Muk uô lox tôngv saz đrâuv têz qơưk tsik zos chêi nhoz Yên Bái: Luz nênhx tsik tâu muôx tưz trâus tuôs

Tuk txir trâus tuôs tsik tâu ntêr, tuk tuz cux nhiv kruôr trâus tuôs trâu têz qoưs đrâu thiêz. Pos Trần Thị Chinh nhoz xar Tuy Lộc, TP. Yên Bái, tỉnh Yên Bái li cuô muôs xưk li tưz kruôr tas…Pôngz siêz, nhiv no pos tsuôk vav tiêk six hơưv tror tis tâu jông li kuz chiê pos txưr tsik chiê zuk tuk nhuôs tuz nhiês muk uô lox tôngv tsik zos chêi trâu saz đrâuv têz qơưk. Pos Trần Thị Chinh hêik:

“Hêik muk uô hâux lưv mak tiêk đêz hênhr, muk lok cux tas nhiêx ntâu viv li cur muk tax txos tsiêz mav li lok, hok muk lok ntâu jiês mak cux tsik muôx nhiêx. Txix thâuv nưk muk mak cux tsik tâu xa nhiêx lok tsêr hlo. Hnor luôs hêik tiêk nưk tưz trâus tuôs, lok tsik tâu lơưv”.

Cêr pôngz siêz cux nhiv kruôr muôx yưv đros pos Nguyễn Thị Dụng ziv chuôz zis nhoz phường Minh Tân, TP.Yên Bái. Tiv zos muk saz đrâuv têz qơưk tsik trơưk chêi viv li thâuv trâus moz gênhs chơưv pa tsik tâu sêi mak pos tuk nhuôs tuz tưz trâus tuôs.

“Tsâuk ntux hnor nưk hêik tiêk moz hâur siêz, nưk pox niêv thiêx hu chor nênhs đros nhoz uô cê, zos chor nênhs Việt Nam xưz. Lơưr muk txos chox muk tsêr kho moz, muk txos tsêr kho moz chêk tưz tuôs lơưv. Nhiv no cux uô tsik tâu ntơưr hêik tiêk tưz trâus tuôs tiv muk uô lox tôngv tsik zos chêi, tsik pâuz shor tuôs li chak viv li chính quyền tsik muôz ntơưr hêik tiêk tưz tuôs”.

No tsuôk zos 2 lênhx hâur lok six chôngz lênhx trâus tuôs lok sik tsik pov thâuv tơưv muk saz đrâuv têz qơưk tsik zos chêi uô lox tôngv muôx nhoz sâuv thax tsav tỉnh Yên Bái hâur oz shông tror lok no. Phênhv ntâu mak lơưr muk uô lox tôngv saz đrâuv têz qơưk tsik zos chêi trâu saz Trung Quốc, viv li đrâuv uô cxâuv cêr chêi zuk têz qơưk, luôs têz qơưk mak lơưr tsênhv trâus chor nênhs sir zôngv lox tôngv tsik thêv têx nhiêx paz thâuv njiz trâus txiêz nanv. Trung tá Vũ Thị Thanh Hà-Đội trưởng đội paz hêik pâuz muk saz đrâuv têz qơưk thiêz lok hâur têz qơưk, Phongx pox vêv chính trị, Công an tỉnh Yên Bái puz pâuz:

“Iz cxiê pêx xênhv mak jênhv pâuz tsênhv tsơưs, tiv zix zos tsôngv box mênhx cxưx tsơưs nênhs, lơưr pâuz tsik tâu tiêk muk saz đrâuv têz qơưk tsik zos chêi mak zuôr muôx yưv têx phiv liv. Iz kror thiêz zos sâuv thax tsav tỉnh cêir chêx hâux lưv uô trâu chor nênhs txưv hnuz nhôngs uô lox tôngv cux yuôr ntâu kror uô tsik tâu tâu…”.

Hâur shông 2017, chor lưx lươngv txơưx jênhv nhoz Yên Bái tưz pov muôx 220 txuz nhiês muk saz đrâuv têz qơưk tsik zos chêi; chor hli hâur shôngk shông 2018 zos 60 ntâu jiês. Muôx iz kror zôngx ziv pov pâuz tâu co zos: chor nênhs nhiês muk uô lox tôngv saz đrâuv têz qơưk puôr lênhx pâuz tâu txos zuk kror cxâuv, cux pâuz tiêk zuôr njiz ntâu kror phiv liv, tsik jông…taz sik tiv luz nênhx txov nhêv, tsik muôx hâux lưv uô truôx viv lơưr cux lav muk. Thượng tá Nguyễn Thị Kim Ngân-phưv trưởng phongx por vêv chính trị, Công an tỉnh Yên Bái puz pâuz:

“Pêz zuôr hêik pâuz trâu cấp ủy, chính quyền tiv phaz uô jông côngz sưv sêiz car muk lok đhâu saz đrâuv têz qơưk ntơưv tiv phaz. Tiv oz zos sik côngv đros chor cơ quan pov chir yax kriê trâu pêx xênhv, chiê lơưr pâuz tâu têx phiv liv thâuv muk saz đrâuv têz qơưk tsik zos chêi. Txix co chiê lơưr jênhv pâuz tsênhz tsik nhiês muk trâu saz đrâuv têz qơưk tsik zos chêi thiêz zos muôx zoz qơưx mak muk cov huv cêr chêi…”.

