Jax sâu thưr 7.10.12.2016:

Nênhs Thái li trax Xi xa lo, violon

          Zơưv Vi Dân Thuyền, nhoz jos Khe Ló, xã Môn Sơn, huyện Con Cuông, Nghệ An muôx lok six ntâu têx zav trax thiêz kênhx...Hâur zơưv tsêr, têx trax thiêz kênhx, trax gâux nos...tâu đei pur ntiê cxuô qơư hâur ziv chuôz zis tsêr. Muôx iz zav trax thâuv tưs zơưv cux gra đros trơưr, co zos trax xi xa lo zơưv uô tâu. Thâuv nhiv kruôr muôx 14, 15 shông, zơưv tưz txơưx kox trax xi xa lo, tsi zos lênhx hluôk tuz nênhs Thái tưs cux txơưx kox.

          Xi xa lo zos zav trax muôx iz txux hluô, suôz trax đror lok six jông mnôngs. Thâuv lov jêv lok sik muôx cêr qiv siêz tưs, nênhs Thái cux kox trax xi xa lo. Xi xa lo tâu kox thâuv heik cưr cxiêx, kox đros têx zav trax, kênhx txơưr. Lơưr zơưv Thuyền, đros nênhs Thái nhoz Nghệ An, xi xa lo khênhr tâu zôngv ntâu tiv zix thâuv heik cưr cxiêx lăm.

          Thâuv kox trax xi xa lo, lênhx nênhs kox tsuv zos txir nênhx. Zơưv Cà Chung, nhoz Sơn La heik “viv muôx oz txox zôngv tsênhv, iz zos kox thâuv heik cưr cxiêx, oz zos kox chiê hu tul zuk hluz zuk nhiêv”. Zơưv Cà Chung heik, nênhs Thái nhoz Tây Bắc thiêz nênhs Thái nhoz Nghệ An li trax Xi xa lo muôx iz cxiê kror txơưr li: “ nênhs Thái li trax Xi xa lo tsuôk muôx iz txox hluô, taz sik iz kror qơư nhiêk muôx nhiêk tsưr ziv uô txơưr. Nhoz Nghệ An mak muôx 3 txox, nhoz Sơn La muôx 2 txox xưz. Taz sik suôz trax thâuv kox mak jông iz zav”.

          Trax tâu muôz uô mêx njik nkhâuk, hluô tâu zôngv tư nênhk uô. Nhiv no tsi muôx tư nênhk mak lơưr zôngv hluô vak, lok sik muôz shôngz fuô uô ndâu nyi chox lol par uô. Taz sik suôz trax zuôr tsi jông iz zav. Suôz trax xi xa lo zos zôngv tư nênhk uô thiêx jông mnôngs tiv zix.

          Shôngz zos chuôz zênhx chiê uô trax xi xa lo, muôx ntâu nhoz tox siêz, viv li tsi zôngx ziv chiê têx hluôk tuz hêir nênhs Thái nriêr lol uô trax xi xa lo trâu zuk. Taz sik, chiê uô tâu têx luz trax xi xa lo jông trơưk zuk siêz nhiêv, iz chas têx xeir shôngz jông, tsuv txơưx mnôngs trax thiêx uô tâu trax muôx suôz đror jông mnôngs./.

( VOV4- Txâur Vax cxeik nhênhv)