Phù Yên (Sơn La): Sir jos khưx phưx têx trâus hiêv tiv ntux nas đêx ngaz cuôr

Đêx ngaz cuôr tưz đhâu xar muôx iz hli, txos zar hnuz kêix, puôs mê nhuôs muk ntơưv ntus đêx, njiê trâu thax tsav ar khôngz mfor xuôr, niêv tix Phùng Thị Tơ nhoz jok Bang, xã Mường Bang cux njênhs tsik tâu tiêk zuk vax tsêr tưz trâus đêx cuôr yôngz tas, tsik yuôr đaz tsi hlo. Oz niêv txir nhiv kruôr phêiz chuôz, uô tâu luz tsêr zâu đros iz cxiê zav, tsuôk đhâu iz mo muôx đêx huôv lok tưz pôngz plox tas hur si:

“Tas ntâu đas jos chiê uô tsêr nhoz, taz sik đêx cuôr yôngz tas hur si tsik yuôr đaz tsik hlo lơưv. Đêx cuôr yõng tas hur si cur tsuôk paz tâu pêz niêv tuz xưz. Chor hnuz zuôr txos mak cur cux tsik pâuz shor zuôr uô li chak. Cxuô zav trâus đêx cuôr tas lơưv, zav nox lok cux tsik muôx”.

Pox nhuôs mênhx cxưx Thái, Mường mak cor cav nhoz jê ntus têx đêx, nhoz trâu qơư kik, xav tsik tâu tiêk tuk đêx njiês to thâuv tưs nhiv no zos tuk đêx huôv lox, cuôr yôngz tas cxuô zav hur si. Vax tsêr, liêx têz, cxuô zav trâus đêx cuôr yôngz, cxuz tas, pêx xênhv qơư trâus đêx ngaz cuôr Phù Yên pôngz siêz zok nriêr têx chor blêx trâus ar cxuz mak lơưr tưz tas nntâu đas jos uô, đros siêz xar tiêk zuôr nriêr tâu mê njil blêx lok chiê uô mor nox. Zuôr txos no nhoz kror tưs, uô đaz tsik chiê nriêr kror nox zos pêx xênhv nhoz no li kror cxơưx.

Đhâu thâuv đêx grêk, cấp ủy, chính quyền xã Mường Bang tưz chox kriê côngz xưv khưx phưx têx trâus hiêv, đros tsưr ziv “4 ntơưv qơư”; yax kriê, hêik nênhs hâur jok sik phêiz kênh cêr phiv liv, sik paz, sik phêiz ar chiê đros uô têx luz tsêr lav nhoz. Đros têx phiv liv co mak cêr siz hluz hax zav truôx jông đuô. Zơưv Hà Văn Bao, chỉ huy phưv Ban chỉ huy quân sự xã Mường Bang, huyện Phù Yên puz pâuz:

“Pêz huiz tôngv tas nro cxuô lênhx nênhs, txar qơư nhoz trâu chor tsêr zuôr njiz trâus ar poz, phiv liv, sơưr đơưk puôr lênhx sir jos paz chuôz zis no tas mak ho paz trâu chuôz zis txơưr đuô”.

Đros pox nhuôs têx trâus hiêv lox co, uô ntêx, huyện Phù Yên paz trâu chor chuôz zis muôx vax tsêr trâus vâu, cuôr yôngz tas hur si iz chuôz zis 20 triệu đêiv chiê uô đuô vax tsêr, paz trâu iz chuôz zis oz thungr mỳ tôm, iz lênhx nênhs 15 cir cxur hâur hli xuz thơưx. Hội chữ thập đỏ tỉnh thiêz Hội chữ thập đỏ huyện Phù Yên cux paz xuz thơưx trâu chor chuôz zis tsik muôx vax tsêr nhoz, cxuô zav, tsoz chos chiê pox nhuôs truôx tuk luz nênhx. Uô ntêx, huyện tưz hêik chor chuôz zis hâur jok phêiz ar chiê uô tsêr lav nhoz. Hok muk ntêr, huyện cux cxiv tsa tsưr ziv uô qơư nhoz yiêz trâu chor chuôz zis tsik muôx vax tsêr nhoz, tsik muôx ar uô nox. Zơưv Đào Văn Nguyên, chủ tịch UBND huyện Phù Yên, tỉnh Sơn La puz pâuz:

“Huyện tưz sir jos uô côngz xưv chox kriê, huiz tôngv 4 ntơưv qơư, huiz tôngv nzir lưx lươngv chor xã txơưr đuô paz trâu pox nhuôs qơư trâus hiêv hnhar chiê uô đuô tsêr nhoz. Txos hnuz no, pêz tưz txar tas chor tsêr tsuv txar qơư nhoz zuôr zôngx ziv njiz trâus phiv liv. Nriêr qơư nhoz yiêz chiê pox nhuôs uô đuô vax tsêr nhoz trâu chuôz zis”.

Sâuv thax tsav chor xã, jêx jok trâus đêx cuôr yôngz, pox nhuôs tsênhv sir jos sik paz chiê truôx tuk luz nênhx. Phiv liv tsênhv nhoz co, thâuv kôngz krâur trâu chor chiv kôngz zuôr txos tưz trâus đêx cuôr yôngz thiêz ar poz jêz cxuz tas, khưx phưx chiê tror uô xênhz yar zos iz kror tsuv tas ntâu đas jos thiêz six hơưv ntêr. Lok six khov vav txos têx pênhr jos thiêz cxuô lênhx nênhs sik côngv đros paz, chiê Phù Yên khưx phưx tâu têx phiv liv co đhâu trâus ntux nas đêx ngaz cuôr ruôr hiêv./.

