Chiê ntus đriv tsâu sor đuô

Zênhx Pênhz phax Phiêng Pằn nhoz sâuv thax tsav xar Phiêng Pằn, zos huyện Mai Sơn, tỉnh Sơn La zos huyện Mai Sơn luz xar txov nhêv tiv zix. Taz viv tâu choz zok sêiz car, por vêv zuôr xar 7 cêik cêr ntus đriv thiêz 4 tuk ndêx chiv ntus đriv têz qơưk. Pêx xênhv nhoz no phênhv ntâu zos tsôngv box cxuô mênhx cxưx Hmôngz, Xinh Mun, Cho, Thái, Mường. Chiê paz trâu pêx xênhv truôx tuk luz nênhx, cán bộ, Chiến sĩ zênhx pênhz phax Phiêng Pằn tưz kriz uô tâu luôs hâux lưv paz trâu pêx xênhv têx tsưr ziv huôv tsar uô nox.

Shông 2018, uô loưr tỉnh Sơn La li tsur ziv lok hlôngr đuô tsoz chos sâu tsik tâu ntâu sâuv ar tox nxaz chiê chos ntông nox txir, taz viv tưz choz trâu cán bộ, chiế sỹ kriz uô siv tsur ziv chos txir lưk kâuz hmaz sâuv thax tsav 1 hec ta. Đhâu iz ntu tsoz txir lưk kâuz hmoz hloz lox jông, taz viv tror chos nzir dê muôx 3 hec ta ntâu. Thượng úy Bùi Xuân Trang, Zênhx Pênhz phax Phiêng Pằn puz pâuz: “Zuk tưz muôx qoư chiê choz zok kỹ thuật trâu yênhx ziv chuôz zis, yênhx lênhx nênhs nhoz têx jêx jok hâur xar. Chor chuôz zis tưs xar chos mak zuk zuôr paz sik txuôk đros công ty Nafood chiê paz lok zuz nôngz, kinh têr thiêz kỹ thuật ciê choz zok trâu pox nhuôs hâur ntu zuôr txos”.

Pov tâu Zênhx Pênhz phax Phiên Pằn li hâux lưv chos txir lưk kâuz hmaz huôv tsar jông đuô pir li chos poz cưk, chos caz tsiz, ntâu ziv chuôz zis hâur thax tsav tưz tuôx cơưv shâuv chiê uô loưr tsưr ziv no. Niêv tix Vì Thị Hoa nhoz jok Phiêng Khàng, xar Phiêng Pằn hêik pâuz, thâuv ntêx no pox nhuôs hâur jok tsuôk pâuz chos poz cưk, taz sik sâu tâu kik, tsik txâuk sir zôngv trâu luz nênhx. Txix thâuv Zênhx Pênhz phax Phiêng Pằn kriz uô chos txir lưk kâuz hmaz sâuv ar tox nxaz, cur chuôz zis tưz uô troưk. Txos nhiv no, thâuv pov tsoz chos no huv đros đêx ar ntơưv jok thiêz muôx tâu chêx cur kinh tế siêz, đuô thiêz niêv tix tsênhv tâu cxaz chuôz thiêz tsoz phuz trâu luz vax txir lưk kâuz hmaz no, viv li niêv tix chuôz zis tưz sir jos chiê chos zav tsoz chos no hlôngr trâu poz cưk: “Cur chuôz zis muôx 2 ha ar têz, iz ha mak chiê chos caz tsiz, iz ha mak hlôngr chiê chos txir lưk kâuz hmaz. Nhiv no chuôz zis tsênhv zuôr luôx têz, khơuz kror chiê chos”.

Đros chos siv txir lưk kâuz hmaz, Zênhx Pênhz phax Phiềng Pằn tsênhv sik côngv đros chính quyền tiv phaz, têx doanh nghiệp yax kriê, kruôz kriê trâu pêx xênhv tsưr ziv chos, sêiz shuôk. Thôngx  cxix zok nriêr quuw sâu zuôr trâu pêx xênhv. Thượng tá Phạm Văn Toan, Zênhx Trưởng Zênhx Pênhz phax phax Phiêng Pằn puz pâuz: “Pêz cux tsik so muk thax tsav chiê yax kriê trâu pox nhuôs, hêik pox nhuôs hlôngr đuô tsoz chos tsoz; đuô li pêz kriz uô têx tsưr ziv chiê pox nhuôs njiê pov tâu txix co lơưr cơưv shâuv thiêz uô trơưk”.

