Dưv anr puôz njưs thêir đêx Nặm La, Sơn La sir zôngv chor pênhr nhiêx tưs thiêz pok uô trơưk luôs hâux lưv tso tơưv?

Hâu nov tỉnh Sơn La têx lul heik, đhâu thâuv Bộ tsưr ziv thiêz yưv pênhr, Bộ Kôngz nuv thiêz huôv tsar tox siêz, Bộ Nhiêx txiêx li ziv chênhv jông siêz, thôngx ziv ntơưv têx ntâuz ntơưr sôr 75/TTg-KTN hnuz xiêz 5/4/2016 thiêz sôr 1857/TTg-KTN hnuz 21/10/2016, Thủ tướng Chính phủ tưz thôngx ziv cxaz nzir côngz trênhx, dưv anr thax tsav yêik txar qơư nhoz zuôr qơư uô tsêr meir tênhv tênhz Sơn La hâur tỉnh Sơn La. Thôngx ziv tsưr ziv tso chei fuô uô têx dưv anr, hâur co muôx Dưv anr puôz njưs thêir đêx nặm La thiêz choz trâu Ủy ban tỉnh Sơn La taz txơưx jênhv seiz car, sir zôngv têx pênhr nhiêx trơưk tsưr ziv thiêz uô tâu trơưk li cui tinhv nhiv no; taz por uô dưv anr tsi đhâu têx pênhr tưz choz trâu tỉnh seiz car trơưk Quyết tinhv số 2009/QĐ-TTg hnuz xiêz 04/11/2013. Zơưv Vũ Ngọc Ninh, Phưv Tsar Ban seiz car dưv anr yêik txar qơư nhoz zuôr qơư uô tsêr meir tênhv tênhz Sơn La heik pâuz: Đhâu thâuv tâu Thủ tướng Chính phủ jông siêz, thôngx ziv tso chei cxaz nzir têx côngz trênhx, dưv anr mak tas nro thax tsav yêik txar qơư nhoz zuôr qơư uô tsêr meir tênhv tênhz Sơn La muôx hur si 2.288 dưv anr mê cxiv tsa côngz trênhx buôk ti phưx vưv txiv ngaz XH thiêz 35 dưv anr mê paz huôv tsar uô nox uô hâuk, gra siêz luz nênhx nox nhoz trâu têx chuôz zis yêik txar qơư nhoz. Hâux lưv tsưr tsix uô têx dưv anr ntơư tâu uô trơưk li Thủ tướng Chính phủ cui tinhv ntơưv grê 2, Quyết tinhv sôr 2009/QĐ-TTg hnuz xiêz 04/11/2013. Zơưv Ninh heik:

“Dưv anr puôz njưs thêir đêx Nặm La zos iz côngz trênhx hâur tsêr meir tênhv tênhz Sơn La li dưv anr têx côngz trênhx. Tỉnh Sơn La tưz fuô uô trơưk Thủ tướng têx ntâuz ntơưr fuô kriê thiêz dưv anr puôz njưs thêir Nặm La trơưk têz qơưk cui tinhv lok seiz car yưv pênhr cxiv uô dưv anr tênhv tênhz Sơn La. Uô trơưk txix tsưr ziv yưv pênhr uô txos trâu têx ntâuz ntơưr tov kaz trơưk têz qơưk cui tinhv thiêz cui tinhv lok dưv anr tênhv tênhz Sơn La”.

Fuô uô lơưr Thủ tướng Chính phủ li tsênhv njiêz ntâuz ntơưr kriê sôr 575 thiêz 1857, đhâu thâuv tưz phênhv ntâu uô tiêr dưv anr yêik txar qơư nhoz zuôr qơư uô tsêr meir tênhv Sơn La, Ủy ban tỉnh Sơn La tưz tso tơưv quyết tinhv sôr 3193/QĐ-UBND hnuz 14/12/2017, hâur co xav tinhv têx pênhr tsênhv sênhv thiêz pênhr yưv uô têx dưv anr tâu Chính phủ cxaz nzir sir zôngv têx pênhr sênhv co đhâu thêv tas trâu uô têx luôs hâux lưv yêik txar qơư nhoz trâu tsôngv box, hâur co tưz xav tinhv, phênhv pênhr yưv uô dưv anr puôz njưs thêir đêx Nặm La, TP Sơn La sir zôngv têx pênhr sênhv zos 1.017 tỷ đeiv. Iz chas ntơư, hâur six hơưv cxiv tsa tsưr ziv, thôngz đhâu thiêz qênhz  njuôk shuôs, tso chei cxiv uô dưv anr puôz njưs thêir đêx Nặm La njuôk xav zuôr uô tas nhos 1.475 tỷ đeiv, hâur co pênhr txix têx pênhr nhiêx sênhv đhâu pâux nzir, thêv tas uô tiêr hẫu xlưv yêik txar qơư nhoz zuôr qơư uô tsêr meir tênhv tênhz Sơn La zos 1.017 tỷ đeiv, pênhr muôz txix tỉnh nhiêx txiêx zos 50 tỷ đeiv, pênhr đêx nar truôx tuk qơư nhoz trâu tsongv box huôv tsar uô nox uô hnar thax tsav yêik txar qơư nhoz zuôr qơư uô tsêr meir tênhv tênhz Sơn La zos 157 tỷ đeiv, têx pênhr txơưr đuô zos 251 tỷ đeiv.

