Si Ma Cai-zuôr muôs tsiêx cxu tsuv muôx tâu têx tsưr ziv jông

Txos trâu têx hnuz kaz ciêz hâur ntu đrav ntêx, txox cêr muk Si Ma Cai muôx yêz lox muk lok ntâu, phênhv ntâu zos thâux nhux tưv muk trâu ciêz Cán Cấu thiêz Sín Chéng. Taz sik oz pêz luz hli tror lok no, hâur ciêz pov muôx tsơưs nhux tưv muôs trơưk ntus cêr. Tix lâus Lý Seo Lừ nhoz xar Sán Trại, huyện Sia Ma Cai puz pâuz: tas nro xar xưk li uô nênhx zos khov trâu tu zus nhux tưv cov tros chiê muôs. Txos trâu hnuz ciêz mak muk zok zuôr chor nhux tưv zuôs thâux txix qơư kik lok zus cov tros  mav chox muk muôs, iz tuk cux sâu tâu muôx oz pêz triệu đêiv.“Oz pêz hli no txưr ntus đriv viv li muôl muôs nhux tưv phiv liv hênhr luz nênhx txov nhêv. Uô phiv liv ntâu trâu pox nhuôs, kinh têr tsuôk zos khov trâu muôs nhux tưv xưz”.

Ciêz Cán Cấu thiêz Sín Chéng nhoz Si Ma Cai xưk li zos qơư sâu zuôr ntâu chor nhux tưv ntơưv têx tỉnh Yên Bái, Phú Thọ, Vĩnh Phúc, Bắc Giang, Lai Châu, Thanh Hóa. Tix lâus Nguyễn Đình Hoan, iz lênhx nênhs uô lax luôv tsik so thâux nhux tưv txix Thường Xuân, Thanh Hóa tuôx muôs, hêik:“Gri tsik xưv lik thâuv ntêx nhiv no iz tuk pôngz pênhr muôx 3 triệu đêiv. Cux vav tiêk tâuz paz. Chor nhux tưv thâux tuôx ntơưv no tsuôk muôs tâu 24 triệu 500 cxênhz đêiv xưk pôngz ntâu hênhr têx thâuv mak tsuv thâux tror muk tsêr”.

Nhiv no nhoz huyện Si Ma Cai muôx nhos 30 ziv chuôz zis uô hâux lưv zuôr muôs, sik pâur nhux tưv ntơưv ciêz Cán Cấu thiêz Sín Chéng, yênhx châuv chuôz zis uô nênhx txix dịch vụ tsoz phưz tu zus nhux tưv. Hâux lưv zuôr muôs nhux tưv zuôs lok zus cov tros cux tưz paz uô muôx yưv tsưr ziv chos jâuz tâux zus nhux tưv ntơưv huyện Si Ma Cai. Zơưv Shôngx Seo Pao, Phưv bí thư Đảng ủy xar Cán Cấu, puz pâuz: Thâuv ntêx, iz ciêz muôx txos yênhx cxênhz tuk nhux tưv tâu muôl muôs.“Zuôr xar oz hli no muôl muôs nhux tưv, zus tâu nhux tưv tros lok cux muôs tsik tâu. Iz cxiê chuôz zis chos jâuz tâux zus cov tros lok cux muôs tsik tâu”.

Shông 2014, Ban thường vụ Tỉnh ủy Lào Cai tưz tso tơưv Nghị quyết 22 lok thiv pluôs truôx đrênhk, hâur co tso tơưv tsưr ziv huôv tsar paz tsiêx cxu, tiv zix zos tuk nhux tưv ntơưv Si Ma Cai. Tiv hâux lưv zuôr muôs nhux tưv grêk tsơưs ntâu xưk li nhiv no tưz phiv liv txos huôv tsar kinh têr ntơưv tiv phaz. Zơưv Nguyễn Văn Minh, Chủ tịch UBND huyện Si Ma Cai puz pâuz:“Pox nhuôs li siêz xar zos hêik trâu têx cơ quan txơưx jênhv paz muôx tsưr ziv jông chiê muôs nhux tưv đhâu ntus đriv chiê paz tsar tov trâu pox nhuôs nôngx mênhx sơưr đơưk”.

Ciêz nhux tưv Cán Cấu thiêz Sín Chéng muôx txix ntêr lok, zos pox nhuôs cxuô mênhx cxưx nhoz huyện Si Ma Cai li iz kror vênhx huôv jông, zos qơư jông thiêz nhiêv trâu tsôngv kruô hâur thiêz đrâuv têz qơưk tuôx ndis shuôk. Zos iz huyện pluôs, txov nhêv tiv zix tỉnh Lào Cai, tuk nhux tưv ntơưv Si Ma Cai tsênhv zos kror paz trâu pêx xênhv nhoz no hla đhâu cêr pluôs. Khưx phưx zuôr muôs nhux tưv nhoz Si Ma Cai tsênhv tsuv muôx têx cơ quan li tsưr ziv uô jông thiêz huv đros./.

