Jax thưr 2, hnuz xiêz 10/4/2017:

Sơn La: Đê njik yuôx zêx, iz luz njik 2 đeiv blôngx, tok Hội yuôx  zêx tox siêz

    Zơưv Đỗ Xuân Hùng nhoz jok Chè Đen 2, thị trấn Nông trường Mộc Châu chuôz zis muôx iz ha ntâu yuôx zêx. Hâur têx shông đhâu, chiê têx yuôx zêx đê tâu nju thiêz ntâu, zơưv chuôz zis thâuv tưs tưz moz siêz txos uô lơưr têx tsưr ziv yiêz, yưv pênhr zuôr meir lêix têx ar cov nxênhr, meir txiêr têx blôngx chiê tsoz phưz yuôx zêx trơưk li Công ty cui tinhv, tsưr ziv kriê. Shông no, zơưv chuôz zis têx yuôx zêx tâu xeir zos iz hâur têx thax tsav qơư chiê tsưr tsix thik đê yuôx zêx, hâur Hội yuôx zêx tox siêz. Chênhr viv li, zơưv tưz tsês ntâu six hơưv, hnuz nhôngs chiê txiêr, yiz têx yuôx zêx cov jông chiê muôx têx njik mok phưx vưv trâu hội thik. Zơưv Đỗ Xuân Hùng heik pâuz:

     "Thâuv tâu công ty lơưr xeir tsov mak pêz cux tu jông têx yuôx zêx, tiv iz zos taz por tsi chiê caz tho nox, tiv 2 zos zuôv qir cov txâuk trâu chiê têx njik yuôx zêx  hlar jông, iz luz njik, 2 đeiv blôngx tâu trơưk tsưr ziv thiêz thâuv ntơư lênhx tiz nênhs siz tưr đê yuôx zêx cux đê tâu nju, chuôz zis cux sâu tâu ntâu yuôx zêx".

     Têx njik yuôx zêx zos kror  xuz thơưx trâu tsiv uô tâu têx xiv huv yuôx zêx kaz thiêz tsư ha. Chênhr viv li, lênhx nênhs uô yuôx zêx zos tsuv taz por đê têx njk muôx txix 2-3 đeiv blôngx mok. Lênhx nênhs txơưx đê yuôx zêx, mak cê đê cê muôz têx njik nyuô, lor cov huv chiê têx yuôx zêx hlar tâuk, iz chas ntơư taz por cov fâuv tov kaz cux muôx njik đê thiêz tâu ntâu trơưk tsưr  ziv, siêz xar. Đros thiêz têx lênhx  công nhân uô hâux lưv hâur công ty yuôx zêx Mộc Châu, đê yuôx zêx zos hâux lưv uô tsi so hâur niêx hnuz, taz sik tâu cxaz chuôz tưr thik đê  yuôx zêx ntơưv Hội yuôx zêx cux zos iz kro lok six jông, viv li lơưr lok six shir phaz, moz siêz cơưv shâuv  nzir têx tsưr ziv đê yuôx zêx txix têk. Viv no zos tsưr ziv đê yuôx zêx muôx liv jông trâu sâu đê thiêz tsiv uô yuôx zêx, buôk ti uô txos têx yuôx zêx, tsơưr lươngv xiv huv đhâu tsiv uô thiêz huôv tsar tsoz yuôx zêx đhâu sâu đê tas. Niêv lâuk Hà Thị Hải, nhoz jok 67 thị trấn Nông trường Mộc Châu heik:

      "Pêz tsênhv bax tsưr ziv phênhz têx hâux lưv uô, cxiê jâuk đê yuôx zêx mak cux tsi uô chas taz  sik txos thâuv zuôr muk tưr thik cux tsuv bax shâuv đê cov jông thiêx đê tâu sei thiêz nju".

      Hội yuôx zêx tox siêz Mộc Châu tsưr tsix chiê piêr kriê têx xiv huv yuôx zêx, tsi tiêk tox siêz Mộc Châu xưz, mak tsênhv zos six hơưv chiê trâu têx xiv huv yuôx zêx hâur tỉnh Sơn La thiêz luôs 2 chas tỉnh đros trâu tsôngv kruô sơưr đơưk, gôngr phênhv paz lênhx nênhs chos yuôx zêx muôx phênhv sâu tâu truôx. No zos jiês tiv 2, huyện Mộc Châu tsưr tsix hội yuôx zêx. Iz chas Sơn La, tsênhv muôx têx tỉnh chos yuôx zêx tâu ntêr shông li: Lai Châu, Yên Bái, Hà Giang, Phú Thọ....li cxaz chuôz đros ntâu hâux lưv uô jông li: Piêr kriê  têx xiv huv yuôx zêx; tsưr tsix siz thik đê yuôx zêx, piêr kriê têx xiv huv vênhx huôv, ju lix, kôngz nuv; piêr kriê têx đuôz shav jông heik lok tox siêz.... Iz chas ntơư, hnuz hội tsênhv zos six hơưv piêr kriê tox siêz Mộc Châu têx xiv huv vênhx huôv, ju lix trâu tsôngv kruô sơưr đơưk pâuz txos./.