Đhâu 2 shông tsưr tsix fuô uô hâux lưv seiz car, sir zôngv têx pênhr yưv uô têx côngz trênhx, dưv anr tâu yưv pênhr uô txix têx pênhr nhiêx sênhv đhâu uô tiêr luôs hâux lưv yêik txar qơư nhoz zuôr qơư uô tsêr meir tênhv tênhz Sơn La. Hli 5/2018, Đoanx qênhz yuôx nhiêx txiêx têz qơưk tưz uô hâux lưv qênhz yuôx nhiêx txiêx thiêz suô luk sôr 473 /KTNN-TH hnuz 21/9/2018 tso pov: Lok sâuv têx pênhr nhiêx, tsaz yênhx, dưv anr yưx uô mak heik pâuz lok têx pênhr thiêz nhiêx uô dưv anr txos hnuz 30/6/2018 tưz uô tâu trơưk  têz qơưk tsưr ziv, cui tinhv. Dưv anr tâu pheiz uô 2 ntuk uô. Txos nhiv no, têx lênhx nênhs yưv pênhr uô tsênhv zênhx max cxơưz tiês uô sei chiê uô tiêr tâu trơưk tsưr ziv ntu iz lok kaz shông no.

Txơưv tiêk nhiv kruôr uô ntu iz, taz sik luôs hâux lưv puôz njưs thêir đêx Nặm La tsênhv paz uô hlôngr yiêz jux juk TP. Muôx têx khav tinhv, txos iz jiês no, dưv anr puôz njưs thêir đêx Nặm La tưz tâu fuô uô trơưk li Chính phủ luôs hâux lưv zok muôz, tsưr ziv tso tơưv, paz zov chênhr trâu cxiv kho njưs thêir đêx, taz por đêx ntưl tâuk thâuv cheix ntux nas đêx huôv hloz, uô hlôngr yiêz TP Sơn La jông jav./.

                               (Tuyết Lan-Riê Lâux cxeik, nhênhv)

Nghị quyết trung ương 8:

“ Uô lơưr” qir uô cxôngx hâux lưv “ cơưv shâuv”

          Tsôngv box li ziv chênhv têx hnuz đhâu thâuv seiz tòa xưv bluô 2 lênhx nênhs Phan Văn Vĩnh thiêz Nguyễn Thanh Hóa đros 90 lênhx nênhs txơưr hâur txuz tưr nhiêx yênhx tỷ đeiv. Đros thiêz 2 lênhx nênhs no li phamv cxâuv, Hội đồng xét xử xar tiêk, 2 lênhx nênhs no li huôx tôngv phamv cxâuv uô zênhr shar zov chênhr txos nganhx công an, uô tsôngv box tsi jông siêz, txu grês tsôngv box li siêz njênhs đros thiêz chiz coaz por vêv pháp luật. Ntâu ziv chênhr xar tiêk: Hâux lưv krêz tik cêr cxâuv đros 2 lênhx nênhs no tso pov Đảng li sir jos truôx siêz uô hâur côngz xưv tơưv txênhz tir tar thaz huôz, tsi muôx thax tsav txưr, tsi muôx qênhx shênhx tâu tsov cưv, lênhx tưs cux zuôr trâus xưv bluô zos uô cxâuv, txơưv zos uô nov lox, muôx ntâu yênhx tix hâur côngz xưv phax tar nênhs phamv cxâuv zos uô cxâuv cux zuôr trâus xưv bluô. Phưv giáo sư, tiến sỹ Nguyễn Quốc Bảo, kuz trưởng khoa tư tưởng Hồ Chí Minh, Học viện Báo chí thiêz tuyên truyền puz pâuz: cxôngx têx án tòa tưz côngz fur, hâur co muôx cán bộ muôx ntâu yênhx tix hâur côngz xưv phax tar nênhs phamv cxâuv mak Đảng tsuv tror seiz đuô lul Hloz Hôx heik kriê. Hâur tác phẩm “ Hlôngr yiêz tsưr ziv uô hâux lưv”, Hloz Hôx kriê cán bộ, đảng viên tsuv chiv chir cơưv shâuv yênhx nênhs jông, muôx sưz xar jông, uô nênhx jông. Viv li, jax cơưv tsiv gri trâu tas nro đảng viên zos txơưv uô hâu nov tưs, uô luôk hâux lưv tưs cux tsuv tsi so cơưv shâuv yênhx lênhx nênhs jông:

