cưr cxiêx trâur lâuk thiêz zuk mênhx cxưx li cêr vênhx huôv chax chês jông.

          “Muôx têx hluôk nênhs nhoz tox siêz muôx nênhs Tày, Nùng tsơưs, nhiv no mnôngs thiêz shâuv heik luk Tày-Nùng pov lok six jông. Têx trang fanpage nhiv no lok six jông, tsi tsuv nriêr mnôngs Đeix li thâuv ntêx. Cur tsuôk cxaz chuôz paz lênhx nênhs nhiêv mnôngs Tsaz yênhx Tày-Nùng txơưv mnôngs tâu”.

          Iz lênhx fôngx zưs li luk heik, zoz qơưx, têx luk pheiz kênh...puôr lênhx tâu têx biên tập viên tsaz yênhx têz ciês sâuv fanpage. Zơưv Ma Đình Việt, Chi hội tsar Chi hội văn học nghệ thuật têx mênhx cxưx tsơưs nênhs tỉnh Bắc Kạn, kuz giám đốc Đeix xa đuôz-nta suôz Bắc Kạn xar li no, tsi xưk li nta suôz chax chês, nhiv no công nghệ thiêz mạng xã hộipaz lok six ntâu chiê têx tsaz yênhx nta suôz luk mênhx cxưx tâu ntâu lênhx nênhs mnôngs txos:

          “No cux zos tsưr ziv uô yiêz huv đros ntu sir zôngv công nghệ yiêz no, huv đros ntâu lênhx nênhs, ntâu hov hnuz nhôngs, ntâu thax tsav txơưr li zoz qơưx. Tiv zix zos đros thiêz cxênhx hluôk nênhs, zos tsaz yênhx tsi muôx têx hlôngr yiêz, uô ntâu lênhx nênhs nhiêv nriêr pâuz mak zuôr lok six zôngx ziv trâus plox mông. Hâur ntu zuôr txos pêz tsuv phuôx huiz đuô thiêz chiê tsaz yênhx tâu ntâu lênhx nênhs mnôngs đuô”.

          Tsôngv box têx gôngr ziv chênhv, pheiz kênh cux chênhr zos paz trâu Đêix têx lênhx nênhs uô tsaz yênhx Tày-Nùng sir jos uô tsaz yênhx cov ziv hnuz ziv jông thiêz huv đros tsôngv box nhiêv mnôngs Đeix, tuôv zênhv tâu zoz qơưx muôz siêz luz nênhx vênhx huôv chinhz yênhx thiêz gôngr phênhv tuôr tsês luk heik, ntơưr sâu thiêz têx tsiv grê vênhx huôv chax chês jông hâur côngv thôngx mênhx cxưx Tày, Nùng Việt Nam./.

 (VOVĐB-Txâur Vax cxeik nhênhv)

Pox niêv vir ndâuk Tsoz tsiz – Khmer Trà Vinh sir jos cơưv shâuv thiêz uô lơưr zơưv hloz Hôx têx cêr uô nênhx jông

Xar Nguyệt Hóa, huyện Châu Thành zos tiv phaz muôx chôngz tsôngv box Khmer, đhâu Hôiv pox niêv xar li hêik kriê, chor tsưr ziv “Huz cxur siêz jông”, “Tsưr ziv cxênhx txuôs txêik pênhr”, “Tsưr ziv cxênhx txuôs nhiêx txiêx”….tưz tâu kriz uô đêz đar. Niêv tix Trần Thị Thu Trang, Chủ tịch Hôiv pox niêv xar Nguyệt Hóa hêik: Khov sir jos uô côngz xưv yax kriê, hêik sơưr đơưk cơưv shâuv thiêz uô lơưr zơưv hloz Hôx lok cxênhx txuôs, cêr siz hluz, siz paz, viv li chor pox niêv hâur xar li têx jênhv pâuz, txux chi hâur xar tưz muôx têx hlôngr yiêz ntâu. Tiv zix zos hâur jiês xênhz huôx chi hôiv yênhx hli puôr lênhx uô đros, piêr txos zơưv hloz Hôx luz nênhx chiê sơưr đơưk cơưv shâuv thiêz uô trơưk. Txix co, sơưr đơưk tưz pâuz siz hluz, siz paz thiêz muôx txơưx jênhv đuô lơưv:

“Hôiv pox niêv hâur xar cux hêik chor chi hôiv thâuv hâur chor jiês cơưv yênhx hli zos kriz uô uô cê, piêr txos zơưv hloz Hôx luz nênhx chiê chor vir ndâuk sơưr đơưk cơưv shâuv thiêz uô trơưk. Txos nhiv no, hâux lưv cơưv shâuv co tưz paz trâu yênhx lênhx hôiv viên muôx nzir txux chi, tsưr ziv lok cxênhx txuôs chiê paz nzir trâu luz nênhx, sik côngv siêz sik paz nhoz chor nênhs muôx thiêz nênhs pluôs; nênhx muôx đuô mak paz trau chor nênhs muôx luz nênhx txov nhêv”.

