Huyện tox siêz Lào Cai kruôs txos chuôz zis hla đhâu chuôz zis pluôs, tsưr tsix trâu tas nro tsôngv box sđ nox tsiêz

Yuôr tưz tsi muôx iz hnuz, txos tsiêz têz qơưk tưv shông 2021, huyện Bát Xát, tỉnh Lào Cai tưz muôx ntâu hâux lưv uô lov jêv trâu tsôngv px nox tsiêz, tok shông yiêz; hâur co, moz siêz txos chor nênhs muôx luz nênhx txov nhêv hâur XH. No zos tsiêz xuz thơưx Bát Xát quyết tinhv kruôs chor chuôz zis uô ntêx nyuôs sir jos hla đhâu chuôz zis pluôs hâur shông. Muôx 230 ntâu chuôz zis hmôngr jông tâu lênhk txeik phênhv huv kruôs txos co, iz chuôz zis 300 cxênhz đeiv.

Iz chas ntơư, Bát Xát zos huyện xuz thơưx hâur tỉnh Lào Cai tsưr tsix tsiêz trâu tas nro tsôngv box sđ. Hâux lưv uô no tâu uô đreiv txix shông 2016 tax txos nhiv no. Shông nor, 17 cxênhz ntâu chuôz zis px hâur tas nro huyện, txơưv muôx thiêz pluôs lok, iz chuôz zis zuôr tâu paz max 100 cxênhz đeiv chiê nox tsiêz, ntâu đuô têx shông thâuv ntêx zos 70 cxênhz đeiv. Tix lâus Vax Kim Sơn, nhoz jok Tân Tiến, xã Trịnh Tường, huyện Bát Xát heik:“Khov huyện paz max, cur jok shông tưs cux nox tsiêz uô cê li no. Iz chuôz zis tso iz lênhx nênhs hlôngr njêx muôs, muk trâu ntơưv tsêr vênhx huôv jok chiê cơưv lok têx hâux lưv jêx jok hâur iz shông đhâu, tso tơưv tsưr ziv, têx hâux lưv uô hâur shông yiêz. Đhâu ntơư sik đros nox hâuk iz pluôk uô cê, muôx hur si nthuôr uô txux chi lov jêv....”.

Bí thư Huyện ủy Bát Xát Nguyễn Trung Triều heik pâuz:“Muôx kênh chuôz zis, 100 cxênhz lơưr zênhx muôx hur si, taz sik hâux lưv uô no zos heik lol cấp ủy, hâu nov ntơưv qơư têx cêr moz siêz, paz max txos tas tsôngv lax px sđ, txơưv tsi ntâu taz sik co zos cêr siz hluz siz paz, sik thôngx siêz. Pêz xar muôz six hơưv trâu tsôngv px siz chuôs njiz, sik đros nox iz luz tsiêz 30 shir phaz, lov jêv, cux iz zav iz hnuz hội niêv côngv siêz. Đhâu iz ntuk, têx hâux lưv uô co cux pov tsôngv px sđ muôx cêr thôngx siêz, siz hluz siz paz, sik cơưv shâuv têx tsưr ziv huôv tsar uô nox”.