(Hồng Việt-Riê Lâux cxeik, nhênhv)

Phênhv thưr 2 hnuz 10/4/2017

Tọa đàm “Cxiv tsa, kho đuô Đảng-têx hâux lưv tsuv uô ciês”

    Chor têiv plor khav tênhv, cxiv tsa thiêz kho đuô Đảng zos Đảng kror tsuv uô thiêz uô tsik so. Đảng li lênhx tov zos kror cuêz tênhv Cách mạng Việt Nam li cxuô zênhx liv. Hâur qênhx shênhx nhiv no, thâuv têz qơưk tsênhv sir jó shlôngr yiêz, huôv tsar kinh tế thị trường thiêz hội nhập ntiêx têz ziv hnuz ziv đêz đar, Đảng xar tuôr truôx tâu pưk txux lênhx tov mak hax zav tsuv tsov cưv txos côngz xưv cxiv tsa thiêz kho đuô Đảng. Taz sik, nhiv no, muôx yưv uô zuôv li: tso ntâu nênhs uô hâux lưv; chiê chôngz nênhs uô cấp phó, siêz xar lok six cxiv, sêiz zos krỏ rmuôx liv trâu tiz nênhs, tiv zix zos têx txuz án nox nhiêx têz qơưk uô tuôr xuôv nhiêx txiêx têz qơưk txos yênhx châuv tiv đêiv…Zơưv Nguyễn Đức Hà, kuz Vụ trưởng Ban tsưr tsix Trung ương hêik tiêk:

    “Têx txuz án, chor txuz nox nhiêx têz qơưk tsik zos tiêk nhiv no thiêz hêik txos, tsik zos tsuôk muôx nghị quyết Trung ương 4 khóa 12 mak piz txix Trung ương 4 khóa 11. Nghị quyết Trung ương 4 khóa 12 hêik mênhx txos cxiv uô thiêz tir thêir, taz sik muôz cxiv uô zos kror hâux lưv muk ntêr thiêz tir thêir zos kror hâux lưv uô sêi đrơưv. Jiês no pêz tsêx tsung hêik mênhx txos kỷ luật Đảng, hêik mênhx txos têz qơưk li cêr chêi”.

    Chiê cxiv tsa Đảng hur muôx jos, Đảng tsuv sik côngv truôx đros pêx xênhv; mnôngs njôngr, pâuz txos pêx xênhv siêz xar, tiv zix zos pêx xênhv têx tsik jông siêz lok tễ xtsik jông, nox nhiêx têz qơưk tuôr xuôv hâur Đảng. Zơưv Đào Duy Quát, Kuz phưv trưởng Ban thường trực Ban Tư tưởng-vênhx huôv Trung ương hêik mênhx: Tsuv sêiz cxiv tsa, kho đuô Đảng xưk li zos tu zus têx trox nyar hâur Đảng. Đảng tsuv sir jos uô đuô cxiv tsa thiêz kho đuô Đảng. Thôngx cxix, uô tsênhz mênhx têx kror phiv liv, tsik jông lok chính trị; shưz xar, luz nênhx, uô đros kiểm điểm phê bình thiêz chiv chir phê bình đros tiz nênhs cán bộ, đảng viên. Zơưv Đào Duy Quát hêik:

     “Đảng zos iz qơư đros muôx 4 triệu ntâu lênhx Đảng viên huôx tôngv ntơưv 5 vạn ntâu tsưr tsix đảng. Viv li tsuv tsik so zoz zux, kruôz kriê trâu đảng viên. Yênhx lênhx cán bộ đảng viên tsuv chiv chir cơưv shâuv, cux xưk li yênhx tsưr tsix Đảng tsuv tsik so tsoz phưz cxiv tsa zuk tsưr tsix tas nro lok chính trị, siêz xar thiêz tsưr tsix. Viv li no tsuv zos kror hâux lưv uô tsik so”./.

(TTT-Ly dịch đọc)