(VOV1-Lik Thox cxêik nhênhv)

Iz xã mênhx cxưx tsơưs nênhs K’Ho nhoz Lâm Đồng tưz muôx têx hlôngr yiêz jông

          Mul seiz xã N’Thol Hạ, huyện Đức Trọng, tỉnh Lâm Đồng hâur têx hnuz hâur shôngk shông yiêz, lênhx tưs cux pov tâu têx hlôngr yiêz jông hâur thax tsav qơư co, phênhv ntâu zos tsôngv box mênhx cxưx tsơưs nênhs K’Ho no. Tsêr nhoz tâu cxiv jông đuô; cêr mul lok, tsêr cơưv ntơưr, qơư y tế tâu yưv pênhr cxiv uô yiêz...tsôngv box luz nênhx tsâu sor thiêz bluô nux jux juk.

          Niêv lâuk Ka Thiều, tsôngv box nhoz jos Yang Ly, xã N’Thol Hạ, huyện Đức Trọng puz pâuz:“Pox nhuôs nhoz no luz nênhx kinh têr huôv tsar đuô pir đros ntu đrav ntêx lok six ntâu. Nhiv no phênhv ntâu đrâuv chos blêx iz chiv, pox nhuôs puôr lênhx chos cxaz jâuz tâuv cxuô zav, chos jâuz caz. Chos jâuz caz mak huôv tsar hênhr, ntâu ziv chuôz zis tưz hla đhâu cêr pluôs, uô bluô nux cxôngx hâux lưv no. Thâuv ntêx cur chuôz zis cux pluôs, thâuv tâu têz qơưk paz txưv, puz txeik pênhr zênhx hangx chính sách chiê chuôz zis hlôngr yiêz tsưr ziv tsêz chos, khov co cur chuôz zis thiêx hla đhâu cêr pluôs, muôx luz nênhx yênhx trus huôv tsar, hlôngr yiêz”.

          Cxôngx hâux lưv tsuôk pâuz uô iz chiv blêx thiêz chos cà phê mak nhiv no phênhv ntâu tsôngv box nhoz xã N’Thol Hạ tưz truôx siêz chox têx zav tsoz chos muôx tsiv grê kinh têr siêz lok chos. Tas nro xã nhiv no muôx 100 hecta ntâu tsoz chos ntông jâuz caz, zus caz uô xor, zuôr xar 1.200 hecta jâuz, 60 hecta ntâu ar têz chos pax, 65 hecta chos ntông nox txir... Khov co, tsiv grê fênhx pheiz iz hecta nhoz xã N;Thol Hạ tax 153 tsov đeiv iz shông, phênhv sâu fênhx pheiz iz lênhx nênhs zos 47 tsov đeiv iz shông. Trơưk li 10 shông đrav ntêx, xã N’Thol Hạ muôx 62% ziv chuôz zis pluôs, mak nhiv no chor ziv chuôz zis pluôs tsuôk yuôr 2,8%.“Iz chas Đảng thiêz têz qơưk li tsov cưv yưv pênhr cxuô zav, nhiv no pox nhuôs tsik tok txos têz qơưk li têx phênhv paz txưv. Nhiv no pox nhuôs tưz txơưx chos jâuz caz,zus caz uô xor, gruôs khưr uô nox uô hâuk, kinh têr huôv tsar jông. Cur zos lâuk jos pov têx luôs hâux lưv uô muôx liv co mak lok six jông siêz, thâuv tưs cux sir jos vênhv tôngv pox nhuôs hâur jos sir jos uô nox uô hâuk, tsi cxoz tos txos têx lênhx nênhs txơưr li phênhv paz txưv, chiv chir uô cov muox  luz nênhx jông đuô”.

          Tsi taz kinh têr huôv tsar, y tế, vênhx huôv, zaoz zux nhoz N’Thol Hạ cux tax têx chêx xuk siêz, thiêz zos xã tâu côngz jênhv tax ploz tsênhr nôngx cxênhz yiêz cxôngx shông 2016. Lơưr zơưv Lê Bá Dương, Phưv chủ tịch UB xã N’thol Hạ puz pâuz:“Hâur six hơưv zuôr txos, pêz chuôz tsar vênhv tôngv pox nhuôs hlôngr chos iz chiv blêx lok sik têx vax chos cà phê chiê chos jâuz, pax cxuô zav, chos tsoz chos jâuz caz uô xor. Hâur six hơưv zuôr txos pêz zuôr sir jos uô têx hâux lưv co chiê chuôz cxaz phênhv sâu trâu tsôngv box”.

          Zos iz xã txov nhêv, muôx chôngz tsôngv box mênhx cxưx tsơưs nênhs li huyện Đức Trọng, taz sik khov jênhv pâuz tsênhz tsưr ziv uô, N’thol Hạ tsi taz hla đhâu cêr yeiz pluôs mak tsênhv sir jos uô bluô nux cxiv tsa luz nênhx tsâu sor shir phaz lov jêv./.

(VOVTN – Txâur Vax cxeik nhênhv)