Tsik chiê chor nênhs lox tôngv thax tsav tox siêz nhoz ntơưv zuk qơư nhoz hâur luz nênhx txov nhêv, phiv liv zos iz kror tsik zôngx ziv uô. Taz sik zuôr zôngx ziv zos tiêk chor tiv phaz zok nriêr tâu têx tsưr ziv uô nox, huôv tsar kinh tế muôx chêx cur trâu yênhx jêx jok, yênhx ziv chuôz zis. Muôx txâuk nox, txâuk hnar, luz nênhx ziv hnuz ziv jông đuô mak zuôr tsik muôx nênhs tso zuk qơư nhoz tsês hlo./.

                                                                                                                                            (Đinh Tuấn-Lik Thox cxêik nhênhv)

Lênhx nênhs chox sangz cxiv lol Mản Thẩn

          Zax Seo Châu xênhz shông 1986, nhoz têz qơưk pluôs xã Mản Thẩn, huyện Si Ma Cai, tỉnh Lào Cai. Thâuv tâu bo xeir uô Phưv chủ tịch UB xã thiêz tâu pheiz côngz phưv txơưx uô kinh têr kôngz-jôngr nuv. Zax Seo Châu tưz heik trâu cấp uỷ đảng, chinhr quyênx chêx chôngk chox kriê thiêz vênhv tôngv tsôngv box cxơưz tiês huôv tsar kinh têr đros hâux lưv chox nôngz tsoz chos yiêz lol chos li: sangz cxiv, tu zus tsiêx cxu, chos jâuz chiv tsâux....chiê muôz siêz phênhv sâu trâu tsôngv box. Châu tâu ntâus grê zos lênhx nênhs yênhx côngz hâur hâux lưv chox sangz cxiv lol chiê pox nhuôs nôngx mênhx huôv tsar kinh têr. “ Cur tsuv uô tul tsi chiê paz tâu trâu pox nhuôs txu grês cêr yeiz pluôs. Tsoz sangz cxiv tưz tâu pâuz txos cxôngx nzor taz sik tsi tâu tâu tiv phaz chos thiêz huôv tsar chiê chox lol phênhv sâu trâu tsôngv box. Cur tưz cuiz tênhv vênhv tôngv pox nhuôs chos thiêz huôv tsar cxôngx zav yuôx tsiv grê no”, Châu pheiz kênh: Shông 2014 Châu chox sangz cxiv lol chos ntơưv xã Mản Thẩn, no zos tsoz chos njuôs xav chox lol phênhv sâu yênhx tỷ đeiv đhâu 3-4 shông chos.

Nhạc cắt

          Sangz cxiv zos iz zav yuôx tsiv grê, tâu seiz civ li cuz viv lok six lax chos, nênhs chos tsi taz tsuv muôx tsưr ziv mak tsênhv truôx siêz thiêz gruôs cxôngx uô ar txos zuôv qir, zưs đêx. Sangz cxiv mak zôngx ziv muôs tâu grê. Grê chungz fênhx sangz cxiv nhôngs 2 shông tax 350 cxênhz iz cir, pox nhuôs tax phênhv sâu 1 tỷ đeiv ntâu iz hecta. Sangz cxiv cxôngx 5-7 shông ndê mul grê muôs cxôngx 1,5 txos 2,5 tsov đeiv iz cir. Sangz cxiv ziv ntêr shông, ziv tsiv grê thiêz tâu ntâu lênhx nênhs nriêr sâu zuôr. Lơưr co, grê sangz cxiv zav 80 kok iz cir zos 1,9 tsov đeiv iz cir; zav 70 kok iz cir grê 2,1 tsov đeiv iz cir... Tiv zix, blôngx thiêz pax sangz cxiv cux lok six tsiv grê, muôx txux zôngv chuôz cxaz đas jos, kho moz trâu nênhs lâul, têx lênhx nênhs uô hâux lưv hnhar khênhr pư tsi tsâus jos, siz mêx siêz... Hâur co, pax sangz cxiv muôx 2 zav civ tiv zix viv muôx tsơưr lươngv jông. Grê muôs pax sangz cxiv kruôr cxôngx 500 cxênhz txos 900 cxênhz iz cir; pax nhôngs cxôngx 250-300 cxênhz đeiv iz cir. Viv li tsuôk sâu iz chiv pax, pox nhuôs cux tưz sâu tâu 2,3 puôk tsov đeiv. Sangz cxiv zos iz tsoz chos muôx tsiv grê kinh têr siêz tiv zix cxôngx thâuv ntêx txos nhiv no tâu chos ntơưv huyện Si Ma Cai.

          Lơưr Phongx kôngz nuv huyện Si Ma Cai, sangz cxiv zos tsoz chos tsuôk chiêx tâu nhoz tox siêz, qiv hơưv lax khiêv yênhx shông. Sangz cxiv huv đros jêx tưv cxôngx 20-25 tưv, tsi huôv tsar zos chos ntơưv thax tsav yar ntux cuz sor. Zos chox lol chos ntơưv co, 2 txos 3 hnuz sangz cxiv txơưv tuôs. Chênhr viv li, thâuv chos tsuv uô txax their lok sik chos hâur têx nzôngr nzông tsoz chos txơưr pêv har jôngr.

          Tsôngv...yuô! Phênhv nôngx mênhx zuôr tsuv pâuz ciêz no zos tsênhv qơư cxiz kôngz côngv đros Đeix nta suôz VN uô./.

                                      (Txâur Vax cxeik nhênhv)