Txix têx hâux lưv uô tsênhv tsênhz, muôx tsiv gri, huv đros qênhx shênhx tsênhv tsênhz ntơưv tiv phaz, zênhx pênhz phax Phiêng Pằn tsik so tsov cưv txos têx hâux lưv paz trâu pêx xênhv huôv tsar kinh têr, cxuôv yêiz thiv pluôs đros thiêz yax kriê, hêik pox nhuôs cxaz chuôz por vêv ngaz tuk ntus đriv. Zơưv Lù A Dủa, Chủ tịch Ủy ban xar Phiêng Pằn, huyện Mai Sơn hêik: “Hâur têx shông đhâu mak zênhx pênhz phax Phiêng Pằn cux tsik so sik côngv đros xar Phiêng Pằn hâur kriz uô têx hâux lưv sir zôngv khoa học kỹ thuật paz trâu pox nhuôs sâuv thax tsav huôv tsar uô nox lok six jông, paz thơư kinh têr, vênhx huôv, xar hôivsâuv thax tsav huôv tsar”.

Đhâu têx tsưr ziv uô nox huv đros, cán bộ, chiến sỹ zênhx pênhz phax Phiêng Pằn tưz paz trâu ntus đriv tsâu sor đuô, paz trâu pox nhuôs huôv tsar kinh têr, cxiv tsa luz nênhx, cxiv tsa sik côngv siêz nhoz têx taz viv đros pêx xênhv sâuv thax tsav./.

(Trấn Long-Lik Thox cxêik nhênhv)

Kriê khơưk sâu por tsês têx hưx, hnaz yuôx tsuôs tuô đrox, tuô caz hmoz đhâu zông tas hâur thax tsav tỉnh Sơn La shông 2020

(Hlôngr suôz): Hâur 2 shông đhâu, luôs hâux lưv yax mông, kriê khơưk sâu por tsês têx hưx, hnaz yuôx tsuôs tuô đrox, caz hmoz đhâu zôngv tas hâur thax tsav tỉnh Sơn La tưz tâu uô tsi so, đêz đar txix ntâu faz tsưr ziv sâuv têx qơư yax xa mông li: Đeix, ti vi, ntơưr pov tsir, tsưr tsix cơưv cxaz nzir cxuô faz  tsưr ziv sir zôngv yuôx tsuôs tuô đrox thôngz đhâu têx đoanx thêv ntơưv qơư li têx jiês xênhz huôx. Iz chas ntơư, hâur thax tsav TP Sơn La thiêz huyện Mộc Châu tưz uô ntâu tsưr ziv sir zôngv têx yuôx tsuôs tuô đrox, caz hmoz trơưk tsưr ziv kriê, khơưk sâu têx hnaz, hưx yuôx ntơưv têx liêx têz por tsês trâu iz kro qơư. Đros ntơư, cux kriz tâu 230 lớp cơưv shâuv, yax kriê, gra siêz tsưr ziv jênhv pâuz trâu tsôngv px lok sâuv car seiz, khơưk sâu por tsês têx hnaz, hưx yuôx đhâu zôngv tas trâu 8 cxênhz lênhx nênhs tuôx đros cơưv. Tưz uô siv hâux lưv car seiz, sir zôngv têx hnaz, hưx yuôx tsuôs tuô đrox, caz hmoz trơưk li jêx jok cui tinhv ntơưv têx jok muôx qơư trâu têx hnaz, hưx yuôx ntơư chiê yax kriê, heik tsôngv px uô jông trơưk li heik kriê lol sir zôngv têx yuôx sâuv ntơưv thax tsav qơư, lar heik zos ntơưv têx thax tsav jê hâur đêx  thiêz uô trơưk đreiv cui tinhv lok khơưk sâu têx hnaz, hưx yuôx đhâu zôngv tas. Đhâu  ntơư: Ntơưv 5 luz jok uô siv, têx cui tinhv tưz tâu phênhv ntâu tsôngv px uô trơưk, muôz cêr cor cav trâu px khơưk sâu por tsês têx hnaz, hưx yuôx tsuôs tuô đrox, caz hmoz đhâu zôngv tas por tsês trâu iz kro, lar heik zos ntơưv thax tsav chos têx kôngz trơưk li VietGap, xiv huv ngaz tuk tưz tâu uô lơưr lok six jông. Iz chas ntơư tưz muôx 20 luz jok nhoz têx xã uô tâu hâux lưv cxiv tsa jêx jok yiêz cux tưz uô lơưr seiz car, sir zôngv thiêz khơưk sâu por tsês têx hnaz, hưx yuôx tsuôs tuô đrox, caz hmoz trơưk li jêx jok cui tinhv thiêz tsi sir zôngv têx yuôx tsuôs tuô đrox jê  thax tsav hâur đêx.