(Hồng Việt-Lik Thox cxêik nhênhv)

Khiêz ntâuz ntơưr thix ziv sơưv phênhv paz txưv tsi muôx hâux lưv uô zos li chas?

    Vênhv thix fôngx zưs nus tưz tâu cui tênhv tsênhz mênhx ntơưv Chính phủ li Nghị định số 28/2015/NĐ-CP hnuz 12/3/2015 cui tênhv uô Chei hâux lưv uô lok bảo hiểm tsi muôx hâux lưv uô li iz cxiê grê.

          Lơưr Grê 16 Nghị định 28, ntâuz ntơưr thix ziv sơưv paz txưv tsi muôx hâux lưv uô muôx:

          1. Thix ziv sơưv paz txưv tsi muôx hâux lưv uô lơưr mẫu zos Bộ trưởng Bộ lox tôngv saz pênhz thiêz xã hội cui tênhv.

          2. Bản chính lok sik bản sao iz cxiê ntâuz ntơưr muôx côngz jênhv lok hâux lưv tso tsês hôx thôngx lox tôngv lok sik hôx thôngx hâux lưv uô:

          a) Hôx thôngx lox tôngv lok sik hôx thôngx hâux lưv uô tưz tas six hơưv lok sik uô tiêr hâux lưv lơưr hôx thôngx lox tôngv;

          b) Cuiz tênhv tso tsês hâux lưv uô;

          c) Cuiz tênhv tsi puz uô hâux lưv;

          d) Cuiz tênhv kỷ luật tsi puz uô hâux lưv;

          đ) Thôngz pov lok sik thôngx ziv tso tsês hôx thôngx lox tôngv lok sik hôx thôngx hâux lưv uô.

          Zos lênhx nênhs lox tôngv cxaz chuôz bảo hiểm tsi muôx hâux lưv uô lơưr cui tênhv ntơưv điểm C khoản 1 grê 43 Chei hâux lưv uô mak ntâuz ntơưr xav jênhv lok hâux lưv tso tsês hôx thôngx lox tôngv lơưr chiv cheix lok sik lơưr iz hâux lưv muôx six hơưv cxôngx txâuk 3 luz hlik txos tsi đhâu 12 luz hlik zos bản chính lok sik bản sao muôx côngz jênhv.

          3. Ntơưr Bảo hiểm xã hội

          Tsưr tsix BHXH xav jênhv lok hâux lưv gôngr BH tsi muôx hâux lưv uô thiêz thêv ntơưr BHXH trâu nênhs lox tôngv hâur six hơưv 5 hnuz uô hâux lưv cxôngx hnuz jênhv tâu nênhs sir zôngv lênhx nênhs lox tôngv li thix ziv.

          Đros thiêz nênhs sir zôngv lox tôngv zos têx chiz coaz, taz viv, doanh nghiệp nhoz Bộ côx phax, Bộ công an mak hâur six hơưv 30 hnuz, BHXH Bộ côx phax, BHXH Công an xav jênhv lok hâux lưv gôngr BH tsi muôx hâux lưv uô thiêz thêv ntơưr BHXH trâu nênhs lox tôngv cxôngx hnuz jênhv tâu nênhs sir zôngv lox tôngv li thix ziv.

          Grê 17 Nghị định 28 cui tênhv hâux lưv khiêz hồ sơ thix ziv sơưv phênhv paz txưv tsi muôx hâux lưv uô li no:

          1. Hâur six hơưv 3 luz hlik cxôngx thâuv tso tsês hôx thôngx lox tôngv lok sik hôx thôngx uô hâux lưv, nênhs lox tôngv tsi muôx hâux lưv uô thiêz muôx zoz qơưx sơưv phênhv paz txưv tsi muôx hâux lưv uô tsuv khiêz 1 hồ sơ ntâuz ntơưr thix ziv sơưv phênhv paz txưv tsi muôx hâux lưv uô lơưr trơưk Nghị định no li cui tênhv ntơưv grê 16 trâu tsênhv qơư jix vuv hâux lưv uô ntơưv tiv phaz qơư nênhs lox tôngv xar jênhv paz txưv tsi muôx hâux lưv uô.

          2. Nênhs lox tôngv tâu heik lênhx nênhs txơưr paz khiêz hồ sơ ntâuz ntơưr lok sik xa hồ sơ đhâu bưu điện zos:

          a) Moz gênhs, xênhz zus mê nhuôs muôx qơư y tế muôx qênhx xav jênhv

          b) Trâus txiêz nanv muôx cảnh sát zaoz thôngz lok sik qơư y tế muôx qênhx xav jênhv.

          c) Trâus cuz, trâus đêx ngaz, ntux kênhs....muôx Chủ tịch UB xã, phường, thị trấn xav jênhv.

          Hnuz khiêz ntâuz ntơưr thix ziv sơưv phênhv paz txưv tsi muôx hâux lưv uô đros têx lênhx nênhs li heik sâuv zos hnuz nênhs tâu heik paz khiêz hồ sơ lok sik hnuz sâu sâuv bưu điện li khoz côngz jênhv đros lênhx nênhs xa đhâu bưu điện./.

( Thanh Thủy- Txâur Vax cxeik nhênhv)