Bo xeir Côx hôiv: Taz por qênhx cử tri ciês thâuv muôx moz

huôv xênhz

Hội đồng bo xeir têz qơưk thix ziv uô ntêx hnuz tso ntơưr bo xeir, Tuêv tso ntơưr bo xeir seiz car, qênhz yuôx jông bê cử tri thax tsav, xav tênhv tsênhz mênhx têx cử tri zos lênhx nênhs tsênhv trâus cêv kuôk y tế ntơưv têx qơư cêv kuôk chêx chôngk, cêv kuôk y tế hâur tsêr đros têx lênhx nênhs txơưr tsi chiê muk qơư tso ntơưr bo xeir lơưr Chei cui tênhv. Hâux lưv uô no zos uô cov muôx tsưr ziv uô ntêx bax ntơưr bo xeir thiêz gra thôngz ntơưr muk txos cử tri li têx qơư cêv kuôk chêx chôngk, qơư nhoz lok sik qơư jông tiv zix chiê cử tri  tâu tso ntơưr bo xeir. Cxaz chuôz têx đoanx seiz car tso ntơưr bo xeir Teiv plor côx hôiv khóa 15 thiêz Hội đồng cxuô cấp, zơưv Ngô Sách Thực, Phưv chủ tịch UB trung ương MTTQ Việt Nam xar li no: hâur ntu no têx tiv phaz tsưr tsix uô têx jênhv vưv por xeir thâuv moz Covid-19 huôv xênhz, tiv zix zos đros hâux lưv xav tênhv, sâu bê, lo bê têx cử tri ntơưv têx qơư cêv kuôk xã hội, qơư kho moz chêx chôngk taz por têx jông tiv zix trâu cử tri hâur thax tsav tâu tso ntơưr bo xeir: “Pêz pov tsưr ziv thâuv muôx moz huôv xênhz lok sik thâuv muôx têx hâux lưv txơưr muôx yưv tsuv muôx tsưr ziv njuôs xav tsênhz mênhx, chiê têx qơư cêv kuôk tsưr tsix li chas? Thôngz ntơưr, đros iz cxiê tuêv tso ntơưr, iz thax tsav tso ntơưr sâu bê cử tri têx thax tsav mak hâux lưv gra thôngz ntơưr cux tsuv uô li chas cov taz por tir tar moz thiêz uô tsôngv box li vax huôv nhoz têx thax tsav cêv kuôk co”.

          Chủ nhiệm Côx hôiv li UB têz qơưs Hoàng Thanh Tùng khav tênhv: Hội đôngx sêiz car tso ntơưr bo xeir têz qơưk tưz muôx tsưr ziv taz por chiê tsôngv box muk tso ntơưr xeir lok hnuz 23/5 zuôr txos cov taz por. Đros cử tri li vax huôv tso ntơưr bo xeir zos nênhs trâus moz Covid-19, zơưv Hoàng Thanh Tùng puz pâuz: “Hiến pháp thiêz chei tso ntơưr bo xeir cui tênhv, cxuô lênhx tsôngv box muôx vax huôv muk tso ntơưr bo xeir, tsuv tâu sâu bê cử tri zos đrêiv chêi tso tơưv. Viv li cử tri thâuv trâus moz cêv kuôk ntơưv tsêr lok sik chêx chôngk mak têz qơưk cux tsuv taz por lênhx nênhs co tâu sâu cử tri bê. No zos UB cấp xã qơư lênhx nênhs co nhoz uô nênhx lok sik qơư cêv kuôk, tâu vax huôv tso ntơưr bo xêir”.

          Zos moz Covid-19 huôv xênhz tsưr tsix tso ntơưr tsi tâu trơưk li tsưr ziv lok sik đros tiv phaz muôx moz huôv xênhz tsuv cêv kuôk xã hội mak UB sêiz car bo xeir nhoz cấp tỉnh chuv tôngv thix ziv, pov tsênhz mênhx tsưr ziv uô li(qơư tso ntơưr bo xeir, tsưr ziv bo xeir…thiêz têx cônz xưv tsuv uô” chiê Hội đồngx bo xeir têz qơưk seiz shuôk, cuiz tênhv.

          Txos nhiv no, Bộ y tế tưz tso tơưv tsưr ziv heik kriê tsênhz mênhx lok côngz xưv y tế phưx vưv tso ntơưr xeir teiv plor côx hôiv khóa 15 thiêz teiv plor Hội đồng cxuô cấp six cxiv 2021-2026 thiêz Hội đôngx bo xeir têz qơưk cux tưz tso tơưv ntâuz ntơưr lok hâux lưv tsưr tsix phêv ziv njiz cử tri chiê vênhv tôngv tso ntơưr bo xeir huv đros luôs hâux lưv phax tar moz Covid-19./.

(VOV1-Txâur Vax cxeik nhênhv)