          “ Cán bộ đảng viên li hâux lưv cơưv shâuv sir jos yênhx lênhx nênhs muôx sưz xar, cêr uô nênhx jông zos lok six coaz tsôngv. Viv tsi zos thâuv tưs tsưr tsix cux đros đreiv đros zuk, tsi zos thâuv tưs lênhx tưs cux pov tâu zuk li kror tsi tâu uô tâu. Thâuv pov tâi, chiv chir kho đuô thiêx li zos nênhs jông, thiêx li pâuz thôngz zuk li txơưx jênhv hâux lưv uô, uô li ntơưv pok tâu zos?”

          Chiê Đảng hur si, truôx vênhs, Cui tênhv canr bộ, đảng viên li txơưx jênhv uô ntêx nyuôk, uô ntêx zos Ủy viên Bộ chinhr trị, Ủy viên Ban bí thư, Ủy viên Ban chấp hành Trung ương nhiv kruôr tâu Trung ương tso tơưv tưz cui tênhv tsênhz mênhx: “ Đảng viên tsi so cơưv shâuv, muôz siêz sưz xar cơưx mênhv. Zos lênhx nênhs muôx sưz xar, cêr uô nênhx jông. Gruôs, cxênhx txuôk, tsi thaz huôz, siêz đơưz, siêz jông....” Uô lơưr zos cxuô lênhx nênhs, uô ntêx zos cán bộ muôx txơưx jênhv. Cui tênhv zos chiê cxơưz cxiz chiv chir hlôngr yiêz, kho đuô, canhv pov, phax tar yênhx đồng chí lênhs tov thênhv siêz li uô cxâuv. Trung ương uô uô ntêx mak cxuô lênhx nênhs cux uô lơưr... Zơưv Nguyễn Đức Hà, kuz Vụ trưởng Vụ Cơ sở, Ban tsưr tsix trung ương khav tênhv: xar uô uô ntêx mak yênhx lênhx đangv viên tsuv sir jos cơưv shâuv, muôz siêz sưz xar cơưx mênhv:

          “ Xar zos tul uô uô ntêx lok muôz siêz sưz xar tsuv sir jos cơưv shâuv, hlôngr yiêz sưz xar cơưx mênhv cxôngx ciês hâur têx luôk hâux lưv niêx hnuz. Coaz tsôngv tiv zix zos têx đồng chí lênhs tov thênhv siêz mak zuôr uô hlôngr yiêz jông hâur tas nro Đảng, hâur xã hội chiê cấp kis đuô uô lơưr”.

          Cui tênhv lok txơưx jênhv canr bộ, đangv viên tsuv uô uô ntêx cux pheiz côngz tsênhz mênhx yênhx tsưr tsix, lênhx nênhs muôx lênhx coaz li txơưx jênhv. Hâur co, choz trâu MTTQ Việt Nam, têx đoanx thể chinhr trị- xã hội hâur zuk li qênhx, jênhv vưv tsuv muôx txơưx jênhv seiz car hâux lưv uô Cui tênhv no.

          Cxênhx nênhs tov ntêx heik “ Uô ntêx tsuv cơưv shâuv yênhx lênhx nênhs muôx sưz xar jông, yênhx lênhx nênhs jông thiêx li cxơưx tâu trâu chuôz zis, lênhs tov tâu têz qơưk, tsôngv box”. Zos tsi cơưv shâuv yênhx nênhs jông mak uô tsi tâu tul tsi. Zos tsi cơưv shâuv yênhx nênhs jông txơưv Đảng thiêz tập thể tsov cưv paz max li chas lơưr kaz ciês cux tsi yênhx cán bộ jông, canr bộ txơưx. Thâuv tâu uô nov cux tsuv tsi so cơưv shâuv muôz siêz sưz xar, yênhx tưv; tsi cxoz muôx siêz xar tiêk uô nov lox zos chiê chox lol liv zix trâu zuk. Uô lơưr cux tsuv qir uô cxôngx hâux lưv “ cơưv shâuv”. Hâux lưv tsi so cơưv shâuv muôz siêz sưz xar zuôr paz yênhx cán bộ chiv chir muôz siêz zuk li txơưx jênhv đros Đảng, đros têz qơưk thiêz đros tsôngv box./.

(Lại Hoa- Txâur Vax cxeik nhênhv)