Iz shông muôx ntâu kror jông txix zaz zâuv yưv pênhr nhoz tỉnh Điện Biên

Hnuz 3/12/2021, Hãng yêz za Bamboo Airways kriz cêr yêz za txix thành phố Hồ Chí Minh-Điện Biên txuôk Điện Biên đros tsênhv qơư kinh têr-xar hôiv uô ntêx hlo hâur têz qơưk. Xor xưv zov chênhr no zos yênhx qơư txuôk paz trâu yưv pênhr, zuôr muôs hax huv ntâu tiv zix, đhâu co paz cxơưz cxiz tỉnh Điện Biên thiêz thax tsav faz Bắc li hâux lưv huôv tsar kinh têr-xar hôiv. Zơưv Nguyễn Ngọc Trọng, Phưv tổng Giám đốc Hãng yêz za Bamboo Airways puz pâuz: “Kror no zuôr paz trâu pox nhuôs thành phố Hồ Chí Minh thiêz tas nro pox nhuôs thax tsav Nam Bộ li hâux lưv nriêr pâuz lok kinh têr, vênhx huôv thiêz du lix. Thiêz tưz tsik zos đros thiêz Điện Biên mak tsênhv zos tas nro thax tsav faz Bắc têz qơưk, paz trâu huôv tsar du lịch, kinh têr, vênhx huôv tỉnh Điện Biên”.

Kriz cêr yêz za txix thành phố Hồ Chí Minh-Điện Biên zos iz hâur têx luôs hâux lưv jông paz trâu tỉnh Điện Biên li hâux lưv zaz zâuv yưv pênhr hâur têx shông đhâu. Đuô li, shông 2021, tỉnh tưz txêik tok chôngz lênhx nênhs yưv pênhr, tập đoàn hâur têz qơưk tuôx nriêr pâuz, nhênhz chơưv, cir jênhv sêiz lax sik côngv đros tỉnh li: Sun Group, FLC, VinGroup, Hải Phát, Flamingo, SGO, công ty Cổ phần yưv pênhr uô cxuô zav trâu Tây Bắc. Zơưv Lê Thành Đô, Phưv Bí thư Tỉnh ủy, Chủ tịch Ủy ban tỉnh Điện Biên puz pâuz: Ủy ban tỉnh tưz chox kriê cxuô cấp, cxuô nganhx sik côngv truôx jông đros chor nênhs yưv pênhr hâur heik pâuz lok têx qơư, hâux lưv uô tsuv yưv pênhr trâu thiêz kriz uô cêv kuôk cov jông, tsênhz mênhx, uô ntâuz ntơưr, têx tsưr ziv yưv pênhr trâu chor dự án jông chiê huôv tsar. Đhâu co, cxiv tsa tâu cêr coangz siv, sik côngv cov jông, paz uô tâu truôx jông đuô hâux lưv yưv pưv pênhr trâu tỉnh hâur ntu zuôr txos.

Đuô li, txix tso tơưv ntâu tsưr ziv, kriz uô cxix cxuô têx tsưr ziv, tênhv qơư kinh doanh tỉnh cov hlôngr yiêz jông đuô, ziv hnuz ziv zaz zâuv tâu chôngz lênhx nênhs yưv pênhr hâur thiêz đrâuv têz qơưk tuôx yưv pênhr trâu ntơưv tỉnh. Hâur shông 2021, tỉnh tưz muôx ntơưr cungz jênhv đăngk cir yưv pênhr thiêz cuêz tênhv tsưr ziv yưv pênhr trâu 17 dự án, đros tas nro chor pênhr đăngk cir zuôr xar 6.300 tiv đêiv. Xav txos nhiv no muôx zuôr xar 230 dự án tâu cungz ntơưr cungz jênhv đăngk cir yưv pênhr đros tas nro chor pênhr đăngk cir zuôr xar 36.000 tiv đêiv: “Uô lơưr kho đuô ntâuz ntơưr hành chính, hlôngr yiêz tênhv qơư yưv pênhr kinh doanh sâuv thax tsav tỉnh tror tâu hlôngr yiêz đros muôx lok six ntâu lênhx nênhs yưv pênhr tuôx yưv pênhr trâu ntơưv tỉnh Điện Biên. Tỉnh ntâuk gri chor nênhs lênhx tov, tsênhv tsênhz zos nênhs sơưr thơưx cấp ủy li pưk txux tưz paz uô trâu chor doanh nghiệp, chor nênhs yưv pênhr muôx siêz njênhs thâuv tuôx nriêr pâuz thiêz yưv pênhr ntơưv tỉnh Điện Biên. Co zos têx kror jông, tỉnh uô tâu hâur shông nhiv kruôr đhâu 2021”.