Bát Xát cux paz max nhiêx nox tsiêz trâu zuôr xar 1.700 chuôz zis zuôr xar pluôs, iz chuôz zis 200 cxênhz đeiv; 300 ntâu lênhx nhuôs zâu tsi muôx niêv tsi muôx txir, luz nênhx txov nhêv hâur huyện cux tâu paz max hâur jiês no, iz lênhx 300 cxênhz đeiv. Zos huyện tox siêz, ntus đriv, Bát Xát cux tưz buôk ti muk shuôs, muôz huv puz trâu yênhx puô taz viv, lênhx nênhs li: Zênhx pênhz phax, Công an, bôv đôiv, têx qơư seiz jor cêr phax tar moz Covid-19, taz viv jor tsiêz, iz cxiê jok tox siêz uô “Hnuz hội lov jêv”. Lar heik, têx pênhr nhiêx paz trâu tas nro chor nênhs, tsưr tsix, taz viv heik sâuv puôr lênhx muôz txix huyện li nhiêx txiêx thiêz têx pênhr hu zâuv sđ siz chos gôngr paz txơưr đuô.Yuôr têx chuôz zis pluôs, nênhs muôx côngz têz qơưk thiêz nênhs muôx côngz trâu têz qơưk têx nênhs cxênhz jê, chor tâu têz qơưk paz max thiêz iz cxiê taz viv jor tsiêz txix ntâu shông lok no, thâuv tưs tưz tâu tỉnh moz siêz txos. tas nro tỉnh Lào Cai li nhiêx txiêx thiêz têx chuôz zênhx, huv uz no tsês txoz cxơưx, muk shuôs chor nênhs heik sâuv hâur six hơưv tsiêz têz qơưk shông no tas nhos 8 tyv đeiv. Trơưk li pos Dung Xênhv Zax, Phưv Chủ tịch Ủy ban tỉnh Lào Cai, iz chas têx huv tsiêz txix tỉnh nhiêx txiêx, thôngz đhâu têx ban ngênhx, đoanx thêv nhoz hâur tỉnh, Lào Cai cux sir jos vênhv tôngv sđ, XH sik đros paz, fuô uô tsaz yênhx Tsiêz viv nênhs pluôs, tsiêz jông siêz, Hnuz hội nduôr nzâuv puôz, cheix ntux yiêz sor si nhoz ntus đriv....chiê cxuô lênhx cxuô tus, cxuô ziv chuôz zis puôr lênhx tâu nox iz luz tsiêz 30 shir phaz lov jêv. Lar heik, têx cêr lov jêv uô phưx vưv tsiêz têz qơưk shông no tâu Lào Cai fuô uô lok six nzor. Pos Dung heik:“Têx tsaz yênhx tok shông yiêz cux iz zav li têx ntênhs hội đhâu tsiêz têz qơưk nhoz TP Lào Cai thiêz chor huyện, thị xã zos cxuô thax tsav qơư, taz viv bax uô trơưk tsưr ziv tỉnh tưz chox kriê. Tỉnh cux  heik, cê uô si lov jêv shông yiêz, cê taz por uô jông trơưk tsưr ziv phax tar moz Covid-19; hâur six hơưv fuô uô têx hâux lưv heik sâuv, iz thax tsav nhiêk zuôr nhiêk muôx têx tsưr ziv fuô kriê fiv đros trâu tsênhv tsênhz”./.

(An Kiên-Riê Lâux cxeik, nhênhv)

Ciêz Câuk Max hâur têx hnuz kaz shông

Thâuv têis cik sơưr nzor nhiv kruôr pov cêr, ntơưv oz txox hâu cêr tưz pov muôx chôngz lênhx ntâu tus thâux cxuô zav chox tuôx muk trâu hâur ciêz Câuk Max chiê muôs. Muôx iz cxiê lênhx tuôx car ciêz cux tsik muôs zav tưs thiêz cux tsik zuôr zav huv tưs hlo, tsuôk zos tuôx ndis ciêz uô si. Pêz chor sâu xor xưv nhoz Đêix VN đros tus muôs Nzơưv x Lâux nhoz xã Têz Phôngz, huyện Tuần Giáo, tỉnh Điện Biên hêik li đrav kaz:

Tus cưr Thênhz x Vưx nhoz xã Lôngx Hêx, huyện Thuận Châu-Sơn La tuôx car ciêz đros pêz chor sâu xor xưv thav li no.

          Ciêz Câuk Max kriz trâu hnuz thưr 5 yênhx ciêz. Iz chas tsôngv px tuôx muôs cxuô zav hax huv tưx uô tâu li: Đuôr tưk, tsôngk tiêz, trik yo cxuô zav. Hur si têx qơư muôs hax huv hâur ciêz, cux muôx tsôngv px iz cxiê huyện, nhoz puôz ntus đriv tỉnh Điện Biên, Lai Châu chox thâux cxuô zav hax huv li tsôngv tiêz, trik yo, ntâuz, xâur, triêv txuôk….puôr lênhx chox tuôx muôs trâu ciêz câuk Max. Tus muôv Zênhz x Zax xã Rào Sang, huyện Phong Thổ, tỉnh Lai Châu tuôx muôs hax huv trâu ciêz Câuk Max shir phaz lul hêik kriê trâu pêz chor sâu xor xưv li no:

Tix lâus yênhx x Vax Co Nghệ B-xã Câuk Max, huyện thuận Châu tuôx muôs huv trâu ntơưv ciêz câuk Max cux shir phaz luk đros pêz chor sâu xor xưv thav pâuz li no:

Hâur têx hnuz tuôx car ciêz, muôx chôngz lênhx ntâu tus tuz nxêik hluôk cux gra zuk li têx xor tôngx, kriz tso cưr cxiêx uô lov jêv lul thiêz chor lâuk uô niêv uô txir tuôx car ciêz hâur têx hnuz kriz ciêz, cux chênhr zos tuôx siz njiz têx cưr tix nênhx tsa cxênhz jê, sik thav cơưv shâuv lok tsưr ziv huôv tsar cêr uô nox, cov ziv hnuz ziv muôx luz nênhx truôx tuk tsâu sor trau shông yiêz. Trơưk li tix lâus Phôngv Xaz x Vax, phưv chủ tịch uỷ Ban xã Câuk Max, huyện Thuận Châu, tỉnh Sơn La cux hêik pâuz tiêk: Txix ciês thâuv muôx luz ciêz txos trâu nhiv no, hur si tsôngv px têx hax huv cxuô zav khưr tâu, puôr lênhx thâux chox tuôx muôs trâu ntơưv ciêz no tâu zôngx ziv, muôx phênhv sâu tâu nhiêx txiêx chox muk sir zôngv hâur chuôz zis. Tix lâus Phôngv Xaz x Vax, phưv chủ tịch uỷ Ban xã Câuk Max, huyện Thuận Châu, tỉnh Sơn La shir phaz lul hêik trâu pêz chor sâu xor li đrav kaz:

Ciêz tox siêz Câuk Max kriz trâu hnuz thưr 5, txix thâuv têis cik sơưr nzor txos trâu tar su mav li njêis hax huv, tsôngv px tuôx car ciêz cux li chor muôs hax huv ho tror sik tênhv đuô trâu hnuz thưr 5 ciêz zuôr txos./.

                                                         Tsu Vưx, cxêik nhênhv thiêz cxiv sâu

PHÊNHV ĐAS JOS

Bộ Y tế heik sđ uô lơưr 5 kror hâur phax tar moz Covid-19

Chiê bax phax tar moz Covid-19 huôv xênhz txơưr txar phiv liv, Bộ Y tế vav thiêz xar, muôx luk hu lơưk cxuô lênhx px VN  sik đros uô lơưr jông 5 kror li đrav kaz: Chox ntâuz bos kror ndâux-muôz xaz phôngx lok sik đêx cuô yuôx nzuôr têk tsi so-Tsi nhoz siz jê -Tsi siz zâuv muk nhoz uô cê chôngz nênhs-Heik pâuz lok đas jos” chiê truôx tuk trâu zuk thiêz sđ trơưk li đrav kaz:

1. Ntâuz bos kror ndâux: Tsi so chox ntâuz bos kror ndâux ntơưv têx qơư côngz côngv, qơư muôx chôngz lênhx nênhs; chox ntâuz bos kror ndâux y tế ntơưv têx qơư y tế, qơư kuôk cêv chor nênhs tâu xav zos trâul moz thiêz zôngx ziv trâul cik tâu moz.

2.Phax tar moz txix: Tsi so muôz xaz phôngx lok sik đêx cuô yuôx nzuôr têk. Vêv xênhz têx qơư, chuôz zênhx tsi so tuôr trâul, cor txos li: Ntus kror trôngx, xor tôngx, meir tính, trôngx tos jâuv.... Qêz suô, vêv xênhz hur si têx vax tsêr, qơư nhoz cov lax nziêk, hur si.

3. Nhiêk nhoz nhiêk kuôk đêz, tsi nhoz siz jê đros luôs lưv tus txơưr đuô.

4. Tsi siz zâuv muk nhoz uô cê chôngz lênhx nênhs.

5. Heik pâuz lok đas jos: Uô lơưr têx heik kriê lok đas jos trâu canr bôv qơư y tế, sâuv App NCOVI; đhok uô lơưr BlueZone trơưk li heik kriê https://www.bluezone.gov.vn chiê tâu heik thiêz paz max, heik pâuz lok têx zôngx ziv trâul cik tâu moz Covid-19.

Thâuv pov muôx têx li: Uô cuz uô no, hnôngk, uô tsi yuô tâuk pa mak hu ciês trâu Bộ Y tế lơưr sôr xor tôngx 1900.9095 lok sik qơư y tế jê yax chiê tâu heik kriê, paz max muk seiz njuôk shuôs moz cov taz por truôx tuk.

(Bộ Y tế-Lik Thox cxeik, nhênhv)