Nhạc cắt

Khơưk sâu por tsês têx hnaz, hưx yuôx tsuôs đrox, tuô caz hmoz đhâu sir zôngv tas

Uô lơưr luôs hâux lưv seiz car, khơưk sâu, hlơưr por tsês têx hnaz, hưx yuôx tsuôs tuô đrox, tsuôs tuô caz hmoz đhâu zôngv tas hâur thax tsav tỉnh, Sở kôngz nuv thiêz huôv tsar tox siêz kriê khơưk sâu por tsês têx hnaz, hưx yuôx tsuôs tuô đrox, caz hmoz đhâu zôngv tas li đrav kaz:

(Hlôngr suôz): Đros thiêz Ban seiz car têx jêx jok:

-Phênhz têx qơư trâu, qơư ntiv têx hnaz, hưx yuôx tsuôs tuô đrox, caz hmoz nhoz jê têx thax tsav, suôv qơư uô liêx têz khênhr zôngv ntâu txos têx yuôx heik sâuv:

Qơư trâu: Cxiv puôz xuôz jêz, xi măng uô têx luz khênhx lok zos xưv phaz xưv mênhv txâuk trâu txix 0,5 txos iz yiv đruôz, muôx hâu vor, thêir tâu nas, chuô, tsi cxênhv têx yuôx trâu saz đrâuv, tsi trâul chuô thiêz đêx têx uô kror qơư co txơưr txar......

          Thôngz trâu (têx qơư cxiv puôz uô tsi tâuk qơư trâu, ntiv têx vuôz tsuôz, kiêk nênhs li heik sâuv): Mak zôngv thôngz zak zưr, têx zak zưr tơưr ntơư ntiv tâuk nhos 200 lir tror zar sâuv lok trâu, muôx hâu vor, thêir tâu nas chuô, tsi trâul zêis, tsi cxênhv têx kiêk nênhs trâu saz đrâuv; thâuv muôz luz thôngz tso trâu mak tsuv muôz kaz thôngz phâuk ar toz  nhos 1/4, chuô thiêz đêx thiêx tsi uô thôngz txar.

Qơư tso thôngz: Cxiv puôz, uô tso jê têx ntus cêr, thax tsav uô liêx têz khênhr zôngv ntâu txos têx yuôx tsuôs tuô đrox, caz hmoz; tsi trâul đêx ngaz, nhoz jê qơư tor yuôx uô ntêx thâuv zuôr muk tsuôs por hưv têx kôngz chiê zôngx ziv trâu khơưk sâu têx hnaz, hưx yuôx ntơư đhâu zôngv tas; tsi uô hiêv txos têx hâur đêx xênhz huôx, thax tsav tsôngv box nhoz, cêr mul lok....

Thâuv têx hnaz, hưx yuôx hâur thôngz, qơư trâu ntơư tưz pur, mak muôz krưr, ntiv jông trâu hâur têx hnaz muôx 2 cxênhx, cxênhx saz hâur zos hnaz tax, saz đrâuv zos hnaz ntiv. Têx hưx yuôx, hnaz yuôx đhâu zôngv tas co thâuv krưr, ntiv tâu tsuv ntov jông, tsi ntuôs, tsi to, tsi cxênhv uô vuôz tsuôz kiêk nênhs, tâu thâux xa lok tso trâu xã li têx qơư trâu chor hnaz, hưx yuôx co./.

(Bích Thủy-Riê lâux cxeik, nhênhv)