Lơưr Ủy ban tỉnh Điện Biên, chiê kriz uô txix têx kror liv hâur hâux lưv kôngz, jôngr nuv, tiv zix zos khov trâu kror liv lok đêx ar, tỉnh tưz tso tơưv tsưr ziv tsênhv chêi chiê zaz zâuv chor dự án chos ntông mắc ca thiêz paz trâu chor dự án tâu kriz uô. Xav txos six hơưv no, tỉnh Điện Biên tưz chiê kriz uô 8 dự án chos mắc ca đros tas nro thax tsav đar muôx 47.000 ntâu héc ta. Nhiv no, chor nênhs yưv pênhr tưz chos tâu muôx 3.800 ntâu héc ta. Zơưv Trần Công Nhì, Giám đốc công ty Cổ phần Maccadamia Điện Biên phêiz kênh: Chiê zaz zâuv yưv pênhr, ntu đhâu, cấp ủy, chính quyền ntơưv qơư tsêx trung sir jos hlôngr yiêz đuô ntâuz ntơưr hành chính, hlôngr yiêz đuô tênhv qơư yưv pênhr kinh doanh đros trâu gra siêz đuô đas jos tsav txênhz cấp tỉnh ntu 2021-2025, tsưr ziv uô txos shông 2030. Thôngx cxix tsov cưv txos têx hâux lưv sik njiz, sik thav nhoz chính quyền đros doanh nghiệp, tsêx trung đơưk kho têx phiv liv trâu chor doanh nghiệp, paz zôngx ziv tiv zix trâu cxuô ntu hâur kriz uô chor dự án yưv pênhr: “Cur cux txêik tâu oz kror ntơưr cungz jênhv yưv pênhr, iz zos công ty Cổ phần Maccadamia Điện Biên, oz zos Công ty cổ phần huôv tsar mắc ca Tây Bắc. Oz kror ntơưr cungz jênhv yưv pênhr trâu công ty đar muôx 30.000 héc ta. Txix co cur ntâuk gri cxuô cấp ủy, chính quyền, chor sở nganhx tưz đros đrêiv, sir jos paz trâu pêz mak thiêx li uô tâu xưk li hnuz no”.

Ntơưv tỉnh Điện Biên tsênhv sir jos hlôngr yiêz côngz xưv chox kriê, sêiz car, ntâuk gri đuô chor dự án, thôngx cxix đros nênhs yưv pênhr đơưk kho têx phiv liv. Đros tsêx trung kriz uô chor dự án huôv tsar cêr vax tsêr cxuô zav đô thị, du lịch zov chênhr ciês hâur shông 2022 li: Dự án thax tsav qơư đô thị yiêz, Tsêr kruô nhoz so thiêz Tsênhv qơư thương mại Thanh Trường, Tiêx goft Thanh Nưa, Qơư pêx xênhv nhoz ntơưv đô thị yiêz faz Bắc cêr Hoàng Văn Thái-Khe Chít… tỉnh Điện Biên tsênhv muôx ntâu kror hlôngr yiêz jông lok zaz zâuv, kriz uô yưv pênhr trâu chor dự án jông thiêz paz trâu thax tsav qơư huôv tsar đuô./.

(Vũ Lợi-Lik Thox cxêik nhênhv)