Niêv tix Kim Thị Chanh Tria ziv chuôz zis zos chuôz zis pluôs. Pov niêv tix luz nênhx pluôs, tsênhv tu zus zuk txir tưz lâul muôx moz gênhs, Hôiv pox niêv xar Nguyệt Hóa tưz hêik chor hôiv viên paz cxur, zav nox chiê paz trâu niêv tix chuôz zis hla đhâu têx phiv liv. Niêv tix Kim Thị Chanh Tria hêik pâuz:

“Cux tas ntâu hênhr viv tsuv tu zus, zuôr zav nox trâu zuk txir. Têx thâuv tsik muôx nhiêx mak tsuv kir txêik, hok têx nduôr mak nhiv no muôs tsik tâu tiv phiv liv txix caz moz. Tu zus mak cux pôngz pênhr, tsênhv thêv tsik tâu tas nhiêx zuôr têx zav nox thiêz. Tâu chor pox niêv lơưr paz li co mak cur shir phaz hênhr”.

Ntơưv xar Nhị Long, huyện Càng Long hâux lưv cơưv shâuv thiêz uô lơưr zơưv hloz Hôx li cêr uô nênhx jông ho tâu kriz uô đros “Tsưr ziv pox niêv sik côngv nhiêx pênhr cxênhx txuôs chiê zuôr bảo hiểm y têr”. Thâuv kriz uô tsưr ziv no yênhx lênhx hôiv viên tâu tsoz phưz luz nênhx, đas jos, txo grêk tsơưs nhiêx txiêx huôv xênhz tiv phiv liv txix têx caz moz. Zos iz hâur chor nênhs cxaz chuôz tsưr ziv txix thâuv nhiv kruôr kriz uô, pos Phạm Thị Đầu tưz puz pâuz:

“Cxaz chuôz Tôv sik côngv nhiêx chiê zuôr bảo hiểm muôx tsiv gri zov chênhr trâu zuk thiêz chuôz zis. Muôx moz gênhs lok cux tưz muôx tôv bảo hiểm. Viv li cur hêik sơưr đơưk lok nhoz trâu hâur tôv bảo hiểm chiê cov muôx liv, tov ntêx no mak cux tsik yuô cxơưx txos caz moz gênhs viv tưz muôx tôv bảo hiểm lơưv”.

Iz chas tsưr ziv tôv sik côngv cxênhx txuôs nhiêx pênhr zuôr Thể bảo hiểm y têr, Hôiv liên hiệp pox niêv huyện Càng Long tsênhv uô jông tsưr ziv cxênhx txuôs nhiêx txiêx hâur tas nro hôiv viên. Tsưr ziv zos chiê muôz siêz đuô jênhv pâuz trâu chor hôiv viên lok cxênhx txuôs, sik paz cov truôx tuk thiêz gra siêz tsơưr lươngv luz nênhx. Tsênhv tsênhz, chor nhiêx cxênhx txuôs no tâu muôx 1 triệu đêiv ntâu đhâu iz jiês cơưv chi hôiv, sơưr đơưk sik sêiz lax thôngx ziv uô cê chiê paz trâu hôiv viên pox niêv pluôs cov lơưr muôx pênhr zuôr muôs zâu lok sik paz trâu hôiv viên muôx luz nênhx txov nhêv tiv zix hla đhâu cêr txov. Niêv tix Nguyễn Thị Bé Riêng, Phưv Chủ tịch Hôiv liên hiệp Pox niêv huyện Càng Long puz pâuz nzir:

“Hôiv liên hiệp pox niêv huyện chox kriê chor chi hôiv uô jông thiêz muôz siêz đuô chor tsưr ziv uô lơưr zơưv hloz Hôx. Đhâu co zuôr ntâuk gri sâu chênhz zênhv kruôk txos chor tiz nênhs, tập thể uô jông têx tsưr ziv no. Đuô li zuôr uô jông têx tsưr ziv xênhz huôx, piêr lok zơưv hloz Hôx hâur têx jiês xênhz huôx yênhx hli nhoz chor chi, tôv hôiv. Đhâu têx jiês piêr co chiê hôiv viên pâuz tsênhz đuô lok cxênhx txuôs, uô lơưr zơưv hloz Hôx luz nênhx jông hâur yênhx hnuz”.

Đhâu 4 shông tror cơưv shâuv thiêz uô lơưr zơưv hloz Hôx li cêr uô nênhs jông đros thiêz cxuô cấp Hôiv pox niêv li chor phongz yaox sik tưr, txơưv tiêk têx tsưr ziv uô sik txơưr, taz sik puôr lênhx paz muôx tâu têx chêx cur tsênhv tsênhz, paz muôx sik côngv siêz, sik hluz nhoz chor gâux muôv vir ndâuk sơưr đơưk, sik paz chiê txo grêk cêr yêiz pluôs, huôv tsar kinh têr ziv chuôz zis./.

(VOV-Lik Thox cxêik nhênhv)